இஸ்ரவேல் முகாம்

மிசௌரியின் இன்டிபென்டன்ஸில் வசித்து வந்த பரிசுத்தவான்களுக்கு உதவி தேவைப்பட்டது. தேவன் கேட்டுக்கொண்டது போல சீயோனைக் கட்ட அவர்கள் கடுமையாக உழைத்தார்கள். ஆனால் நகரில் இருந்த மற்றவர்கள் அவர்கள் அங்கு இருப்பதை விரும்பவில்லை. அவர்கள் பரிசுத்தவான்களை தங்கள் வீடுகளை விட்டு வெளியேறச் செய்தனர்.

Saints, 1:195

ஜோசப் ஸ்மித் கர்த்லாந்தில் வசித்து வந்தார். மிசௌரியில் உள்ள பரிசுத்தவான்களுக்கு என்ன நடந்தது என்று அவர் கேள்விப்பட்டு, சோகமாக இருந்தார். என்ன செய்வது என்று தெரிந்து கொள்ள அவர் ஜெபித்தார். மிசௌரிக்கு அவருடன் செல்லும் மக்களைக் கண்டுபிடிக்கும்படி கர்த்தர் ஜோசப்பிடம் கூறினார். பரிசுத்தவான்கள் தங்கள் வீடுகளைத் திரும்பப் பெற அரசாங்கம் உதவும் என்று அவர்கள் நம்பினர்.

கோட்பாடும் உடன்படிக்கைகளும் 103:1–2, 11–20, 30–34; Saints, 1:195–96

அவருடன் சேர சுமார் 100 பேர் முன்வந்தனர். தீர்க்கதரிசி இந்தக் குழுவை இஸ்ரவேல் முகாம் என்று அழைத்தார். மிசௌரியில் உள்ள பரிசுத்தவான்களுக்கு உதவ அவர்கள் உற்சாகமாக இருந்தனர்.

Saints, 1:197–99

பிரிகாம் யங் மற்றும் அவரது நண்பர் ஹீபர் கிம்பல் ஆகியோர் அந்தக் குழுவின் ஒரு பகுதியாக இருந்தனர். வில்போர்ட் உட்ரப் என்ற இளைஞன் நியூயார்க்கிலிருந்து உதவி செய்ய வந்தான்.

Saints, 1:197–98

முகாமில் அதிகமானோர் இணைந்தனர். அவர்கள் ஒரு மாதம் முழுவதும் அணிவகுத்துச் சென்று ஒரு அகலமான நதியைக் கடந்து மிசௌரிக்குள் நுழைந்தனர். அவர்கள் சோர்வாகவும் வேதனையாகவும் இருந்தனர். அந்த நீண்ட பேரணி சிலரை விரக்தியடையச் செய்தது. இன்டிபென்டன்ஸ் நகரை அடைய அவர்கள் இன்னும் நீண்ட தூரம் செல்ல வேண்டியிருந்தது.

Saints, 1:200–201

அவர்கள் நடந்து செல்லும்போது, ​​ஒரு பெண் அவர்களை அழைத்தாள். சில ஆண்கள் அவர்களைக் கொல்ல வருவதாக அவள் சொன்னாள்.

Saints, 1:203

இஸ்ரவேல் முகாம் ஒரு நதிக்கு மேலே உள்ள ஒரு குன்றில் இரவு தங்கியது. அவர்கள் முகாமிட்டபோது, ​​ஐந்து பேர் குதிரைகளில் ஏறி அவர்களை நோக்கி வந்தனர். முகாமைத் தாக்க இன்னும் 300 பேர் வருவதாக அவர்கள் பெருமையாகக் கூறினர். இஸ்ரவேல் முகாமைச் சேர்ந்த பலர் கவலைப்பட்டனர். தேவன் அவர்களுக்கு உதவுவார் என்ற விசுவாசம் வைத்திருக்கும்படி அவர்களிடம் ஜோசப் கூறினார்.

Saints, 1:203

விரைவில் வானம் சாம்பல் நிற மேகங்களால் நிரம்பியது. பலத்த மழை பெய்யத் தொடங்கியது. நதியில் நீர் உயர்ந்து கொண்டே போனது. காற்று மரங்களை சாய்த்தது. வானம் முழுவதும் மின்னல் மின்னியது. ஜோசப்பும் மற்றவர்களும் பாதுகாப்பாக இருக்கக்கூடிய ஒரு சிறிய தேவாலயத்தைக் கண்டுபிடித்தனர். இரவு முழுவதும் அவர்கள் துதிப்பாடல்களைப் பாடினர். “தேவன் இந்தப் புயலில் இருக்கிறார்!” ஜோசப் சொன்னார்.

Saints, 1:203–4

அவர்களைத் தாக்க விரும்பிய மக்களை புயல் தடுத்து நிறுத்தியது. முகாம் பாதுகாப்பாக இருந்தது. ஆனால் அரசாங்கம் பரிசுத்தவான்களுக்கு உதவ மாட்டோம் என்று கூறியது. இஸ்ரவேல் முகாம் வீட்டிற்குச் செல்லலாம் என்று கர்த்தர் ஜோசப்பிடம் கூறினார். பரிசுத்தவான்கள் தேவனுடைய கட்டளைகளைக் கைக்கொண்டு சீயோனைக் கட்ட வேண்டும். அவர் “சீயோனின் யுத்தங்களை நடத்துவேன்” என்று வாக்குறுதி அளித்தார்.

கோட்பாடும் உடன்படிக்கைகளும் 105:1–19; Saints, 1:204–5

இதைக் கேட்டதும் முகாமின் சில உறுப்பினர்கள் வருத்தமடைந்தனர். சீயோனுக்காகப் போராட முடியாமல் போனது அவர்களுக்கு வருத்தமாக இருந்தது. இஸ்ரவேல் முகாம் தோல்வியடைந்துவிட்டதாக சிலர் நினைத்தனர். ஆனால் பிரிகாம் யங், ஹீபர் மற்றும் வில்போர்ட் போன்ற மற்றவர்கள், தீர்க்கதரிசி ஜோசப்புடன் இருந்து அவரிடமிருந்து கற்றுக்கொள்ள வாய்ப்பு கிடைத்ததற்கு நன்றி தெரிவித்தனர்.

Saints, 1:205–6

பின்னர், கர்த்தர் ஜோசப் ஸ்மித்திடம் தனது சபையை வழிநடத்த உதவ பன்னிரண்டு அப்போஸ்தலர்களை அழைக்கச் சொன்னார். உலகம் முழுவதும் இயேசு கிறிஸ்துவின் நாமத்திற்கு அப்போஸ்தலர்கள் சிறப்பு சாட்சிகளாக இருப்பார்கள். பன்னிரண்டு அப்போஸ்தலர்களில் எட்டு பேர் இஸ்ரவேல் முகாமில் அணிவகுத்துச் சென்றனர். ஜோசப்புடன் சேவை செய்வது இந்த முக்கியமான அழைப்புக்கு அவர்களைத் தயார்படுத்த உதவியது.

கோட்பாடும் உடன்படிக்கைகளும் 18:26–27; 107:23; Saints, 1:214–17