Kenese 37–41

E mafai ona e faasoa atu le saunoaga lenei a Elder Ronald A. Rasband, ona valaaulia lea o ni nai tagata aoga e faasoa mai ni faataitaiga o le aao o le Alii i o latou olaga:

O loo taialaina oe e le aao o le Alii. E ala mai i le “mamanu faalelagi,” ua i ai o Ia i auiliiliga iti faapea foi i mea iloga o lou olaga. (“E Ala i le Mamanu Faalelagi,” Liahona, Nov. 2017, 57)

Valaaulia tagata aoga a o latou suesueina le tala ia Iosefa o Aikupito i le asō e mafaufau i taimi na latou matauina ai le Alii o taialaina o latou olaga i ni auala e lei faamoemoeina. Ina ia fesoasoani i tagata aoga ia malamalama i le talaaga o aafiaga o Iosefa o se pologa i Aikupito, mafaufau e faaali atu le ata lenei ma valaaulia se tagata o le vasega e aotele le Kenese 37. (Afai e manaomia, e mafai foi e tagata aoga ona faitau le ulutala o le mataupu.)

Mafaufau e fa’aali atu le siata lenei. Tuu atu i tagata aoga se taimi e suesue ai se seti se tasi pe sili atu o fuaiupu i le koluma i le itu tauagavale, a le o i latou taitoatasi po o ni vaega toalaiti. Valaaulia i latou e vaavaai ma faamaumau a latou tali i fesili o loo i isi koluma.

Valaaulia tagata aoga e faasoa mai mea na latou maua. E mafai foi ona e fai atu ia i latou e faasoa mai upumoni na latou aoaoina e uiga i le Alii mai aafiaga o Iosefa. O tali a tagata aoga e mafai ona aofia ai upumoni e pei o le: E mafai ona faatasi le Alii ma i tatou i tulaga uma o o tatou olaga. E mafai e le Atua ona faaaoga o tatou tofotofoga e faamanuia ai o tatou olaga ma olaga o isi. (Atonu e te mafaufau e suesue le Mataupu Faavae ma Feagaiga 90:24 ma valaaulia tagata aoga e talanoaina pe faapefea ona faatatau aoaoga a le Alii i lenei fuaiupu i le tulaga o Iosefa.)

Mafaufau foi e fai atu fesili e pei o nei.

• O anafea na e iloa ai le faaaogaina e le Atua o ou tofotofoga e faamanuia ai lou olaga po o olaga o isi?

• Na faapefea ona faaalia e le Atua o loo Ia aafia i auiliiliga iti po o mea iloga o lou olaga?

• E faapefea ona e tausia se vaaiga e faavavau pe a e feagai ma taimi faigata po o tali e le o lagonaina le manino?

Mo nisi faataitaiga o tagata o e na oo i faamanuiaga a le Atua e ala i o latou tofotofoga, e mafai ona e faaali atu vitio “Trial of Adversity” (2:40) po o le “How I Found Out God Loves Me” (5:26).

2:53

1:36

Mafaufau e valaaulia tagata aoga e tusi i lalo se mea latou te mananao e manatua a o latou feagai ma o latou lava tofotofoga. Faasoa atu lau molimau i le tomai o le Atua e faaaoga ai tofotofoga e mamanu ai o tatou olaga mo lo tatou lelei.

Toe foi i le “Filifiliga o Gaoioiga e Aoao Ai.”

Valaaulia tagata aoga e vaai faalemafaufau e i ai sa latou uo o fai mai, “Ou te le iloa pe faapefea ona tumau le mama o tagata i feusuaiga i le lalolagi o loo tatou ola ai.”

E mafai ona e vala’aulia tagata a’oga e talanoaina fesili e pei o nei:

• Aisea e ono lagona ai faapea se tasi?

• O le a sou manatu i se mea e ono fesoasoani i se tasi o i ai lenei atugaluga?

Faailoa atu sa faamalosia Iosefa o Aikupito e le avā a Potifara e faia agasala faalefeusuaiga a o avea o ia ma tagata e vaaia le fale o Potifara. Valaaulia tagata aoga a o latou suesueina lona aafiaga e matau mea ua latou aoaoina mai le Agaga Paia e mafai ona fesoasoani ia i latou e tetee atu ai i uunaiga po o faaosoosoga latou te ono feagai.

Ina ia fesoasoani e taialaina le suesuega a tagata aoga o le Kenese 39, tufa atu le pepa e tufatufa atu ua faaulutalaina “Aoaoina mai le Faataitaiga a Iosefa o le Tetee Atu i Faaosoosoga.” Valaaulia tagata aoga e faatumu faatasi ma se paga po o se vaega toalaiti. (E mafai foi ona avea lenei mea ma se nofoaga lelei e fesoasoani ai i tagata aoga e faataitai le “Faatusatusaina o Mau” i le Tomai mo le Suesueina o Tusitusiga Paia.)

A maea a latou talanoaga, valaaulia ni nai tagata e faasoa atu i le vasega nisi o manatu na latou tusia i lalo i a latou paga po o le vaega. (A o faasoa mai e tagata aoga, e mafai ona e fesoasoani ia i latou e faailoa mai upumoni e pei o le: O lo tatou tuuto i le Atua e mafai ona tatou maua ai le malosi e tetee atu ai i faaosoosoga. Afai tatou te aveesea i tatou lava mai tulaga taufaaosooso, ona tatou maua lea o le gafatia sili atu e tetee atu ai i faaosoosoga.)

Atonu e i ai ni au tagata aoga o loo tauivi e tetee atu i faaosoosoga ma manaomia ona lagona le faamoemoe e mafai ona latou salamo ma faatoilalo a latou agasala. Molimau atu i le natura alofa, onosai, ma le faamagalo atu o Iesu Keriso, “o lē e malosi e laveai ma faamama mai amioletonu uma” (Alema 7:14). Mafaufau e faaali le vitio “Temptation Fades as We Seek Christ in Every Thought” (2:57) ma valaaulia tagata aoga e vaavaai pe faapefea ona tuuina mai e le Faaola ia i tatou le faamoemoe.

2:58

Mafaufau e fa’aali atu fa’atonuga nei e fesoasoani ai i tagata aoga ia ola ai i upumoni sa latou suesueina.

Fai se fuafuaga e mafai ona fesoasoani ia te oe e aloese ai ma tetee atu i faaosoosoga. Mo se faataitaiga, e mafai ona e:

1. Mafaufau i se faaosoosoga e masani ona e feagai.

2. Faailoa mai tulaga atonu e manaomia ona e aloese mai ai ina ia mafai ona e faaitiitia faaosoosoga.

3. Faailoa mai pe faapefea ona e “sola” pe a tulai mai faaosoosoga.

4. Tatalo mo le malosi ma le taitaiga i le faatoilaloina o lenei faaosoosoga.

Faamaumau lau fuafuaga, ma faasino soo i ai i nai vaiaso o sosoo ai e iloilo ai lou alualu i luma.

Toe foi i le “Filifiliga o Gaoioiga e Aoao Ai.”

Mafaufau e fa’aali atu faamatalaga nei. Valaaulia tagata aoga e iloilo i latou lava i faamatalaga taitasi, e faaaoga ai se fua mai le 1 (matuai le ioeina) i le 5 (ioe malosi). O le a le faasoaina atu a latou tali i isi.

A o auai tagata aoga i lenei gaoioiga e aoao ai, valaaulia i latou e mafaufau pe faapefea e le saunia ona aumaia le filemu ma le mausali ia i latou i aso o lumanai.

Faamanatu i tagata aoga faapea, faatasi ai ma le fesoasoani a le Atua, na faamanuiaina ai le faaliliuina e Iosefa o le miti a Farao lea sa leai se isi tagata na mafai ona faamatala. E ala i le miti, na lapataia ai e le Atua ia Farao e uiga i se oge ua lata mai, ma sa fautuaina atu e Iosefa se fuafuaga e faatino e fesoasoani ai ia te ia e saunia.

Faitau faatasi o se vasega le Kenese 41:33–42, 53–57, ma vaavaai mo fautuaga a Iosefa ia Farao ma le mea na faia e Farao o se taunuuga.

Valaaulia tagata aoga e faasoa mai mea sa latou a’oa’oina mai nei fuaiupu e ala i le faia o fesili e pei o nei.

• Na faapefea ona faamanuiaina e le Alii ia Iosefa ma tagata sa siomiaina o ia?

• O le a se upumoni ua e aoaoina mai nei fuaiupu e uiga i le auala e saunia ai i tatou e le Alii mo le lumanai? (E mafai ona faailoa mai e tagata aoga se upumoni faapenei: E ala mai i Ana auauna musuia, ua fautuaina ai i tatou e le Alii ina ia saunia mo le lumanai.)

Tuu atu i tagata aoga se taimi e vaavaai ai ma faasoa mai fautuaga na tuuina mai e le Alii e ala mai i Ana perofeta e mafai ona saunia ai i tatou mo le lumanai i nisi o vaega nei:

• Faaleagaga

• Faaleatamai

• Tupe

• Faaletino

• Faalelagona

Mafaufau e tusi tali a tagata aoga i le laupapa. E mafai foi ona e fai atu i tagata aoga e faasoa mai mea e mafai ona aoao atu e nei upu o fautuaga ia i latou e uiga i manaoga o le Faaola mo i latou.

Mafaufau e faasoa atu le saunoaga lenei a Epikopo W. Christopher Waddell:

O le taimi nei, ua faamanuiaina i tatou e ta’ita’ia e perofeta o e ua malamalama i mea tatou te manaomia e sauniuni ai mo mala “o le a oo mai” [Mataupu Faavae ma Feagaiga 1:17] ma faapea foi ona silafia tapulaa po o tapu tatou te ono fetaia’i a o tauivi e mulimuli i a latou fautuaga. …

… O nei mataupu faavae [o sauniuniga] e tatau ona faaaoga “i le poto ma le faatulagaga lelei” [Mosaea 4:27] ina ia mafai ai i le lumanai ona tatou faapea atu, e pei ona sa faia e Iosefa i Aikupito, “Sa i ai mea e ‘ai” [Kenese 41:54].

E le o faamoemoe mai le Alii tatou te faia e sili atu nai lo mea tatou te mafaia, ae o loo faamoemoe mai o Ia e fai le mea e mafai ona tatou fai … pe a mafai ona tatou faia. (“Sa I Ai Mea ‘Ai,” Liahona, Nov. 2020, 43)

• Na faapefea ona faamanuiaina oe e le Alii a o e faia taumafaiga e saunia ai mo le lumanai? Na faapefea ona faamanuiaina oe mai sauniuniga a isi?

Valaaulia tagata aoga e mafaufau pe faapefea ona latou mulimuli i valaaulia a le Alii e saunia mo le lumanai. Valaaulia i latou e mafaufau i fetuunaiga e mafai ona latou faia e faavae i mea ua latou aoaoina pe lagonaina mai le Agaga Paia. Uunaia i latou e faamaumau a latou sini ma faatino.

Toe foi i le “Filifiliga o Gaoioiga e Aoao Ai.”