Elder Pedro X. Larreal

Sa ikaupat nga bulan ni Elder Pedro X. Larreal isip usa ka full-time nga misyonaryo, si Presidente Gordon B. Hinckley (1910–2008) mibisita sa Venezuela Caracas Mission.

Nahinumdom si Elder Larreal, “Mihatag siya og talagsaong imbitasyon kanamo mahitungod sa pagpahinungod: ‘Kon kamo motutok og 100 ka porsiyento, ako mosaad nga ang inyong umaabot nga pamilya makadawat og mga panalangin.’”

Pagkahuman, si Elder Larreal misulat og sulat nga makigbulag sa iyang hinigugma didto sa ilaha. “Kinahanglan nako ibutang ang tanan diha sa altar tungod kay kinahanglan ko nga mas makatutok.”

Nahinumdom, nakamatikod siya og daghang panalangin—maayong edukasyon, malamposong panarbaho—miabot gikan nianang apostolikanhong saad.

“Kon mosunod kita sa direksyon sa usa ka propeta, manalagna, ug tigpadayag, makakuha kita og mga panalangin sa atong kinabuhi,” miingon siya. “Mosaad ko.”

Si Pedro Xavier Larreal Noguera natawo niadtong Hulyo 6, 1976, sa Valencia, Venezuela, ngadto nila ni Duilio Antonio Larreal Romero ug Haydee Maria Noguera De Larreal. Nakigminyo siya ni Sariah Alvarez Campos sa Caracas Venezuela Temple niadtong Agosto 25, 2001. Mga ginikanan sila sa tulo ka anak.

Si Elder Larreal nakaangkon og bachelor’s degree sa management gikan sa Simón Rodríguez University, usa ka master’s degree sa science in education gikan sa Santa Maria University, ug master of business administration gikan sa Brigham Young University. Nagtrabaho siya isip koordinitor sa Seminaries and Institutes of Religion ug nagtrabaho sa Nature’s Sunshine Products Inc. isip general manager ug regional director sa Mexico, Central America, ug sa Dominican Republic.

Sa wala pa matawag isip usa ka Kinatibuk-ang Awtoridad, si Elder Larreal nagserbisyo isip presidente sa Texas McAllen Mission. Nakaserbisyo siya isip usa ka Area Seventy sa duha ka area, presidente sa stake, magtatambag sa kapangulohan sa stake, high councilor, executive secretary sa stake, ug bishop.