Elder Edward B. Rowe

Sa iyang panarbaho nga nagpraktis og internasyonal nga pamalaod, si Elder Edward B. Rowe ug ang iyang pamilya nagpuyo usahay sa mga dapit diin sila ra ang mga miyembro sa Simbahan. Naghimo sila og gitugotan nga mga tulumanon sa simbahan isip usa ka pamilya diha sa ilang panimalay mga tuig sa wala pa ipaila ang Dali, Sunod Kanako nga kurikulom. Ang ilang pagsimba nakasentro sa panimalay—kompleto sa sinina pang-Dominggo ug mga buluhaton sa pakigpulong.

Si Elder Rowe nahinumdom nga nakaamgo nga “ang bugtong pagtulun-an nga madawat sa among mga anak mahitungod sa ebanghelyo ni Jesukristo mao ang gikan kanamo.”

Kini nga mga kasinatian nakahiusa sa ilang pamilya ug mihimo sa ebanghelyo ni Jesukristo nga yano samtang gitabangan nila ang ilang mga anak nga makaangkon og relasyon sa Manluluwas. “Kadto mga sagrado, espesyal nga mga panahon,” miingon siya.

Si Edward Butler Rowe natawo sa Provo, Utah, niadtong Abril 23, 1967, ngadto nila ni Fred A. Rowe ug Sherrel Rowe. Nakigminyo siya ni Brooke Francis sa the Salt Lake Temple niadtong Enero 3, 1989. Mga ginikanan sila sa lima ka anak ug nagpuyo sa Pleasant Grove, Utah, sa panahaon sa iyang pagkatawag.

Si Elder Rowe nakaangkon og bachelor’s degree sa philosophy gikan sa Brigham Young University ug master’s degree sa public policy ug juris doctor degree gikan sa University of Chicago. Nagpraktis siya og internasyonal nga pamalaod isip usa ka kauban sa nagkalain-laing mga kompaniya sa pamalaod sa Washington, D.C., ug sa tibuok kalibotan. Sukad sa 2019 nagtrabaho siya isip CEO sa Stirling Foundation.

Sa panahon sa iyang pagkatawag, nagserbisyo siya isip Area Seventy. Usa siya ka kanhi presidente sa Adriatic North Mission (2011–2014), bishop, presidente sa Young Men sa stake, presidente sa korum sa mga elder, lider sa misyon sa ward, ug full-time nga misyonaryo sa Florida Fort Lauderdale Mission.