Opa mba’e ñane ñeime porãrã

Ko ára abril, 6-pe , Jesucristo Tupao Ára Pahapegua rrestaurasiõ aniversario—ha Pascua ára jave, vy’a reheve jatestifikahápe Jesucristo rekove porãitére, upe sacrificio expiatorio ha Resurrección gloriosa-gui.

Peteĩ historia china oñepyrũ peteĩ karai ra’y ojuhúrõguare peteĩ kavaju porãite.

“Pendepo’aite piko”, he’i vesinokuéra.

“Jahecháta,” he’i karai.

Upéi ta’ýra ho’a kavajúgui ha opyta vai.

“Ndapendepo’aiete piko,” he’i vesinokuéra.

“Jahecháta,” he’i karai.

Og̃uahẽ peteĩ recluta-kuéra ejército ha katu ndoguerahái hikuái ta’ýra oĩvaívape.

“Pendepo’aite piko”, he’i vesinokuéra.

“Jahecháta”, he’i karai.

Ko múndo iñambue meméva py’ỹi oku’epa yvytu vaíre, ojekuaapora’ỹva, sapy’ánte ipo’áva ha—py’ỹieterei—ipo’a’ỹva. Ha katu, ko múndope jehasa’asy, “jaikuaa umi ohayhúva Tupãme, opa mba’e oipytyvõha iñeimeporãrã.” Upéicha, jaguata jojáramo ha ñanemandu’a ñane konveniokuérare, “opa mba’e oipytyvõta pene ñeimeporãrã.”

Opa mba’e ñane ñeime porãrã

Peteĩ promesa hechapyrãva! Peteĩ segurida oporomoangapyhýva oúva Tupãguiete voi! Milagrosamente, upe Creación propósito ha Tupã ñande Ru naturaleza ha’e tojeikuaa ñepyrũmby ha paha, tojejapo opa mba’e ha’éva ñane ñeimeporãrã, ha ñanepytyvo hag̃ua ñañesantifikávo ha ñanesánto Jesucristo grásia ha Expiasiõ rupive.

Jesucristo Expiasiõ ikatu ñanemosãso ha ñanerredimi pekádogui. Ha katu Jesucristo avei oikuaa ijehegui peteĩteĩ ñane mba’e’asy, jehasa’asy, mba’asy, vy’a’ỹ ha joaju’ỹ. Ára ha apyra’ỹme, Itriunfo ñemano ha añaretã ári ikatu omyatyrõ opa mba’e. Oipytyvõ omonguera hag̃ua ohasa’asýva ha ojeapo’ívape, omoingoporã hag̃ua umi ipochy ha ojuejávape, omoangapyhy hag̃ua umi ha’eño ha oñemoha’eñóvape, omokyre’ỹ hag̃ua hi’añetegua’ỹ ha oiporãmba’ỹvape ha ojapo hag̃ua umi milágro Tupãnte ikatúva ojapo.

Japurahéi aleluya ha jasapukái hosána! Pu’aka ijapyra’ỹva ha py’aporã opa’ỹva reheve, Tupã vy’apavẽ plan-pe, opa mba’e ikatu omba’apo oñondive ñane ñeimeporãrã. Ñambohovakekuaa tekove jeroviapy reheve ha kyhyje’ỹme

Jajehejáramo ñaneaño, ikatu ndajaikuaái ñane ñeimeporã. Pe “ajeiporavo jave chejupe”, avei aiporavohína umi che limitasiõ, mba’ekangy ha ahupyty’ỹva. Amo ipahápe, ojejapo hag̃ua iporãvéva, ñandepy’aporãva’erã. Ha avave ndaipy’aporãvéi ndaha’éiramo Tupã añónte8 jaheka upe perfección Jesucristo-pe. Oiko ñandehegui iporãvéva ha hi’añetevéva jaipe’a rire ñandejehegui kuimba’e térã kuña natural ha oiko ñandehegui mitã Tupã renondépe.

Ñande jerovia ha fe Tupã rehe, umi prueba ha jehasa’asy ikatu oñekonsagra ñane ñeimeporãrã. José, oñevendeva’ekue esclavo ramo Egipto-pe, upéi osalva ifamilia ha itavayguakuérape. Ñandejára he’iva’ekue José Smith-pe Liberty ka’irãime, “ko’ã mba’e ome’ẽta ndéve tembiasarã, ha ha’éta ne ñeimeporãrã”. Javivírõ fe reheve, umi prueba ha sacrificio araka’eve ndajaiporavova’erãmo’ãiva ikatu ñanderovasa ñandéve ha ambuekuérape araka’eve ñaimo’ã’ỹháicha.

Ñamongakuaa fe ha jerovia Ñandejárere opa mba’e ikatuha omba’apo oñondive ñane ñeime porãrã jajapyhývo jahávo peteĩ perspectiva eterna;ñaentende umi ñande prueba ikatuha “sapy’aite ajánte”; jahechakuaa pe jehasa’asy ikatuha oñekonsagra ñane beneficio-rã;; jahechakuaa accidente, ñemano voi, mba’asy oporomokangýva ha mba’e’asy oĩha mortalida ryepýpe; ha jerovia Túva Yvagagua oporohayhúva nome’ẽiha umi prueba ñandehavira térã ñandehusga hag̃ua. Nome’ẽichéne ita ojerurévape chupe pan ni peteĩ mbói ojerurévape chupe pira.

Og̃uahẽvo umi prueba, heta jey pe jaipotavéva ha’e toĩ máva ñanerendúva ha oĩva ñanendive. Kóva ko moméntope, umi ñembohovái tapiaguáva ikatu ndovaléi, oporombopy’aguapyse ramo jepe. Sapy’ánte jaipotaiterei máva ojepy’apýva, hasýva térã hasẽva ñanendive; ohechaukáva mba’e’asy, frustrasiõ, sapy’ánte pochy jepe; ha ohechakuaáva ñanendive oĩha umi mba’e jaikuaa’ỹva.

Jajeroviáramo Tupã ha Imborayhúre ñanderehe, uvei umi ñane angata tuichavéva, ipahápe, ikatu omba’apo oñondive ñane ñeimeporãrã.

Chemandu’a pe ára aikuaahápe peteĩ accidente automovilístico tuichaitégui oĩháme umi ahayhúva. Umi moméntope, py’apy ha fe reheve, ikatúnte ja’e Job-cha: “Ñandejára ome’ẽkuri, ha Ñandejára oipe’ákuri; tojehovasa Ñandejára réra”.

Opa tupao mundial-pe, 3.500 rupi umi estáka ha distrito ha 30.000 barrio ha rráma rupi ome’ẽ refugio ha segurida. Ha katu umi ñande estáka ha barrio-pe, heta familia ha individuo fiel ombohovái umi desafío hasyvéva, uvei oikuaávo (oikuaa’ỹre gueteri mba’éicha) umi mba’e omba’apóta oñondive ñane ñeimeporãrã.

Huddersfield, Inglaterra-pe, hermano Samuel Bridgstock-pe oñediagnostika cáncer etapa cuatro-pe sa’i illamamiénto mboyve presidente de estaca pyahu ramo. Pe diagnóstiko vaiete rovái, oporandu hembireko, Anna-pe, mba’érepa ohóta oñentrevista.

“Upévare”, he’i hermana Bridgstock, “reñehenóita presidente de estaca”.

Ñepyrũrã oñeme’ẽ chupe peteĩ térã mokõi áñonte oikovetaha, Presidente Bridgstock (oĩva ápe ko ára) oĩma cuarto áño iservicio-pe. Oguereko ára iporãva ha ára ipohýiva. Ipotapy omỹive fe tuichavéva rehe, servicio ha py’aporã reheve. Ndaha’éi hasy’ỹva, ha katu hembireko ha ifamilia oiko fe reheve, aguyje ha vy’a’ỹ ojehechakuaáva ojeroviáva oikotahágui gozo ijapyra’ỹva Jesucristo Expiasiõ restauradora rupi.

Japyta jave, abierto ha rreverénte, ikatu ñañandu upe konvénio gloria, propósito ha serenida Ñandejára oikuave’ẽva. Umi moménto marangatúpe, Ha’e ikatu oheja jahecha pe añetegua ijapyra’ỹ tuichavéva umi oĩvagui ñande rekove ára ha araguápe, umi mba’e michĩ isensíllova omba’apo jojahápe umi ome’ẽ ha omog̃uahẽvape ñeimeporãrã.

Rebekah, peteĩha che presidente de misión rajy, okomparti mba’éichapa Ñandejára ombohovái iñembo’e ojerurévo angapyhy peteĩ oportunida oñeha’arõ’ỹvape ombohováiva ambue tekove ñembo’e.

Peteĩ pyhare, Rebekah, iñangekóiva isy ñemano ramóre, oreko pe impresiõ hesakã porãva ohova’erãha ojogua gasolina ikóchepe g̃uarã. Og̃uahẽvo estación-pe, ojuhu peteĩ g̃uaig̃uimíre olucháva orrespira hag̃ua peteĩ tánke de oxígeno tuichaitére. Upe rire, Rebekah ikatukuri ome’ẽ upe kuñakaraípe máquina de oxígeno portátil isy mba’ekue. Ko hermana he’i agradecida, “Nde chemosãso jey.” Umi mba’e omba’apo ñeime porãrã ñaministra jave Jesucristo ojapoháicha.

Peteĩ túva oñeasignáva oñoirũ ramo ministerio-pe ita’ýra ndive orekóva maestro eda omyesakã, “Ministrar ha’e jahasa vesíno oraháva galleta-gui amigo de confianza-pe, umi socorrista espiritual.” Jesucristo alianza-pe ñeime oporokonsola, ombojoaju, okonsagra.

Uvei peteĩ tragedia-pe, preparación espiritual ikatu ñanemomandu’a ñande Ru Yvagagua oikuaaha ñañeñandu jave ñanekangy ha ñaneaño. Ejemplo ramo, peteĩ familia imemby ojegueraháva hospital-pe ojuhu angapyhy upe rire imandu’ávo Espíritu Santo oñe’ẽmbueguemahague chupekuéra mba’épa oha’arõva’erã.

Sapy’ánte, pe añetegua ijapyra’ỹva tuichavéva Ñandejára ohejahápe ñandéve ñañandu oike upe familia ambue vélo ládope. Peteĩ hermana ojuhu gozo oñekonvertívo Jesucristo evangelio restaurado-pe. Jepe mokõi trauma ombota pypuku hekovépe—ohechavo peteĩ accidente de navegación ha isy ñemano itráhikova, oipe’águi ijehegui hekove.

Upevére, ko hermana osupera ikyhyje ýgui ikatu hag̃uáicha oñemongarai ñeñapymi rupive. Ha pe og̃uahẽvape ha’e ára ovy’aiteha, oĩ testígo ramo peteĩme g̃uarã, oñemoĩvape isy omanova’ekue rãngue, oñemongaraíva templo-pe. Templo-pe ñemongarai omonguera che sýpe ha chemosãso”, he’i upe hermana. “Upéva peteĩha jey añanduha py’aguapy che sy omano rire”.

Ñande purahéi imarangatúva oguereko Isegurida éko opa mba’e ikatuha omba’apo joja ñane ñeimeporãrã.

Mormón Kuatiañe’ẽ ohechauka ikatuha jareko ñande pópe Jesús ha’eha pe Cristo ha Tupã okumpliha Iprofesiakuéra. Ojehaíva umi proféta inspirádo ohechava’ekue ñande ára rupi, Mormón Kuatiañe’ẽ oñepyrũ peteĩ drama imbaretévare: peteĩ familia ombohovaivahína ñemoambue ipypukúva. Upevére, jaestudia ha jajepy’amongetávo jahávo 1 Nefi 1 guive Moroni 10 peve, ñañeñandu atraído Jesucristo-re peteĩ testimónio atã upépe ojehuva’ekuégui ha upémarõ ikatu ñanderovasa ko’ápe ha ko’ág̃a.

Ñandejára, Iproféta oikovéva rupi, omoag̃uivévo Ñandejára róga hetave hendápe, templo rovasapy omba’apo joja oñondive ñane ñeime porãrã. Jaju Tupã ñande Ru ha Jesucristo-pe konvénio ha ordenanza rupi ha jajapyhy peteĩ perspectiva eterna mortalidágui. Peteĩ teĩ, téra térare, ñaikuave’ẽ familiar-kuéra jahayhuetévape—ypykuérape—umi ordenánsa salvadóra ha konveniogua tovasapy Ñandejára ohechaukaháicha pe salvador modelo-pe monte de Sión-pe.

Umi templo oñemoag̃uívo ohóvo ñanderehe heta hendápe, peteĩ sacrificio templo-pe ikatúva ñaikuave’ẽ ha’e jaheka py’ỹive pe santida Ñandejára rógape. Heta áño aja ja’aorra, ñaplanea ha jajesacrifika jaha hag̃ua templo-pe. Ko’ág̃a, umi circunstancia opermitiháicha, pejumi py’ỹive Ñandejára rendápe Hóga marangatúpe. Peheja pe templo adorasiõ ha pe servicio regular tapenderovasa, penemo’ã ha peneinspira peẽ ha pene familia-pe—familia peguerekóva terã familia peguerekótava ha peg̃uahẽtavape peteĩ ára.

Avei, umi circunstancia opermiti jave, pekonsidera pe tovasapy oúva jaguerekóramo ñane templo-pegua aokuéraite. Peteĩ familia humilde aguéla he’i jepi opa mba’e ári ko múndope, upe oipotavéva ha’e oreko ijao templo-pe g̃uarã. Iniéto he’i, “aguéla he’i mbeguemi, “Aservíta che ao templo-peguáre, ha amano rire, añeñotỹta heseve.’” Ha og̃uahẽvo upe moménto, oiko.

Presidente Russell M. Nelson ombo’eháicha, “Opajaroviáva hakádapromesa Tupã ojapova’ekue Itavaygua konvenioguápe oñembyaty templo-pe”.

Ára ha ijapyra’ỹvape, Tupãite naturaleza ha Creación propósito ha’e toñembyaty opa mba’e ñane ñeime porãrã.

Kóva ha’e Ñandejára propósito ijapyra’ỹva. Ha’e Iperspectiva ijapyra’ỹva. Ha’e Ipromésa ijapyra’ỹva.

Tekove isarambi jave ha propósito ndahesakãi jave, peiko porãsevérõ ha katu ndapeikuaái mba’éichapa, pejumi Tupã ñande Rúpe ha Jesucristo-pe. Perovia Ha’ekuéra oikoveha, penderayhu ha oipotaha opa mba’e pene ñeime porãrã. Atestifika Ha’ekuéra peichaha, ijapyra’ỹ ha opa’ỹva, Jesucristo réra sagrádo ha sántope, amén.