Pejerovia Ñandejárare

Ore familia-pe, sapy’ánte rohuga peteĩ huégo rohenóiva “Pe ejercicio tarova jerovia rehegua.” Oiméne peẽ avei pehugákuri. Mokõi tekove oñembo’y peteĩ metro rupi ojuehegui, oñolómore. Peteĩ tekove oĩvape atukupépe señal-pe, pe oĩva tenonde ojeity ilómo guio iñamígo oha’arõva jyva ári.

Jerovia ha’e opa relasiõ base. Peteĩ porandu ojejapóva opa relasiõ mboyve ha’e “Ikatúpiko ajerovia upe ambue tekovére?” Peteĩ relasiõ oiko oñeimérõnte dispuésto ojejerovia ojuehe. Ndaha’éi peteĩ relasiõ peteĩ tekove ojeroviapávo ha ambuékatu ndojeroviái.

Peteĩteĩ ñande ha’e “peteĩ ta’ýra térã tajýra heñoiva’ekue espírituicha tuvakuéra Yvagaguágui. Ha katu, pe genealogía espiritual ome’ẽramo jepe peteĩ fundaménto, ndojapói ijehegui peteĩ relasiõ hi’ajúva Tupãndi. Peteĩ relasiõ ikatu oñemopu’ã jaiporavóronte jajerovia Hese.

Túva Yvagagua oheka omopu’ã peteĩ relasiõ pypuku ha personal peteĩteĩ ita’yrakuéra espiritual ndive. Jesús ohechauka upe deseo onembo’évo, “Ikatu hag̃uáicha oñemopeteĩ hikuái; ndéicha, oh Túva, chepype, ha che ndepype, taha’e avei hikuái peteĩnte ñandepype.” Pe relasiõ Tupã ohekáva ha’e peteĩ relasiõ hi’ag̃uiva ha personal Ha’e ikatutahápe okomparti opa orekóva ha opa ha’éva peteĩteĩ ñanendive. Ko relasiõchagua perfecto ha ijapyra’ỹva ikatukuaánte okakuaa peteĩ jerovia perfecto ha oĩmbáva ári.

Ijehegui katu, Túva Yvagagua omba’apókuri iñepyrũmby guie okomunika hag̃ua ojeroviapaiteha Ita’yrakuéra potencial divino-re. Pe jerovia ha’e upe plan base Ha’e opresentava’ekue jakakuaa ha japrogresa hag̃ua jaju mboyve yvy ári. Ha’e ñanembo’e umi léi ijapyra’ỹva, ojapótakuri peteĩ yvy, ome’ẽtaha ñandéve cuerpos mortales, ome’ẽtaha ñandéve upe don jaiporavo hag̃ua ñandejehegui ha opermitíva ñandéve jaikuaa ha jakakuaa jajapyhývo ñande desisiõ mombyry chugui. Ha’e oipota jaiporavo jasegi umi Iléi ha jajevy jey jadisfruta hag̃ua tekove ijapyra’ỹvagui Hendie ha Ita’ýra ndive.

Oikuaávo nda’akói jajapyhytaha umi desisiõ porã, avei ombosako’i peteĩ mba’éichapa jajeíta umi ñande rembiapo vai oguerúvagui. Ha’e ome’ẽ ñandéve peteĩ Salvador, Ita’ýra, Jesucristo, oexpia hag̃ua ñande pekadokuéra ha ñanemopotĩ jey ñañearrepentíramo. Ñaneinvita jaipuru meme hag̃ua pe arrepentimiénto don porãite.

Opavave túva oikuaa hasyha jajerovia peteĩ mitã ojapyhývare desisiõ, oikuaárõ katu upe mitã ojavytaha ha osufritaha resultádo ramo. Upevére, Túva Yvagagua oheja ñandeve jajapo hag̃ua umi jeiporavo ñanepytyvõtava jahupyty hag̃ua ñande potencial divino! Upe, élder Dale G. Renlund ombo’eháicha, “[Hi’]-objetivo Túva ramo ndaha’éi Ita’yrakuéra tojapo hikuáioiporãva; ha’e toiporavo ojapo hag̃ua oiporãva ha, ipahápe, tog̃uahẽ Ha’éicha.”

Upevére, Túva ojeroviáramo jepe ñanderehe, ñane relasiõ Hendie ikatúnte okakuaa ñaimérõ dispuésto jajerovia Hese. Desafío javivihápe peteĩ múndo ho’apyrévape ha opavave jahasákuri peteĩ jerovia jehekýi ambuekuérare deshonestida rupi, pe manipulasiõ, traisiõ térã ambue tembiapo vai rupi. Oikóramo traisiõ, hasy ñandéve jajerovia jey. Umi experiencia jerovia vai rehegua umi mortal imperfecto ndive oafecta ñande kapasida ha jeroviase hag̃ua Túva Yvagaguáre.

Ojapo heta áño, mokõi che irũ mba’apohápe, Leonid ha Valentina, chemondýi oanunsiávo Tupaogua miembro-seha hikuái. Oñepyrũvo oaprende Evanhéliogui, Leonid-pe hasy oñembo’e hag̃ua. Hekove ñepyrũme, Leonid ohasava’ekue abuso de autoridad, manipulasiõ ha control umi isuperior-gui ha omongakuaa jerovia’ỹ autoridáre. Umi ohasava’ekuére hasy chupe oipe’a ikorasõ ha ohechauka umi isentimiénto Túva Yvagaguáre. Leonid ostudiávo ohóvo, ojapyhy porãve peteĩ Tupã karácter jeikuaa ha oñepyrũ oñandu Imborayhu hese. Kóva ojehu rire, ñembo’égui oiko chupe g̃uarã peteĩ forma natural oaguyjeme’ẽ hag̃ua ha okorresponde hag̃ua pe mborayhu oñandúvare Tupãre. Ijerovia Tupãre okakuaavéva ogueraha chupe ha Valentina-pe oike hag̃ua konveniokuéra isagrádova omombarete hag̃ua irrelasiõ Tupãndi ha oñondive.

Pe jerovia jehekýi ndohejáiramo pejerovia Tupãre, pesegi Leonid ehémplo. Pacientemente Pestudiave Túva Yvagaguágui, Ikarácter, Ijatributokuéra ha Ipropósito. Peheka ha perrehistra umi experiencia peñanduhápe Imborayhu ha Ipu’aka pende rekovépe. Ñande profeta oikovéva, presidente Russell M. Nelson, ombo’ékuri ña’aprendevévo jahávo Tupãgui, ndahasymo’ãi ñandéve jajerovia Hese.

Sapy’ánte iporãveháicha jajerovia Tupãre ha’e jajeroviánte Hese. Pe “Loco ejercicio de confianza” peicha, Sapy’ánte ñaikotevẽnte ñaime dispuesto ja’ávo tapykue gotyo ha jaheja Ha’e tañandejagarra. Ko tekove mortal ha’e peteĩ pruéva.” Umi desafío ojejeruréva ñandéve amo gotyove ñande kapasidágui ha’e umi py’ỹive oúva, Umi ñande kuaapy ha entendimiento ndohupytýi ramo, upéicha jave naturalmente jaheka pytyvõ ambue fuéntepe. Peteĩ múndo henyhẽva informasiõgui, ndofaltaichéne fuénte ñandeguerahátava jaheka umi solusiõ ñande desafiokuérape Upevére, upe consejo simple ijapyra’ỹva Proverbios-gui ome’ẽ ñandéve fuénte iporãvéva: “Ejerovia Ñandejárare opa ne korasõ reheve”. Jahechauka ñande jerovia Tupãre jajerévo Chupe raẽ ñambohovakévo umi tekovegua desafío-kuéra.

Facultad de derecho amohu’ã rire, ore familia ojapova’erã pe importante desisiõ, moõpa romba’apóta ha romopu’ãta ore róga. Roñemongeta rire oñondie ha Ñandejara ndive, roñeñandu dirihido roguerova hag̃ua ore familia Estados Unidos Este gotyo, mombyry tuvakuéra ha joyje’ykuéragui. Ñepyrurã opa mba’e osẽ porã ha roñeñandu porã Tupã odirihiha upe desisiõ. Ha katu uperire umi mba’e okambia. Oiko peteĩ reducción de personal abogado bufete-pe ha ambohovái upe pérdida de ingreso ha upe javete onase ore mitã Dora, rombohováivo avei umi desafío médico ha necesidades especiales oútava. Umi desafío rombovái aja, arresiví peteĩ Tupao llamamiénto orahátava heta tiempo ha compromiso.

Araka’eve nambohovakeiva peichagua desafio ha añeñandu abrumada. Añepyrũ añeporandu upe desisiõ rojapova’ekue ha ikonformasiõgui. Rojeroviakuri Ñandejárare, ha opa mba’e osẽporãva’erã. Ha’a tapykue gotyo, ha ko’áĝa ojogua ndaiporiha maãvéva chejoko haĝua.

Peteĩ ára ko’ã ñe’ẽ “Ani reporandu mba’érepa; Eporandu mba’épa aipota reaprende” ou mbarete che akã ha che korasõme. Ko’ág̃a katu añekonfundive. Che konfusiõ moméntope ag̃ui jerovia arekova’ekuégui, Tupã cheinvita ajeroviave hag̃ua Hese. Amañavo tapykue gotyo, kóva ha’ékuri peteĩ punto crítico che rekovépe, ha’e pe momento ahechakuaahápe pe manera mehorve jajerovia haĝua Tupãre ha’esimplemente jajeroviávo Hese. Umi semana oúvape, che ahecha asombro reheve mba’éicha Ñandejára milagrosamente oipyso Iplan ohovasa haĝua ñande familia-pe.

Umi mbo’ehára ha entrenador katupyry oikuaa upe crecimiento intelectual ha fuerza física ikatúnteha ojehupyty ojestresávo akã ha músculo. Upéicha avei, Tupã ñaneinvita jakakuaa jajeroviávo itutoríare pe examen de conciencia estrés espiritual rupive. Upévare, ikatu ñaime segúro, independientemente pe jerovia jahechaukáva’ekuégui ára ohasava’ekuépe, jaguereko gueteri ñane renonde ambue experiencia opermitítava ñandéve ñambotuichave. Tupã oĩ enfokádo ñane crecimiento ha progreso-re. Ha’e pe mbo’ehára tuichaite, pe entrenador completo akóinte omba’apóva ñanepytyvõ hag̃ua jahupyty michĩmie hag̃ua ñane potencial divino. Upévape akóinte oikéta peteĩ invitasiõ oútava jajeroviave hag̃ua michĩmie Hese.

Mormón Kuatiañe’ẽ ombo’e pe patrón Tupã oipurúva ñandeipyso hag̃ua omopu’a hag̃ua umi relasiõ imbaretéveva ñanendive. Pe eju chesegi ojestudiavápe ramoite mba’éichapa pe Nefi jerovia Tupãre oñemoĩ a prueba ha’e ha iñermano-kuérape oñeordena vove ojevy Jerusalén-pe ogueru hag̃ua umi plancha de bronce. Ofrakasa rire umi iñinténto ñepyrũme, iñermano-kuéra oñeme’ẽ por vencido ha oĩ ojevy hag̃uáicha hikuá umi plancha’ỹre. Ha katu Nefi odesidi omoĩ ijerovia Ñandejárare ha ohupyty umi pláncha. Ko experiencia oiméne pe oalimentáva Nefi jerovia Tupãre hi’árko opẽ vove ha ifamilia ombohovái jave vare’a desiértore. Jeyve, Nefi odesidi ojerovia Tupãre ha ifamilia ojesalva. Ko’ã experiensia oiko jeyjeýva ome’ẽ Nefi-pe jepe peteĩ jerovia imbaretevéva Tupãre ambue oportunida óutava ombotuichave hag̃ua jerovia: peteĩ várko apo.

Umi experiensia jeyjeýpe, Nefi omombarete irrelasiõ Tupãndi ojerovia memévo Hese. Tupã oipuru peichagua patrón ñanendive. Ha’e omyasãi ñandéve invitaciones personales ñamombarete ha ñambopypuku hag̃ua ñande jerovia Hese. Káda ja’acepta ha ja’actua peteĩ invitasiõ he’iháicha, ñande jerovia Tupãre okakuaa. Ñambotove térã ñamoneĩvo peteĩ invitasiõ, ñande progreso opyta ja’actua peve peteĩ invitasiõ pyahu rovái.

Pe ñemorandu porã ha’e, independientemente pe jerovia jaiporavova’ekue térã jaiporavo’ỹva’ekue jadeposita Tupãre ára ohasávape, ikatu jaiporavo jajerovia Tupãre ko árape ha opavave ára oútavape. Apromete peẽme káda jajapóvo upéva, Tupã oĩta upépe ñandejagarra haĝua, ha ñande jerovia rehegua relasiõ okakuaa mbareteve ha mbareteve pe ára oiko peve ñandehegui peteĩnte Hendive ha Ita’ýra ndive. Nefi omoĩve ambue testimonio he’irõ guare: “O Ñandejára, nderehe ajerovia, ha nderehe ajeroviáta tapiaite peve.” Jesucristo rérape, amén.