Mifandray amin’ny alalan’ireo fanekempihavanana

Mampifandray antsika amin’ny Ray any An-danitra sy i Jesoa Kristy ireo fanekempihavanana. Afaka mahazo fanampiana sy tanjaka avy any an-danitra isika amin’ny alalan’ny fitandremana ireo fanekempihavanantsika. Nampianatra izao ny Filoha Russell M. Nelson: “Rehefa manao fanekempihavanana amin’ Andriamanitra izaho sy ianao, ny fifandraisantsika Aminy dia lasa tena akaiky kokoa noho ny talohan’ny fanekempihavanantsika. Noho ny fanekempihavanana [ataontsika Aminy], dia tsy ho reraka mihitsy Izy amin’ny ezaka ataony hanampiana antsika.”

Manaova rojo vita amin’ny alalan’ireo mason-drojo taratasy mba hampahatsiahivana anao ny fanekempihavanana nataonao tamin’ny batisanao! Ahantony amin’ny toerana izay ahafahanao mahita azy matetika izany avy eo.

1. Maneteza tapa-taratasy enina sahabo ho 2.5 santimetatra sy 20 santimetatra.

2. Soraty eo amin’ny tapa-taratasy tsirairay ny iray amin’ireo fomba ahafahanao mitandrina ny fanekempihavanana nataonao tamin’ny batisanao. (Mety hanampy ny lisitra eto ambany.)

3. Alaovy ilay tapa-taratasy lavalava voalohany ary araiketo miaraka ireo tendrony mba hanaovana faribolana. Ampidiro ao anatin’ilay faribolana ny tapa-taratasy manaraka ary akombony amin’ny ruban adhésif ireo tendrony. Tohizo ny fampidirana mason-drojo mandra-pahavitanao rojo!

• Hahatsiaro an’i Jesoa Kristy mandrakariva

• (Jereo ny Fotopampianarana sy Fanekempihavanana 20:77, 79)

• Hanompo an’ Andriamanitra sy hitandrina ireo didiny

• (Jereo ny Môzià 18:10 sy ny Fotopampianarana sy Fanekempihavanana 20:77)

• Hijoro ho vavolombelona momba an’i Jesoa Kristy ary ho ohatra

• (Jereo ny Môzià 18:9 sy ny Fotopampianarana sy Fanekempihavanana 20:77, 79)

• Hanampy ny hafa.

• (Jereo ny Môzià 18:8–9)

Sary nataon’i Katy Dockrill