Preordenado oservi hag̃ua

Ko ka’arúpe añe’ẽ umi Tupaogua imitãvape, umi kuimba’e ha kuña generasiõ pyahupegua, ha’éva hikuái avanderádo generasiõ oútavape g̃uarã.

Octubre 2013-pe, ñande proféta jahayhuetéva, Presidente Russell M. Nelson, he’i: “Pende Ru Yvagagua pendekuaa ojapóma heta ára. Peẽ, Ita’ýra térã itajýra ramo, pejeiporavova’ekue Hese peju hag̃ua yvy ári ko momentoitépe, ha’e hag̃ua peteĩ líder ko yvýpe Hi’obra tuichaitépe.”

Ojapo mokõi áño, Presidente Nelson ombojoapy:

“Ko árape amoañete mbarete Ñandejára ojerureha opavave mitãkaria’y digno ha ikatúvape, toñembosako’i ha toservi peteĩ misiõ. Santokuéra Ára Pahapegua mitãkuimba’ekuérape g̃uarã, pe misiõ servisio ha’e peteĩ sacerdocio rresponsavilida. Peẽ mitãkuimba’ekuéra, peñeñongatu ko épokape g̃uarã ojejapohapehína Israel ñembyaty oñeprometeva’ekue. …

Peẽme g̃uarã mitãkuñanguéra ha hermana-kuéra ikatúva, peteĩ misiõ ha’e oportunida mbarete ha katu opcional. … Peñembo’e peikuaa hag̃ua Ñandejára oipotápa peservi peteĩ misiõ, ha Espiritu Santo ombohováita pene korasõ ha pene akãme.”

Umi ñande proféta he’íva Ñandejára ohejaha rresérvape umi ñande aragua imitãvape ko ára Israel ñembyatýpe g̃uarã ha iñinvitasiõ toñeñembo’e ojeikuaa hag̃ua mba’épa oipota Ñandejára peẽ pejapo ha’e, pártepe, umi rreferénsia tekove peviviva’ekue ha tovasapy pemog̃uahẽva’ekue Tupãgui penase mboyve ko yvýpe. Opavave ñanaséva ko yvy ári jaiko raẽva’ekue ñande Ru Yvagaguándi Ita’yrakuéra espiritual-ramo. Ñandejára he’i Moisés-pe, “Che, Tupã Ñandejára, ajapógui opa mba’e … espiritu-pe, oĩ mboyve hetépe yvy ape ári.”

Pende’apo jave, penderayhu Ita’ýra ha itajyrakuéra espiritual-cha ha ome’ẽ peteĩteĩ peẽme peteĩ naturaleza divina ha peteĩ destino ijapyra’ỹva.

Pende rekove preterrenal aja, “pemongakuaa [pende] identida ha pembotuicha [pende] kapasida espiritual.” Pejehovasapyva’ekue albedrío don reheve, pe kapasida pejapyhy hag̃ua desisiõ pendejehegui, ha pejapyhy umi desisiõ importánte, upe desisiõ pesegívo Túva Yvagagua plan de felicidad, ha’éva “tojejapyhy peteĩ cuerpo físico ha tojehasa experiencia terrenal ikatu hag̃uáicha oñesẽ tenonde … ha ipahápe tojejapo [pende] destíno divino tekove ijapyra’ỹva erederoháicha.” Ko desisiõ oafecta pende rekove upéramo, pende rekove preterrenal-pe, oafectantehína gueteri ko’ág̃a pende rekove. Tupã oikovéva ra’ykuéraicha pende rekove preterrenal-pe, “pekakuaa inteligencia-pe ha peikuaákuri pehayhu hag̃ua añetegua.”

Penase mboyve, Tupã ome’ẽ peteĩteĩ peẽme pekumpli hag̃ua umi misión específica pende rekove mortal yvy ári aja. Pepytáramo digno, umi tovasapy decreto preterrenal-pegua opermitíta peẽme opáichagua oportunida ko tekovépe, oikehápe umi oportunida ojeservi hag̃ua Tupaópe ha ojepartisipa upe tembiapo iñimportantevévape ojejapóva ko árape yvy ári: Israel ñembyaty. Umi promesa ha tovasapy premortal héra preordenación. “Upe preordenación doctrina ojeaplika opavave Tupaogua miembro-pe. Upe preordenación nogarantisái peẽ perresivitaha umi llamamiénto térã responsabilida. Ko’ã tovasapy ha oportunida ou ko tekovépe pende albedrío justo ejercicio rresultádo ramo, pene preordenación tekove preterrenal-pe ou haguéicha tekojoja rresultádo ramo. Pehechaukávo pehóvo pene digno-ha ha pesẽ tenonde konveniokuéra rapére, perresivíta oportunida peservívo pende Mujeres Jóvenes-pegua clase-pe térã pende sacerdocio quórum-pe. Peguerekóta tovasapy peservívo templo-pe, peg̃uahẽ taha’e hermano térã hermana ministrante ha pekumpli peteĩ misiõ Jesucristo discípulo ramo.

Mba’ére iñimportánte ojeheka tojeikuaa ha tahesakã pene preordenación? Peteĩ époka hetahápe umi porandu, oĩháme heta oikuaaséva iñidentida añete, upe Tupã oikuaa ha hovasaha peteĩteĩ ñandéve individualmente ñanase mboyve ko yvýpe “umi característica esencial … premortal, mortal rehegua ha pe identida ha propósito ijapyra’ỹva” py’aguapy he’ẽ asýva ha segurida ñane akã ha ñane korasõme. Peikuaa mávapa peẽ oñepyrũ umi Tupã rovasapy predeterminada ñemyesakã reheve oñeme’ẽva’ekue peẽme penase mboyve ko yvy ári. Ñande Ru Yvagagua orrevelase pende preordenación personal, ha ojapóta pehekávo peikuaa ha pesegi Ivolunta.

Chegusta alee umi Presidente Nelson publicacio Instagram-pe. Peteĩ chegustavéva ha’e julio 20, 2022 pegua. Ha’e ohai:

“Aguerovia Ñandejára oñe’ẽ rire peẽme, ojeaseguraraẽva’erãha pentendépa mávapa ha’e pene identida añetegua. Che amigokuéra ahayhuetéva, peẽ ha’eha literalmente Tupã ra’ykuéra espiritual. …

“… Ani pejavy: pene potencial idivíno. Pende jeheka kyre’ỹ reheve, Tupã ome’ẽta peẽme pehechakuaa mávapa ikatúta oiko pendehegui.”

Ikatúpa akompartimi penendive mba’éichapa che ru yvy arigua chembo’e ajuhu hag̃ua che identida ha Tupã plan che rekovépe?

Peteĩ sábado pyhareve, arekóvo 13 áño, aikytĩhína kapi’ipe peteĩva umi che rembiapo semanal apytépe. Ajapopávo, ahendu oñemboty óga rokẽ atukupepegua ha ahecha che ru cherenóivo aha hag̃ua hendápe. Aguata porche trasero peve ha cheinvita aguapy hag̃ua hendie umi escalón-pe. Ha’e peteĩ pyhareve porãite. Chemandu’a gueteri oguapy ag̃uiete chehegui ore ati’y ojopoko peve. Oñepyrũ he’ívo chéve cherayhuha. Oporandu mba’épa umi che objetivo che rekovépe. Apensa, “Bueno, upéva ndahasýi.” Aikuaa mokõi mba’e segurida reheve: cheyvateseve ha ahase py’ỹive kampaméntope. Che peteĩ alma sencilla. Ha’e opukavy, okirirĩ’imi peteĩ moménto ha he’i: “Steve, akompartise nendive peteĩ mba’e iñimportánteva chéve. Añembo’e ñande Ru Yvagagua ojapo hag̃ua pe ha’éva ko’ág̃a topyta grabado ne akã ha ne ángape ogue’ỹ hag̃uáicha ha araka’eve nderesarái hag̃ua.”

Che ru orekopaite che atención upe moméntope. Ojere, omaña che resápe ha he’i, “Che ra’y, emo’ã umi nde rekove moménto privado.” Oiko peteĩ pausa puku ha’e oheja aja oike pykuku upe significado che korasõme.

Upéi he’ive, reikuaa piko, umi moménto nde ha’ehápe peteĩnte oĩva ag̃ui ha avave ndoikuaaihápe upe rejapóva? Umi moménto repensahápe, ‘Tajapo ajapóva ko’ág̃a ndoafectái avavépe, chévente’?”

Upéi he’i, “Hetave oimeraẽ ambue moméntogui nde rekovépe, upe rejapóva nde rekove moménto privado-pe oguerekóta impacto tuichave mba’éichare rembohovái umi mba’e ijetu’úva ha mba’erasy; ha rejapóva umi nde rekove moménto privado-pe avei oguerekóta impacto tuichave mba’éichare rembohovái umi iporãva ha vy’a reñandútava oimeraẽ ambue moméntogui nde rekovépe.”

Che ru orresivi ikorasõ oipotáva. Pe iñe’ẽ ipu ha opuraheiháicha, mborayhu añandúva iñe’ẽme, opyta che akã ha che ángape upe ára ogue’ỹma hag̃uáicha.

Áño pukukue aja aikuaa pe milagro tuichavéva upe ára che mitã róga escalera-pe ha’ehague, umi moménto iprivadovéva che rekovépe, ikatuha aha Tupãme ñembo’épe arresivi hag̃ua rrevelasiõ. Che ru chembo’e hína mba’éichapa ikatu aikuaa umi Tupã rovasapy predeterminado. Umi moménto ha’eñóme, aikuaa Mormón Kuatiañe’ẽ ha’eha Tupã ñe’ẽ. Aikuaa Tupã chepreordenahague aservi hag̃ua peteĩ misiõ. Aikuaa Tupã chekuaaha ha ohendu ha ombohovaiha che ñembo’ekuéra. Aikuaa .Jesús ha’eha pe Cristo, ñande Salvador ha Redentor.

Ajavy hetárõ jepe upe ára chemandu’aitéva guive che rúndi, añeha’ãvo amo’ã umi moménto privado che rekovépe ha’e gueteri peteĩ ancla umi tekove torménta mbytépe ha opermiti chéve aheka refugio segúro ha tovasapy oporomongueráva ha oporomombaretéva ñande Salvador mborayhu ha sacrificio expiatorio-pe.

Che hermano ha hermana-kuéra imitãva, pemo’ãvo pehóvo umi pende rekove moménto privado rekreasiõ sana reheve; pehendúvo purahéi iñedifikánteva, peleévo escritura-kuéra, peñembo’e memévo isignifikativoveháicha ha peñeha’ãvo perresivi ha pemedita pene bendición patriarcal-pe, perresivíta rrevelasiõ. Presidente Nelson ñe’ẽme, umi hesa “ojepe’áta pe añeteguápe ko tekove ha’eha peiporavo hag̃ua mba’eichagua tekovepeẽ peipota peikove hag̃ua akoiete g̃uarã.”

Ñande Ru Yvagagua ombohováita pene ñembo’e, especialmente umi peme’ẽva umi pende rekove moménto privado aja. Ha’e orreveláta peẽme umi pene don ha talénto predeterminado, ha peñandúta Imborayhu peneañuãha, peporandu añetérõ ha peikuaase añetérõ. Pemo’ãvo pehóvo umi pende rekove moménto privado, pende partisipasiõ umi Evanhélio ordenanza ha konveniokuérape isignifikativovéta. Pejoajuvéta Tupã ndive konveniokuéra pejapóva rupi Hendie ha pejehupíta peguereko hag̃ua esperanza tuichavéva, fe ha segurida umi promesa Ha’e ojapova’ekuépe ndéve. Peikuaasépa Tupã plan peẽme g̃uarã? Ame’ẽ testimónio Ha’e oipotaha peẽ peikuaa, ha oinspiraha proféta múndope ñaneinvita hag̃ua peteĩteĩme ñañembo’e ha ñamog̃uahẽ ko experiencia reveladora ñandéve g̃uarãitéva Ame’ẽ testimónio ñande Salvador sacrificio expiatorio rrealida ha pokatúgui ojapóva ñaime altúrape ha jarovy’a opa Tupã rovasapy predeterminado, Jesucristo rérape. Amén.