Kenese 12–17; Aperaamo 1–2

Mafaufau e faasoa atu le faamatalaga lenei a Elder Dieter F. Uchtdorf:

Na aoao mai Iesu, “Saili, ona outou maua ai lea” [Mataio 7:7].

Ou te talitonu o lenei fasifuaitau faigofie e le gata o se folafolaga faaleagaga; ae o se tautinoga o le mea moni. …

E seāseā lava tatou mauaina se mea tatou te le o sailia. (“O Se Olioli Maualuga Atu,” Liahona, Me 2024, 68)

• E mafai faapefea ona mamanuina o tatou olaga i mea tatou te sailia? (Mafaufau e fai atu i tagata aoga e faasoa mai nisi o faataitaiga e faaalia ai lenei mea.)

Faamalamalama atu o loo i ai i tusitusiga paia le tele o aoaoga e uiga i mea e finagalo le Alii tatou te sailia ma mea e finagalo o Ia tatou te aloese mai ai mai le sailia. Mafaufau e faaali atu faatonuga ma fuaitau o mau nei.

Faaaoga se fua mai le 1 (e leai) i le 5 (tele), iloilo pe o le a le vavalalata o ou lagona o fuaitau taitasi o mau nei e atagia mai ai au filifiliga i aso taitasi:

• “Ae tou te lei saili mo le oa, ia outou saili mo le malo o le Atua“ (Iakopo 2:18).

• “Ia e tuu ese mea o lenei lalolagi, ma saili mo mea o se lalolagi sili atu ona lelei” (Mataupu Faavae ma Feagaiga 25:10).

• “Sa outou saili … mo le mea e le mafai ona outou maua; ma sa outou saili mo le fiafia i le fai o le amioletonu” (Helamana 13:38).

• “Faalatalata mai ia te a’u, ma o le a ou faalatalata atu ai ia te outou; saili mai ia te a’u ma le filiga ma o le a outou maua ai a’u” (Mataupu Faavae ma Feagaiga 88:63).

Faamalamalama atu e mafai ona tatou aoaoina ni lesona taua e uiga i le sailia o le Alii mai le tala i le tusi a Aperaamo. (Afai e le masani tagata aoga i le tusi a Aperaamo, mafaufau e faitau faatasi le “Aperaamo 3. O le a le tusi a Aperaamo?” i le Fesoasoaniga mo Mau: Feagaiga Tuai.)

Valaaulia tagata aoga e suesue le Aperaamo 1:1–7, ma vaavaai mo mea sa sailia e Aperaamo ma faafitauli sa feagai ma ia. Ina ia fesoasoani i tagata aoga e faasoa mai mea sa latou aoaoina, mafaufau e fai ia fesili e pei o nei:

• Aisea na manaomia ai e Aperaamo ona “maua se isi mea … e nofo ai?”

• O le a le mea na sailia patino e Aperaamo ma le manao ia maua i lona olaga?

Valaaulia tagata aoga e suesue a le o le Aperaamo 1:15–20 po o le Aperaamo 2:8–13, ma vaavaai pe na faapefea ona faamanuiaina Aperaamo mo le sailia o le Alii ma Ana faamanuiaga. (Atonu e fesoasoani le faailoa atu e faapea o le Aperaamo 2:8–13 o loo faamatala mai ai se aafiaga na oo ia Aperaamo mulimuli ane i lona olaga.)

A mae’a ona suesue tagata aoga, valaaulia i latou e talanoaina fesili nei ma se paga sa suesueina isi seti o fuaiupu:

• Na faapefea ona faamanuiaina e le Alii ia Aperaamo i nei fuaiupu na e suesueina? O le a se mea ua faailoa mai e nei faamanuiaga e faatatau i uiga o le Alii?

• O le a se mea na e aoaoina pe lagonaina mai lenei tala e mafai ona fesoasoani i talavou matutua i aso nei?

Valaaulia ni nai tagata aoga e faasoa mai mea na latou aoaoina i le taimi o la latou talanoaga ma a latou paga. E mafai ona faailoa mai e tagata aoga se upumoni e pei o lenei: Afai tatou te saili ma le naunautai i le Alii, o le a tatou maua o Ia. Mafaufau e valaaulia tagata aoga e faailoga ia upu a Aperaamo i le Aperaamo 2:12 o loo atagia mai ai lenei upumoni.

• O a ni nai faataitaiga o le ala e mafai ai ona tatou sailia ma le naunautai le AliI? (I le avea ai o se vaega o lenei talanoaga, mafaufau e faaali le vitio “Nourish Your Own Faith” [2:08].)

  

  2:7

• O le a se fautuaga e te tuuina atu i se tasi e le o lagonaina i le taimi nei le manao tele e saili le Alii?

Mafaufau e valaaulia tagata aoga e faasoa mai se aafiaga na latou saili ai ma le naunautai i le Alii ma le auala na latou maua ai o Ia.

Ina ia fesoasoani i tagata aoga e faaaoga mea ua latou aoaoina, e mafai ona e faaali atu fesili nei ma tuu atu i tagata aoga se taimi e tusifaamaumau ai a latou tali.

• O le a se mea ua e aoaoina pe lagonaina e uiga i le sailia o Iesu Keriso e te manao e manatua?

• O le a se sini e mafai ona e faatuina e fesoasoani ia te oe e saili atoatoa atili ai le Alii? E faapefea ona e mautinoa o loo e faatinoina mea e te lagona ua uunaia oe e fai?

E mafai ona e valaauliaina ni nai tagata aoga e faasoa mai a latou tali ma le vasega pe afai e le patino tele. Molimau atu e uiga i upumoni na outou talanoaina i lenei aso.

Toe foi i le “Filifiliga o Gaoioiga e Aoao Ai.”

Mafaufau e faaali atu le ata o Aperaamo o loo maua i le amataga o lenei lesona. Valaaulia se tagata aoga e faitau le saunoaga lenei a Peresitene Russell M. Nelson:

Ia i tatou o le igoa mamalu o Aperaamo e taua. O loo ta’ua i le tele o fuaiupu o tusitusiga paia o le Toefuataiga nai lo fuaiupu uma o le Tusi Paia. E i ai le sootaga o Aperaamo i tagata uma O Le Ekalesia a Iesu Keriso o le Au Paia o Aso e Gata Ai. (“O Le Faapotopotoina o Isaraelu ua Faataapeapeina,” Liahona, Nov. 2006, 80)

• E faapefea ona fesootai Aperaamo i tagata uma o le Ekalesia? (Afai e manaomia, faailoa atu e faapea tatou te talanoa e uiga ia Aperaamo pe a faatatau i le feagaiga faa-Aperaamo. E mafai e tagata aoga ona suesue le Aperaamo 1:1–7, 15–19 e aoao ai e uiga i tulaga na taitai atu ai i le osia e le Atua o Lana feagaiga ma Aperaamo.)

Valaaulia tagata aoga e fai se kopi o le siata lenei. E mafai ona latou faatumuina le siata a o latou suesueina le Aperaamo 2:6–11. E mafai foi ona tuu atu ia i latou e suesue le “Kenese 12:1–3; Aperaamo 2:6–11. O le a le feagaiga na faia e le Atua ma Aperaamo?” i le Fesoasoaniga mo Mau: Feagaiga Tuai.

E mafai e tagata aoga ona aotele mea na latou aoaoina e uiga i le feagaiga faa-Aperaamo ma se paga. E mafai foi ona e fai atu ni fesili e pei o nei:

• O a mea o loo aoao mai e nei folafolaga ia te oe e faatatau i uiga auaumama o le Tama Faalelagi ma Iesu Keriso?

• O le a se mea o aoao mai e nei fuaiupu e uiga i ou tiutetauave o se tagata o le Ekalesia i aso nei? (I le faaaogaina o a latou lava upu, e mafai ai e tagata aoga ona faailoa mai se upumoni e pei o lenei: I le avea ai ma fanau a Aperaamo, ua ia i tatou le tiutetauave e aumai faamanuiaga o le talalelei i tagata uma.)

• O a nisi o auala e mafai ona e faataunuuina ai ou tiutetauave e fesootai ma le feagaiga faa-Aperaamo? (O le saunoaga lenei a Peresitene Russell M. Nelson e mafai ona fesoasoani i lenei talanoaga.)

Ua poloaiina i tatou e le Alii e faasalalau atu le talalelei ma faasoa atu le feagaiga. O le mafuaaga lena ua i ai a tatou faifeautalai. E finagalo o Ia mo Ana fanau uma ia maua le avanoa e filifili ai le talalelei a le Faaola ma galulue ai i luga o le ala o feagaiga. E finagalo le Atua e fesootai tagata uma i le feagaiga na Ia osia anamua ma Aperaamo.

O le mea lea, o le galuega faafaifeautalai o se vaega taua o le faapotopotoina tele o Isaraelu. O lena faapotopotoina o le galuega aupito sili lea ona taua o loo tupu i le lalolagi i le taimi nei. E leai se isi mea e faatusalia i le maofa tele. E leai se isi mea e faatusalia i le taua. O faifeautalai a le Alii—Ana soo—o loo auai i le lu’i aupito silisili, le mafuaaga aupito silisili, ma le galuega aupito silisili i luga o le fogaeleele i le taimi nei.

Ae e i ai se mea e sili atu—sili sili atu. O loo i ai se manaoga tele e faasalalau atu le talalelei i tagata i le isi itu o le veli. E finagalo le Atua i tagata uma, i itu uma e lua o le veli, ia olioli i faamanuiaga o Lana feagaiga. (“O Le Feagaiga e Fa’avavau,” Liahona, Oke. 2022, 9)

Mafaufau e valaaulia tagata aoga e faasoa mai ni aafiaga na latou maua i le auai faatasi ma le Alii i le faapotopotoina o Isaraelu. Uunaia i latou e faasoa mai pe na faapefea ona faamanuiaina i latou e le Alii po o isi e ala i nei taumafaiga. E mafai foi ona e faasoa atu ou lava aafiaga.

Tuu atu i tagata aoga se taimi e fatu ai se fuafuaga e faataunuu ai lo latou tiutetauave e faapotopoto Isaraelu ma faasoa atu faamanuiaga o le talalelei i isi. Uunaia i latou e tusifaamaumau a latou fuafuaga. E mafai ona e tulitataoina tagata aoga e uiga i lo latou alualu i luma i se lesona i le lumanai.

Toe foi i le “Filifiliga o Gaoioiga e Aoao Ai.”

Valaaulia tagata o le vasega e mafaufau i se taimi na latou feeseesea’i ai ma se isi faafesaga’i po o i luga o le initoneti. Faaali atu le iloiloga lenei a le tagata lava ia, ma valaaulia tagata aoga e iloilo le leoa pe latou te matele i le faatupuina o le filemu i taimi o talanoaga faigata.

Faailoa atu ina ua mavae sina taimi o nonofo ai i Aikupito, na toe foi atu Aperamo (na ta’ua mulimuli ane o Aperaamo) ma lona aiga i le laueleele o Kanana. Valaaulia tagata aoga e suesue le Kenese 13:1–12 ma faailoa mai pe aisea na amata ai feeseeseaiga i totonu o le nuu o Aperamo.

• O le a se mea e tulaga ese ia te oe e uiga i le tali atu a Aperamo i le feteenaiga ma Lota? (tagai fuaiupu 8–11).

Faasoa atu le faamatalaga lenei a Elder QuentinL. Cook:

Ina ia maua ni sootaga toafilemu, e manino le lesona: e le tatau ona tatou naunau e fetuutuunai ma tuu le feitaga’i e faatatau i mataupu e le aofia ai le amiotonu. E pei ona sa aoao mai le Tupu o Peniamina, “O le a lē i ai ia te outou se manatu, e faamanu’a i le tasi, ae ia outou nonofo i le filemu” [Mosaea 4:13]. Ae e uiga i amio e fesootai i le amiotonu ma matafaioi faaleaoaoga faavae autu, e manaomia ona tatou tumau mausali ma le lē maluelue. (“Filemu o le Tagata Lava Ia i Taimi Faigata,” Liahona, Nov. 2021, 91)

Valaaulia tagata aoga e faasoa mai se upumoni ua latou aoaoina mai le Kenese 13 ma mai le saunoaga a Elder Cook. E mafai ona faailoa mai e tagata aoga se upumoni faapenei: E mafai ona tatou faatupuina le filemu e ala i le naunau e fetuutuunai mataupu lea e le aofia ai le amiotonu.

• O le a se mea e faafaigata ai ona avea ma se tagata e faatupuina le filemu?

• O le a se mea e mafai ona e faia ina ia avea atili ai oe ma se tagata e faatupuina le filemu ma tagata o loo siomia oe?

Atonu e fesoasoani le faailoa atu e faapea, o le avea ma se tagata e faatupuina le filemu e le faapea o le aloese mai feteenaiga i soo se mea lava, ma e le faapea ai e tatau ona tatou faatagaina isi e faaaogaina i tatou pe faaleagaina i tatou. Ina ia fesoasoani i tagata aoga ia malamalama lelei i le auala e mafai ai ona latou mulimuli i le faataitaiga a le Faaola o le avea ma se tagata e faatupuina le filemu, mafaufau e matamata i le “Blessed Are the Peacemakers” (2:17) po o le “Peacemakers in Contentious Times” (2:42). A leai, e mafai ona e tuuina atu i tagata aoga se taimi e suesue ai vaega o le saunoaga a Peresitene Russell M. Nelson “Ua Manaomia i Latou e Faatupuina le Filemu” (Liahona, Me 2023, 98–101). E mafai e tagata aoga ona faasoa atu mea ua latou mauaina i se paga pe faatasi foi o se vasega.

2:18

2:42

Mafaufau e valaaulia ni nai tagata aoga e faasoa a latou tali i fesili nei ma se paga po o se vaega toaitiiti.

• O a ni taunuuga lelei ua e vaaia a o e faia taumafaiga ina ia avea ma se tagata e faatupuina le filemu?

• Na faapefea ona faamanuiaina oe i taumafaiga a isi ia avea ma ni tagata e faatupuina le filemu?

Ina ia faai’u, mafaufau e faaali atu fesili nei. Tuu atu le taimi i tagata aoga e tusifaamaumau ai a latou tali:

• O a nisi o tulaga i lou olaga e mafai ona avea ai oe ma se tagata e sili atu ona lelei e faatupuina le filemu?

• O le a se mea o le a amata ona e faia i le asō e avea ai ma se tagata e faatupuina le filemu?

Toe foi i le “Filifiliga o Gaoioiga e Aoao Ai.”

Mafaufau e tusi upu e pei o upu nei i luga o le laupapa: tuuatoatasi, tuulafoaiina, le vaaia, le malamalama i ai, le amanaiaina. Uunaia tagata aoga e mafaufau i le taimi mulimuli na latou oo ai i se tasi o nei lagona.

Valaaulia i latou e suesue i aafiaga o Akara ma Sarai i le Kenese 16 ma mafaufau pe faapefea ona latou liliu atu i le Alii mo se fesoasoani pe a latou lagonaina le tuuatoatasi po o le le vaaia.

Faamalamalama atu e ui lava o Aperamo ma Sarai (o o laua igoa na suia mulimuli ane e le Atua ia Aperaamo ma Sara) na folafola mai e le Atua o le a la maua se fanau e toatele, ae na oo atu Sarai i le matua e aunoa ma le mafai ona maua ni fanau. Na tuuina atu e Sarai lana auauna fafine o Akara ia Aperamo e avea ma se avā autaunonofo e fesoasoani e faataunuu ai folafolaga a le Alii o fanau. Atonu e fesoasoani le faasino atu na poloaiina e le Atua Aperamo ma Sarai e faia lenei mea (tagai Mataupu Faavae ma Feagaiga 132:34; Kenese 16:1–3; Tagai foi i le “Kenese 16:1–3. Aisea na tuuina atu ai e Sarai ia Akara ia Aperamo e fai ma ana avā?” i le Fesoasoaniga mo Mau: Feagaiga Tuai).

Valaaulia tagata aoga e faitau faatasi le Kenese 16:4–6 , ma vaavaai mo le mea na tupu i le va o Akara ma Sarai.

• O le a sou lagona pe ana faapea o loo e iai i le tulaga o Akara? Ae a le tulaga o Sarai?

Valaaulia tagata aoga e suesue le Kenese 16:7–16, ma vaavaai mo le mea na tupu ina ua mavae le malaga ese atu o Akara.

• O ā ni mea e te a’oa’oina e uiga i le Atua mai le aafiaga o Akara? (Atonu e fesoasoani le faailoa atu e faapea o le igoa o Isamaeli o lona uiga “E faafofoga mai le Atua” [tagai i le Kenese 16:11, vaefaamatalagaa], ma o le igoa Beer-lahai-roi, o loo ta’ua i le Kenese 16:14, o lona uiga “O le vaieli o ia o lē e ola ma vaai mai ia te a’u [tagai i le Kenese 16:14, vaefaamatalaga e].)

E mafai ona faailoa mai e tagata aoga se upumoni faapenei: E faafofoga mai le Alii ma silafia i tatou i o tatou tofotofoga ma o le a fesoasoani ia i tatou e manumalo ai.

• O a nisi o auala ua faaalia ai e le Atua e silasila ma faafofoga mai o Ia ia i tatou?

Mafaufau e faasoa atu le faamatalaga lenei a Elder Dieter F. Uchtdorf:

E lē o tu’ua na o oe i lenei faigamalaga. E silafia oe e lou Tama Faalelagi. Tusa lava pe leai se isi o faalogo atu ia te oe, e faafofoga mai o Ia ia te oe. A e olioli i le amiotonu, e olioli o Ia faatasi ma oe. Pe a e feagai ma tofotofoga, e faanoanoa o Ia faatasi ma oe. (“O Lau Malaga Matagofie i le Aiga,” Liahona, Me 2013, 127–28)

Valaaulia tagata aoga e toe mafaufau i taimi na latou lagona ai sa silafia i latou e le Atua ma silafia mea o loo latou feagai. E mafai ona e fai atu i ni nai tagata aoga e faasoa mai ni aafiaga e le patino tele i le vasega.

E mafai ona e faaiuina le gaoioiga e aoao ai i le molimau atu e silafia ma faafofoga mai le Atua i Ana fanau uma i o latou tofotofoga ma o le a faamanuiaina i latou.

Toe foi i le “Filifiliga o Gaoioiga e Aoao Ai.”