Genesis 42–50

Isulat sa pisara ang hugpong sa mga pulong nga pagpasaylo sa uban. Dayon dapita ang mga estudyante nga maghunahuna ug isulat diha sa pisara ang mga pulong nga ilang makonektar sa pagpasaylo sa uban. Mahimo usab kamong mangutana:

• Unsay makapalisod sa pagpasaylo sa uban?

Dapita ang mga estudyante sa paghunahuna sa ilang mga sanong dihang gipasakitan sila sa uban. Samtang nagtuon karon, awhaga sila nga bantayan ang mga impresyon gikan sa Espiritu Santo nga makatabang nila nga mas masunod ang ehemplo sa Manluluwas sa pagpasaylo.

Aron tabangan ang mga estudyante nga masabtan ang konteksto sa Genesis 45, ipasabot nga human ibaligya sa iyang mga igsoon si Jose isip ulipon, gitudlo siya sa Paraon nga mahimong magmamando sa Ehipto. Dihang naay miabot nga gutom, mipanaw ang mga igsoon ni Jose ngadto sa Ehipto aron mopalit og pagkaon. Wala dayon gipaila ni Jose ang iyang kaugalingon apan gisulayan hinuon niya sila aron iyang mahibaloan kon nagbag-o na ba sila sukad nga nakahimo sila og kapintas ngadto kaniya. Sa wala madugay, gisultian ni Jose ang iyang mga igsoon kon kinsa gyod siya.

Dapita ang mga estudyante nga tun-an ang Genesis 45:1–15, nga pangitaon ang mga timailhan nga gipasaylo ni Jose ang iyang mga igsoon. (Kon gusto ka, pwede usab nimong dapiton ang mga estudyante nga tun-an ang Genesis 50:14–21, nga naghulagway sa laing interaksiyon ni Jose sa iyang mga igsoon pila ka tuig ang milabay.)

Aron tabangan ang mga estudyante nga ipakigbahin ang ilang nakat-onan gikan niini nga mga bersikulo, ikonsiderar ang paghisgot sa mga pangutana nga sama sa mosunod:

• Hain sa mga pulong o aksiyon ni Jose ang mipatigbabaw nimo?

• Unsay atong makat-onan sa ehemplo ni Jose sa pagpasaylo? (Mailhan tingali sa mga estudyante ang baroganan nga parehas ani: Makatabang nato ang pagpasaylo sa uban aron maalim ang atong mga kasingkasing ug makabaton tag kalinaw.)

Hangyoa ang mga estudyante nga maghanduraw nga naa silay kaila nga naglisod sa pagpasaylo sa laing tawo. Dapita sila nga mangitag mga kasulatan o mga pahayag gikan sa mga lider sa Simbahan nga makatabang tingali niining tawhana. Para sa mga estudyante nga nanginahanglag tabang, pwede nimong isugyot nga tun-an nila ang pipila sa mosunod nga mga kasulatan ug ang pahayag ni Elder Ulisses Soares:

• Mateo 6:14–15; Mga Taga-Efeso 4:31–32; Mga Taga-Colosas 3:13; Doktrina ug mga Pakigsaad 64:9–11

Ang kaisog sa pagpasaylo moabot ngadto niadtong kinsa mibutang sa ilang hugot nga pagtuo ug pagsalig diha sa Ginoo. Uban sa Iyang panabang, makaplagan nato ang kalig-on sa pagpasaylo sa uban, bisan kon ang tigbuhat sa sayop nakahimo og usa ka seryosong sala o wala tuyoa nga sala. (“Asking, Seeking, and Knocking: A Compassionate Pattern” [debosyonal sa Brigham Young University–Hawaii, Ene. 29, 2023], speeches.byuh.edu)

Dapita ang mga estudyante nga ipakigbahin ang usa ka kasulatan o pahayag nga ilang nakaplagan ngadto sa gagmayng mga grupo. Hangyoa sila nga ipasabot kon sa unsang paagi makatabang ang ilang napili nga tudling niadtong naglisod sa pagpasaylo.

Human maghisgot ang gagmayng grupo, ikonsiderar ang pagpangutana og parehas sa mosunod:

• Sa unsang paagi ang pagbaton og mas lawom nga pagsabot kang Jesukristo ug sa Iyang Pag-ula motabang nato sa pagpasaylo sa uban?

• Kanus-a nimo nasaksihan ang pagkaalim sa kasingkasing ug ang kalinaw nga resulta sa pagpasaylo sa uban? Ingon nga bahin sa panaghisgot, pwede nimong ipasalida ang mga bidyo nga “Forgiving Others: An Easter Message from President Russell M. Nelson” (5:01) o “Uban sa Gahom sa Dios sa Dako nga Himaya” (tan-aw gikan sa mga time code 10:24 hangtod 12:13).

  

  5:2
  

  13:17

Dapita ang mga estudyante nga pamalandongan ang kaugalingon nilang panginahanglan nga pasayloon o mangayog pasaylo sa uban. Hatagi silag panahon nga isulat ang mga lakang nga kinahanglan nilang himoon aron gamiton ang ilang nakat-onan ug gibati karon.

Balik ngadto sa “Mga Opsiyon nga Kalihokan sa Pagkat-on.”

Dapita ang klase nga ipakigbahin ang mga matang sa mga panalangin sa pagkapari nga ilang gihatag o nadawat. Ilista diha sa pisara ang tubag sa mga estudyante (apil sa mga ehemplo ang patriyarkal nga panalangin, mga panalangin sa amahan, ug uban pang panalangin sa pagpang-ayo, paghupay, o tambag). Kon kinahanglan, hangyoa ang usa ka estudyante nga ipasabot kadiyot kon unsa ang mga panalangin sa pagkapari. Pwede usab nimong dapiton ang mga estudyante nga pamalandongan ang tahas sa mga panalangin sa pagkapari diha sa ilang kinabuhi.

Ikonsiderar ang pagpakita sa hulagway sa ubos samtang imong ipakigbahin ang mosunod nga pagpasabot sa Genesis 48–49:

Sa hinapos sa iyang kinabuhi, gihatag ni Jacob ang mga panalangin sa pagkapari sa matag usa sa iyang dose ka anak. Ang duha ka labing detalyadong mga panalangin ni Jacob iyang gihatag ngadto nila ni Juda ug Jose.

Ikonsiderar ang pagpakita sa mosunod nga table. Dapita ang mga estudyante nga tun-an ang panalangin ni Juda o Jose, uban sa pipila ka dugang nga mga kapanguhaan aron mas masabtan nila kini. (Nindot usab kini nga panahon aron tabangan ang mga estudyante nga praktison ang “Using Restoration Scripture to Understand the Bible,” diha sa Mga Kahanas sa Pagtuon sa Kasulatan.)

Human makatuon ang mga estudyante, hangyoa silang ipakigbahin ang ilang nakat-onan. Pwede nimong gamiton ang mosunod nga mga pangutana aron giyahan ang panaghisgot:

• Unsang mga panabot ang inyong nakuha gikan sa inyong pagtuon?

• Unsa ang nakatabang niini nga mga bersikulo nga inyong masabtan ang mahitungod sa Langitnong Amahan ug ni Jesukristo? (Ingon nga bahin sa panaghisgot, pwede nimong tabangan ang mga estudyante nga ilhon ang kamatuoran nga sama sa mosunod: Pinaagi sa mga panalangin sa pagkapari, makasaad nato ang Ginoo og mga panalangin ug tabangan kitang masabtan ang atong umaabot nga mga posibilidad.)

Ikonsiderar ang paggamit sa usa o duha sa mosunod nga mga ideya aron tabangan ang mga estudyante nga mas masabtan kon sa unsang paagi mapanalanginan ang ilang kinabuhi tungod sa panalangin sa pagkapari:

• Dapita ang pipila ka estudyante nga ipakigbahin ang pipila ka ehemplo sa mga panahon diin gituman sa Ginoo ang mga saad pinaagi sa mga panalangin sa pagkapari, diha man sa kaugalingon nilang kinabuhi o sa kinabuhi sa uban.

• Ipasabot nga ang mga panalangin nga gihatag ni Jacob ngadto sa iyang mga anak maoy susama sa patriyarkal nga panalangin nga atong madawat karon. Pwede nimong hatagan og panahon ang mga estudyante nga makakat-on og dugang bahin sa patriyarkal nga panalangin pinaagi sa pagtuon sa “Patriarchal Blessings” diha sa Mga Hilisgotan ug mga Pangutana (Librarya sa Ebanghelyo). Pwedeng basahon niining higayona sa mga estudyante nga nakadawat na og patriyarkal nga panalangin ang ilang panalangin kon dala nila kini. (Maakses sa mga miyembro sa ilang patriyarkal nga panalangin pinaagi sa pag-sign in sa ChurchofJesusChrist.org ug pag-nabigar sa “Patriyarkal nga Panalangin” diha sa “Mga Kapanguhaan” nga drop-down menu.)

Human magtuon, dapita ang mga estudyante nga ipakigbahin ang ilang nakat-onan o gibati. Pwede usab nga ipakigbahin sa mga estudyante nga naay patriyarkal nga panalangin kon unsay epekto sa patriyarkal nga panalangin ngadto kanila ug sa ilang relasyon sa Dios. Seguroa nga nasabtan sa mga estudyante nga dili nila angayng ipakigbahin ang pihong mga detalye bahin sa ilang patriyarkal nga mga panalangin (tan-awa ang Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 18.17, Librarya sa Ebanghelyo).

Balik ngadto sa “Mga Opsiyon nga Kalihokan sa Pagkat-on.”

Ikonsiderar ang pagpakita og hulagway ni Propeta Joseph Smith. Dapita ang mga estudyante nga pamalandongan ang mosunod nga mga pangutana ug isulat ang ilang mga tubag:

• Unsa ka lahi ang inyong kinabuhi kon wala pa gipahiuli sa Ginoo ang ebanghelyo pinaagi ni Propeta Joseph Smith? Sa unsang paagi maapektohan ang inyong relasyon sa Langitnong Amahan ug ni Jesukristo?

Awhaga ang mga estudyante nga ipadayon ang pagpamalandong niining mga pangutanaha sa tibuok kalihokan sa pagkat-on. Ipasabot nga naa silay higayon unya nga ipakigbahin ang ilang mga hunahuna.

Ipasabot nga sa wala pa mamatay si Jose sa Ehipto, siya nanagna nga magtagana ang Ginoo og duha sa bantogang propeta nga moluwas sa Iyang katawhan. Ang una mao si Moises, nga moluwas sa mga anak sa Israel gikan sa Ehipto. Ang ikaduha mao ang bantogang manalagna nga motabang sa mga tawo nga mahaw-as gikan sa espirituwal nga kangitngit sa ulahing mga adlaw. Kining bantogang manalagna mao si Propeta Joseph Smith.

Aron andamon ang mga estudyante sa pagtuon sa panagna ni Jose, tabangi sila sa pagpangita sa Hubad ni Joseph Smith sa Genesis 50:24–38 diha sa ilang mga kasulatan. Kini nga mga bersikulo naa sa apendiks sa Biblia nga mga edisyon sa Mga Santos Ulahing mga Adlaw sa mga kasulatan o diha sa Librarya sa Ebanghelyo (nabigar paingon sa mga Mga Kasulatan dayon Mga Tabang sa Pagtuon aron makita ang “Apendiks sa Hubad ni Joseph Smith”). Pwedeng tun-an sa mga estudyante nga walay akses niini nga mga kapanguhaan ang summary ni Lehi niini nga panagna diha sa 2 Nephi 3:4–11.

Dapita ang mga estudyante nga tun-an ang Hubad ni Joseph Smith sa Genesis 50:24–33. Aron giyahan ang ilang pagtuon, ipakita ang mosunod nga table ug dapita ang mga estudyante nga kompletohon kini. Pwede usab nga tun-an sa mga estudyante ang mga entry nga konektado niini nga mga bersikulo diha sa Mga Tabang sa Kasulatan: Daang Tugon aron matabangan silang makompleto ang tsart.

Human makompleto sa mga estudyante ang ilang pagtuon, dapita silang ipakigbahin ang ilang nakat-onan o gibati. Ingon nga bahin sa panaghisgot, pwedeng ilhon sa mga estudyante ang mga kamatuoran nga parehas ani: Pinaagi ni Propeta Joseph Smith, gipahiuli sa Ginoo ang Iyang ebanghelyo sa yuta ug gitagana ang Basahon ni Mormon. Ang Basahon ni Mormon ug ang Biblia nagdala og kalinaw, kamatuoran ug kahibalo sa ebanghelyo ni Jesukristo nganhi sa kalibotan.

Aron tabangan ang mga estudyante nga mas masabtan kini nga mga kamatuoran, ikonsiderar ang pagpangutana sa mosunod:

• Sa unsang mga paagi napanalanginan ang imong kinabuhi tungod sa pagpahiuli sa Ginoo sa Iyang ebanghelyo pinaagi ni Joseph Smith?

• Sa unsang paagi natabangan ka sa Basahon ni Mormon ug sa Biblia nga mas maduol ngadto ni Jesukristo?

Pwede pod nimong hisgotan kini nga pahayag ni Elder Neil L. Andersen ug dayon isukna ang nagsunod nga mga pangutana:

Ang matag tumutuo nagkinahanglan og espirituhanong pagmatuod sa balaanong misyon ug kinaiya ni Propeta Joseph Smith. Kini tinuod sa tanang henerasyon. …

Ang negatibong komentaryo bahin ni Propeta Joseph Smith modaghan samtang nagpadulong kita sa Ikaduhang Pag-anhi sa Manluluwas. Ang morag mga tinuod ug mga panglingla dili mokunhod. Dunay mga sakop sa pamilya ug mga higala nga magkinahanglan sa inyong tabang. (“Joseph Smith,” Liahona, Nob. 2014, 30)

• Unsay nakatabang ninyo sa pagpalig-on sa inyong pamatuod ni Propeta Joseph Smith?

• Sa unsang paagi ninyo matabangan ang inyong mga higala o mga sakop sa pamilya nga nagkinahanglan tingali sa inyong tabang?

Awhaga ang mga estudyante nga ikonsiderar ang mga paagi nga ilang mapalig-on ang ilang pamatuod bahin ni Propeta Joseph Smith o ipakigbahin ang ilang pamatuod ngadto sa uban. Dapita sila nga irekord ang mga ideya ug espirituwal nga mga impresyon nga ilang naangkon.

Balik ngadto sa “Mga Opsiyon nga Kalihokan sa Pagkat-on.”