Sahanasa momba ny Avia, hanaraka Ahy

Tia an’i Hyrum Smith mpanompony ny Tompo noho ny “fahitsian’ny fony” (Fotopampianarana sy Fanekempihavanana 124:15). Jereo ny dikan’ny teny hoe fahitsian-toetra ary resaho amin’ny fianakavianao ny momba izany. Avy eo dia manaova sarina fo lehibe eo amin’ny taratasy iray. Manaova na manorata ao anatin’ilay fo, zavatra izay afaka hataonao mba hananana fo mahitsy.

Rehefa niverina avy nanao asa fitoriana i Brigham Young dia nandidy azy ny Tompo mba hikarakara ny fianakaviany (jereo ny Fotopampianarana sy Fanekempihavanana 126). Manamboara efajoro fasiana sary ka ravaho izany mba hasiana sarin’ny fianakavianao. Ahoana no hahafahanareo mifampikarakara?

Ny vatantsika dia mitovy amin’ny vatan’ny Ray any An-danitra sy i Jesoa Kristy (jereo ny Fotopampianarana sy Fanekempihavanana 130:22). Ataovy ity kilalao ity mba hankalazana ny vatanao! Mifandimbiasa misafidy fihetsika iray, toy ny mitsambikina na na manafosafo ny lohanao. Maka tahaka ilay fihetsika ny olon-kafa rehetra.

Be fitiavana sy tsara fanahy i Jesoa Kristy (jereo ny Fotopampianarana sy Fanekempihavanana 133:52). Ataovy ao anaty lovia iray ny anaran’ny olona tsirairay. Makà anarana iray ary manompoa mangingina an’izany olona izany amin’ity herinandro ity.

Mpaminanin’ny Famerenana amin’ny laoniny i Joseph Smith (jereo ny Fotopampianarana sy Fanekempihavanana 135:3). Manaova sary avy amin’ny fiainany. Ahoana no ahafantaranao fa mpaminany izy?