Lewa Vakalou, Cauravou Yalodina

Vinaka vakalevu, Elder Andersen, baleta na ivakaraitaki totoka ni kaukauwa ni matabete kei na kaukauwa ni Veisorovaki ni iVakabula.

Ena dua na mataka ni sigatabu ena Janueri ga qo, niu dabe tiko ena soqoni ni sakaramede, e vuqa vei ira na cauravou era tokoni me toso na nodra itutu kina Matabere i Eroni. Au vakila na veisau ena kauta mai.

E tarai au ni e vuravura taucoko, ena kena gauna donu, ena soqoni ni sakaramede vaka oya, tini vakacaca na udolu na dikoni, vakavuvuli, kei na bete—vakataka na itokani nei President Holland ena mataka edai, Easton—e tokoni me vakatikori kina nodra bula taucoko na ilesilesi ni veiqaravi vaka matabete ena robota na kena balavu kei na rabailevu ni vakasokomuni i Isireli.

Ena vei Janueri kece, e vakataqari na liga ena uludra volekata e 100,000 na cauravou, semati ira tu ena cakacaka vakalotu kina dodonu ni lewa mai na gauna makawa ni Veivakalesuimai kivei Josefa kei Oliva, vei Joni na Dauveipapitaisotaki, kei Jisu Karisito.

Oqo, noda lotu e sega ni dau vakaraitaka vakawavosa. Ia, eda kila vinaka.

Ia, nida raica nodra yavalati o ira era vakatikori ena lewe ni matabete vou e kovuti vuravura, au vakasamataka—ena “lotu ni marau” e vaka kina—me kua ni kailavaki mai na delavuvu. “Nikua,” au vakasamataka, “sa dodonu me tiko na biukila kei na peleti tamela eso kei na kena vakacabotetaki na rokete vaRoma E dodonu me marautaki!”

Eda kila vinaka na kaukauwa ni Kalou, eda vakadinadinataka na kena vakacacani na ituvatuva ni vuravura oqo ena lewa vakalou me roboti vuravura.

Na cakacaka vakalotu oqo e vakatarai ira na cauravou mera dauveiqaravi ena nodra bula taucoko ena veigauna kei na veivanua era tu kina kei na nodra masu kei na kaukauwa ni matabete ni Kalou e tu vei ira e bibi sara.

Na isema oqo e tekivu ena kena talai mai na agilosi dau veiqaravi mai vua na Kalou. O Joni na Dauveipapitaisotaki ena gauna makawa a rairai vei Josefa kei Oliva, tabaka na uludrau, ka kaya, “Vei kemudrau na noqu itokani dauveiqaravi, ena yaca ni Mesaia au sa solia na Matabete i Eroni, sa koto kina na idola ni nodra veiqaravi na agilosi, kei na kosipeli ni veivutuni, kei na papitaiso ena tabadromuci me bokoci kina na ivalavala ca” (Vunau kei na Veiyalayalati 13:1

A vakatoka na dodonu ni lewa qo o Joni na “Matabete i Eroni,” na taci Mosese ka itokani ni matabete. Gauna makawa, oira era taura na matabete i Eroni era dauveivakavulici ka veivuke ena cakacaka vakalotu—na cakacaka vakalotu e vakanamata kina bula vakatisaipeli ni koya na Mesaia ena yaco mai, na Turaga o Jisu Karisito (raica Na iVakarua).

Na Tiko Mai Na Lekutu e lesia vakamatata vei ira na taura tu na matabete i Eroni na itavi ni kena qarauni na kato ni vunau ni cakacaka vakalotu. “Ia mo lesi Eroni kei rau na luvena sa nodra itavi na tepeli kei na iayaya ni vale tabu eda dauia kina na cakacaka” (raica Na Tiko Mai Na Lekutu 3:10, 31).

Na Veiyalyalati Makawa na vunau ni vakacabo manumanu a vakayacori ka veisautaki ena bula kei na Veisorovaki ni iVakabula. Na vunau makawa oya sa vakasosomitaka na cakacaka vakalotu eda vakatoka na sakaramede ni Kanavata ni Turaga.

Na Turaga e nuitaki ira na matabete i Eroni mera cakava vakakina na ka vataga era cakava ena gauna makawa: mera vakatavulica ka qarava na cakacaka vakalotu—me vakananumi keda kece ena Nona Veisorovaki.

Nira veivuke na dikoni, vakavuvuli, kei na bete ena sakaramede, era sa ciqoma na veivakalougatataki vakataki keda kece: ena muri ni veiyalayalati era cakava nira vakayagataka tu na madrai kei na wai. Ia mai na kena qaravi na veicakacaka tabu oqo, era vulica vakalevu cake na nodra itavi kei na ilesilesi vakamatabete.

Na Matabete i Eroni e vakatokai na matabete ni vakavakarau baleta na kena cakacaka vakalotu e vukei ira mera kila na kena bibi kei na marau e kauta nida cakava na cakacaka ni Turaga, vakarautaki ira kina veiqaravi ni matabete ena muri mai, ena nodra kacivi mera veiqaravi ena itavi e sega ni namaki—oka kina na veivakalougatataki ena yaco ena gauna e gadrevi kina na inuinui kei na tatadra, na bula kei na mate, ena vakatautaki kina.

Na nanamaki bibi vakaoqo e gadrevi kina na vakavakarau vakavinaka.

E vakamacalataka na Vunau kei na Veiyalayalati na dikoni kei na vakavuvuli “mera veivakasalataki, veituberi, veivunauci, ka veivakavulici, ka sureta na tamata kecega mera lako mai vei Karisito” (Vunau kei na Veiyalayalati 20:59). Na bete, me ikuri ni madigi eso oqo, mera na “vunau, veipapitaisotaki” (Vunau kei na Veiyalayalati 20:50).

Ia, e rogorogo levu beka, ia na ka dina, e yaco ga vakaikoya na veika oqo, e vuravura taucoko.

E vakatavulica edua na bisopi na mataveiliutaki ni dikoni na itavi oqo. Ratou veitalanoataka na mataveiliutaki ena vakacava tu na kena irairai kina nodra kuoramu kei na tabanalevu. Era navuca mera laki sikovi ira na lewe ni tabanalevu qase mera kila na nodra gagadre ka laki cakava vakakina.

Dua vei ira era veiqaravi kina o Alan, e dua na tamata voravora, tawalotu, ka dauveisaqasaqa ena so na gauna. Na wati Alan, o Wanda, e aai lewena na Lotu, ia o Alan e, keitou tukuna, sa dua na cakacaka levu.

Ia, era qarava ga na dikoni na nodra itavi, ka sega ni kauwaitaki koya, era sivita na waicevata ka kauta na benu. E sega ni rawarawa me dua e cudruvi ira na dikoni, ka yaco me taleitaki ira o Alan. Era qai mani sureti koya i lotu.

“Au sega ni taleitaka na lotu,” a kaya o koya.

“Ia, iko taleitaki keimami,” era kaya. “Meda mai lako vata. Mo lako ga mai kina soqoni ni neitou kuoramu ke iko vinakata.”

Mai na veivakadonui i bisopi, e lako mai o koya—ka lako tikoga mai.

E yaco mera vakavuvuli na dikoni, ia nira veitomani ni qaravi koya, a vakatavulici ira o koya mera cakacaka ena motoka ka tara na ka eso. Ena gauna era sa vakavuvuli ka bete kina, e vakatokai ira tu o Alan “noqu gonetagane.”

Era vakavakarau vagumatuamera lai kaulotu ka kerea ke rawa nira vakatovotovotaka na lesoni ni kaulotu vata kei koya. E yalataka ni na sega ni rogoca se vakabauta, ia, io, era dau vakatovotovo ena nona vale.X

Oti e qai tauvimate o Alan. E malumalumu sara o koya.

Dua na siga, ena soqoni ni kuoramu, a kerei ira o koya mera masulaki koya me kakua ni vakatavako, era cakava vakakina. Era qai muri koya kina nona vale ka era qai kauta tani kece na kena tavako.

E na vuku ni tauvimate e curu o Alan ivalenibula kei na vale ni veivakarautaki, era qaravi koya na “nona tagane”, vakaraitaka vakamalua na kaukauwa ni matabete kei na loloma tawayalani (raica Doctrine and Covenants 121:41).

A tomani na cakamana ni sa kerea o Alan me papitaiso—ia a mate koso ni bera ni vakayacori. Ena vuku ni nona kerekere, era lave kisi ni mate ka vosa na nona dikoni-era sa bete tu ena nona veibulu, na vanua era—duavata—veivakasalatakii, vakavakadreti, veivakayaloqaqataki, veivakavulici, ka sureti ira kece vei Karisito.

A qai yaco, ena valetabu, ni dua saraga vei ira na “cauravou nei Alan” e papitaisotaka na peresitedi gugumatua ni kuaromu ni dikoni ena vukui Alan.

Na ka taucoko a kaya o Joni na Dauveipapitaiso me caka, era sa cakava. Era cakava na ka e dodonu me cakava na dikoni, vakavuvuli, kei na bete ena Lotu oqo kei e vuravura taucoko.

E dua na itavi nodra na matabete i Eroni oya mera vakaitavi ena cakacaka vakalotu ni sakaramede.

Ena yabaki sa oti au sotava e dua na bisopi kei na watina. E ratou draiva tiko ena dua na mataka ni Vakarauwai, eratou gole tiko ena papitaiso ni luvedrau, e ratou sotava edua na vakacalaka ka mate kina na luvedrau yalewa yabaki rua, o Tess.

Na siga tarava era sokumuni ena soqoni ni sakaramede na lewe ni tabanalevu ena lolosi, ka rarawataka tu na takali ni goneyalewa lailai totoka oqo. E sega ni dua e namaka meratou na gole yani i lotu na vuvale i bisopi ena mataka oya, ia ni bera ni tekivu na soqoni, eratou curu galugalu yani ka dabe ena nodratou idabedabe.

A gole kina vata icake o bisopi ka lako sivita na nona idabedabe maliwai rau na nona daunivakasala ka dabe sara ena kedrau maliwa na nona bete ena teveli ni sakaramede.

Donuya na bogi ni yaluma kei na moce vakaca oya na vakasaqarai me kilai kei na vakacegu, e ciqoma edua na veivakauqeti ena vuku ni veika eratou gadreva vkaalevu na nona matavuvale—ni gadrevi koya na nona tabanalevu. Mera rogoca na domoi nodra bisopi, nodra peresitedi ni Matabete i Eroni, na tama e luluvu, me tukuna na iyalayala ni veiyalaylati ni sakaramede.

Ia, a qai yaco, me tekiduru o koya kei rau na bete ka vosa Vua na Tamana. Ena vatuka ni tuvaki oya, a cauraka o koya eso na vosa bibi sara e vakatarai tu kina e dua me kaya vakadomoilevu ena bula taucoko oqo.

Vosa na kena revurevu tawamudu.

Vosa eso ni cakacaka vakalotu.

Vosa ni veiyalayalati.

iVakasala e semati keda kina inaki saraga ni bula oqo—kei na vatuka vakasakiti levu duadua ni tuvatuva ni Tamada Vakalomalagi vei keda.

Rawa nio raitayaloyalotaka na ka era rogoca na ivavakoso ena valenilotu ena siga oya—na veika era vakila ena vosa eso eda rogoca ena vei Sigatabu ena noda valenilotu?

“Oi kemuni na Kalou, na Tamai keimami Tawamudu, keimami sa kerei kemuni ena yaca ni Luvemuni, ko Jisu Karisito, mo ni vakalougatataka ka vakatabuya na madrai oqo ki yalodra o ira kece era sa vakaivotavota kina, me ra kania ka vakananuma kina na yago ni Luvemuni, ka vakadinadinataka vei kemuni, na Kalou, na Tamai keimami Tawamudu, ni sa lomadra me ra taura na yaca ni Luvemuni, ka dau nanumi koya tiko ga, ka muria na nona ivakaro sa solia vei ira; me tiko ga kina kei ira na Yalona. Emeni” (Vunau kei na Veiyalayalati 20:77).

Muria tu, “Oi kemuni na Kalou, na Tamai keimami Tawamudu, keimami sa kerei kemuni ena yaca ni Luvemuni, ko Jisu Karisito, mo ni vakalougatataka ka vakatabuya na waini oqo ki yalodra o ira kece era sa gunuva, me ra kitaka ka vakananuma kina na dra ni Luvemuni, sa vakadavei ena vukudra; me ra vakadinadinataka kina vei kemuni, na Kalou, na Tamai keimami Tawamudu, ni ra na dau nanumi koya tiko ga, me tiko kina kei ira na Yalona. Emeni” (Vunau kei na Veiyalayalati 20:79).

E vakadinadinataka na tama kei na tina vinaka oqo ni sa vakayacori tu na yalayala oya. Era, dina, kina nodrau lomavinaka tawamudu, “kei na Yalotabu me tiko vata kei rau.”

Au vakavinavinaka vei ira na Matabete i Eroni, kei na kena kaukauwa, cakacaka vakalotu, kei na itavi, sa vakalougatataki keda taucoko mai na idola ni “nodra veiqaravi na agilosi, kei na kosipeli ni veivutuni, kei na papitaiso ena tabadromuci me bokoci kina na ivalavala ca” (Vunau kei na Veiyalayalati 13:1 Ena yacai Jisu Karisito, emeni.