Ny Fahitana Voalohany

Azonao vakina ao amin’ny Joseph Smith—History 1:1–20 io tantara io.

I Joseph Smith mijery lehilahy iray mitory teny amina vondron’olona iray

Fony i Joseph Smith mbola kely dia nisy fiangonana maro nampianatra zavatra samihafa momba an’i Jesoa Kristy. Tsy fantatr’i Joseph izay fiangonana tokony hidirany ho mpikambana.

Indray andro izy dia namaky ny Jakoba 1:5 tao amin’ny Baiboly. Nilaza izany fa raha mila fahendrena isika dia afaka manontany an’ Andriamanitra. Nanapa-kevitra ny hanao izany i Joseph.

Indray andro marainan’ny lohataona kanto iray izay dia nandeha nankany anaty ala i Joseph mba hivavaka tamin’ny Ray any An-danitra.

Nandohalika i Joseph ary nanomboka nivavaka. Saingy avy eo izy dia nahatsapa haizina nanodidina azy. Natahotra i Joseph. Nangataka fanampiana tamin’ Andriamanitra izy.

Ny Ray any An-danitra sy i Jesoa Kristy miseho amin’i Joseph Smith

Tampoka teo dia nahita hazavana namiratra nidina avy any an-danitra i Joseph. Nahita ny Ray any An-danitra sy i Jesoa Kristy nitsingevaheva teo ambony izy. Nanonona ny anaran’i Joseph ny Ray any An-danitra. Avy eo dia nanondro an’i Jesoa Kristy Izy sady niteny hoe: “Ity no Zanako Malalako. Henoy Izy!”

Nolazain’i Jesoa tamin’i Joseph fa tsy tokony hiditra ho mpikambana na tamin’iza na tamin’iza tamin’ireo fiangonana nisy izy.

I Joseph Smith mandohalika sy miandrandra

Hanampy amin’ny famerenana amin’ny laoniny eto an-tany ny fahafenoan’ny filazantsara i Joseph.

I Joseph Smith nitsiky sady niala tao an’ala

Tsy sahiran-tsaina intsony i Joseph. Feno hafaliana izy! Fantany fa tia Azy Andriamanitra. Ny olona sasany dia tsy nino azy ho nahita ny Ray any An-danitra sy i Jesoa Kristy saingy fantany fa marina izany.