በመሰዊያ መንበርከኪያ ላይ ያሉ ትሁት ነብሳት

የ15 አመት ወጣት ሆኜ፣ —በጥር ውስጥ ለአንድ እሁድ ብቻ ልዩ ለሆነ የአሜሪካ የእግር ኳስ ጨዋታ የቅዱስ ቁርባን ስብሰባን አለመካፈል እችል እንደሆነ አባቴን እንደጠየኩት አስታውሳለሁ። ይህን ምርጫ ለራሴ ለማድረግ ዕድሜዬ እንደደረሰ ተናገረ እና በአንድ ምክር ላይ እንዳስብበት ጠየቀኝ። እርሱም እንዲህ አለ፣ “ቅዱስ ቁርባንን አንድ ጊዜ ላለመካፈል ከመረጥክ፣ እንደገና ላለመካፈል መምረጥ ቀላል ነው።”

አዳኙ ታላቅ አገናኝ ከሆነ፣ ተቃዋሚው ደግሞ አለያይ ነው። ሰይጣን ከተቀደሰው የአምልኮ ቦታችን እና ከኢየሱስ ክርስቶስ ጥበቃ እራሳችንን እንድንለይ ይፈትነናል። አዳኙን ስናመልክ፣ “የተፈጥሮ ዓለማዊ ፍሰትን እንድንቃወመው የሚያስችል ኃይልን”እናገኛለን። ከእርሱ ጋር ኅብረት ስናደርግ፣ “ከሰይጣን እንደሚያስጥለን”ቃል ተገብቶልናል። “ከዚያም በኋላ፣ ቃል ኪዳኖቻችንን ስንጠብቅ፣ በእርሱ ፈዋሽ፣ አጠንካሪ ኃይል ይባርከናል።” ኦ፣ በተቀደሱት መሠዊያዎች ላይ በቃል ኪዳኖች አማካኝነት ከአዳኙ ጋር የምናደርገውን የአንድነት ልምድ ምንኛ አከብራለሁ።

በትእዛዝ ላይ ትእዛዝ እንዲሁም በሥርዓት ላይ ሥርዓትን በመፈጸም የአዳኝን ዘላለማዊ የኃጢያት ክፍያ መረዳትን መገንባት በጠላት ሽንገላ ላይ መንፈሳዊ መከላከያን ይሰጣል። ወጣት ሽማግሌ ጃጊ በሜክሲኮ ዙስተር ጃጊ በቤልጂየም እና በዓለም ዙሪያ ያሉ ሌሎች ሚስዮናውያን ጓደኞቻቸው በተገናኙ በመጀመሪያ ሳምንት ውስጥ የቅዱስ ቁርባን ስብሰባ ላይ ከተገኙ ጓደኞቻቸው የጥምቀትን በረከት ሲቀበሉ እና የመንፈስ ቅዱስን ስጦታ ሲቀበሉ የማየት እድላቸው ሰፊ ነው።

በቶንጋ ወይም በሳሞአ ውስጥ ያሉ ወጣት ጎልማሶች ከትምህርት ቤት ከተመረቁ ብዙም ሳይቆይ ቡራኬያቸውን ለመቀበል ከተዘጋጁ እና ቡራኬያቸውን ከተቀበሉ በጌታ ቤት ውስጥ የመታተም ዕድላቸው ከፍተኛ ነው። ቡራኬ በሚቀበሉበት ጊዜ፣ አባላት ኃይልን እና ጥበቃን የሚያመጡ አምስት ህጎችን እንዲኖሩ፣ እንዲታዘዙ እና እንዲጠብቁ ተጋብዘዋል። ከጌታ ጋር ቃል ኪዳኖችን ስንገባ፣ በምላሹ ዝምድና ይፈጠራል። ታማኝነታችንን እና ፍቅራችንን ለእርሱ እናሳያለን። የእኛ ጥንካሬ እና ሃይል በተገባው እና በሚጠበቀው በእያንዳንዱ ቃልኪዳን ይጨምራል።

በትህትና እና በምሳሌያዊ መንገድ በጌታ መሠዊያዎች ላይ ስንንበረከክ፣ “የልባች[ንን] መመካት፣… [ራሳችንን በማዋረድ] በእግዚአብሔር ፊት” ስላለፈው ተግባራችን ወይም ስለ አንደበታችን እንድናሰላስል እድል ይሰጣል።” በወጣትነቴ፣ ከጓደኞቼ ጋር ከመውጣቴ በፊት እናቴ ብዙ ጊዜ “ማን እንደሆንክ አስታውስ፣ እንዲሁም እባክህ ቤት ስትመለስ አናግረኝ” ትለኝ ነበር። አንዳንድ ምሽት፣ ቤት በጣም ዘግይቼ በመድረሴ ምክንያት መግባቴን ማሳወቅ እረሳ ነበር። እናቴን የመጎብኘት እነዚያን አስፈላጊ እድሎች ማጣቴ ይቆጨኛል።

ዛሬ፣ ከሰማይ አባት ጋር የምገናኝበትን ጊዜ በተስፋ እጠባበቃለሁ። በዕለት ተዕለት የግል አምልኮዬ በአልጋዬ አጠገብ ወይም ከቤተሰብ ጋር ተሰብስበን በጸሎት እንበረከካለሁ፣ ከዚያም በመሠዊያው ላይ ተንበርክኬ፣ ስለ ሕይወቴ እያሰላስልኩና እየመረመርኩ እራሴን በአይነ ህሊናዬ አያለሁ። ስለእኛ ስለተሰበረው እና ስለተቆረሰው እንጀራ፣ እያንዳንዱም ምሳሌ የቤዛችን የተሰበረ ሥጋ ምልክት ስለሆነው ስለቅዱስ ቁርባን አስባለሁ። “ልክ ከእርሱ የሚካፈሉት ግለሰቦች የተለያዩ እንደሆኑት ሁሉ እያንዳንዱ ቁራጭ ዳቦም ልዩ ነው።”የሚለውን የፕሬዘዳንት ዳሊን ኤች. ኦክስን ትምህርት አስታውሳለሁ። ለፀሎት ስንበረከክ፣ ፈቃዴን እንዴት ለእግዚያብሔር እንደምሰጥ አስባለሁ።

ሽማግሌ ዴቪድ ኤ. ቤድናር እንዳስተማሩት፥ “የቅዱስ ቁርባን ስርዓት ቅዱስ እና ከልብ ንሰሀ ለመግባት እና መንፈሳዊ እድሳት ለማድረግ በተደጋጋሚ የሚቀርብ ግብዣ ነው። ቅዱስ ቁርባንን የመካፈል ድርጊት ብቻ፣ በራሱ የሀጢያት ስርየትን አያመጣም። ነገር ግን በተሰበረ ልብ እና በተዋረደ መንፈስ በቅዱስ ቁርባን ስርዓት ላይ በጥንቃቄ ስንዘጋጅና ስንካፈል፣ ከዚያ የተሰጠን ቃልኪዳን የጌታ መንፈስ ሁሌም ከእኛ ጋር እንደሚኖር ነው። እናም የእኛ ቋሚ ጓደኛ በሆነው በሚያንጸው የመንፈስ ቅዱስ ኃይል በኩል፣ የሀጢያቶቻችንን ስርየት ሁሌም ማግኘት እንችላለን።”

ኤሚ እና እኔ የእኛን የህይወት ልምምዶች በቅርበት ስንመለከት፣ የኢየሱስ ክርስቶስን ፍጹም ፍቅር እና መስዋዕትነት ስጦታ እናከብራለን። የገሃነም ቁጣ እንዴት እንደተፈታም እናያለን። ፍርድን፣ ጭንቀትን፣ ድብርትን፣ ካንሰርን፣ የስኳር በሽታን፣ በድረ ገጾች ላይ ሚደረጉ ስድቦች፣ የማንነት ስርቆት፣ የፅንስ መቋረጦች እና ልጅ ማጣትን፣ ወንድምንና አባትን ማጣትን እንዴት ማሸነፍ እንችላለን? ምክንያቱም ኢየሱስ ከመራራው የመንቀጥቀጥ ጽዋ፣ የቁጣውን ጽዋ—ለእኔ፣ ለቤተሰቤ፣ ለሁላችንም ሲል ተካፍሏል!

ጌቴሴማኒ, በአዳም አብራም፣ በ altusfineart.com © 2025

በጌቴሴማኒ የአትክልት ስፍራ የጠጣው “መራራ ጽዋ” እና በቀራንዮ መስቀል ላይ “እየበረታበት” የሄደው መከራው ግብዙን ፣ ጨካኙን፣ ቁጡውን፣ የተናደደውን፣ እና አንድን ሰው እንዲንቀጠቀጥ የሚያደርጉትን እኚህን ልምዶቻችንን በጌታ መሠዊያዎች ላይ እንድናስቀምጥ እና “በመንፈስ ቅዱስ በኩል ፈውስን እንድንቀበል” ያስችለናል።

እህት ፓትሪሺያ ሆላንድ እንዲህ አለች፣ “ለእናንተ እና ለራሴ ዛሬ ያለኝ ጥልቅ ጸሎት፣ የትም ብንሆን እና ምንም ብናደርግ በእግዚአብሔር የተስፋ ቃል እና ሰላም በመሠዊያው ላይ እራሳችንን ሙሉ በሙሉ አሳልፈን እንድንሰጥ ነው።”

ወደ መሠዊያው ስንመጣ፣ ሽልማት እያገኘን አይደለም፤ ስለ ስጦታ ሰጪው እየተማርን ነው። በዚያ ትምህርት እና ማስተሳሰሪያ ቃልኪዳን አማካኝነት ፈውስ ይመጣል። ኔፊ እንዲህ ብሏል፣ “ስጋዬም እስከሚነድድ ድረስ፣ በፍቅሩ ሞላኝ።” እናም ውዱ አዳኛችን፣ “እፈውሳችሁ ዘንድ ንስሃ ገብታችሁ እናም ተለውጣችሁ አሁን ወደ እኔ አትመለሱምን?”በማለት ይጋብዘናል።

ሁለቱ የመጀመሪያ ሴት ልጆቻችን ማኬንዚ እና ኤማ ገና ትንሽ ሳሉ ከሚወዷቸው ታሪኮች አንዱ የናርኒያ ዜናዎች፦አንበሳው፣ ጠንቋይዋ እና ቁም ሣጥኑየሚለው ነበር። ሁላችንም ታላቁን አንበሳ፣ አስላንን፣ ወደድነው። መጽሃፉን ስናነብ ከማይረሱ ምሽቶቻችን አንዱ ታላቁ አንበሳ ለኤድመንድ ህይወቱን የሰጠበትን ወቅት ነው። የማይረሳ የሆነበትም ምክንያት በጠንቋይዋ የአንበሳው ህይወት በድንጋይ ጠረጴዛ ላይ ሲጠፋ ወላጆች እና ሴት ልጆች እንባ ስላፈሰሱ ነበር። የማይረሳ የሆነበትም ምክንያት ምንም እንኳን አሳዛኝ ነገር ቢኖርም፣ አስደናቂው ክስተት እስኪደርስ ድረስ ተስፋ ጸንቶ ስለነበር ነው። አስላን ከሞት ሲነሳ እና፣ “ጠንቋይዋ የመስዋዕትን ትክክለኛ ትርጉም ብታውቅ ኖሮ፣ ምንም ክህደት ያልፈፀመ ተጎጂ በከሃዲ ምትክ ቢሞት፣ የድንጋይ ጠረጴዛው እንደሚሰነጠቅ እና ሞት እራሱ ማሰሪያ አቅሙን እንዲጣ ታውቃለች”ሲል በዛ ትንሽ መኝታ ክፍል ውስጥ የደስታ ጩኸቶች ተሰሙ።

ኢየሱስ ክርስቶስ ሁሉንም ቁስሎች ይፈውሳል። ኢየሱስ ክርስቶስ ዳግም መኖር እንዲቻል ያደርጋል።

በጥቅምት 2022 (እ.አ.አ) አጠቃላይ ጉባኤ ንግግራቸው፣ ፕሬዘዳንት ረሰል ኤም. ኔልሰን በቤተመቅደስ መክፈቻ ዝግጅት ወቅት ለጉብኝት ሰለመጣ ቡድን ተናግረው ነበር። አንድ ወጣት ልጅ እዛ ነበር። ፕሬዚዳንት ኔልሰን እንዲህ ሲሉ አስተምረዋል፦

“የጉብኝት ቡድኑ ወደ መንፈሳዊ ስጦታ ክፍል በገቡበት ጊዜ፣ ይህ ልጅ ሰዎች ተንበርክከው ከእግዚአብሔር ጋር ቃል ኪዳን ወደሚገቡበት መሰዊያው አመለከተና እንዲህ አለ፣ ‘ኦ፣ ያ ደስ ይላል። ሰዎች በቤተመቅደስ ጉዞአቸው የሚያርፉበት ቦታ ይሀው ነው።’

“… እርሱ ከእግዚአብሔር ጋር በቤተመቅደስ ውስጥ ቃል ኪዳን በመግባት እና ከአዳኙ አስደናቂ የተስፋ ጋር ያለውን ግንኙነት ላይ ምንም አያውቅም ይሆናል፦

“‘እናንተ ደካሞች ሸከማችሁ የከበደ ሁሉ፤ ወደ እኔ ኑ፤ እኔም አሳርፋችኋለሁ።

ቀንበሬንም በላያችሁ ተሸከሙ ከእኔም ተማሩ፤ እኔ የዋህ በልቤም ትሁት ነኝ፤ ለነፍሳችሁም ዕረፍት ታገኛላችሁ።

“‘ቀንበሬ ልዝብ ሸክሜም ቀሊል ነውና’ [ማቴዎስ 11፥28–30]።”

“የሰው ልጅ ራሱን የሚያስጠጋበት ቦታ የለውም፣” ነገር ግን ደቀ መዛሙርቱን፣ እኔን እና እናንተን፣ በዚያ ከእርሱ ጋር እንድናርፍ ወደ ቅዱስ ቁርባን ማዕድ ጋበዘ። “ትሑት ነፍሳት በመሠዊያ ላይ ሲንበረከኩ፣” ሰላም ይበዛል። የአዳኛችን እጆች ተዘርግተዋል፤ ማዕዱ ተዘርግቷል። ኑ የእግዚአብሔርን ልጅ በቅዱስ መሰዊያዎቹ አምልኩ። በኢየሱስ ክርስቶስ ስም፣ አሜን።