Ruth; 1 Samuel 1–7

Ikonsiderar ang pagpakigbahin sa mosunod nga pamahayag ni Elder Dieter F. Uchtdorf ug sa paghisgot sa kauban nga pangutana:

Kitang tanan adunay mga butang, dagko ug gagmay, nga kinahanglan nga atong isakripisyo aron mas makasunod sa hingpit ni Jesukristo. Ang atong mga sakripisyo nagpakita kon unsay tinud-anay nga gihatagan nato og bili. Ang mga sakripisyo sagrado ug gipasidunggan sa Manluluwas. (“Kinasingkasing ang Tanan,” Liahona, Mayo 2022, 124)

• Unsay mga pananglitan sa mga sakripisyo nga himoon tingali sa usa ka tawo nga sama nimo aron mas bug-os nga matuman ang Ginoo? (Ilista ang mga tubag sa mga estudyante diha sa pisara aron mahisgotan nimo kini unya sa kalihokan sa pagkat-on.)

Samtang magtuon sila karon, awhaga ang mga estudyante nga tinguhaon ang paggiya gikan sa Espiritu Santo aron ilhon ang mga sakripisyo nga ilang mahimo nga makatabang nila nga mas bug-os nilang masunod si Jesukristo.

Aron tabangan ang mga estudyante nga masabtan ang konteksto sa Ruth 1–2, mahimong ipakigbahin nimo o sa estudyante ang mosunod nga summary:

Sa panahon sa gutom, usa ka Israelinhong babaye nga ginganlan og Noemi, iyang bana, ug iyang duha ka anak nga lalaki ang mibalhin ngadto sa Moab gikan sa Betlehem. Samtang naa sa Moab, ang mga anak nga lalaki ni Naomi naminyo og mga babaye nga Moabihanon, si Ruth ug Orpah. Dihang namatay ang bana ug duha ka anak ni Naomi, nabiyuda ang tulo ka babaye ug midesisyon si Naomi nga mobalik sa Betlehem.

Dapita ang mga estudyante sa pagbasa sa Ruth 1:8–19, nga pangitaon kon unsay instruksiyon ni Naomi kang Orpah ug Ruth ug kon giunsa pagsanong sa kada usa. Dayon ikonsiderar ang pagpangutana sama sa mosunod:

• Unsang sama kang Kristo nga mga kinaiya ang imong nabantayan ni Ruth?

• Unsa ang pipila ka sakripisyo ang kinahanglan himoon ni Ruth aron makauban ni Naomi sa Betlehem?

Ipasabot nga tungod kay pobre kaayo si Naomi ug Ruth, wala silay paagi nga makasangkap alang sa ilang kaugalingon didto sa Betlehem. Aron makakuha og pagkaon alang ni Naomi ug niya mismo, miadto si Ruth sa kaumahan ni Boas, nga paryente sa bana ni Naomi. Nanghagdaw si Ruth sa kaumahan. (Aron tabangan ang mga estudyante nga mas masabtan kini nga kustombre, ikonsiderar ang pagpabasa nila sa “Ruth 2:1–3. Unsay ipasabot sa pagpanghagdaw diha sa uma?” diha sa Mga Tabang sa Kasulatan: Daang Tugon.)

Dapita ang mga estudyante sa pagbasa sa Ruth 2:5–18, nga pangitaon ang mga paagi nga gitabangan ni Boas si Ruth. Dayon ikonsiderar ang pagpangutana:

• Unsa nga mga kamatuoran ang imong nakat-onan bahin sa pagsunod sa Ginoo gikan sa asoy ni Ruth? (Usa ka pananglitan sa kamatuoran nga mailhan tingali sa mga estudyante mao kini: ang Ginoo mopadala sa mga panalangin kon mosalig kita Niya ug mohimo og mga sakripisyo aron sundon Siya.)

Ikonsiderar ang paghisgot pag-usab sa mga estudyante sa listahan sa mga sakripisyo nga imong gisulat diha sa pisara sa sinugdanan sa kalihokan sa pagkat-on. Dayon, dapita ang mga estudyante sa pagpakigbahin sa ilang mga tubag sa mosunod nga pangutana:

• Unsay inyong nahibaloan bahin sa Ginoo nga nakadasig ninyo sa pagsalig Niya ug sa paghimo og mga sakripisyo sa pagsunod Kaniya?

Dapita ang mga estudyante sa pagpamalandong kon sa unsang paagi sila napanalanginan dihang sila, sama ni Ruth, misalig sila sa Ginoo ug mihimo og mga sakripisyo sa pagsunod Kaniya. Ikonsideraha ang paghangyo og pipila ka andam nga mga estudyante sa pagpakigbahin sa ilang mga kasinatian uban sa klase. Mahimo ka usab nga mopakigbahin og usa ka ehemplo gikan sa imong kinabuhi.

Sa pagtapos, dapita ang mga estudyante nga ikonsiderar ang mga sakripisyo nga ilang mahimo aron mas masunod ang Ginoo. Dapita sila sa pagrekord sa ilang mga plano ug uban pang impresyon nga ilang nabati gikan sa Espiritu Santo.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita og imahe ni Jesukristo ug paghisgot sa mosunod nga pamahayag ni Elder D. Todd Christofferson:

Uban sa labing importanteng titulo ni Jesukristo mao ang Manunubos. … Ang pulong tubos nagpasabot sa pagbayad og obligasyon o utang. Ang pagtubos nagpasabot usab sa pagluwas o paghatag og kagawasan. (“Katubsanan,” Liahona, Mayo 2013, 109)

• Samtang naghunahun sa inyong kinabuhi, sa unsang mga paagi gikinahanglan ninyo ang pagtubos, pagluwas, o kagawasan pinaagi ni Jesukristo?

Ipasabot nga ang asoy ni Ruth ug Boas makatabang nato nga mas masabtan ang papel ni Jesukristo isip atong Manunubos. Awhaga ang mga estudyante sa paghunahuna sa kaugalingon nilang panginahanglan nga matubos. Dapita sila sa pagpangita sa mga kamatuoran samtang sila magtuon nga makatabang nila makaakses sa gahom sa pagtubos ni Jesukristo.

Kon kinahanglan, hangyoa ang mga estudyante nga ipakigbahin ang ilang nahibaloan bahin sa mga kahimtang nga miresulta sa pagkaila ni Ruth kang Boas, ug pahinumdomi sila nga si Ruth usa ka Moabihanong babaye nga mibalhin sa Betlehem uban sa iyang Israelinhong ugangan nga si Naomi. Bag-o lang nabiyuda kining duha ka babaye ug pobre kaayo sila. Sa Betlehem, miadto si Ruth sa kaumahan ni Boas, nga paryente sa namatay nga bana ni Naomi, aron manguha og makaon. Maayo kaayo ang pagtratar ni Boas kang Ruth ug gitugotan siyang mokuha og ekstra nga mga lagutmon gikan sa iyang kaumahan.

Aron tabangan ang mga estudyante sa pagtuon kon unsay nahitabo tali kang Ruth ug Boas, ikonsiderar ang pagbahin sa mga estudyante ngadto sa grupo nga tinagutlo ug iasayn sa kada estudyante nga tun-an ang usa sa mosunod nga mga hut-ong sa mga bersikulo ug sa katugbang nga entry sa Mga Tabang sa Kasulatan: Daang Tugon.

Kon mahuman na sa pagtuon ang mga estudyante, dapita sila nga ipakigbahin ang mosunod diha sa ilang grupo:

1. Usa ka summary sa mga bersikulo nga ilang gitun-an.

2. Mga panabot nga ilang nabatonan gikan sa katugbang nga entry sa Mga Tabang sa Kasulatan.

Dapita ang pipila ka estudyante sa pagpakigbahin sa ilang mga panabot diha sa klase. Pwede usab nimong ikonsiderar ang paghisgot sa mga pangutana sama sa mosunod:

• Sa unsang mga paagi nga sama kita kang Ruth?

• Sa unsang mga paagi nga si Boas sama ni Jesukristo?

Isip kabahin sa inyong panaghisgot, pwedeng ipasiugda sa mga estudyante ang kamatuoran nga sama sa mosunod: Kon modangop kita ni Jesukristo, tabangan kita Niya nga masinati ang katubsanan.

Ikonsiderar ang pagpakigbahin sa mosunod nga pamahayag ni Elder LeGrand R. Curtis Jr., nga gihimo samtang nagserbisyo ingon nga membro sa Seventy, ug ang paghisgot sa nagsunod nga mga pangutana:

Ang kasulatan, literatura, ug ang mga kasinatian sa kinabuhi puno sa mga istorya sa pagtubos. Pinaagi kang Kristo, ang mga tawo makahimo ug makausab sa ilang kinabuhi ug makabaton og pagtubos. Ganahan ko niining mga istorya sa pagtubos. (“Katubsanan,” Liahona, Nob. 2011, 36)

• Unsa nga mga pananglitan diha sa mga kasulatan o sa kaugalingon nimong kasinatian sa kinabuhi diin nakadawat ang mga tawo og katubsanan pinaagi ni Jesukristo? (Kon nagkinahanglan og tabang ang mga estudyante, pwede silang mangita og mga pananglitan diha sa Giya ngadto sa mga Kasulatan, “Gitubos, Katubsanan, Tubos.”

  Pwede sab nimong ipasalida ang bidyo nga “Redemption [Katubsanan],” gikan sa time code 4:31 hangtod 7:45.

  

  9:1

Dapita ang mga estudyante sa pagpamalandong sa ilang mga pagbati bahin ni Jesukristo isip ilang personal nga Manunubos. Awhaga sila nga ikonsiderar kon unsay ilang mahimo aron tinguhaon ang Iyang katubsanan ug aron irekord ang mga hunahuna o mga impresyon gikan sa Espiritu Santo.

Balik ngadto sa “Mga Opsiyon sa Kalihokan sa Pagkat-on.”

Pwede kang magsugod pinaagi sa pagkanta o pagpaminaw og usa ka himno bahin sa pag-ampo, sama sa “Ikaw Naghunahuna Ba sa Pag-ampo?” o “Hilum nga Pag-ampo” (Mga Himno, num. 82, 86). Pwedeng ipakigbahin sa mga estudyante ang mga pulong o hugpong sa mga pulong nga mipatigbabaw kanila.

Samtang magtuon karon, awhaga ang mga estudyante sa pagpamalandong sa kaugalingon nilang mga pag-ampo. Dapita sila sa pagpangita sa mga kamatuoran nga makatabang nila nga molambo ang ilang pagsimba sa Dios pinaagi sa pag-ampo.

Ipasabot nga gisugadan sa 1 Samuel ang asoy sa matinud-anong Israelinhon nga ginganlan og Elcana nga nagpuyo uban sa iyang duha ka asawa, si Penina ug si Hana. Si Hana naay wala matuman nga tinguha nga despirado niyang giampo nga matuman.

Aron tabangan ang mga estudyante sa pagtuon sa kasinatian ni Hana, ikonsiderar ang pagpakita sa mosunod nga table. Dapita ang mga estudyante sa pagtuon sa mga bersikulo ug sa pagpangita og mga paagi nga makompleto ang tsart. Pwede usab ninyong tan-awon ang “Hannah’s Faith [Ang Hugot nga Pagtuo ni Hana]” (3:08).

3:9

Dapita ang mga estudyante sa pagpakigbahin sa unsay ilang nakat-onan gikan sa ilang pagtuon. Dayon ikonsiderar ang paghisgot sa mga pangutana nga sama sa mosunod:

• Unsa kahay ipasabot para nato sa pagbubo sa atong mga kalag ngadto sa Dios?

• Unsang mga kamatuoran ang atong makat-onan bahin sa pag-ampo gikan sa kasinatian ni Hana? (Mahimong mailhan sa mga estudyante ang mga kamatuoran nga sama sa mosunod: Pwede natong ipahibalo ang tanan natong problema ug mga hagit ngadto sa Langitnong Amahan pinaagi sa pag-ampo. Dunggon sa Langitnong Amahan ang atong mga pag-ampo ug tubagon kini sumala sa Iyang kabubut-on ug panahon.)

• Unsay makababag nato sa pagdala sa atong mga hagit ngadto sa Langitnong Amahan pinaagi sa pag-ampo? Unsay makatabang kanato sa pagbuntog niini nga mga babag?

Ikonsiderar ang pagdapit sa mga estudyante sa pagpangita og dugang nga mga pananglitan diha sa kasulatan sa mga tawo nga nakadawat og mga tubag o tabang gikan sa Ginoo tungod kay nag-ampo sila Kaniya. (Kon kinahanglan nila og tabang, pwede nimong isugyot nga tun-an nila ang usa o kapin pa sa mosunod: Lucas 22:39–44; Enos 1:1–10, 17; Mosiah 24:8–17; Alma 36:6–10, 16–20; Alma 58:6–12; Joseph Smith—Kasaysayan 1:13–17.)

Dapita ang mga estudyante sa pagpakigbahin sa ilang nakaplagan ngadto sa usa ka kapares o sa gagmay nga grupo. Pwede usab silang mopakigbahin sa ilang mga panglantaw bahin sa Langitnong Amahan base sa mga asoy nga ilang gitun-an.

Pagkahuman sa panaghisgot sa mga estudyante, dapita sila nga ipakigbahin ang ilang mga panglantaw ngadto sa klase. Dayon ikonsiderar ang pagdapit sa pipila ka estudyante nga ipakigbahin ang ilang mga kasinatian dihang gidungog ug gitubag sa Dios ang ilang mga pag-ampo. Pwede usab nimong ipasalida ang bidyo nga “God Wants You to Pray [Gusto sa Dios nga Mag-ampo Ka]” (3:29).

3:29

Dapita ang mga estudyante sa paghimo og plano aron matabangan sila nga mapauswag ang ilang mga pag-ampo ngadto sa Langitnong Amahan. Mahimong mopakigbahin ang pipila ka andam nga mga estudyante sa ilang mga plano ngadto sa klase.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga mga pamahayag ug ang pagdapit sa mga estudyante nga susihon ang ilang kaugalingon gamit ang sukdanan gikan sa 1 (“Dili sagad tinuod bahin nako”) ngadto sa 5 (“Sagad tinuod bahin nako”).

1. Gusto kong makadawat sa paggiya sa Ginoo diha sa akong kinabuhi.

2. Maningkamot gyod ko og maayo aron madawat ug mailhan ang mga pagpadayag gikan sa Espiritu Santo.

3. Akong nahibaloan kon sa unsang paagi nakig-istorya ang Ginoo kanako.

Samtang tun-an sa mga estudyante ang 1 Samuel 3, dapita sila sa pagpamalandong kon unsaon nila pagpauswag ang ilang abilidad sa pagdawat ug pag-ila sa pagpadayag gikan sa Ginoo.

Pahinumdomi ang mga estudyante nga human mapainubsanong nangaliyupo si Hana ngadto sa Dios pinaagi sa pag-ampo, gipanalanginan Niya siya og usa ka anak nga lalaki nga ginganlan og Samuel (tan-awa sa 1 Samuel 1:10–11, 19–20). Isip usa ka bata, si Samuel nag-alagad sa tabernakulo ubos sa labawng sacerdote nga si Eli.

Dapita ang mga estudyante sa pagtuon sa 1 Samuel 3:2–10, 19 uban sa usa ka kapares, nga pangitaon ang mga baroganan nga ilang makat-onan bahin sa pagkadungog sa tingog sa Ginoo. Dapita sila sa paglista sa mga baroganan nga ilang nailhan. (Makatabang tingali kini nga bahin sa pagpaila sa kahanas nga “Pag-ila sa mga Kamatuoran sa Ebanghelyo diha sa mga Kasulatan” diha sa Mga Kahanas sa Pagtuon sa Kasulatan.)

Human sa igong panahon, hangyoa ang mga estudyante sa pagpakigbahin sa mga kamatuoran nga ilang nailhan. Pwede nilang hisgotan ang mga kamatuoran nga sama sa mosunod: Kon kita andam ug madawaton, motubo ang atong abilidad sa pag-ila sa tingog sa Ginoo. Samtang magkadako ang atong abilidad sa pagdawat ug pagsabot sa personal nga pagpadayag, kita makahimo sa pag-ila sa tingog sa Ginoo sa mas sayon nga paagi.

Makapili ka og usa o dugang pa sa mosunod nga mga opsiyon sa pagtabang sa mga estudyante sa pagpalawom sa ilang pagsabot niini nga mga kamatuoran:

1. Hangyoa ang mga estudyante sa pagpangita ug pagpakigbahin sa mga kasulatan nga naghulagway sa lainlaing paagi nga ang Ginoo namulong kanato pinaagi sa Espiritu Santo. (Kon nagkinahanglan og tabang ang mga estuydante, pwede kang mosugyot og mga pananglitan nga sama sa mosunod: Juan 14:26; Doktrina ug mga Pakigsaad 6:22–23; 8:2–3; 11:12–13.)

2. Tan-awa ang usa o kapin pa sa mga bidyo gikan sa “Hear Him [Paminaw Kaniya]” nga koleksiyon sa mga bidyo diha sa Gospel Library.

3. Hatagi og panahon ang mga estudyante sa pagtuon sa pakigpulong sa kinatibuk-ang komperensiya nga nagpukos sa pagdawat ug pag-ila sa pagpadayag gikan sa Espiritu Santo; pananglitan, ang mensahe ni Presidente Russell M. Nelson nga “Pagpadayag alang sa Simbahan, Pagpadayag alang sa Atong mga Kinabuhi” (Liahona, Mayo 2018, 93–96).

Dayon pwede nimong dapiton ang mga estudyante sa pagpakigbahin sa ilang panglantaw bahin sa pagpaminaw sa tingog sa Ginoo. Mahimo usab kang mangutana nga sama sa mosunod:

• Sa unsang paagi ninyo mapauswag ang inyong abilidad sa pag-ila sa tingog sa Ginoo?

• Sa imong hunahuna, nganong importante ang pagkahibalo nga ang pag-ila sa tingog sa Dios nagkinahanglan og panahon ug paningkamot?

Ikonsdierar ang pagdapit sa mga estudyante sa pagpakigbahin sa bag-ohay lang nilang kasinatian diin gipanalanginan sila og personal nga pagpadayag gikan sa Espiritu Santo. Pwede nilang ipasabot nga nakatabang nila ang maong mga kasinatian nga makakat-on o mobati bahin sa Langitnong Amahan ug ni Jesukristo. Pahimangnoi ang mga estudyante nga dili ipakigbahin ang mga kasinatian nga personal ra kaayo.

Sa pagtapos, mahimo nimong ipakita ang mosunod nga pamahayag ni Presidente Russell M. Nelson:

Ang Dios buot ba gayod makigsulti kaninyo? Oo! …

Akong minahal nga mga kaigsoonan, mohangyo ko kaninyo sa pagpalambo sa inyong espirituhanong kapasidad sa pagdawat og pagpadayag. … Pilia ang paghimo sa espiritwal nga buhat nga maoy gikinahanglan aron sa pagtagamtam sa gasa sa Espiritu Santo ug mas kanunay ug mas klaro nga pagpaminaw sa tingog sa Espiritu. (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95–96)

Dapita ang mga estudyante sa pagrekord og plano aron mapauswag ang ilang espirituwal nga kapasidad sa pagdawat og pagpadayag.

Balik ngadto sa “Mga Opsiyon sa Kalihokan sa Pagkat-on.”