መጽሐፈ ሞርሞን—የማይለካ የጉዞአችን ሃብት

ልክ እንደ አልማ እና የሞዛያ ልጆች “የእግዚአብሔርን ቃል ማወቅ እንድንችል እና በእውነታው የተነሳ ጠንካሮች አንድንሆን ፣ በትጋት ቅዱሳት መጻህፍትን ልንመረምር”ይገባል (አልማ 17፥2)።

በጆርጂያ አትላንታ ሚስዮን የሚስዮን መሪዎች ሆነን እያገለገልን ሳለን፣ እያንዳንዱን ሚስዮናዊ በየቀኑ ቢያንስ ለ30 ደቂቃ መጽሐፈ ሞርሞንን እንዲያጠኑ ባለቤቴ እና እኔ አበረታታናቸው። ይህ ቁርጠኝነት እምነታችንን ጨምሯል እናም ተአምራት እንድንሻ እና እንድንጠብቅ ረድቶናል።

ከሚስዮናችን በኋላ በየቀኑ ቅዱሳት መጻህፍትን ለማጥናት ተመሳሳይ ጊዜ ሊኖረን የማይችል ቢሆንም ነገር ግን በየቀኑ መጽሀፈ ሞርሞንን በጸሎት አማካይነት ለማጥናት ቅድሚያ የምትሰጡ ከሆነ በጌታ እና በተስፋ ቃሉ ታላቅ የሆነ መንፈሳዊ ጥንካሬ እና ልበ ሙሉነትን እንደምታገኙ ቃል እገባለሁ።

ኔፊም “የክርስቶስን ቃል ተመገቡ … እነሆ የክርስቶስ ቃል ማድረግ ያለባችሁን ነገሮች በሙሉ ይነግራችኋልና” (2 ኔፊ 32፥3) በማለት አስተምሮናል።

መመገብ ማለት ከማንበብ በላይ ማጣጣም፣ ማሰላሰል እና መተግበር ማለት ነው። መጽሀፈ ሞርሞንን ባጠናችሁ ጊዜ፣ የቅዱሳት መጻህፍት ጥናታችሁን ይበልጥ ትርጉም ያለው የምታደርጉበትን መንገድ አስቡ። ለምሳሌ፦

• በወንጌል ቤተመጻህፍት ውስጥ ያሉትን የጥናት እርዳታዎች ተጠቀሙ።

• የእግዚአብሔርን እቅድ ለመረዳት እና ከሰማይ አባት ጋር ቃል ኪዳን ለመግባት እና ለመጠበቅ የሚመሩንን ዘለዓለማዊ እውነቶች መለየት።

• በጥናታችሁ ወቅት የተማራችሁትን ለመጠበቅ አስፈላጊ ሀረጎችን ማድመቅ እና የተሰማችሁን ስሜት ዘግቡ።

መፅሐፈ ሞርሞን የነፍሳችንን ጥያቄ ለመመለስ ሃይል አለው። ኔፊ “ለእኛ ጥቅምና ትምህርት ይሆኑ ዘንድ ሁሉንም ጥቅሶች ከእኛ ጋር [ማመሳሰል]” ይገባናል (1 ኔፊ 19፥23) ብሎ ተናግሯል።

የክርስቶስን ቃል ስንመገብ ለራእይ በሮችን ይከፍቱልናል እንዲሁም ወደ እርሱ እንቀርቡ ዘንድ በህይወታችን የተለያየ ሁኔታዎች በሚያጋጥሙን ወቅት ምን ማድረግ እንዳለብን ያሳየናል።

ልክ ኔፊ የህይወትን ዛፍ ፍሬ ከቤተሰቡ ጋር ለመካፈል እንደፈለገ ( 1ኛ ኔፊ 8፥12ን ተመልከቱ)፣ እኛም የመጽሀፈ ሞርሞን ምስክርነትን ስናገኝ የኢየሱስ ክርስቶስን ወንጌል በማወቅ የሚመጣውን ሃሴት ለማካፈል ፍላጎትን እናዳብራለን።

ከሚስዮናውያኖቻችን አንዷ የሆነችው፣ ይህንን ስብሰባ አብራን እየታደመች ያለችው እህት ቤንሰን፣ ወንድሟን ለመርዳት የነበራትን ፍላጎት አካፈለችኝ። በዚያ ጊዜ፣ እርሱ ወደ ኮሌጅ ለመሄድ እያጠና ነበር እናም ሚስዮን ስለማገልገል እርግጥኛ አልነበረም። በመጀመሪያዎቹ አራት የሚስዮን ወራቶቿ ወቅት እህት ቤንሰንን መጽሐፈ ሞርሞንን እንድታነብ፣ የምትወዳቸውን ጥቅሶች እንድታሰምርባቸው እና ያንን ግልባጭ ለወንድሟ እንድትልክ ለመጋበዝ ተነሳሳሁ።

እህት ቤንሰን የተሰመረበትን የመጽሀፈ ሞርሞን ቅጂ ላከች እና በየምሽቱ እንዲያነበው ወንድሟን ጋበዘችው። በኋላም እንዲህ በማለት አካፈለችኝ፤ “ሚስዮን ከመሄዴ በፊት ወንድሜ የሙሉ ጊዜ አገልጋይ ስለመሆን እርግጠኛ አልነበረም። ከጊዜ በኋላ ቀስ በቀስ፣ መጽሐፈ ሞርሞንን ሲያነብ፣ በህይወቱ ውስጥ የላቀ ሃሴትን ሊያገኝ ቻለ እናም ሚስዮን ስለማገልገልን ማሰብ ጀመረ።”

እህት ቤንሰን የሙሉ ጊዜ አገልግሎታን ከማጠናቀቋ ሁለት ሳምንታት ቀደም ብሎ፣ ወንድሟ የሚስዮን ጥሪውን ተቀበለ። አሁን በሜክሲኮ ቱሽክላ ጉቴሬዝ ሚሲዮን በማገልገል ላይ ይገኛል። ሽማግሌ[ኤልደር] ቤንሰን በመጽሐፈ ሞርሞን አማካይነት፣ ጌታን እንዲያገለግል ወዳደረገው ውሳኔ ወዳመራው እና ነገሮች እንዲከናወኑ ወዳደረገው የህይወቱን መንፈሳዊ ገጽታ በግልፅ አየ። ያም ውሳኔበክርስቶስ ቃላት ሃይል አማካኝነት ተጽእኖ የተደረገበት— ተዓምር ነበር።

ውድ ወንድሞቼ እና እህቶቼ፣ እያንዳንዳችሁ የመፅሐፈ ሞርሞን ጥናታችሁን ጥልቅ እንድታደርጉ አበረታታችኋለሁ። በመጽሐፈ ሞርሞን ላይ ያሉ ቃላትን በተመገብናቸው ጊዜ፣ መንፈስ ዘለዓለማዊ እውነቶችን እንድንረዳ እና ጌታ እውነቱን እንዲሰሙ ላዘጋጃቸው ምስክርነታችንን እንድናካፍል እንደሚረዳን አውቃለሁ። ጌታ እንዳለው፣ “ምርጦቼ ድምጼን ይሰማሉ ልባቸውንም አያደነድኑም” (ትምህርት እና ቃል ኪዳኖች 29፥7)። እግዚአብሔርን በእምነት የሚጠይቁ በመንፈስ ቅዱስ ኃይል አማካኝነት የመጽሀፈ ሞርሞንን እውነተኛነት እንዲሁም የመለኮታዊነቱን ምስክር እንደሚያገኙ እመሰክራለሁ። ስለዚህ የምመሰክረው በኢየሱስ ክርስቶስ ስም ነው፣ አሜን።