Me Vaka na Gone Lailai

A tekivuna o Jisu na iotioti ni yabaki ni Nona bula e vuravura ena kena vaqaqacotaki nodra tuberi na Nona iApositolo. Kevaka me a vakabulai Koya na Nona itukutuku kei na Nona Lotu, ena vakalevu cake na veika me tukani ki yalodra na lewe 12 na turaga eratou kilai Koya tikoga ena loma ga ni 24 na vula.

Dua na siga a vakadinadinataka o Jisu ni ratou veiba tiko vakai ira ka taroga sara, “A cava dou sa veileti kina?” E ratou a madua sara kina, ka ratou “sa vagagalu ga,” ni a volai tu. Ia o koya oqo sa qasenivuli cecere vei ira kece sa kila na nanuma ni lomadra ka vakila e kea ni ivakaraitaki ni nodra dui dokadoka. Sa qai “kaciva mai e dua na gone lailai,

“Ka sa kaya, Au sa kaya vakaidina vei kemudou, Kevaka dou sa sega ni saumaki mai, ka yaco me vaka na gone lailai, dou na sega sara ni curu kina matanitu vakalomalagi.

“Ia o koya sa vakamalumalumutaki koya me vaka na gone lailai oqo, ko koya ga sa levu cake ena matanitu vakalomalagi.”

E dodonu me kilai tiko ni bera mada ga ni sucu o Karisito, na iotioti ni nona vunau na Tui o Penijamini a tukuna kina na ivakasala bibi baleta na yalomalua ni dua na gone. E kaya, “Ni sa meca ni Kalou na tamata sa vakavuravura ka na vaka tu kina me sega ni mudu, ka vakavo me yalododonu ena vuku ni veisorovaki i Karisito na Turaga, ka yaco me vaka na gone lailai, me talairawarawa, yalomalua, sinai ena loloma, me vaka na gone sa [vakaio] vua na tamana.”

Ia, era tiko eso na ivakarau vagonegonea eda sega ni vakayaloqaqataka. Ena ruasagavulu ka lima na yabaki sa oti, se qai yabaki tolu kina o makubuqu tagane a katia na ligai ganena yabaki lima. O vugoqu tagane, a raici rau tiko na gone ena bogi o ya, a totolo nona vakavulici luvena yalewa ena veilesoni ni veivosoti a nanuma rawa, a vakadeitaka nio ganena lailai a rairai sega tu ni kila na cava ena yaco ni laukati na liga. Na vakasama malumalumu vakatama oya e yaco me dua ga na miniti, se dua veimama beka na miniti, ni sa rogo mai e dua na tagi memela mai na rumu ni gone, ni sa kaci malua mai o makubuqu yalewa, “Oqo sa qai kila o koya.”

Na cava beka meda na raica baleta na savasava ni bula ni dua na gone? Na cava beka a vakavuna na Nona tagi na Karisito ena gauna vakaciriloloma ena iVola i Momani taucoko? Na cava a vakavulica o Jisu ni sa kaciva sobu mai na bukawaqa mai lomalagi kei ira na agilosi dauveitaqomaki mera voliti ira na gonelalai, ka vakaroti ira na qase mera “raici ira na [nodra] lalai”?

Eda sega ni kila na cava a vakauqeta na veika kece o ya, ia au nanuma ni a vu mai ena nodra savasava kei na nodra kilikili, na yalomalua era sucu vata mai, kei na cava ena rawa ni kauta mai ki na noda bula kevaka me tikoga kei keda.

Na cava na vuna a vakatokai kina na noda gauna ni rarawa e dua na parofita me “sa ka wale sara; sa ka wale na ka kecega”? E rawa vakacava ni vakatokai na “nodra vakanananu dokadoka kei na nodra viavialevu na luve ni tamata” me ivakamacala ni vale rabailevu ka vakaitamera sa mate tu vakayalo ena raivotu nei Liai? Kei ira na Soramaiti, na ilawalawa era masu me baleti ira vakataki ira ga? A kaya o Alama baleti ira, “Oi kemuni na Kalou, era sa [masuti] kemuni e gusudra, ia era sa vakalevulevui ira ena veika wale ni vuravura.”

Ni veidutaitaki, e dua beka na ka kamica cake, e savasava cake, se yalomalua cake mai na masu ni dua na gone? E vaka me sa tiko saraga o lomalagi ena rumu. Sa ka dina sara vei ira, na Kalou kei Karisito, ia ki na so na veika sa yaco e rairai ka wale tu ga.

Ia o Elder Richard L. Evans a kaya rauta ni 60 na yabaki sa oti: “E vuqa vei keda era kaya ni ra sa Vakarisito, ia eda sega ni tauri Koya vakabibi. Eda dokai Koya, ia eda sega ni vakamuri Koya. Eda cavuta na Nona vosa, ia eda sega ni bulataka.” “Eda qoroi Koya, ia eda sega ni sokalou Vua.”

Ena duatani sara na bula ke me dokai Jisu o vuravura me cecere mai na itagede duidui ni vosa yalayala vakatani e ka wale ena veigauna.

Ia o ira na gonelalai era lomani Koya dina, ni loloma o ya ena rawa me kauti ira ki na nodra veimaliwai tale eso ena buturara ni bula. Vakalawa, ni ra se gone mada ga, era dauloloma vakarawarawa na gone, veivosoti tu ga, ka veidredrevaki ena reki ni yalo, ka rawa ni vakavuna me seavu na yalo e batabata, se kaukauwa.

Ia, sa levu tikoga na iwiliwili. Savasava? Veivakabauti? Yaloqaqa? iVakarau?

Lako mai meda raica na bula dokai ena mata ni Kalou a vakaraitaka e dua na noqu itokani gone.

Ena ika 5 ni Janueri, 2025—91 na siga sa oti—a vakatikori vei Easton Darrin Jolley na Matabete i Eroni ka tabaki me dikoni e Na Lotu i Jisu Karisito ni Yalododonu Edaidai.

A dau gadreva tu mai o Easton me vota na sakaramede ni Vakayakavi ni Turaga mai na gauna balavu e nanuma rawa. Ia na madigi tabu oqo a salavata kei na rere e muloca na ketena ni na sega ni rawata, ena vakasesewani se vakamadualaki kei na nona matavuvale.

Raica, o Easton e tauvimate vaka tani ka rawa ni veivakarusai, na mate ni uwa na Ullrich (Ullrich congenital muscular dystrophy). E curuma na nona bula ni se gone kei na bolebole e vorolaka na nona inuinui kei na tatadra baleta na veisiga ni mataka. Sa voleka na gauna me sa vaka-wilijea vakadua. E ratou sega ni veivosakitaka na nona vuvale na veika ena yacovi koya mai.

Na Sigatabu ni oti na veivakatikori, ena vota yani o Easton na sakaramede ena imatai ni gauna. E nona vakanananu oya me na vakaraitaki koya kei na ivakatakarakara tabu ni sakaramede kivei tamana, e bisopi tiko ena tabanalevu. Ni namaka tiko na itavi oqo e kerea ka vakamamasu, tagica ka losivaka, ka taura e dua na veivakadeitaki ni sega ni dua, sega ni dua, e saga me vukei koya. Ena vuqa na inaki, e tiko lo ga vua, e gadreva me cakava duadua ka sega ni vukei.

Ni rau dovia ka masulaka oti na madrai na bete—na ivakatakarakara e matataka na yagoi Karisito —Easton, ena ituvaki ni yagona, e tucake me ciqoma na nona tere. Ia, e tolu tiko na ikabakaba mai na vuloa ni valenilotu kina vatavata e cake. Ia, ni taura na nona tere, e vakadre vinaka a qai tucake cake ka biuta toka ena dela ni itautauri ni nona ititoko qiqi na terea. Oti, a dabe sobu ena dua na ikabakaba cecere, ia na ligana ruarua a laveta cake na yavana imatau kina imatai ni kabakaba. A qai laveta na yavana imawi kina ikabakaba vata ga, ka toso i cake, ena wawale, e taura e tolu na ikalawa me vaka e kaba tiko ena Mount Everest.

A qai tosoi koya kina dua na duru me rawa ni kaba ka tucake tu. A qai lesuva tale na tere. A vica tale na ikalawa sa tu e matai bisopi, na tamana, a tagi ka tuturu mai matana ka luvuci na matana, a tarovi koya rawa mai na nona via mokota na luvena yaloqaqa gumatua ka yalodina. Io o Easton, ena vakacegu e kauta mai vakatotolo vua na matadredredre, a rawa beka me kaya, “Au sa vakarokorokotaki [tamaqu ka] niu sa vakaotia na cakacaka [a solia mai] meu cakava.”

Na vakabauta, yalodina, savasava, nuinui, veidokai, kei na ena iotioti, na lomana na tamana a gadreva tu me vakalomavinakataka. Na veika oqo kei na vuqa tale na ivakarau ni bula e caka meda kaya talega, “Ia ko koya sa vakamalumalumutaki koya me vaka na gone lailai oqo, ko koya ga sa levu cake e na matanitu vakalomalagi.”

Ganequ kei na taciqu kei na itokani, ena ulu ni veiiyaloyalo totoka au kila nio ira na gonelalai kei na gone kei na itabagone e ka dokai ka vakamareqeti sara me vakataki ira eda tukuna tiko nikua. Au vakadinadinataka nira sa iyaloyalo ni matanitu ni Kalou era sa gugumatua e vuravura ena kena kaukauwa kei na totoka taucoko.

Ena yalo vata oqo ni ivakadinadina, au vakadinadinataka ni o Josefa Simici ni se cauravou, a raica na ka a kaya ni a raica ka veivosaki kei ira a kaya ni vosa vei ira. Au vakadinadinataka ni o Russell M. Nelson ni sa yalomalua ka savasava sa parofita ka daurairai e tabaki ka soli mai. Ni yavutaki mai na wilivola wasoma ena bula taucoko, au vakadinadinataka ni iVola i Momani sa ivola veilaveti cake au se bau wilika vakadua ka sa vatuivakadei ni noqu loqi lailai ena matanitu sa levu na kena tikina. Au vakadinadinataka ni matabete kei na masu sa vakavoutaka na noqu bula—na matabete i Karisito kei na nomuni masu. Au kila ni ka kece oqo e ka dina au vakadinadinataka ena yaca ni luvena tagane talairawarawa cecere duadua ni Kalou—na Alifa kei na Omeka, O Koya sa Cecere Sara, sa mate, na ivakadinadina yalodina—na Turaga o Jisu Karisito, emeni.