Dinata Nodra Vakabauta na Noda Qase

Ena gauna au sikova tiko na Valetabu e Nashville Tennessee, me vaka na noqu ilesilesi au kalougata meu curuma tale, meu taleva tale kina na vale totoka oqo ni Turaga. Au taleitaka sara vakalevu na droini nei Mary Wanlass vakatokai na Tomana Tiko ka lili toka ena lalaga ni valenivolavola nei metereni.

Oqo na italanoa baleta na droini oqo:

“E Missiouri ena 1862 e yalataka o Mary Wanlass yabaki 14 vei tinana vakacabecabe sa vakarau mate ni na raica me ratou na yaco o tamana lokiloki kei na va na tacina gone kina Buca Levu o Salt Lake. A kauta yani o Mary na bulumakau tagane kei kena e vakasucu e dreta tiko na qiqi e [davo bibi] kina o tamana, ka qaravi iratou na tacina. Ni oti e dua na siga ni nodra ilakolako. e vakani iratou na nona vuvale ena kakana draudrau, senikau, kei na beri. A nona kabasi ga na ivakasala a taura rawa oya me gole tiko ga yani kina ra me ‘yacova ni sa yaco na o me ulunivanua.’

“E ratou yaco [kina] Buca o Utah ena Sepiteba, na ilakolako ena vula taucoko itubutubu kei na katakata. A mate o tamana ni oti toka ga nodratou mai tiko e Utah County, ka vakamau tale o Mary ka susuga na [nona] vuvale.”

Oqo na italanoa qaqa ni vakabauta kei na kaukauwa ni dua na goneyalewa yabaki 14 ena rawa ni vukei keda nikua meda “toso tiko ga.”

“Toso Tiko Ga,” se vakadewataki ga ena noqu vosa vaka Dutch, Gewoon Doorgaan—sa nodrau ivosavosa ni bula taucoko o na kei ta.

O rau na noqu itubutubu kei na tavalequ eratou painia ena neitou vuvale. Era kosova vakai ira na nodra dui “buca,” vakai ira kece na lako mai kina Lotu, na lomanibai ni Turaga, ena veisiga. Na kedra italanoa e sega sara ni baleta na bulumakau kei na qiqi ia e tu na kena revurevu vei ira na nodra kawa ni siga ni mataka.

Era ciqoma na kosipeli era papitaiso nira se qai itabagone qase. E rau sotava na noqu itubutubu na dredre ena gauna rau tubu cake mai kina. A bula voli o tamaqu ena yanuyanu o Java mai Indonesia. Donua na iKarua ni Valu Levu, a kautani vakaukauwa mai okoya vei ratou na nona vuvale ka biu ena keba ni veivesu, vaka ni se gone e sotava kina na veika dredre sega ni tukuni rawa.

A susugi o tinaqu ena vuvale kavoro ka sotava na walokai kei na dredre levu ena iKarua ni Valu Levu. Ena so na gauna e yaco me kania na wakani tiulipi. Mai na ivakarau nei tamana kei na nodrau sere kei tinana, a dau dredre toka vua me raica na Tamana Vakalomalagi ni sa Tamana dauloloma.

Rau sota na noqu itubutubu ena dua na soqo ni Lotu ka rau duavata merau vakamau ka vauci ena Valetabu e Bern Switzerland. Ni rau wawa toka ena siteseni ni sitima, ka sa vakayagataki oti na nodrau ilavo ni lako kina valetabu, rau vakasamataka na veika merau na laki bula kina ia e rau nuidei ni na tauoko. A qai yaco!

Rau bucina na nodrau vuvale ena yalomalumalumu ena dua ga na rumu ni vale ena loma i Amsterdam. Ni oti e vica na yabaki rau savata voli ga na nodrau isulu e ligadrau, rau maroroi ilavo rawa me voli kina e dua na misini ni savaisulu. Bera ni rau lai volia, a sikovi rau mai o bisopi, e kerea e dua na nodrau cau me tara kina e dua na valenilotu e Amsterdam. Rau duavata me soli na ilavo kece a maroroi baleta na misini ni savaisulu ka tomani tale na savaisulu ena liga.

Vakamatavuvale keitou a lako curuma eso na dredre, me vakataki ira na vuvale tale eso. E yaco oqo me vakaukauwataki keitou cake ka titobu na neitou vakabauta na Turaga o Jisu Karisito, vakataki Alama ni wasea na kena italanoa vei luvena o Ilamani, a tukuna vua ni dau tokona tu ga dina ga ni sotava na veimataqali veivakatovolei kei na leqa baleta ni nuitaka na Turaga o Jisu Karisito.

A yaco vakacava me rua na tamata rau sotava e vuqa na veivakatovolei nirau se gone merau itubutubu totoka duadua au bau diva tu? Kena isau e rawarawa: rau ciqoma vakataucoko na kosipeli ka bulataka na nodrau veiyalayalati me yacova nikua!

Ni oti e 65 na yabaki ni vakamau, o tinaqu, a tauvi koya tiko na Alzheimer, a qai mate ena Feperueri. O tamaqu, ni sa yabaki 92 ka se tiko ga e vale, a sikovi koya vakawasoma me yacova nona mate. Dua na gauna a tukuna vei iratou na taciqu lalai ni veika rarawa a sotava ena keba mai Indonesia donua na iKarua ni Valu Levu a vakarautaki koya me vosota na qaravi watina ena vuqa na yabaki ni sa tauvimate ka lutusobu nona bula mai na mate rerevaki oqo vakakina na siga rarawa me lai soli watina vei ira eso ka dredre vua me tiko tale e yasana. Na nodrau itoko tiko mai ka se koya tiko ga na “Toso Tiko Ga,” ka nuitaka vinaka na Karisito me tucake mai ena iotioti ni siga ka me tiko kei Koya ena lagilagi me tawamudu.

Na nodrau vakabauta kei na ivakadinadina sa ivurevure ni kaukauwa kina veitabatamata era muri mai.

Ena koro a susu kina o watiqu, na nona itubutubu, erau daulotu, rau ciqoma na kosipeli vakalesuimai nirau se qai vakamau gone walega ka se yabaki rua kina na luvedrau duabau ga kasa watiqu tiko qo. Na nodrau digidigi me rau lewena na Lotu i Jisu Karisito ni Yalododonu Edaidai a vakaukauwataka na nodrau bula nira vakalewai rau na lewenikoro kei na nodrau vuvale. A taura e vuqa na yabaki, na vosa loloma vei ira na lewe ni vuvale, kei na qaravi ni itikotiko raraba ni bera ni rau qai ciqomi,

Dua na gauna ni se veiqaravi tiko vaka-bisopi o tamai watiqu, a beitaki vakailasu ena dua na ka mani vakacegui sara kina vakatotolo. A rarawa vakalevu sara o noqu nei ka tarogi watina sara ke doddonu beka me rau sa kua ni lotu. A sauma mai ni dodonu ga me rau tomana tiko na lai lotu baleta ni oqo e sega ni lotu ni tamata, ni oqo e Lotu i Jisu Karisito.

A taura e dua na gauna me qai kilai kina na dina ka yaco na kere veivosoti. Ka rawa sara ga ni voroka na nodrau bula ia sa ikuri ni kaukauwakei na veivakadeitaki.

Cava na vuna e so vei keda e vakawalena na nodra vakabauta kei na ivakadinadina na noda itubutubu ena vuku ni dredre era sotava era yalodina tiko ga? Eda nanuma beka nira sega ni kila vinaka sara na veika vakaoqo? Erasega ni vakakina ka sega ni lawakitaki! Sa vakalevu sara na nodra gauna vata kei na Yalo ka rawa ni kaya vata kei Parofita Josefa. “Au kila, kau sega ni rawa ni cakitaka.”

O sega beka ni taleitaka na sere baleta na mataivalu nei Ilamani, e tiko ena Nodra Sere na Lalai?

Dina ni sega ni vakakina, me vaka a sotava o tinaqu ni se gone, e rawa mo dua vei ira na “itubutubu vinaka e lomana na Turaga” ka vakarautaka na ivakaraitaki vinaka vei ira na tani.

Eda vakila na dina oqo nida lagata? O vakila beka nio “sa vakataka na mataivalu nei Ilamani:” kei na nomu “rawa mo daukaulotu ni Turaga me kau mai ko vuravura kina nona dina”? Vakavuqa au vakaila ena kena lagati na sere ni FSy kei na veisoqoni ni tabagone tale eso.

Se cava beka eda vakila ni da lagata na serenilotu “Dina ena Vakabauta”

Vei kemuni na itabatamata ni gauna oqo na vanua cava o tiko kina kei na tuvaki cava ga o tiko kina, yalovinaka vulica ka ciqoma na kaukauwa mai na nodra vakabauta kei na ivakadinadina era liu mai vei iko. Ena vukea mo kila vinaka ni gadrevi mo rawata se vakatubura e dua na ivakadinadina, ena gadrevi kina na solibula na “solibula e kauta mai na veivakalougatataki vakalomalagi.”

Nio vakasamataka na solibula ena vakalougatataka vakaidina na nomu bula, yalovinaka raica mo masulaka na veisureti ni noda parofita lomani, o Peresitedi Nelsom, a kerea “na cauravou kilikili kece era rawata mera vakavakarauka lako i kaulotu. Vei ira na cauravou ni Yalododonu Edaidai, na veiqaravi vakadaukaulotu e itavi ni matabete.

Vei kemuni na goneyalewa gugumatua, na kaulotu talega e dua na madigi kaukauwa, mo digitaka, na madigi oqo.”

E rawa nio kacivi mo kaulotu dauveiqaravi se kaualotu dauveivakavulici. Na rua na kaulotu oqo e rau cau kina inaki vata ga ni kena kau mai na yalo vei Karisito, ena nodrau dui sala cecere ka kaukauwa.

Ena rua na veiqaravi oqo, ona vakaraitaka vua na Turaga nio lomani Koya ka gadreva mo kilai Koya vakavinaka. Nanuma, “me na kila vakaevei na tamata na turaga ka sega ni bau qarava, ka sega ni kilai koya, ka yawa sara mai na vakanananu kei na gagadre ni lomana?”

O keda kece, ke o matai ni itabatamata se ikalima ena kosipeli, meda tarogi keda, Na italanoa cava ni vakabauta, kaukauwa, kei na solibula vakasilesitieli au na vakadewataka kina itabatamata e tarava?

Meda tomana na noda sasaga meda kila vinaka cake na noda iVakabula, o Jisu Karisito, ka cakava me usutu ni noda bula. O Koya na vatu meda na tara kina ni yaco mai na gauna dredre, eda na rawa ni tudei tiko.

Meda “dinata nodra vakabauta na noda qase, dina kina dina ka ra a mate kina, kina ivakaro ni Kalou, yalo, lomada, kei na ligada, yalodina kei na dina meda sa tudei tu.” Ena yacai Jisu Karisito, emeni.