Elder Steven C. Barlow

Usa sa labing importante nga adunay emosyonal nga epekto nga mga kasinatian ni Elder Steven C. Barlow uban sa Espiritu Santo mao ang “dili ikalimod nga impresyon gikan sa langit nga [siya] kinahanglan nga makigminyo ni Christina Evans.” Naminyo sila sa Salt Lake Temple niadtong 1991 ug adunay lima ka anak.

Si Elder ug Sister Barlow nagserbisyo isip mga lider sa misyon sa Ecuador gikan sa 2017 hangtod 2020, lakip sa pagsugod sa COVID-19 nga pandemya. Atol nianang panahona, daghang misyonaryo ang miuli, samtang ang ubang mga misyonaryo gibalhin ngadto sa misyon sa mga Barlow. Si Elder ug si Sister Barlow nakasaksi sa kamot sa Ginoo nga miimpluwensya niadtong misyonaryo nga mga paningkamot.

“Among gibutang ang among pagsalig sa Ginoo,” nahinumdom siya. “Dihay mga panahon sa dihang kami wala masayod unsay mahitabo sa sunod adlaw. Nagpabilin kami nga magpauyon-uyon ug andam. Nagmainampoon kami, ug kining tanan nagmalamposon.”

Kini nga kasinatian nakapalig-on sa mga leksiyon nga gitudlo kaniya sa sayo pa nga ang Ginoo ang nagdumala ug nga kita makasalig Kaniya kanunay.

Si Elder Barlow nakadawat og bachelor’s degree sa edukasyon sa panglawas gikan sa University of Utah niadtong 1993. Nagtrabaho siya isip usa ka ehekutibo sa data analytics ug kalidad nga mga kalamboan sa pag-atiman sa kahimsog. Sa panahon sa iyang pagkatawag, si Elder Barlow nagserbisyo isip usa ka Area Seventy sa Utah Area.

Si Steven Chad Barlow natawo sa Bountiful, Utah, niadtong Enero 1, 1969, ngadto nila ni Jon Kay Barlow ug Becky Christensen Barlow. Siya “gipadako sa talagsaong mahalaron, matinud-anong mga ginikanan” nga mitudlo kaniya sa ebanghelyo gikan sa linghod nga pangidaron.