Tanp Kirtland nan Konsakre

Santi Lespri Senyè a nan Kay Li a

Apre prèske twa ane travay di, Tanp Kirtland la te resi fini. Pwofèt Jozèf te envite Sen yo nan yon reyinyon espesyal pou konsakre tanp lan. Li te di yon priyè espesyal epi li te bay Senyè a Tanp lan. Li t ap vin tounen kay sakre Senyè a.

Les Saints, 1:235

Moun rasanble nan tanp lan pou konsekrasyon an.

Byen bonè nan maten reyinyon an, plizyè santèn Sen te rasanble nan tanp lan. Lè tout plas yo te ranpli, moun te kanpe nan pòt antre a ak deyò, pou gade nan fenèt yo. Tout moun te kontan anpil pou wè konsekrasyon tanp lan.

Les Saints, 1:235–36

Joseph Smith k ap li priyè konsekrasyon an.

Joseph te li yon priyè pou konsakre tanp lan. Li te di Senyè a ke Sen yo te obeyi Li. Li te mande Senyè a pou L aksepte tanp lan kòm Kay Li.

Doktrin ak Alyans 109:1–5

Joseph te priye pou tout moun ki vin nan tanp lan ka rive santi pouvwa Senyè a epi konnen se Kay Li.

Doktrin ak Alyans 109:13

Kongregasyon an k ap fè louwanj pou Senyè a.

Joseph te priye tou pou lè Sen yo peche, yo te ka repanti tousuit. Li te mande Senyè a pou L ba yo pouvwa pou yo pataje levanjil Li a nan tout mond lan. Apre priyè a, yon koral te chante yon nouvo chante ki rele “L esprit du Dieu Saint.” Pèp la te ranpli ak lajwa. Yo te repanti epi yo te fè louwanj pou Senyè a.

Doktrin ak Alyans 109:21–32; Cantiques, no. 2; Les Saints, 1:237

Yon limyè klere k ap desann sou tanp lan.

Anpil moun te wè zanj nan tanp lan jou sa a. Yo te wè limyè klere k ap desann soti nan syèl la sou tanp lan. Kèk moun te di li te sanble tankou yon nwaj; lòt te di ke li te sanble dife. Yo tout te santi tanp lan sete yon kote ki sen. Vrèman kouneya li te kay Senyè a.

Les Saints, 1:237