“Mga Kalihokan nga Dili Makita sa Publiko: Interpretasyon ug Pamaagi sa mga Serbisyo alang sa Bisita,” Liahona, Mayo 2025.
Mga Kalihokan nga Dili Makita sa Publiko: Interpretasyon ug Pamaagi sa mga Serbisyo alang sa Bisita
Usa ka tapos sa semana sa matag unom ka bulan makatagamtam kita sa kinatibuk-ang komperenisya. Apan ang mga kalihokan nga dili makita sa publiko, liboan ka boluntaryo ug mga empleyado sa Simbahan nagtrabaho sulod sa mga bulan aron kini mahitabo.
Ilang gipahimutang ang tanan aron masibya ang mapanagnaon nga mga mensahe ngadto sa minilyon sa tibuok kalibotan. Aniay gamay nga bahin niining dakong buluhaton.
Mga Serbisyo sa Interpretasyon
Usa ka gatos ug kwarentay tres ka team sa pinulongan sa tibuok kalibotan ang nagpahigayon og interpretasyon sa mga pakigpulong sa kinatibuk-ang komperensiya sa sama nga oras aron ang mga miyembro makapaminaw nga walay langan pinaagi sa ilang lumad nga mga pinulongan. 57 lamang niadto nga mga team ang nagpahigayon og interpretasyon gikan sa punoang buhatan sa Simbahan sa Siyudad sa Salt Lake.
Ang interpretasyon lahi gikan sa paghubad, nga maglakip sa pag-usab sa sinulat nga mga pulong ngadto sa laing pinulongan. Sa interpretasyon, ang mga team sa pinulongan kinahanglan nga andam sa pag-interpretar sa ulahing minuto nga mga kausaban ug mga pamahayag nga gihimo diha sa pulpito. Ang mga tig-interpretar motabang sa mga miyembro sa tibuok kalibotan nga makadungog sa ebanghelyo sa ilang lumad nga mga pinulongan (tan-awa sa Doktrina ug mga Pakigsaad 90:11).
Mga Serbisyo alang sa Bisita
Kon nakatambong kamo sa kinatibuk-ang komperensiya sa Siyudad sa Salt Lake, USA, makakita mo og mga tigtultol nga mogiya ninyo ngadto sa inyong lingkoranan. Mga 400 ka misyonaryo sa Temple Square nagboluntaryo og mga 9,000 ka oras sa gidugayon sa kinatibuk-ang komperensiya aron sa pagtabang sa mga bisita nga mosulod ug mogawas nga hapsay gikan sa Conference Center.
Giyahan nila ang 20,000 ka bisita alang sa matag sesyon sa kinatibuk-ang komperensiya. Kon mahuman na ang usa ka sesyon, motrabaho sila aron sa pagtultol sa mga bisita nga daling makagawas kutob sa mahimo aron sila makalimpyo sa mga pasilyo alang sa uban nga motambong sa sunod nga sesyon.