Peteĩ kuatiajehaipyre umi mba’e ahecha ha ahenduva’ekue rehegua

Amohu’ã rire facultad de abogacía, che rembireko Marcia ha che roike peteĩ despacho de abogados-pe oje’especialisáva derecho juicio reheguápe. Añepyrũvo che entrenamiento, ahasa heta che tiempo apreparávo testigo-kuérape otestifika hag̃ua juicio-pe. Pya’e ahechakuaa pe oiko’akue oñedeterminaha peteĩ sala de tribunal-pe umi testigo, juramento rupive, otestifikáva añeteguaha umi mba’e ha’ekuéra ohehecháva ha ohenduva’ekue. Umi testigo otestifikaháicha, iñe’ẽnguéra ojehai ha oñeñongatu. Pe importancia orekóva umi testigo ojegueroviakuaáva akóinte oĩva che py’apýpe che añembosako’i jave.

Ndohasa aréi ahechakuaa hag̃ua umi término peteĩchagua aiporúva ára ha ára abogado ramo ha’eha avei umi término aiporuva’ekue che ñemongetakuéra evangelio reheguápe. “Testigo” ha “testimonio” ha’e ñe’ẽ jaiporúva ñakomparti jave ñane mba’ekuaa ha ñane remiandu Jesucristo evangelio añeteguáre.

Añesotenévo Setenta de Area pyahu ramo, aipe’ávo umi escritura a’aprende hag̃ua che deber, ahesa’ỹijóvo Doctrina ha Konveniokuéra 107:25he’íva, “Umi Setenta-pe oñehenói avei … ha’e hag̃ua testígo espesial hentilkuérape ha opa múndore”. Peñeimahinaháicha, che amaña porã pe ñe’ẽ “testigo especial” rehe. Hesakã porã chéve, arekoha peteĩ responsabilidad akomparti hag̃ua che testimonio, atestifika hag̃ua Jesucristo réragui—mamo ahahápe ko mundo-pe.

Oĩ heta ejemplo umi escritura-pe umi testigo ocular ha otestifikava’ekue mokõivéva ohecha ha ohendúvagui.

Profeta ymaguare Mormón oñepyrũvo iregistro, ohai, “Ha koʼág̃a che, Mormón, ajapo peteĩ kuatiajehaipyre umi mbaʼe ahecha ha ahenduvaʼekuégui, ha ambohéra Mormón Kuatiañeʼẽ.”

Salvador apóstol Pedro ha Juan omonguera peteĩ kuimba’épe Jesucristo Nazaret-gua rérape. Oñemandárõguare chupekuéra ani hag̃ua oñeʼẽ Jesús rérape, haʼekuéra ombohovái:

“Oĩ porãpa Tupã renondépe peñehenduve Tupãme rangue, peẽ pehusga.

“Ore ndaikatúi roñe’ẽ’ỹ umi mba’e rohecha ha rohenduva’ekue rehe.”

Ambue testimonio convincente ou Mormón kuatiañe’ẽgui Santokuéra otestifikava’ekue Salvador Jesucristo visita rehe. Pehendu ko descripción testimonio orekóva hikuái: “Ha péicha otestifika hikuái: Arakaʼeve tesa ndohechaivaʼekue, ni apysa nohenduivaʼekue, ko ára mboyve, mbaʼe tuichaite ha hechapyrãitéva rohecha ha rohendu haguéicha Jesús oñeʼẽha Túvape.”

Hermano ha hermana-kuéra, ko árape adeclara che testimonio ha ajapo peteĩ registro umi mba’e ahecha ha ahenduva’ekuégui che ministerio sagrado aja Setenta ramo Ñandejára Jesucristo-rupi. Péicha rupi, che atestifika peẽme peteĩ Túva Yvagagua mborayhúgui ha Ita’ýra Ipy’aporãva, Jesucristo-gui, ohasa’asyva’ekue, omano ha opu’ã jeyva’ekue oikuave’ẽ hag̃ua tekove opave’ỹva Tupã ra’ykuérape. Atestifika “peteĩ tembiapo hechapyrãva ha peteĩ maravilla-gui” ha Ñandejára omoĩ jey hague ipo omoĩjey hag̃ua Hi’evanhélio yvy ape ári, umi Iproféta ha apóstol oikovéva rupive. Atestifika añemopyendáva umi mba’e ahecha ha ahenduva’ekuére, araka’eve ndaiporiha peteĩ ára iporãvéva ha’e hag̃ua Jesucristo Tupao Santokuéra Ára Pahapegua miembro. Péva aikuaa che kuaapy tee rupi, independiente oimeraẽ ambue fuente-gui, umi mba’e ahecha ha ahenduva’ekuére.

Che año superior aja secundaria-pe, amohu’ã hag̃ua seminario aidentifikava’erã opa umi 15 templo Tupaópe. Peteĩ ta’anga káda templo rehegua oĩ ore mbo’eha koty renondépe, ha aikuaava’erã moõpa oĩ peteĩ teĩ. Ko’ág̃a, heta áño rire, tuichaitereíva desafío, 335 templo omba’apóva térã oñemoherakuãva—jaikuaa hag̃ua peteĩ teĩ. Che personalmente ahecha heta ko’ã Ñandejára róga ha atestifika Ñandejára oikuave’ẽha Ijehovasa ha ordenanza hetave ha hetave Ita’yrakuérape opa ko mundo-pe.

Che angirũnguéra FamilySearch-pegua chembo’e oñemoĩha un millón ári téra pyahu FamilySearch-pe ára ha ára. Nderejuhúiramo kuehe nde ypykue, ro’invita remaña jey hag̃ua ko’ẽrõ. Oñeñe’ẽvo Israel ombyaty hag̃ua ambue lado del velo-pe, araka’eve ndaiporiha peteĩ momento iporãvéva ha’e hag̃ua Jesucristo Tupao Santokuéra Ára Pahapegua miembro ko’ag̃aguágui.

Romongakuaa aja ore membykuérape Twin Falls, Idaho-pe, ore perspectiva Tupao mundial-gui ha’e limitado. Añenóirõguare ha’e hag̃ua peteĩ Autoridad General, Marcia ha che roñeasigna roservi hag̃ua Área del Pacífico-pe, peteĩ tenda araka’eve ndorohóiva’ekue. Rovy’a rojuhúvo estaca Nueva Zelanda yvate guive iguy peve, orekóva peteĩ templo ojededikáva 1958-pe. Ha’e peteĩ umi 15 aikuaava’ekue de memoria seminario-pe. Rojuhu templo opa táva guasu Australia-pe, estaca reheve upe continente pukukue. Roguereko asignación Samoa-pe, oĩháme 25 estaca, ha Tonga-pe, haimete la mitad población ha’éva miembro Tupaópegua. Roguereko peteĩ asignasión pe ísla de Kiribatípe, upépe rotopáva mokõi estaca. Roguereko asignación rovisita hag̃ua estaca Ebeye, Islas Marshall-pe ha Daru, Papúa Nueva Guinea-pe.

Ohasávo pe tiémpo Islas Pacífico-pe, oñeasigna oréve roservi hag̃ua Filipinas-pe. Che sorpresarã, Jesucristo Tupao Filipinas-pe okakuaa ohóvo opa mba’e ahechakuaava’ekuégui. Ko’ág̃a oĩ 125 estaca, 23 misión ha 13 templo omba’apóva térã oñemoherakuãva. Ahecha peteĩ tupao orekóva más de 850.000 miembro upe tetã me. Mba’éichapa ndahechakuaáikuri Cristo Tupao ñemopyenda opa mundo-re?

Ohasávo tres áño Filipinas-pe, ojejerure chéve aservi hag̃ua Departamento Misional-pe. Che asignación oregueraha opa misión ko mundo-pegua. Che jehecha Salvador Tupao mundial rehe oñembotuicha tuichavéva. Marcia ha chéve roñeasigna rovisita hag̃ua misiones Asia-pe. Rojuhu peteĩ centro de estaca iporãitereíva Singapur-pe, miembro hechapyrãva ha fiel reheve. Rovisita miembro ha misionero-kuérape peteĩ capilla Kota Kinabalu, Malasia-pe. Roikuaa misionero-kuérape Hong Kong-pe ha roparticipa peteĩ conferencia de estaca hechapyrãvape umi Santo fiel ha devoto ndive.

Ko experiencia ojerrepeti roikuaa aja misionero ha miembro-kuéra Europa tuichakue javeve, América Latina, Caribe ha África-pe. Jesucristo Tupao tuicha okakuaa ohóvo África-pe.

Che ha’e peteĩ testigo ocular Jesucristo evangelio Restauración okontinuávagui ha José Smith profecía oñekumpliha péicha he’iva “Tupa mba’e añeteguáva osẽta py’aguasúpe, noblemente ha independientemente, oike peve opa continente-pe, ovisita opa clima, oitypei peve opa tetã ha ipu peve opa apysápe.”

Ñande misionero hechapyrãva omba’apo mbaretéva ko yvy apére ko’ág̃a ohupyty 74.000. Omba’apóvo oñondive miembro-kuéra ndive, omongaraíva hikuái 20.000 tapichápe cada mes. Nda’aréi ha’e umi mitãrusu ha kuñataĩ orekóva 18, 19 ha 20 áño, Ñandejára pytyvõ rupive, ojapova’ekue ko milagro ipu’akapáva oñembyaty hag̃ua. Jajuhu ko’ã kuñataĩ ha mitãrusu umi aldea michĩva Vanuatu-pe ha umi táva guasu Nueva York, París ha Londres-pe. Ahecha ha’ekuéra ombo’e Salvador rehegua umi congregación mombyryguápe Fiji-pe ha umi aty tuichavéva tenda Texas, California ha Florida-icha Estados Unidos-pe.

Pejuhúta misionero-kuéra opa esquina ko yvy ape ári oñe’ẽva 60 idioma diferente-pe ha okumplíva pe Salvador comisión tuichaitéva Mateo 28 pe, “Peho ha pembo’e opa tetãme, pemongarai chupekuéra Túva, Ta’ýra ha Espíritu Santo rérape”. Amomba’eguasu umi misionero Tupaogua yma ha ko’ág̃aguápe ha amomandu’a ñande generación pyahúpe Presidente Russell M. Nelson invitación, oñesẽ ha oñembyaty hag̃ua Israel-pe.

Atestifika ko árape che ahecha hague che resa tee ha ahendu hague che apysa tee rupive ko Salvador evangelio Restauración pypukukue. Che ha’e peteĩ testigo Tupã rembiapo rehegua ko mundo tuichakue javeve. Atestifika araka’eve ndaipóriva peteĩ ára iporãvéva ha’e hag̃ua Jesucristo Tupao Santokuéra Ára Pahapegua miembro ko’áragui.

Oiméne pe milagro inspiradorvéva ahecháva pe Restauración rehegua ha’e peẽ, Tupaogua miembro-kuéra fiel oikóva opa tetãme. Peẽ, Santokuéra Ára Pahapegua, Nefi omombe’u Mormón Kuatiañe’ẽme, ha’e ohecha haguéicha ñande ára ha otestifika, “Ha ojehu che, Nefi, ahecha pe Tupã Cordero pu’aka, oguejýramo umi imarangatúva Cordero tupaogua ári, ha umi Ñandejára konvénio tavayguakuéra ári, isarambíva opa yvy ape ári; ha oguereko hikuái hi’ármaramo tekojoja ha pe Tupã pu’aka tuicha verapýpe”.

Atestifika ahecha hague che resa tee rupive Nefi ohechava’ekue—peẽ, umi Santo konveniopegua opa tetãme, peikovéva tekojoja ha Tupã pu’aka reheve. Aime aja púlpito-pe peteĩ ko’ã tetã guasu mundo-pe, Ñandejára oimprimi che akãme peteĩ mba’e rréi Benjamín ombo’eva’ekue Mosíah 2-pe Mormón Kuatiañe’ẽme. Brent, “aipota ehecha pe vyʼapavẽ ha jehovasápe ñeime ohupytýva umi iñeʼẽrendúva Tupã rembiapoukapykuérare. Ha péina ápe, ha’ekuéra ojehovasa opa mba’épe, tete ha espirituguávape”.

Atestifika peẽme ahecha hague ko mba’e che resa tee rupive ha ahendu hague che apysápe jajotopa haguéicha, Tupã Santokuéra jeroviaha ko yvy ape ári oñongatúva hembiapoukapykuéra. Peẽ ha’e Túva ra’ykuéra konvénio pegua. Peẽ Jesucristo remimbo’ekuéra. Avei peikuaa pe che aikuaáva pehupyty haguére pene testimonio personal Jesucristo evangelio restaurado añeteguágui. Salvador ombo’ékuri: “Ha katu tojehovasa pende resa, pehechágui, ha pende apysa, pehendúgui”.

Ñandejára dirección ha Iproféta ha apostolkuéra liderazgo guýpe, jasegíta ñambosako’i misionero-kuérape, jajapo ha ñañongatu konveniokuéra sagrado, ñamopyenda Cristo Tupao opa mundo jerére, ha jahupyty umi jehovasa oúva ñañongatúvo Tupã rembiapoukapykuéra. Ñaime peteĩ ñe’ẽme. Ñande ha’e Ñandejára ra’y. Jaikuaa Chupe ha jahayhu Chupe.

Ajoaju opavave penendive, che amigokuéra, jatestifika jave peteĩ ñe’ẽme ko’ã mba’e añeteha. Jajapo peteĩ registro umi mba’e jahecha ha ñahenduva’ekuégui. Peẽ ha che ningo testígo otestifikáva. Ha’e ko testigo unido pu’aka reheve, jasegi jaguata tenonde gotyo jerovia reheve Ñandejára Jesucristo ha Hi’evanhéliore. Adeclara che testimonio Jesucristo oikoveha. Ha’e ñande Salvador ha Redentor. Jesucristo rérape, amén.