“Fatokian-tena eo anatrehan’ Andriamanitra,” Namana, mey 2025, 02–03.
Hafatry ny fihaonambe avy amin’ny Mpaminany
Fatokian-tena eo anatrehan’ Andriamanitra
Nampifanarahana avy amin’ny “Fatokian-tena eo anatrehan’ Andriamanitra,” Namana, mey 2025, 127–29.
Rehefa manao sy mitandrina fanekempihavanana isika dia afaka manana fatokian-tena avy amin’ny Fanahy Masina. Afaka matoky tena isika fa maheno antsika sy tia antsika mihoatra lavitra noho izay azontsika takarina ny Ray any An-danitra. Afaka matoky tena isika fa te hanampy antsika hahatratra ilay hery anaty ambony indrindra ananantsika Izy. Ny fiantrana sy ny hatsaram-panahy dia manokatra ny lalana mba hananana fatokian-tena eo anatrehan’ Andriamanitra!
Ny fiantrana ny olon-drehetra no mariky ny mpampihavana! Aoka isika hivavaka amin’ny Ray any An-danitra mba hamenoany ny fontsika amin’ny fiantrana.
Mahatonga ny zavatra rehetra ho tsaratsara kokoa sy ho falifaly kokoa ny hatsaram-panahy! Raha toa ianao ka manana eritreritra maloto, na ny eritreritra feno haratsiana, na ny eritreritra mahakivy, dia hoesorin’ny hatsaram-panahy ireo eritreritra ireo.
Tokony ho feno hatsaram-panahy sy feno ny fitiavana madion’i Kristy ho an’ny olon-drehetra ny eritreritsika sy ny tenintsika ary ny asantsika. Manasa anao aho mba hitombo ao anatin’ny fatokian-tenanao eo anatrehan’ny Tompo.
Alalino izany
Ataovy sary na soraty ny valinteninao amin’ireto fanontaniana ireto mikasika ny hafatry ny Filoha Nelson.
-
Ahoana no ahafahanao maneho fitiavana sy fiantrana ny hafa?
-
Inona no zavatra tsara azonao eritreretina raha toa ka tonga ao an-tsainao ny eritreritra maloto, na feno haratsiana na mahakivy iray?
Inona no soratra masina nampiasain’ny Filoha Nelson mba hampianarana momba ny fiantrana sy ny hatsaram-panahy? (Torohevitra: Azonao ampiasaina ny soratra masinao mba hitadiavana izany!)
-
Hebreo 11:1
-
Amosa 3:7