Genesis 37–41

Mahimo nimong ipakigbahin ang mosunod nga pamahayag ni Elder Ronald A. Rasband, dayon dapita ang pipila ka estudyante sa pagpakigbahin sa mga ehemplo sa kamot sa Ginoo diha sa ilang kinabuhi:

Ang kamot sa Ginoo nagagiya kaninyo. Pinaagi sa “balaang plano,” anaa Siya sa ginagmayng mga detalye sa inyong kinabuhi ingon man usab sa mahinungdanong mga panghitabo. (“Pinaagi sa Balaan nga Plano,” Liahona, Nob. 2017, 57)

Dapita ang mga estudyante samtang sila magtuon karon sa asoy ni Jose sa Ehipto sa paghunahuna sa mga panahon diin ilang nabantayan nga ang Ginoo naggiya sa ilang mga kinabuhi sa wala damhang mga pamaagi. Aron matabangan ang mga estudyante nga makasabot sa kaagi sa mga kasinatian ni Jose isip usa ka ulipon sa Ehipto, ikonsiderar ang pagpakita sa mosunod nga hulagway ug pagdapit sa usa ka sakop sa klase nga i-summarize ang Genesis 37. (Kon gikinahanglan, mahimo usab nga basahon sa mga estudyante ang ulohan sa kapitulo.)

Ikonsiderar ang pagpakita sa mosunod nga table. Hatagi ang mga estudyante og panahon sa pagtuon sa usa o daghan pa nga mga hut-ong sa mga bersikulo diha sa wala nga kulom, sa indibidwal man o sa gagmay nga mga grupo. Dapita sila sa pagpangita ug pagrekord sa ilang mga tubag sa mga pangutana sa ubang mga kolum.

Dapita ang mga estudyante sa pagpakigbahin sa ilang mga nakit-an. Mahimo ka usab nga mohangyo kanila sa pagpakigbahin sa mga kamatuoran nga ilang nakat-onan mahitungod sa Ginoo gikan sa mga kasinatian ni Jose. Ang mga tubag sa estudyante mahimong maglakip sa mga kamatuoran sama sa: Ang Ginoo mahimong mag-uban kanato sa tanang sirkumstansiya sa atong mga kinabuhi. Ang Dios mahimong mogamit sa atong mga pagsulay sa pagpanalangin sa atong mga kinabuhi ug sa mga kinabuhi sa uban. (Tingali imong ikonsiderar ang pagtuon sa Doktrina ug mga Pakigsaad 90:24 ug pagdapit sa mga estudyante sa paghisgot kon sa unsang paagi ang mga pagtulun-an sa Ginoo niini nga bersikulo mahimong magamit sa sitwasyon ni Jose.)

Ikonsiderar usab ang pagpangutana sama sa mosunod:

• Kanus-a ninyo nailhan nga ang Dios naggamit sa inyong mga pagsulay aron sa pagpanalangin sa inyong kinabuhi o sa kinabuhi sa uban?

• Sa unsang paagi ang Dios nagpakita nga Siya diha sa gagmayng detalye o dagkong panghitabo sa inyong kinabuhi?

• Sa unsang paagi kamo makapadayon og mahangturon nga panglantaw kon kamo nagsagubang sa malisod nga mga panahon o mga tubag nga dili dali nga mailhan?

Alang sa dugang nga mga ehemplo sa mga tawo kinsa nakasinati sa mga panalangin sa Dios diha sa ilang mga pagsulay, mahimo nimong ipasalida ang mga bidyo nga“Trial of Adversity” (2:40) o “How I Found Out God Loves Me” (5:26).

2:50

1:36

Ikonsiderar ang pagdapit sa mga estudyante sa pagsulat sa usa ka butang nga ganahan nilang mahinumdoman samtang ilang gisagubang ang ilang kaugalingong mga pagsulay. Ipakigbahin ang inyong pagpamatuod sa abilidad sa Dios sa paggamit sa mga pagsulay aron sa paghulma sa atong mga kinbuhi alang sa atong kaayohan.

Balik ngadto sa “Mga Opsiyon sa Kalihokan sa Pagkat-on.”

Dapita ang mga estudyante sa paghanduraw nga sila adunay usa ka higala kinsa miingon “Wala ko makakita kon giunsa sa mga tawo nga magpabiling putli sa sekswal nga paagi diha sa kalibotan nga atong gipuy-an.”

Mahimo nimong dapiton ang mga estudyante sa paghisgot sa mga pangutana nga sama sa mosunod:

• Ngano kaha nga ang usa ka tawo mobati sa ingon niini nga paagi?

• Unsa kaha sa inyong hunahuna ang matabang sa usa ka tawo kinsa aduna niini nga pangutana?

Ipasabot nga si Jose sa Ehipto gipugos sa asawa ni Potifar nga mohimo og sekswal nga sala samtang siya nagserbisyo isip tigdumala sa balay ni Potifar. Dapita ang mga estudyante samtang sila magtuon sa iyang kasinatian nga bantayan kon unsa ang ilang makat-onan gikan sa Espiritu Santo nga makatabang nila sa pagpakigbatok sa pagpamugos o mga tentasyon nga ila tingaling sagubangon.

Aron matabangan ang mga estudyante nga magiyahan sa pagtuon sa Genesis 39, ipanghatag ang handout nga giulohan og “Pagkat-on gikan sa Panig-ingnan ni Jose sa Pagpakigbatok sa Tentasyon.” Dapita ang mga estudyante sa pagkompleto niini uban sa kapares o gagmay nga grupo. (Kini mahimo usab nga maayong dapit sa pagtabang sa mga estudyante nga magpraktis sa “Pagpahisama sa mga Kasulatan” sa Mga Kahanas sa Pagtuon sa Kasulatan.)

Human matapos ang mga estudyante sa ilang mga panaghisgot, pagdapit og pipila sa pagpakigbahin diha sa klase sa pipila ka mga ideya nga ilang gisulat uban sa ilang kapares o kagrupo. (Samtang mopakigbahin ang mga estudyante, mahimo kang motabang nila sa pag-ila sa mga kamatuoran nga sama sa: Ang atong debosyon sa Dios makahatag nato og kusog sa pagpakigbatok sa tentasyon. Kon atong ipalayo ang atong kaugalingon gikan sa makapatental nga mga sitwasyon, nan makabaton kita og mas dakong abilidad aron pakigbatokan ang tentasyon.)

Mahimong aduna kay mga estudyante nga nakigbisog sa pagbatok sa tentasyon ug kinahanglan nga mobati og paglaom nga sila makahinulsol ug makabuntog sa ilang mga sala. Ipamatuod ang mahigugmaon, mapailobon, ug mapasayloon nga kinaiya ni Jesukristo, “kinsa gamhanan sa pagluwas ug sa paglimpyo gikan sa tanan nga dili pagkamatarong” (Alma 7:14). Ikonsiderar ang pagpasalida sa bidyo nga “Temptation Fades as We Seek Christ in Every Thought” (2:57) ug sa pagdapit sa mga estudyante sa pagpangita kon sa unsang paagi ang Manluluwas makahatag nato og paglaom.

2:58

Ikonsiderar ang pagpakita sa mosunod nga mga instruksiyon sa pagtabang nga magamit sa mga estudyante ang mga kamatuoran nga ilang gitun-an:

Paghimo og plano nga makatabang kaninyo nga makalikay ug makabatok sa tentasyon. Pananglitan, mahimo kamong:

1. Maghunahuna og usa ka tentasyon nga kanunay ninyong giatubang.

2. Moila sa mga sitwasyon nga tingali gikinahanglan ninyong likayan aron inyong mapakunhod ang tentasyon.

3. Moila kon unsaon ninyo sa “pagpalayo” kon moabot na ang tentasyon.

4. Mag-ampo alang sa kusog ug giya sa pagbuntog niini nga tentasyon.

Morekord sa inyong plano, ug baliki kini kanunay sa mosunod nga pipila ka semana aron sa pagsukod sa inyong paglambo.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga mga pamahayag. Dapita ang mga estudyante sa pagtimbang-timbang sa ilang mga kaugalingon sa matag pamahayag, gamit ang sukdanan gikan sa 1 (dili gayod mouyon) hangtod 5 (uyon kaayo). Ang ilang mga tubag dili mahimong ipakigbahin ngadto sa uban.

Samtang ang mga estudyante moapil niini nga kalihokan sa pagkat-on, dapita sila sa paghunahuna kon sa unsang paagi ang pagkahimong andam magdala og kalinaw ug kalig-on ngadto kanila sa umaabot nga mga adlaw.

Pahinumdomi ang mga estudyante nga pinaagi sa tabang sa Dios, si Jose malamposong mihubad sa damgo sa Paraon nga walay usa ka tawo nga makapasabot. Pinaagi sa damgo, ang Dios mipasidaan sa Paraon sa usa ka umaabot nga kagutom, ug si Jose mirekomendar og usa ka plano sa paglihok aron sa pagtabang niya nga maandam.

Isip usa ka klase, basaha ang Genesis 41:33–42, 53–57, nga mangita sa mga rekomendasyon ni Jose ngadto sa Paraon ug unsa ang gibuhat sa Paraon isip resulta.

Dapita ang mga estudyante sa pagpakigbahin kon unsa ang ilang nakat-onan gikan niini nga mga bersikulo pinaagi sa pagpangutana sama sa mosunod:

• Sa unsang paagi gipanalanginan sa Ginoo si Jose ug ang katawhan sa iyang palibot?

• Unsa ang usa ka kamatuoran nga inyong nakat-onan gikan niini ng mga bersikulo mahitungod kon sa unsang paagi ang Ginoo moandam kanato alang sa umaabot? (Ang mga estudyante mahimong moila sa usa ka kamatuoran sama niini: Pinaagi sa Iyang dinasig nga mga sulugoon, ang Ginoo motambag kanato sa pagpangandam alang sa umaabot.)

Hatagi ang mga estudyante og panahon sa pagpangita ug pagpakigbahin sa tambag nga ang Ginoo mihatag pinaagi sa Iyang mga propeta nga makaandam kanato alang sa umaabot sa pipila ka mosunod nga mga dapit:

• Sa espirituhanon nga paagi

• Sa intelektwal nga paagi

• Sa pinansiyal nga paagi

• Sa pisikal nga paagi

• Sa emosyonal nga paagi

Ikonsiderar ang pagsulat sa mga tubag sa mga estudyante diha sa pisara. Mahimo usab nimong hangyoon ang mga estudyante sa pagpakigbahin kon unsa ang matudlo niining mga pulong sa pagtambag kanila mahitungod sa mga tinguha sa Manluluwas alang kanila.

Ikonsiderar ang pagpakigbahin sa mosunod nga pamahayag ni Bishop W. Christopher Waddell:

Karon bulahan kita nga mapangulohan og mga propeta nga nakasabut nga kinahanglan kitang mangandam batok sa mga kalamidad “nga moabut” [Doktrina ug mga Pakigsad 1:17] ug kinsa nahibalo usab sa mga limitasyon o mga restriksyon nga mahimo natong masugatan diha sa pagpaningkamot nga mosunod sa ilang tambag. …

… Kining mga baroganan [sa pagpangandam] gamiton “diha sa kaalam ug kahusay” [Mosiah 4:27] aron sa umaabut makaingon kita, sama sa gibuhat ni Jose sa Ehipto, “Dihay tinapay” [Genesis 41:54].

Wala paabota sa Ginoo nga mobuhat kita og labaw pa kay sa atong mahimo, apan gipaabut Niya nga kita mobuhat sa unsay atong mahimo, kon ato kanang mahimo. (“Dihay Tinapay,” Liahona, Nob. 2020, 43)

• Sa unsang paagi kamo mapanalanginan sa Ginoo samtang kamo maghimo og mga paningkamot sa pagpangandam sa umaabot? Sa unsang paagi kamo nakabenepisyo gikan sa pagpangandam sa uban?

Dapita ang mga estudyante sa paghunahuna mahitungod kon unsaon nila pagsunod sa mga pagdapit sa Ginoo nga mangandam alang sa umaabot. Dapita sila sa pagkonsiderar sa pagpahiuyon nga ilang mahimo base sa kon unsay ilang nakat-onan o nabati gikan sa Espiritu Santo. Awhaga sila nga irekord ang ilang mga tumong ug sa paglihok niini.

Balik ngadto sa “Mga Opsiyon sa Kalihokan sa Pagkat-on.”