Kipawa cha Sala

Na Rais Susan H. Porter

Rais Mkuu wa Msingi

Imetoholewa kutoka “Sali, Yeye Yupo,” Liahona, Mei 2024, 77–79.

Baba wa Mbinguni amekupa kipawa maalum sana. Ni kipawa cha sala. Sala inaweza kutusaidia wakati wowote, mahali popote.

Ninataka kushiriki vipawa vitatu ambavyo unaweza kusali kwa ajili ya hivyo.

1. Sali ili ujue.

Kama hatuwezi kumwona Baba wa Mbinguni tunaposema sala zetu, tunawezaje kujua kwamba Yeye anasikiliza?

Rais Nelson amekualika “kuumimina moyo wako kwa Baba yako wa Mbinguni. … Na kisha sikiliza!”* Unaweza kujua kwamba Baba wa Mbinguni husikia sala zako unaposikiliza kile unachohisi moyoni mwako na mawazo yanayokuja akilini mwako.

2. Sali ili upige hatua.

Ni kwa jinsi gani unataka kupiga hatua? Je, unataka kujifunza ujuzi mpya au kupata marafiki wapya? Unaweza kusali ili upige hatua ili uwe zaidi kama Yesu Kristo!

Rafiki yangu mpya Jonah aliniambia kuhusu jinsi ambavyo mara nyingi alihisi wasiwasi shuleni. Lakini alipoanza kusali kabla ya kwenda shule, alihisi amani. Jonah anasali ili kupiga hatua kila siku, na wewe unaweza pia!

3. Sali ili uonyeshe.

Nikiwa msichana mdogo nilisali kwa ajili ya familia yangu. Nilitaka kujua jinsi ambavyo ningeweza kuwasaidia wao. Baba wa Mbinguni alinisaidia kujua kwamba ningeweza kuwa mfano wa injili ya Yesu Kristo. Hicho ndicho ningeweza kufanya!

Kama unasali kwa ajili ya familia yako au wengine wanaokupenda, usikate tamaa! Baba wa Mbinguni atakuonyesha nini unachoweza kufanya. Unapoomba msaada Wake kwa dhati, Roho Wake atakuongoza.

Sala Zangu

Fikiria kuhusu maswali haya kila mara unaposali. Kisha paka rangi ua. Ona kama unaweza kupaka rangi ukurasa wote!

Ni kipi ninataka kujua?
Ni kwa jinsi gani ninataka kupiga hatua?
Ni kwa jinsi gani ninaweza kuonyesha upendo wa Baba wa Mbinguni kwa wengine?