2025
Brother David J. Wunderli
Mayo 2025


“Brother David J. Wunderli,” Liahona, Mayo 2025.

Brother David J. Wunderli

Unang Magtatambag sa Kinatibuk-ang Kapangulohan sa Young Men

Si Brother David J. Wunderli nakahibalo kanunay nga si Jesukristo buhi.

“Napanalanginan ko nga mobati sa Iyang presensya kutob sa akong mahinumdoman,” miingon siya. “Ako adunay matuohon nga kasingkasing kanunay.”

Wala kana mag-ingon nga siya walay mga hagit, “apan ang akong mga pagpamalandong kanunay nga nakasandig sa pagkahibalo nga adunay mga tubag gikan Kaniya.”

Si Brother Wunderli gusto nga ang kabatan-onan sa Simbahan mobati nga nahisakop ug makahibalo nga sila adunay mga ka-team sa matag nasod ug nga si Jesukristo nakaila nila pinaagi sa ngalan.

Si David John Wunderli natawo sa Siyudad sa Salt Lake niadtong Hunyo 22, 1961, ngadto nila ni Fredric Theodore Wunderli ug Bernardine Lyman Wunderli. Nahimamat niya si Diane Robins sa dihang si Diane mibalhin gikan sa Canada ngadto sa iyang ward. Naselyo sila didto sa Salt Lake Temple niadtong 1984 ug mipadako sa ilang upat ka anak didto sa California ug dayon sa Alpine, Utah.

Si Brother Wunderli nagserbisyo sa Brazil Rio de Janeiro Mission ug nakaangkon og bachelor’s degree gikan sa University of Utah sa accounting kauban sa minor sa Portuguese. Nagtrabaho siya isip usa ka ehekutibo sa Easton Sports ug isip presidente sa OGIO International. Nakaserbisyo usab siya og pipila ka corporate ug mga philanthropic board.

Sa panahon sa iyang pagkatawag, nagserbisyo siya sa kinatibuk-ang konseho sa tigtambag [general advisory council] sa Young Men. Si Sister Wunderli nagserbisyo sa kinatibuk-ang tigtambag nga konseho sa Primary. Gikan 2020 hangtod 2023, nagserbisyo sila isip mga lider sa Brazil São Paulo North Mission. Si Brother Wunderli nakaserbisyo usab isip usa ka presidente sa stake ug bishop sa young single adult, magtatambag sa kapangulohan sa branch sa missionary training center, ug presidente sa Young Men sa ward.