Presidente Timothy . Farnes

Sa dihang si Presidente Timothy L. Farnes nag-edad og 14 anyos, usa ka higala sa laing tinuohan nagsugod sa paghagit sa iyang relihiyoso nga mga gituohan. Sa unang higayon sa iyang batan-ong kinabuhi, si Timothy mipamatuod nga si Joseph Smith usa ka propeta sa Dios ug nga Ang Simbahan ni Jesukristo sa mga Santos sa Ulahing mga Adlaw tinuod.

“Ang Espiritu mipuno sa kwarto. Mamatikdan kini,” nahinumdom siya. “Kaming tanan mibati niini, ug kaming tanan nausab.”

Si Presidente Farnes miingon nga gusto niya ang kabatan-onan sa Simbahan makahibalo nga sila nahisakop sa pamilya sa Dios.

“Sila mga anak sa Dios ug mga anak sa pakigsaad,” miingon siya, “ug sila mahimong mga disipulo ni Jesukristo kon sila modawat Kaniya—modawat sa gasa nga ilaha tungod sa Iyang Pag-ula.”

Si Timothy Lowell Farnes natawo niadtong Hunyo 29, 1969, sa Baltimore, Maryland, ngadto nila ni Gary William Farnes ug Mary Ellen Farnes. Sa dihang bata pa siya, ang iyang pamilya mibalhin ngadto sa Utah, diin siya nagdako. Siya ang kinamagulangan sa pito ka anak.

Si Presidente Farnes nagserbisyo isip usa ka misyonaryo sa Brazil Porto Alegre Mission. Nag-eskwela siya og economics sa Brigham Young University ug unya nagsugod og daghang kompaniya, lakip sa MedSource Direct, Aspire, ug sa makitawhanong nga dili pangnegosyo nga World Joy.

Nakigminyo siya ni Linsey Anne Farnes sa Salt Lake Temple niadtong Agosto 27, 1992. Sila adunay lima ka anak ug unom ka apo, ug sila nagpuyo sa Bountiful, Utah.

Si Presidente ug Sister Farnes nagserbisyo isip mga llider sa misyon sa Brazil São Paulo North Mission gikan sa 2014 hangtod 2017. Ang mga calling ni Presidente Farnes kaniadto naglakip sa Area Seventy sa Utah Area, presidente sa stake, high councilor, bishop, ug bishop sa young single adult.