Ruta1 Samuelu 1–7

Mafaufau e faasoa atu le saunoaga lenei mai ia Elder Dieter F. Uchtdorf ma talanoaina fesili o loo tuuina atu faatasi ai:

E tofu i tatou uma ma mea, tetele ma laiti, e tatau ona tatou ositaulagaina ina ia mulimuli atoatoa ai ia Iesu Keriso. O a tatou osigataulaga e faaalia ai mea tatou te faatauaina moni lava. O osigataulaga e paia ma faamamaluina e le Alii. (“O Tatou Loto Uma,” Liahona, Me 2022, 124)

• O a ni faataitaiga o osigataulaga e manaomia e se tasi e pei o oe ona faia e mulimuli atoatoa atili ai i le Alii? (Lisi tali a tagata aoga i luga o le laupapa ina ia mafai ona e tagai i ai i se taimi mulimuli ane i le gaoioiga e aoao ai.)

Fautuaina tagata aoga a o latou suesue i le asō e saili le taitaiga mai le Agaga Paia e faailoa mai ai osigataulaga e mafai ona latou faia e mafai ona fesoasoani ia i latou e mulimuli atoatoa atili ai ia Iesu Keriso.

Ina ia fesoasoani i tagata aoga ia malamalama i le talaaga mo le Ruta 1–2, e mafai e oe po o se tagata aoga ona faasoa mai le aotelega lenei:

I se taimi o le oge, sa siitia atu ai se fafine Isaraelu e igoa ia Naomi, o lona toalua, ma lana fanau tama e toalua i Moapi mai Peteleema. A o i ai i Moapi, sa faaipoipo atalii o Naomi i fafine sa Moapi, o Ruta ma Orepa. Ina ua maliliu le tane a Naomi ma atalii e toalua, na avea ai fafine e toatolu ma e ua oti a latou tane ma sa filifili ai Naomi e toe foi atu i Peteleema.

Valaaulia tagata aoga e faitau le Ruta 1:8–19, ma vaavaai mo faatonuga a Naomi ia Orepa ma Ruta ma pe na faapefea ona tali atu i la’ua taitoatasi. Ona mafaufau lea e fai atu fesili e pei o nei:

• O a uiga faa-Keriso ua e vaaia ia Ruta?

• O a nisi o osigataulaga atonu na faia e Ruta e o ai i Peteleema faatasi ma Naomi?

Faamalamalama atu ona o Naomi ma Ruta sa matua matitiva lava, sa leai se auala e tausia ai i laua lava i Peteleema. Ina ia maua ni meaai mo Naomi ma ia lava, na alu atu ai Ruta i fanua o Poasa, o se tauaiga o le tane a Naomi. Sa aoina e Ruta laau na totoe i le fanua. (Ina ia fesoasoani i tagata aoga ia malamalama atili i lenei faiga, mafaufau e tuu atu ia i latou e faitau le “Ruta 2:1–3. O le a le uiga o le ao karite i se fanua?” i le Fesoasoaniga mo Mau: Feagaiga Tuai.)

Valaaulia tagata aoga e faitau le Ruta 2:5–18, ma vaavaai mo auala na fesoasoani ai Poasa ia Ruta. Ona mafaufau lea e fesili atu:

• O a ni upumoni ua e aoaoina e uiga i le mulimuli i le Alii mai le tala ia Ruta? (O se tasi o faataitaiga o se upumoni e mafai ona faailoa mai e tagata aoga o lenei: O le a auina mai e le Alii faamanuiaga pe a tatou faalagolago ia te Ia ma faia ni osigataulaga e mulimuli ia te Ia.)

Mafaufau e faasino atu tagata aoga i le lisi o osigataulaga na e tusia i luga o le laupapa i le amataga o le gaoioiga e aoao ai. Ona valaaulia lea o tagata aoga e faasoa mai a latou tali i fesili nei:

• O le a se mea ua e iloa e uiga i le Alii e musuia ai oe e faalagolago ia te Ia ma faia ni osigataulaga e mulimuli ia te Ia?

Valaaulia tagata aoga e mafaufau loloto pe na faapefea ona faamanuiaina i latou ina ua latou, e pei o Ruta, faatuatuaina le Alii ma faia ni osigataulaga e mulimuli ai ia te Ia. Valaaulia ni nai tagata aoga e mananao e faasoa mai i le vasega o latou aafiaga. E mafai foi ona e faasoa atu se faataitaiga mai i lou lava olaga.

Ina ia faaiu, valaaulia tagata aoga e mafaufau i osigataulaga e mafai ona latou faia e mulimuli atili ai i le Alii. Valaaulia i latou e tusi faamaumau a latou fuafuaga ma soo se isi lava uunaiga na latou lagonaina mai le Agaga Paia.

Toe foi i le “Filifiliga o Gaoioiga e Aoao Ai.”

Mafaufau e faaali atu se ata o Iesu Keriso ma talanoaina le saunoaga lenei a Elder D. Todd Christofferson:

O se tasi o faalagiga mataina aupito sili ona taua e faamatalaina ai Iesu Keriso o le Togiola. … O le upu togiola o lona uiga o le totogiina o se noataga po o se aitalafu. Togiola e mafai foi ona faauigaina o le laveai po o le faasaoloto. (“Togiolaina,” Liahona, Me 2013, 109)

• Mafaufau i lou olaga, o a ni auala e te ono manaomia ai le togiola, laveai, po o le saolotoga e ala ia Iesu Keriso?

Faamalamalama atu o le tala ia Ruta ma Poasa e mafai ona fesoasoani tatou te malamalama atili ai i le matafaioi a Iesu Keriso i le avea ai ma o tatou Togiola. Fautuaina tagata aoga e mafaufau e uiga i lo latou lava manaomia o le togiolaina. Valaaulia i latou e vaavaai mo upumoni a o latou suesue e mafai ona fesoasoani ia i latou e maua ai le mana togiola o Iesu Keriso.

Pe a manaomia, fai atu i tagata aoga e faasoa mai mea ua latou iloa e uiga i tulaga na taitai atu ai Ruta i le feiloaiga ma Poasa, ma faamanatu atu ia i latou o Ruta o se fafine Moapi sa siitia atu i Peteleema faatasi ma lona tina faaletulafono Isaraelu, o Naomi. O tamaitai uma e toalua e lei leva ona avea ma ni fafine ua oti a la’ua tane ma sa matua matitiva lava. I Peteleema, sa alu ai Ruta i fanua o Poasa, o se tauaiga o le tane ua maliu a Naomi, e ao mai ni meaai. Sa taulimaina e Poasa ia Ruta ma le agalelei ma faatagaina o ia e ave ni karite faaopoopo mai lona fanua.

Ina ia fesoasoani i tagata aoga e suesue le mea na tupu i le va o Ruta ma Poasa, mafaufau e vaevae tagata aoga i ni vaega taitoatolu ma tofi tagata aoga taitasi e suesue se tasi o seti o fuaiupu nei ma lona fesootai atu i le Fesoasoaniga mo Mau: Feagaiga Tuai.

A uma ona suesue tagata aoga, valaaulia i latou e faasoa atu mea nei ma a latou vaega:

1. O se aotelega o fuaiupu sa latou suesueina.

2. Malamalamaaga na latou maua mai Fesoasoaniga mo Mau e faatatau i ai.

Valaaulia ni nai tagata aoga e faasoa mai a latou malamalamaaga i le vasega. E mafai foi ona e mafaufau e talanoaina fesili e pei o nei:

• O a ni auala atonu tatou te faapei ai o Ruta?

• O a ni auala na faapei ai Poasa o Iesu Keriso?

I le avea ai ma se vaega o la outou talanoaga, e mafai e tagata aoga ona faailoa mai se upumoni e pei o lenei: Afai tatou te o mai ia Iesu Keriso, e mafai ona Ia fesoasoani ia i tatou ia maua le togiolaina.

Mafaufau e faasoa atu le saunoaga lenei a Elder LeGrand R. Curtis Jr., na faia a o avea ma se tasi o Fitugafulu, ma talanoaina le fesili o loo avatu faatasi ai:

Ua tumu tusitusiga paia, tusi faitau, ma aafiaga o le olaga i tala o le togiola. E ala atu ia Keriso, e mafai ai e tagata ona suia o latou olaga ma maua le faaolataga. Ese lo’u fiafia i tala nei o le togiolaina. (“Feagaiga,” Liahona, Nov. 2011, 36)

• O a ni faataitaiga i tusitusiga paia po o lou lava aafiaga i le olaga na maua ai e tagata le togiola e ala ia Iesu Keriso? (Afai e manaomia e tagata aoga se fesoasoani, e mafai ona latou saili mo faataitaiga i le Taiala i Tusitusiga Paia, “Togiola, Togiolaina.”

  E mafai ona e faaali atu le vitio lenei “Redemption,” mai le taimi faailo 4:31 i le 7:45.

  

  9:2

Valaaulia tagata aoga e manatunatu i o latou lagona e uiga ia Iesu Keriso o lo latou Togiola patino. Fautuaina i latou e mafaufau i mea e mafai ona latou faia e saili ai Lana togiola ma tusifaamaumau manatu po o uunaiga mai le Agaga Paia.

Toe foi i le “Filifiliga o Gaoioiga e Aoao Ai.”

E mafai ona tou amata i le usuina pe faalogologo i se viiga e faatatau i le tatalo, e pei o le “Pe na Faia Sau Tatalo?” po o le “Le Itula o Talosaga” (Viiga, nu. 75, 77). E mafai e tagata aoga ona faasoa mai upu po o fasifuaitau e tulaga ese ia i latou.

Fautuaina tagata aoga a o latou suesue i le asō e toe manatunatu i a latou lava tatalo. Valaaulia i latou e vaavaai mo upumoni e mafai ona fesoasoani ia i latou e faaleleia ai a latou tapuaiga i le Atua e ala i le tatalo.

Faamatala atu e faapea o le 1 Samuelu e amata i le tala i se Isaraelu amiotonu e igoa ia Elekana o lē sa nonofo faatasi ma ana avā e toalua, o Penina ma Hana. Sa i ai ia Hana se manao e lei faamalieina sa ia tatalo ma le naunautai o le a tuuina mai.

Ina ia fesoasoani i tagata aoga e suesue i le aafiaga a Hana, mafaufau e faaali atu le siata lenei: Valaaulia tagata aoga e suesue i fuaiupu ma vaavaai mo auala e faauma ai le siata. E mafai foi ona tou matamata i le “Hannah’s Faith” (3:08).

3:9

Valaaulia tagata aoga e faasoa mai mea na latou aoaoina mai i a latou suesuega. Ona mafaufau lea e talanoaina fesili e pei o nei:

• Mata e faape’i foliga mo i tatou o le sasaa atu o o tatou agaga i luma o le Atua?

• O le a se upumoni e mafai ona tatou aoaoina e uiga i le tatalo, mai le aafiaga a Hana? (E mafai e tagata aoga ona faailoa mai upumoni e pei o nei: E mafai ona tatou tuuina atu o tatou faafitauli ma luitau uma i le Tama Faalelagi i le tatalo. E faafofogaina e le Tama Faalelagi a tatou tatalo ma tali mai ia i latou e tusa ai ma Lona finagalo ma Lana taimi.)

• O le a se mea e mafai ona taofia i tatou mai le tuuina atu o o tatou luitau i le Tama Faalelagi i le tatalo? O a mea e mafai ona fesoasoani ia i tatou e faatoilalo ai nei mea faalavefau?

Mafaufau e valaaulia tagata aoga e sue ni faataitaiga faaopoopo mai tusitusiga paia o tagata o e na mauaina tali po o le fesoasoani mai le Atua ona sa latou tatalo atu ia te Ia. (Afai latou te manaomia se fesoasoani, e mafai ona e fautuaina i latou e suesue se tasi pe sili atu o mau nei: Luka 22:39–44; Enosa 1:1–10, 17; Mosaea 24:8–17; Alema 36:6–10, 16–20; Alema 58:6–12; Iosefa Samita—Talafaasolopito 1:13–17.)

Valaaulia tagata aoga e faasoa atu mea na latou mauaina faatasi ma se paga po o se vaega toalaiti. E mafai foi ona latou faasoa mai ni malamalamaaga na latou maua e uiga i le Tama Faalelagi mai tala sa latou suesueina.

A uma le talanoaga a tagata aoga, valaaulia i latou e faasoa mai o latou manatu i le vasega. Ona mafaufau lea e valaaulia ni nai tagata aoga e faasoa mai ni aafiaga i taimi na faafofogaina ai e le Atua ma tali mai i a latou tatalo. E mafai foi ona e faaali atu le vitio “God Wants You to Pray” (3:29).

3:29

Valaaulia tagata aoga e fatu se fuafuaga e fesoasoani ai ia i latou e faaleleia a latou tatalo i le Tama Faalelagi. E mafai e ni nai tagata aoga naunau ona faasoa mai i le vasega a latou fuafuaga.

Toe foi i le “Filifiliga o Gaoioiga e Aoao Ai.”

Mafaufau e faaali atu faamatalaga nei ma valaaulia tagata aoga e iloilo i latou lava e faaaoga ai se fua mai le 1 (E seāseā moni ia te a’u) i le 5 (E toetoe lava o taimi uma e moni ai ia te a’u).

1. Ou te manao ia maua le taitaiga a le Alii i lo’u olaga.

2. Ou te faia ni taumafaiga faamoemoeina e maua ai ma iloa faaaliga mai le Agaga Paia.

3. Ou te iloa le ala e fesootai mai ai le Alii ia te a’u.

A o suesue e tagata aoga le 1 Samuelu 3, valaaulia i latou e mafaufau loloto pe mafai faapefea ona latou faateleina lo latou tomai e maua ai ma iloa faaaliga mai le Alii.

Faamanatu itagata aoga ina ua uma ona aioi atu Hana ma le lotomaualalo i le Atua i le tatalo, sa Ia faamanuiaina o ia i se atalii sa ia faaigoa ia Samuelu (tagai i le 1 Samuelu 1:10–11, 19–20). A o laitiiti, sa auauna atu Samuelu i le falefetafa’i i lalo o le faitaulaga sili, o Eli.

Valaaulia tagata aoga e suesue le 1 Samuelu 3:2–10, 19 ma se paga, ma vaavaai mo mataupu faavae e mafai ona latou aoaoina e uiga i le faalogo i le siufofoga o le Alii. Valaaulia i latou e fai se lisi o mataupu faavae latou te faailoa mai. (Atonu o se nofoaga aoga lenei e folasia atu ai le tomai o le “Faailoaina o Upumoni o le Talalelei i Tusitusiga Paia” i le Tomai mo le Suesueina o Tusitusiga Paia.)

A ua lava loa le taimi, tuu atu i tagata aoga e faasoa mai upumoni na latou mauaina. E mafai ona latou ta’ua upumoni e pei o nei: Afai tatou te naunau ma talia, e mafai ona tatou tuputupu ae i lo tatou tomai e iloa ai le siufofoga o le Alii. A o tatou faateleina lo tatou tomai e maua ma malamalama ai i faaaliga faaletagata lava ia, o le a faigofie atu ona tatou iloa le siufofoga o le Alii.

E mafai ona e filifili se tasi pe sili atu o filifiliga nei e fesoasoani ai i tagata aoga e faalolotoina lo latou malamalama i nei upumoni:

1. Fai atu i tagata aoga e sue ma faasoa mai ni mau o loo faamatala mai ai ni auala eseese e fetalai mai ai le Alii ia i tatou e ala i le Agaga Paia. (Afai e manaomia e tagata aoga se fesoasoani, e mafai ona e fautuaina atu ni faataitaiga e pei o nei: Ioane 14:26; Mataupu Faavae ma Feagaiga 6:22–23; 8:2–3; 11:12–13.)

2. Maimoa i se vitio se tasi pe sili atu mai le faaputuga vitio o le “Hear Him” i le Gospel Library.

3. Tuu atu i tagata aoga se taimi e suesue ai se lauga o le konafesi aoao lea e taulai atu i le mauaina ma le iloaina o faaaliga mai le Agaga Paia; mo se faataitaiga, o le savali a Peresitene Russell M. Nelson “Faaaliga mo le Ekalesia, Faaaliga mo o Tatou Olaga” (Liahona, Me 2018, 93–96).

Ona mafai lea ona e valaaulia tagata aoga e faasoa mai ni malamalamaaga na latou maua e uiga i le faalogo i le siufofoga o le Alii. E mafai foi ona e fai atu ni fesili e pei o nei:

• E mafai faapefea ona e tuputupu ae i lou tomai e iloa ai le siufofoga o le Alii?

• Aisea e te manatu ai e taua le iloa e faapea o le iloaina o le siufofoga o le Atua e mafai ona umi se taimi ma se taumafaiga e faia ai?

Mafaufau e valaaulia tagata aoga e faasoa mai ni aafiaga talu ai nei lea na faamanuiaina ai i latou i faaaliga patino mai le Agaga Paia. E mafai ona latou faamatala mai po o a mea na fesoasoani na aafiaga ia i latou e aoao pe lagona e uiga i le Tama Faalelagi ma Iesu Keriso. Ia lapataiina tagata aoga e aua le faasoa maia aafiaga e patino tele mo na o i latou.

Ina ia faaiu, e mafai ona e faasoa atu le saunoaga lenei a Peresitene Russell M. Nelson:

E finagalo moni ea le Atua e fetalai mai ia te oe? Ioe! …

O’u uso ma tuafafine pele, ou te aioi atu iā te outou ia fa’ateleina lo outou gafatiaga fa’aleagaga e maua ai fa’aaliga. … Filifili e fai le galuega faaleagaga o loo manaomia ona faia ina ia olioli ai i le meaalofa o le Agaga Paia ma faalogo atu ai pea ma le manino atili i le siufofoga o le Agaga. (“Faaaliga mo le Ekalesia, Faaaliga mo o Tatou Olaga,” Liahona, Me 2018, 95–96).

Valaaulia tagata aoga e tusifaamaumau se fuafuaga e faateleina ai lo latou gafatia faaleagaga e maua ai faaaliga.

Toe foi i le “Filifiliga o Gaoioiga e Aoao Ai.”