Genesis 5; Moises 6

Ikonsiderar ang paghangyo sa mga estudyante sa paghunahuna ug pagpakigbahin sa mga ehemplo kon kanus-a sila, o ang ilang kaila, mibati nga nabug-atan o dili angayan sa pagbuhat sa butang nga gihangyo sa Ginoo kanila. Mahimo ka usab nga mopakigbahin og usa ka kasinatian gikan sa imong kaugalingong kinabuhi.

Dungan nga magtuon sa Moises 6:26–31, nga mangita kon unsa ang gustong ipabuhat sa Ginoo ni Enoch ug unsa ang gibati ni Enoch mahitungod niini.

• Unsa ang gikabalak-an ni Enoch mahitungod sa iyang tawag gikan sa Ginoo?

Dapita ang mga estudyante sa pagsiksik sa Moises 6:32–34 ug mangita sa mga saad nga gikan sa Ginoo nga tingali makahatag nila og pasalig kon sila ang anaa sa posisyon ni Enoch. Dapita sila sa pagpakigbahin unsa ang ilang nadiskobrehan nga magkapares o sa gagmay nga mga grupo.

Human matapos ang mga estudyante sa ilang mga panaghisgot, ikonsiderar ang pagdapit kanila sa pag-summarize sa mga pulong sa Ginoo ngadto ni Enoch gikan sa mga bersikulo 32–34 isip usa ka pamahayag sa kamatuoran. (Ang mosunod mao ang mga ehemplo sa mga baroganan nga mahimong mailhan sa mga estudyante: Kon kita matinud-anong mobuhat kon unsa ang imando sa Ginoo, Siya motabang nato sa pagtuman sa Iyang kabubut-on. Kon kita magpuyo ug maglakaw uban sa Dios, Siya magpabilin uban kanato.)

• Unsa sa inyong hunahuna ang gipasabot sa “magpuyo” ug “maglakaw uban” sa Dios? (Kong gikinahanglan, mahimo kang mo-refer ngadto sa “Moises 6:34, 39. Unsa kaha ang gipasabot sa magpuyo ug maglakaw uban sa Dios?” sa Mga Tabang sa Kasulatan: Daang Tugon.)

• Unsa ang pipila ka piho nga mga paagi nga inyong mas madapit ang Ginoo diha sa inyong kinabuhi? (Mahimo nimong ipakanta o ipabasa ang leriko sa “I Will Walk with Jesus” [Hymns—For Home and Church] isip bahin sa inyong diskusyon.)

Dapita ang mga estudyante sa pagtuon sa Moises 6:35–39, 47, dayon dungan nga hisgotan kon sa unsang paagi gituman sa Ginoo ang Iyang mga saad ngadto ni Enoch.

Ikonsiderar ang pagdapit sa mga estudyante sa paghunahuna og mga panahon sa ilang mga kinabuhi sa dihang ang Ginoo anaa kanila ug mitabang nila sa pagbuhat og malisod nga mga butang. Hangyoa ang pipila ka andam nga mga estudyante sa pagpakigbahin sa ilang mga kasinatian uban sa klase. Pwede usab nimong ikonsiderar ang pagpasalida sa ehemplo nga gipakigbahin ni Presidente Russell M. Nelson gikan sa iyang kinabuhi sa “Becoming True Millennials” (time code 9:05 hangtod 12:29); Gospel Library.

30:35

Dapita ang mga estudyante sa pagpamalandong kon unsa ang ilang nakat-onan ug gibati gikan sa ilang pagtuon nga mahimong magamit sa mga sitwasyon nga kasamtangan nilang gisagubang. Awhaga sila sa pagrekord sa ilang mga hunahuna o mga impresyon nga gikan sa Espiritu Santo. Pagpamatuod sa tinguha ug gahom sa Ginoo nga magtabang kanila.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga mga pamahayag. Dapita ang mga estudyante sa pagtimbang-timbang sa kaugalingon gamit ang sukod nga gikan sa 1 (dili gayod uyon) hangtod 5 (uyon gayod). Seguroha nga ilang masayran nga ang ilang mga tubag dili ipakigbahin ngadto sa uban.

1. Gibati nako ang tinguha sa paghangop sa mga pagtulun-an ug giya sa Ginoo nga gihatag pinaagi sa Iyang mga propeta.

2. Ako naghinamhinam sa pagpakigbahin sa mga pulong sa mga propeta ngadto sa nakapalibot kanako.

3. Gibati nako ang espirituhanong kasegurohan sa pagpaminaw sa mga propeta sa Dios.

4. Ako misalig sa mga pulong sa mga propeta bisan kon ang kahulogan niini dili dihadiha dayon masabtan.

5. Ako kusganon nga mosunod sa tambag sa buhi nga mga propeta, bisan paman sa mga opinyon sa uban.

Tingali makatabang ang pagpahinumdom sa mga estudyante sa tawag ni Enoch sa pagsangyaw og paghinulsol sa iyang katawhan (tan-awa sa Moises 6:26–29). Ang mga aksiyon nga gihimo ni Enoch human niya nadawat ang iyang tawag gikan sa Ginoo makatabang nato nga makakat-on sa importanteng mga kamatuoran mahitungod sa mga propeta sa Ginoo.

Ipanghatag ang handout nga giulohan og “Ang mga Propeta sa Ginoo,” ug dapita ang mga estudyante sa pagkompleto sa kalihokan sa pagtuon uban sa kapares o sa gagmay nga grupo. Niini nga kalihokan, ilang ipraktis ang kahanas nga “Pagpangutana Nga Magdapit og Makugihon nga Pagkat-on” gikan sa Mga Kahanas sa Pagtuon sa Kasulatan.

Ikonsiderar ang pagdapit sa pipila ka estudyante sa pagpakigbahin sa mga panabot nga ilang naangkon gikan sa usa sa mga pangutana nga ilang nahisgotan. Mahimo usab nimong dapiton sila sa pagpakigbahin og mga kamatuoran nga ilang nadiskobrehan gikan sa mga bersikulo nga ilang gitun-an. (Ang mga ehemplo sa mga kamatuoran nga ilang mailhan mahimong naglakip sa: Ang Ginoo mipili sa Iyang mga propeta ug mihatag kanila sa gahom sa pagbuhat sa Iyang buhat. Ang Ginoo nagdapit kanato sa paghinulsol pinaagi sa Iyang mga propeta. Ang mga propeta nagtudlo kanato ngadto kang Jesukristo.)

Mahimo usab nimong ikonsiderar ang pagpakigbahin sa mosunod nga pamahayag ni Presidente Dieter F. Uchtdorf, kanhi sakop sa Unang Kapangulohan, ug sa paghisgot sa pipila ka pangutana nga mosunod sa pamahayag.

Ang Dios nahigugma sa tanan Niyang mga anak. Mao kana nganong Siya naghangyo pag-ayo kanato pinaagi sa Iyang mga propeta. Sama nga gusto nato ang labing maayo alang sa atong mga hinigugma, ang Langitnong Amahan nagtinguha sa unsay labing maayo alang kanato. Mao kana nganong ang Iyang mga instruksyon hilabihan kaimportante ug usahay hilabihan kadinalian. Mao kana nganong kita wala Niya pasagdi karon ug nagpadayon sa pagpadayag sa Iyang kabubut-on kanato pinaagi sa Iyang mga propeta. Ang kapalaran nato ug sa atong kalibotan nag-agad sa atong pagpaminaw ug pagsunod sa gipadayag nga pulong sa Dios ngadto sa Iyang mga anak. (“Nganong Nagkinahanglan Kita og mga Propeta?,” Liahona, Marso 2012, 4)

• Sa unsang paagi ang buhing mga propeta karon usa ka pagpakita sa gugma sa Dios?

• Unsa ang inyong nakat-onan bag-ohay lang mahitungod ni Jesukristo ug sa Iyang ebanghelyo gikan sa buhing mga propeta?

• Sa unsang paagi kamo gipanalanginan sa Ginoo samtang kamo nagsunod sa Iyang mga propeta?

Dapita ang mga estudyante sa pagrekord sa bisan unsang espirituhanong mga impresyon gikan sa Espiritu Santo nga tingali ilang gibati mahitungod sa pagsunod sa propeta sa Dios. Awhaga sila sa paglihok sa espirituhanon nga mga impresyon nga ilang nadawat.

Balik ngadto sa “Mga Opsiyon sa Kalihokan sa Pagkat-on.”

Dapita ang mga estudyante sa paghanduraw nga sila adunay usa ka higala kinsa wala kaayoy nahibaloan mahitungod ni Jesukristo. Atol sa usa ka panag-istoryahanay, siya nangutana kanimo mahitungod sa imong gituohan nga relihiyon. Siya miingon “Nakadungog ko nga daghang tawo ang naghisgot mahitungod ni Jesus. Nganong importante man kaayo Siya?”

Dapita ang mga estudyante sa paghunahuna o sa pagpakigbahin kon unsaon nila pagtubag sa pangutana sa ilang higala. Ipasabot nga daghan sa mensahe ni Enoch nakatutok sa atong panginahanglan ni Jesukristo ug kon unsaon nato pagduol ngadto Kaniya.

Aron maandam ang mga estudyante sa pagtuon sa mga pagtulun-an ni Enoch, dapita sila sa paghimo og tsart sama sa mosnunod:

Dapita ang mga estudyante sa pagtuon sa Moises 6:47–62, uban man sa kapares o sa indibidwal, ug sa pagkompleto sa tsart base sa ilang nakat-onan. Ang mga estudyante mahimong mokompleto sa duha ka kolum sa ilang kaugalingon, o mahimo nimong isangon sa matag indibidwal o magkapares sa pagtutok sa usa sa mga kolum.

Kon mahuman na ang pagtuon sa mga estudyante, dapita sila nga ipakigbahin kon unsay ilang nakat-onan. Samtang ilang ipakigbahin, pwede nilang hisgotan ang mga kamatuoran nga sama sa mosunod: Ang tanang tawo bisan asa kinahanglan nga maghinulsol (tan-awa sa Moises 6:49–50, 57). Makadawat lamang kita sa mga panalangin sa kaluwasan pinaagi ni Jesukristo (tan-awa sa Moises 6:52, 59). Kita moduol ni Kristo samtang kita maminaw sa tingog sa Manluluwas, motuo Kaniya, maghinulsol sa atong mga sala, magpabunyag, ug modawat sa gasa sa Espiritu Santo (tan-awa sa Moises 6:52, 59).

Tingali makatabang ang pagdala sa atensiyon sa mga estudyante ngadto sa bersikulo 62 sa pag-ila sa termino nga gigamit sa Langitnong Amahan sa pag-summarize sa proseso nga gihulagway diha sa mga pagtulun-an ni Enoch. Mahimo usab nimong ipasabot nga usahay ang mga kasulatan nagpasabot niini nga proseso isip “doktrina ni Kristo” (2 Nephi 31:2–21), Iyang doktrina (tan-awa sa 3 Nephi 11:31–40), o ang Iyang ebanghelyo (tan-awa sa 3 Nephi 27:13–22).

Aron matabangan ang mga estudyante nga mas makasabot ug mobati sa kamahinungdanon sa mga kamatuoran nga ilang nailhan, ikonsiderar ang pagpangutana nga sama niini:

• Sa unsang paagi ang pagkahibalo sa mga kamatuoran nga gitudlo ni Enoch nakaapektar sa inyong kinabuhi? Sa unsang paagi kini makaimpluwensiya sa inyong mga pagbati mahitungod ni Jesukristo?

• Unsa ang nakatabang kaninyo nga mailhan ang inyong panginahanglan sa Manluluwas?

• Sa unsang paagi kamo napanalanginan tungod sa inyong mga paningkamot sa pagduol kang Jesukristo?

Ikonsiderar ang pagpahinumdom sa mga estudyante sa senaryo gikan sa sinugdanan niining kalihokan sa pagkat-on. Mahimo nimong dapiton ang mga estudyante sa pagsulat og usa ka tubag ngadto sa tawo sa senaryo base sa unsay ilang nakat-onan karon. Mahimo nilang ipakigbahin ang ilang tubag uban sa kapares o magdramadrama sa pagpakigbahin sa ilang tubag nga ingon og sila nakigsulti uban sa ilang higala.

Taposa pinaagi sa pagpamatuod sa mga kamatuoran nga inyong nahisgotan ug sa mahinungdanong tahas ni Jesukristo diha sa plano sa Langitnong Amahan sa kaluwasan.

Balik ngadto sa “Mga Opsiyon sa Kalihokan sa Pagkat-on.”