Kosi o Tusitusiga Paia
Faatomuaga

“Faatomuaga,” Tusi Lesona a le Faiaoga Inisitituti o le Feagaiga Tuai (2026)

o le faiaoga inisitituti o loo fegalegaleai ma se vasega

Tusi Lesona a le Faiaoga Inisitituti o le Feagaiga Tuai

Faatomuaga i le Kosi

O Le Faamoemoega o Seminare ma Inisitituti o Mataupu Faalelotu

“O lo tatou faamoemoe o le fesoasoani lea i le autalavou ma talavou matutua e faalolotoina lo latou liua ia Iesu Keriso ma Lana talalelei toefuataiina, ia agavaa mo faamanuiaga o le malumalu, ma ia saunia i latou lava, o latou aiga, ma isi mo le ola e faavavau faatasi ma lo latou Tama oi le Lagi” (“O Le Sini Faamoemoeina o Seminare ma Inisitituti o Mataupu Faalelotu,” Gospel Library).

O le a se aafiaga o le a oo i ai tagata aoga i lenei kosi?

O lenei kosi ua mamanuina e fesoasoani ai i faiaoga e faataunuu le Faamoemoega o Seminare ma Inisitituti o Mataupu Faalelotu e ala i le fesoasoani i tagata aoga e:

  • Taulai atu i faataitaiga a Iesu Keriso, uiga, ma le mana togiola i a latou suesuega o le Feagaiga Tuai.

  • Faalolotoina lo latou malamalama i le talalelei a Iesu Keriso e pei ona aoao mai i le Feagaiga Tuai.

  • Atiina ae ni tomai i le suesueina o tusitusiga paia lea e faateleina ai lo latou tomai e malamalama ai i tusitusiga paia e i latou lava.

  • Ia iloa pe mafai faapefea e upumoni latou te suesueina mai le Feagaiga Tuai ona fesoasoani i a latou fesili, manaoga, ma tulaga.

  • Faamalamalama, faasoa atu, ma molimau atu e uiga i upumoni o loo maua i tusitusiga paia.

  • Faaaoga aoaoga o tusitusiga paia i o latou olaga a o latou tauivi ia avea atili e faapei o Iesu Keriso.

  • Saili, iloa, ma faatino faaaliga faaletagata lava ia mai le Agaga Paia.

E faapefea ona mamanuina le kosi?

O punaoa a le faiaoga o loo i ai lesona e 50 e ogatusa ma le faasologa o le Sau, Mulimuli Mai ia te A’u . O loo mamanuina e lagolago le faiga masani o le semesa e 14 vaiaso o le Mataupu Faalelotu 301 ma le 302 pe a faaaoga ma le “Taiala o le Saoasaoa mo Mataupu Faalelotu 301 ma le 302” lea o loo maua i le faaiuga o lenei folasaga.

I se isi itu, o lenei kosi e mafai ona ofoina atu o se filifiliga ua faaulutalaina Mataupu Faalelotu 210R: Sau, Mulimuli Mai ia te A’u. I lenei faatulagaga, e taulai atu faiaoga i na o anotusi e o faatasi ma le faasologa o taimi o le Sau,Mulimuli Mai ia te A’u e faatagaina ai vasega e amata ma faaiu i soo se taimi o le tausaga e faavae i manaoga ma faatulagaga i le lotoifale. E mafai foi e faiaoga ona tuufaatasia ni lesona se tele mai lenei tusi lesona e fatu ai se aafiaga puupuu ma sili atu ona taulai atu i le aoaoina. Mo se faataitaiga, o lesona e uiga i le tusi o Kenese e mafai ona faaaoga mo se mafutaga faaleaoaoga e lima-i-le-fitu vaiaso.

O le lesona muamua, ”O Le Keriso Soifua,” e mafai ona aoaoina i soo se taimi i le taimi o le kosi. Mo se faataitaiga, e mafai ona e aoao atu lenei mea o se lesona muamua o le kosi po o vaiaso a o lumanai le Eseta po o le Kerisimasi.

E faapefea ona faatulaga lesona?

O anomea a faiaoga ua faamoemoe e fesoasoani ai i faiaoga e fatu ni aafiaga e aoao ai e totonugalemu ia Keriso, e faavae i tusitusiga paia, ma taulai atu i tagata aoao ma valaaulia ai faatosinaga a le Agaga Paia. O elemene nei o punaoa a le faiaoga e mafai ona fesoasoani i lenei taumafaiga:

aikona o suesuega
Uunaia Suesuega Faaletagata Lava Ia

Mafaufau i auala e valaaulia ai, uunaia, ma fesoasoani i tagata aoga e suesue a latou tusitusiga paia i le vaiaso atoa. Mo se faataitaiga, e mafai ona e auina atu ni savali e fesoasoani i tagata aoga e suesue ai le poloka mau ua atofaina mo le vaiaso ma o mai i le vasega ua saunia e faasoa mai ni fesili ma ni malamalamaaga. O manatu mo savali e mafai ona e auina atu i tagata aoga o loo maua i le amataga o otootoga o lesona taitasi.

E mafai foi ona e iloiloina manaoga o tagata aoga e ala i le valaaulia o i latou e lafo mai ia te oe ni a latou fesili o i ai e uiga i le poloka mau. I isi ala o fesootaiga, e mafai ona e valaaulia tagata aoga e amata ona talanoaina se autu ma tagata o le vasega a o lei amataina le vasega. Mafaufau i ni auala e fesoasoani ai i tagata aoga e ausia a latou sini mo suesuega ma maua ai se alofa loloto atu mo a latou lava suesuega patino o tusitusiga paia.

aikona o talanoaga
Fesili ma Fetufaa’iga

Tuu atu se taimi mo tagata aoga e fai mai ai fesili ma faasoa mai ni malamalamaaga ma ni aafiaga. E mafai ona fesoasoani lenei mea ia i latou e fesootai ai tusitusiga paia i o latou olaga. E mafai ai foi ona e iloiloina lelei manaoga ma faanaunauga o tagata aoga. Atonu o se taimi lelei lenei e tulitatao ai valaaulia ma aafiaga mai vasega ua mavae.

O le tuuina atu o se taimi mo tagata aoga e fai mai ai fesili ma faasoa mai ni malamalamaaga e uiga i le poloka mau e mafai ai ona latou uunaia le taitaiga o le talanoaga. E tatau ona fetuutuunai le aofaiga o le taimi e faaalu e faasoa atu ai. O le a manaomia ona e iloa le taimi e fesoasoani ai i tagata aoga e agai atu i se tasi o gaoioiga e aoao ai, lea e mafai ona fesoasoani ia i latou e faaaoga mea o loo latou talanoaina.

Ina ia uunaia fesili ma le faasoaina atu, mafaufau i auala nei e amata ai le gaoioiga:

  • Toe iloilo savali na e auina atu i tagata aoga i le aluga o le vaiaso po o soo se fesili na latou auina atu ia te oe.

  • Faaali atu ni ata po o ni upu e faaalia ai mea na tutupu po o aoaoga autu i le poloka mau.

  • Fesili atu i tagata aoga po o a fesili po o malamalamaaga latou te fia talanoaina.

E mafai ona e valaaulia tagata aoga e fai ni fesili ma faasoa atu ni malamalamaaga o se vasega, i ni vaega toalaiti, faatasi ma se paga, po o isi auala fatufatuai, e pei o le faaaogaina o ala o faasalalauga faaagafesootai. Mafaufau e tuu atu i tagata aoga sina taimi e iloilo ai pe suesue ai le poloka mau ae latou te lei faasoa mai.

Manatua: Afai o se fesili po o se malamalamaaga e ese mai le autu, vaavaai mo ni auala e toe faafoi atu ai le talanoaga i upumoni autu o loo i mau. Ma le isi, atonu e sili atu le taliina o nisi o fesili pe a uma le vasega po o le mae’a ai o se suesuega faaopoopo. E le afaina le faapea atu, “Ou te le iloa. Sei o tatou suesue atili i lenei mea e i tatou lava ma vaai po o le a se mea e mafai ona tatou aoaoina a o lei amataina le isi vasega.”

aikona o aoaoga o tomai
Aoaoga o Tomai

E fesoasoani lenei kosi i tagata aoga e atiina ae tomai o le a faateleina ai lo latou gafatia e malamalama ai ma talanoa e uiga i mau. E masani lava o nei tomai e tuufaatasia i gaoioiga e aoao ai. Mo nisi fesoasoani i le faaaogaina o tomai ua fautuaina i gaoioiga e aoao ai, e mafai e faiaoga ma tagata aoga ona o i Tomai mo le Suesueina o Tusitusiga Paia i le Gospel Library. O lenei punaoa ua tuuina mai ai le taitaiga i le auala e faauiga ai, faatino, ma faataitai ai tomai taitasi.

A o faataitai soo e tagata aoga nei tomai i le kosi atoa, o le a latou lagonaina le talitonuga sili atu i lo latou tomai e aoao ai mai tusitusiga paia. Saili se taimi e tulitatao ai ma valaaulia tagata aoga e faasoa mai o latou aafiaga e faaaoga ai nei tomai.

aikona o filifiliga o gaoioiga e aoao ai
Filifiliga o Gaoioiga e Aoao Ai

O lesona taitasi e aofia ai le tele o filifiliga o gaoioiga e aoao ai. E te le manaomia le faaaogaina o filifiliga uma o gaoioiga e aoao ai o se lesona i se vasega se tasi. Taulai atu i le liuaina o tagata aoga, ae le o le faaaogaina o mea uma. Iloilo manaoga o tagata o lau vasega ma saili le taitaiga a le Agaga Paia a o e filifilia gaoioiga e aoao ai o le a e faaaogaina. E mafai foi ona e fesili atu i tagata o le vasega po o a lesona ma gaoioiga e aoao ai e sili ona aoga ia i latou.

E mafai faapefea e Fesoasoaniga mo Mau: Feagaiga Tuai ona faaleleia le aafiaga o le aoaoina?

Fesoasoaniga mo Mau: Feagaiga Tuai o se punaoa lea e maua ai se malamalamaaga i le talaaga o mau (faatulagaga, aganuu, talafaasolopito, ma le faataatiaga faafaafanua), faamanino le uiga o upu ma fasifuaitau, ma fesoasoani i le malamalama i fuaitau faigata. O le tele o gaoioiga e aoao ai i anomea a le faiaoga o loo i ai sootaga i Fesoasoaniga mo Mau: Feagaiga Tuai. Fesoasoani i tagata aoga e sue lenei punaoa i le Gospel Library. Uunaia i latou e faaaoga lenei punaoa a o latou suesueina le Feagaiga Tuai i le vasega ma i le aiga.

O a isi punaoa e mafai ona fesoasoani ia te au e avea ai ma se faiaoga e sili atu ona faaKeriso?

E faaopoopo atu i le auai i fonotaga faaleaoaoga a faiaoga faatasi ma lau taitai faamaopoopo po o le aufaigaluega i le lotoifale, mafaufau e iloilo punaoa nei:

O le a se mea ua faamoemoeina mai i tagata aoga ia maua ai ni togi?

Mo faamatalaga e uiga i le auala e maua ai togi mo le faauuga o le inisitituti po o togi e mafai ona siitia atu i aoga a le Ekalesia, tagai i le InstituteCredit.ChurchofJesusChrist.org.

E faapefea ona ou fetuuna’ia lesona mo tagata e i ai manaoga faapitoa?

A o e aoao atu, ia nofouta i tagata aoga e i ai manaoga faapitoa. Fetuuna’i gaoioiga ma lesona ia aofia ai nei tagata aoga ma fesoasoani ia i latou ia faamanuiaina. Mo nisi punaoa i le auala e aoao ai tagata e i ai manaoga faapitoa, tagai i le disabilities.ChurchofJesusChrist.org.

Taiala o le Saoasaoa mo Mataupu Faalelotu 301 ma le 302

O faataitaiga nei o taiala o le saoasaoa e mafai ona e faaaogaina e fetuunai ai lesona i le faasologa masani o le semesa e 14 vaiaso o le Mataupu Faalelotu 301 ma le 302. Fetuuna’i filifiliga nei ia fetaui ma manaoga o lau polokalama.

Mataupu Faalelotu 301

Mose–Aperaamo; Kenese 1–1 Tupu 11

Vaiaso

1

2

3

4

5

6

7

Vaiaso

Lesona

1

Faatomuaga i le Feagaiga Tuai

2

Mose 1; Aperaamo 3

Kenese 1–2; Mose 2–3; Aperaamo 4–5

3

Kenese 3–4; Mose 4–5

4

Kenese 5; Mose 6

Mose 7

5

Kenese 6–11; Mose 8

Kenese 12–17; Aperaamo 1–2

6

Kenese 18–23

Kenese 24–33

7

Kenese 37–41

Kenese 42–50

Vaiaso

8

9

10

11

12

13

14

Vaiaso

Lesona

8

Esoto 1–6

Esoto 7–13

9

Esoto 14–18

Esoto 19–20; 24; 31–34

10

Esoto 35–40; Levitiko 1; 4; 16; 19

Numera 11–14; 20–24; 27

11

Teuteronome 6–8; 15; 18; 29–30; 34

Iosua 1–8; 23–24

12

Faamasino 2–4; 6–8; 13–16

Ruta; 1 Samuelu 1–7

13

1 Samuelu 8–10; 13; 15–16

1 Samuelu 17–18; 24–26; 2 Samuelu 5–7

14

2 Samuelu 11–12; 1 Tupu 3; 6–9; 11

Mataupu Faalelotu 302

1 Tupu 12–Malaki 4

Vaiaso

1

2

3

4

5

6

7

Vaiaso

Lesona

1

Faatomuaga i le Feagaiga Tuai

1 Tupu 12–13; 17–22

2

2 Tupu 2–7

2 Tupu 16–25

3

2 Nofoaiga a Tupu 14–20; 26; 30

Esera 1; 3–7; Neemia 2; 4–6; 8

4

Eseta

Iopu 1–3; 12–14; 19; 21–24; 38–40; 42

5

Salamo 1–2; 8; 19–33; 40; 46

Salamo 49–51; 61–66; 69–72; 77–78; 85–86

6

Salamo 102–3; 110; 116–19; 127–28; 135–39; 146–50

Faataoto 1–4; 15–16; 22; 31; Failauga 1–3; 11–12

7

Isaia 1–12

Vaiaso

8

9

10

11

12

13

14

Vaiaso

Lesona

8

Isaia 13–14; 22; 24–30; 35

Isaia 40–49

9

Isaia 50–57

Isaia 58–66

10

Ieremia 1–3; 7; 16–18; 20

Ieremia 31–33; 36–38; Auega 1; 3

11

Esekielu 1–3; 33–34; 36–37; 47

12

Tanielu 1–7

Hosea 1–6; 10–14; Ioelu

13

Amosa; Opetaia; Iona

Mika; Nauma; Sapakuka; Sefanaia

14

Hakai 1–2; Sakaria 1–4; 7–14

Malaki