Avia, hanaraka Ahy Sahanasa

Mampianatra momba ny maha zava-dehibe ny fanarahana ny didin’ Andriamanitra ny soratra masina (jereo ny Fotopampianarana sy Fanekempihavanana 42). Asaivo misy olona iray ho mpitarika ary hijoro eny anoloan’ny vondrona. Rehefa miteny izy ireo hoe “jiro maitso” dia afaka mandroso ny rehetra. Rehefa miteny izy ireo hoe “jiro mena” dia voatery tsy mihetsika ny rehetra!

Hitsoka trompetra ny anjely rehefa miverina indray i Jesoa Kristy (jereo ny Fotopampianarana sy Fanekempihavanana 45:45). Manaova trompetra vita taratasy anao manokana! Ahorony ny taratasy iray ka ataovy miendrika kitsoloha (cone) dia hidio amin’ny scotch. Azonao atao koa ny manisy tahony ny trompetranao na manisy faribolana hatao bokotra. Avy eo dia manaova fanazaran-tena miteny ao amin’ny trompetranao ka lazao ny antony itiavanao an’i Jesoa Kristy.

Omen’ Andriamanitra fanomezam-pahasoavana ara-panahy ny olona tsirairay. Midika izany fa omeny talenta amin’ny alalan’ny Fanahy Masina isika (jereo ny Fotopampianarana sy Fanekempihavanana 46:11–33). Mitadiava tavoara tsy misy na inona na inona ao anatiny. Soraty eo amin’ny taratasy kely ny talenta na fanomezam-pahasoavana samihafa mety hananan’ny olona iray. Mifandimbiasa misafidy avy ao amin’ilay tavoara ary tonony ny anaran’ilay olona iray fantatrao fa manana izany fanomezam-pahasoavana izany!

Matetika ny filazantsaran’i Jesoa Kristy no antsoina hoe fanekempihavanana maharitra mandrakizay (jereo ny Fotopampianarana sy Fanekempihavanana 49:9, 12–14). Ny Filoha Nelson ihany koa dia niantso izany hoe ny lalan’ny fanekempihavanana. Soraty eo amin’ny taratasy maromaro ireo fomba ahafahantsika manaraka an’i Jesoa Kristy. Manaova lalana miaraka amin’ny alalan’ireo taratasy ireo ary mifandimbiasa mandeha eo amin’izany.