Elder Eduardo F. Ortega

Sa milabayng katuigan sa pagserbisyo sa Simbahan, si Elder Eduardo F. Ortega nakat-on og bililhong nga leksiyon. Sa bisan unsa nga calling, ma-bishop o usa ka tigpangalagad nga igsoong lalaki, ang pagkahibalo nga kita nagrepresentar sa Ginoo makapahimo niana nga calling nga mas sayon.

“Kon kita maghunahuna unsaon Niya sa pagbuhat niini, mas sayon,” miingon siya, nagkutlo sa Jacob 5:71–72 sa Basahon ni Mormon. “Gibati nako nga ang Ginoo nagserbisyo tupad nako sa daghang higayon sa daghang calling tungod kay kini Iyang ubasan dili atoa.”

Si Eduardo Franciso Ortega natawo sa Godoy Cruz, Mendoza, Argentina, niadtong Hulyo 10, 1977, ngadto nila ni Fernando Daniel Ortega ug Irma Elvira Endstorfer. Nakigminyo siya ni Gabriela Alejandra Cappi Franzia sa Montevideo Uruguay Temple niadtong Septiyembre 13, 2002. Sila mga ginikanan sa lima ka anak ug nagpuyo sa Siyudad sa Mexico, Mexico, sa panahon sa iyang pagkatawag.

Si Elder Ortega nakaangkon og bachelor’s degree sa arkitektura gikan sa John F. Kennedy University, Argentina, niadtong 2008 ug usa ka master’s degree gikan sa University of Belgrano niadtong 2016. Niadtong 2017 nakadawat siya og diploma sa pagpangulo gikan sa Harvard Business School. Nagtrabaho siya isip usa ka manedyer sa proyekto sa konstruksiyon, una alang sa SBA Company ug dayon alang sa Argentine branch sa Village Roadshow Entertainment Group. Nahimo siyang direktor sa real estate alang sa American Express Company niadtong 2014, sakop sa hunta alang sa Arch Royale Projects Ltd. niadtong 2023, ug sakop sa hunta alang sa CorNet Global niadtong 2024.

Sa panahon sa iyang pagkatawag, si Elder Ortega nagserbisyo siya isip Area Seventy. Nakaserbisyo usab siya isip usa ka magtatambag sa kapangulohan sa stake, bishop, magtatambag sa bishopric, presidente sa korum sa mga elder, lider sa grupo sa mga high priest, ug full-time nga misyonaryo sa Colombia Cali Mission.