Pevy’a sacerdocio llavekuéra don-re

Che hermano ha hermana-kuéra pohayhuetéva, ko ára ha’e histórico Presidente Dallin H. Oaks ha chéve g̃uarã. Ojapo 40 áño, Abril 7 1984-pe, roñesostenehague Cuórum de los Doce Apóstoles-pe. Upe guive, rovy’a peteĩteĩ ha opaite conferencia general-pe, kóvape jepeve. Peteĩ jeyve jajehovasa peteĩ Espíritu ñeñohẽ sagrado reheve. Aha’arõ pestudia jey jey ko conferencia mensahekuéra ko’ã mése oúva pukukue.

Chereñoirõguare, oĩkuri 6 Tupao templo omba’apóva hína, peteĩteĩ St. George, Logan, Manti, ha Lago Salado Utah-pe; upéicha avei Cardston, Alberta, Canadá; ha Laie, Hawái-pe. Mokõi templo ypy omba’apókuri mbykymi Kirtland Ohio, ha Nauvoo, Illinois-pe. Tupao aty ojeipyso aja oeste gotyo, santokuéra oñemyaña oheja hag̃ua tapykue umi mokõi templo.

Pe Nauvoo templo, oñehundi peteĩ jehapy rupi. Oñemopu’ã jey ha ojededika Presidente Gordon B. Hinckley rupive. Kirtland Templo oñeprofana umi Tupao ohayhu’ỹva rupi. Uperire Comunidad de Cristo ojoguákuri upe Kirtland templo, ha oreko hikuái upéva heta ary aja.

Mes ohasávape roanunsiákuri Jesucristo Tupao Santokuéra Ára Pahapegua ojoguahague upe Kirtland Templo, ha avei ambue Nauvoo sitio histórico imba’eguasúva. Romomba’eguasueterei umi ñemongeta porã ha oreipytyvõva mutuamente roguerekova’ekue umi Comunidad de Cristo líder ndive oregueraháva ko acuerdo-pe.

Kirtland templo oreko peteĩ signifikádo ndaijojaháiva Jesucristo evanhélio rrestaurasiõme. Heta evénto oikova’ekue upépe ojeprofetisava’ekue miles ary aja ha iñesensial Ñandejára Tupao rrestaurádo okumpli hag̃ua imisiõ ára pahapegua.

Pe evénto imba’eguasuvéva umíva apytépe oikókuri pe Domingo de Pascua, Abril 3 1836-pe. Upe árape, José Smith ha Oliver Cowdery orekókuri umi visita hechapyrãva. Peteĩha, Ñandejára Jesucristo ojehechauka. Pe Proféta omombe’úkuri “Pe [Salvador] hesa ha‘etéva tata rendy; Iñakãrague morotĩ‘asýva yrypy‘áicha; hova omimbi porãvéva kuarahy mimbígui; ha pe iñe‘ẽ ha‘etéva yguasu sunu”.

Ko visita aja, Ñandejára omoañete Iñidentida. Ha’e he’i: “Che haʼe peteĩha ha ipaháva; Che haʼe pe oikovéva, Che haʼe pe ojejukavaʼekue; Che haʼe penderehe ojeruréva Túva renondépe.”

Upéi, Jesucristo omomarandu Ha’e oaceptahague pe templo Hóga ramo ha ojapo ko promesa hechapyrãva: “ha Che ajehechaukáta poriahuverekópe che tavayguakuérape ko ógape”.

Ko promesa imba’eguasúva oje’aplika peteĩteĩ umi templo ojededikámavape ko’ág̃aite peve. Poinvita pejepy’amongeta hag̃ua mba’épa he’ise peẽme g̃uarã personalmente ko’ã Ñandejára promesa.

Pe Salvador visita rire, Moisés ojehechauka. Moisés okonferi José Smith-pe umi lláve Israel ñembyaty ha umi diez tribus jeju jeyrã.

Oñembotývo upe visiõ, “Elías ojehechauka, ha oentrega Abraham evanhélio dispensasiõ” José-pe .

Upéi Elías upe proféta ojehechauka. Ijehechauka okumpli upe Malaquías promesa pe Jejujey Mokõiha mboyve, Ñandejára omboutaha Elías upe profétape “ombojere hag̃ua tuvakuéra korasõ ta’yrakuéra gotyo, ha ta’yrakuéra korasõ tuvakuéra gotyo”. Elías upe proféta okonferi pe pu’aka ojesella hag̃ua llavekuéra José Smith-pe.

Araka’eve ndohupytymo’ãi toje’e jey jey mba’eichaitépa imba’eguasu umi mbohapy yvagagua mensahéro, Ñandejára ñeisãmbyhy guýpe, togueru jey yvy ári umi llavekuéra. Sacerdocio llavekuéra ha’e pe presidencia autorida ha pu’aka. Sacerdocio llavekuéra oisãmbyhy mba’éichapa Tupã sacerdocio ojeiporukuaa oñekumpli hag̃ua Ñandejára propósito ha ojehovasa hag̃ua opaite umi oaceptáva Jesucristo evanhélio restaurado-pe.

Iñimportante toñeseñala, Tupao oñemohenda mboyve, yvagagua mensaherokuéra okonferihague pe Sacerdocio Aarónico ha de Melquisedec Proféta José Smith ári ha ome’ẽ chupe mokõive sacerdocio llavekuéra. Ko’ã llave ome’ẽ José Smith-pe autorida omohenda hag̃ua pe Tupao 1830-pe.

Upéi, Kirtland templo-pe, 1836-pe, iñesensial toñekonferi ko’ã mbohapy sacerdocio llave oñemoĩvéva, ha’éva umi llave Israel ñembyatyrã, Abraham evanhélio llavekuéra ha pu’aka ojesella hag̃ua llavekuéra. Umi llave oautorisa José Smith-pe, ha opavave umi presidente osegíva chupe Ñandejára Tupao Presidente ramo, ombyaty hag̃ua Israel-pe mokõive velo lado-pe, ohovasa hag̃ua opavave konveniogua ta’yrakuérape Abraham tovasapy reheve, oñemoĩ hag̃ua peteĩ sello ratifikador umi sacerdocio ordenánsa ha konveniokuérape, ha ojesella hag̃ua familia-kuéra eternamente. Ko’ã sacerdocio llavekuéra pu’aka ijapyra’ỹ ha hechapyrã.

Pekonsiderami mba’éichapa pende rekove iñambuéta umi sacerdocio lláve ndojerrestauráirire ko yvy ári. Umi Sacerdocio llave’ỹre, ndaikatumo’ãi peñeinvesti Tupã pu’aka reheve. Umi sacerdocio llave’ỹre, pe Tupao ikatúta oservi peteĩ organización humanitario ha oporohekombo’éva ramo añónte, ha upévante. Sacedocio llavekuéra’ỹre, avave ñande ndajaguerekoichéne acceso umi ordenánsa ha konveniokuérape ñanembojoajúva umi jahayhúva ndive tapiaite g̃uarã ha oheja ára ohasávo, tajaiko Tupã ndive.

Sacerdocio llavekuéra omoambue Jesucristo Tupao Santokuéra Ára Pahapeguápe oimeraẽ ambue organización-gui ko yvy ári. Heta organización ikatu ha omoĩporãve pende rekove ko yvy ári, ha añetehápe omehora. Ha katu ni peteĩ ambue organización ndaikatúi ni noinfluimo’ãi pende rekovépe ñemano rire.

Sacerdocio llavekuéra ome’ẽ ñandéve autorida ojeipyso hag̃ua umi jehovasa oñeprometeva’ekue Abraham-pe peteĩteĩ kuimba’e ha kuña oñongatúvape ikonveniokuéra. Templo rembiapo ojapo ko’ã jehovasa hechapyrãva toĩ disponible opaiteTupã ta’yrakuérape g̃uarã, taha’e ha’éva moõpatérã araka’épaoikókuri térã oiko ko’ág̃a. Javy’ákena umi sacerdocio llavekuéra oĩ jey haguére ko yvy ári peteĩ jey!

Poinvita pekonsiderami hag̃ua ko’ã mbohapy momarandu:

1. Israel ñembyaty ha’e peteĩ techaukaha Tupã ohayhuhaopavave Ita’yrakuérape opaite tendápe.

2. Abraham evanhélio ha’e peteĩ techaukahave Tupã ohayhuha opavave Ita’yrakuéra opaite tendápe. Ha’e oinvita opavavépe ou hag̃ua Hendápe—“hũ ha morotĩ, oñeñapytĩva ha isãsóva, kuimba’e ha kuña; …opavave peteĩchaite Tupã renondépe”.

3. Pe pu’aka ojesella hag̃ua ha’e techaukaha divíno pe tuichaite mborayhu Tupã orekóvagui opaite Ita’yrakuérare oparupi ha oipotaha peteĩteĩ hikuái toiporavo oho jey ógape Hendápe.

Umi sacerdocio llavekuéra ojerrestaurava’ekue Proféta José Smith rupive ojapo posible opaite kuimba’e ha kuña ojapo ha oñongatúva konveniokuéra toguerovy’a umi priviléhio espiritual personal ijojaha’ỹva. Peteĩha jey, oĩ heta mba’e ñañemoarandukuaávape pe Kirtland Templo rembiasakue sagrádogui.

José Smith ñembo’e dedicatorio Kirtland templo-pegua ha’e peteĩ tutorial ramo mba’éichapa templo ome’ẽ peẽme ha chéve pu’aka ñambohovake hag̃ua umi tekovegua desafio ko’ã ára pahápe. Poromokyre’ỹ pestudia hag̃ua upe ñembo’e, oĩva Doctrina ha Konveniokuéra sección 109-pe. Upe ñembo’e dedicatorio, ojehupytyva’ekue rrevelasiõ rupive ombo’e templo ha’eha “peteĩ óga, héẽ, peteĩ ñemboʼe róga, peteĩ ajúno róga, peteĩ jerovia róga, peteĩ ñehekomboʼe róga, peteĩ glória róga, peteĩ orden róga, peteĩ Tupã róga”.

Ko atributo-kuéra lista ha’e hetave peteĩ templo descripción-gui. Ha’e peteĩ promesa mba’épa ojehukuaa umi oservi ha otupãitúvape Ñandejára rógape. Ha’ekuéra oha’arõkuaa tohupyty mbohovái iñembo’ekuérape, rrevelasiõ personal, jerovia tuichavéva, mbarete, moangapyhy, kuaapy ha pu’aka tuichavéva.

Ára pehasáva templo-pe penepytyvõta pepensa hag̃ua celestial-háicha ha pehupyty peteĩ visiõ mávapa peẽ añetehápe, mávapa ikatu oiko pendehegui, ha mba’éichagua tekovépa peguerekokuaa tapiaite g̃uarã. Tupãitũ meme templo-pe omehoráta mba’éicha pejehecha pendejupe ha mba’éicha peike pe Tupã plan hechapyrãitévape. Apromete peẽme upéva.

Oñepromete avei ñandéve templo-pe “jahupytykuaa peteĩ Espíritu Santo plenitúgui.” Peñeimahinami mba’épa upe promesa he’ise ojeguerekóvo yvága ojepe’ávo peteĩteĩ umi oheka añetévape g̃uarã pe añetegua ijapyra’ỹva.

Ñañeinstrui opavave otupãitũva templo-pe orekótaha Tupã pu’aka ha anhelkuéra omo’ãvo chupekuéra.” Mboýpa omongakuaa pende jerovia peikuaa, peteĩ kuña térã kuimba’e ramo peñeinvestíva Tupã pu’aka reheve, napembohovakeiva’erãha peneaño ko tekove? Mba’éichapa penembopy’aguasu peikuaa anhelkuéra añetehápe ñenepytyvõtaha?

Ipahápe, oñepromete ñandéve “Mbaʼevéichagua tembiapoñaña joaju ani oreko puʼaka” umi Ñandejára Rógape otupãitúva ári.

Ñantende umi priviléhio espiritual templo-pe ojejapóva posible imba’eguasueterei ñandéve g̃uarã ko árape.

Che hermano ha hermana-kuéra pohayhuetéva kóva ha’e che promesa. Mba’eve penepytyvõvéta pejejoko hag̃ua pe várra ierroguiguávare pe templo-pe ñetupãitũ memégui pene circunstancia ohejaháicha peẽme. Mba’eve napenemo’ãvemo’ãi pembohovakévo umi yvoragua tatatĩ iñipytũva. Mba’eve nomombaretemo’ãi pene testimónio Ñandejára Jesucristo ha Iñexpiasiõgui ni napeneipytyvõmo’ãi pentende porãve hag̃ua pe Tupã plan hechapyrãitéva. Mba’eve nomoangapyhýi porãve pende espíritu umi ñembyasy árape. Mba’eve ndoipe’avemoãi pe yvága. Mba’eve!

Templo ha’epe okẽ umi jehovasa tuichavévape Tupã orekóva peteĩteĩ ñandéve g̃uarã, templo ha’égui pe tenda peteĩete yvy ári ikatuhápe jahupyty opaiteumi tovasapy oñeprometeva’ekue Abraham-pe. Upévare jajapo hína opaite mba’e ñande ikatumíva, Ñandejára sãmbyhy guýpe, umi templo jehovasa toĩve disponible Tupaogua miembro-kuérape. Upévare, rovy’a roanunsiávo roplaneaha hína toñemopu’ã peteĩ templo pyahu peteĩteĩ ko’ã 15 tendápe:

• Uturoa, Polinesia Francesa

• Chihuahua, Mexico

• Florianópolis, Brasil

• Rosario, Argentina

• Edinburgh, Scotland

• Brisbane, Australia area sur

• Victoria, British Columbia

• Yuma, Arizona

• Houston, Texas area sur

• Des Moines, Iowa

• Cincinnati, Ohio

• Honolulu, Hawaii

• West Jordan, Utah

• Lehi, Utah

• Maracaibo, Venezuela

Hermano ha hermana-kuéra pohayhuetéva, Che atestifika kóva ha’e Jesucristo Tupao Santokuéra Ára Pahapegua. Ha’e oĩ itupao akãme. Ñande ha’e Idiscipulokuéra.

Javy’a sacerdocio llavekuéra restaurasiõme ojapóva posible peẽ ha chéve g̃uarã tajaguerovy’a peteĩtei umi jehovasa espiritual jahupyty se ha ñanedignova jahupyty hag̃ua. Upévagui atestifika, Jesucristo réra marangatúpe. Amén