Elder Aaron T. Hall

Nakahinumdom si Elder Aaron T. Hall sa dihang siya ug ang iyang asawa, nga si Kimberly, gi-set apart isip mga lider sa misyon sa Texas Houston South Mission. Gisultihan nila si Elder David A. Bednar sa Korum sa Napulog Duha ka Apostoles nga ang ilang mga pagbati nagsukad sa kahadlok ngadto sa kadasig. Gipahayag ni Elder Bednar ang panginahanglan nga magmapasalamaton.

“Unsay iyang gitudlo niana nga adlaw wala gayod nako makalimti kalabot sa bisan unsa nga calling nga atong madawat, nga, ‘Kita magmapasalamaton lamang,’” miingon siya. “Matingala mo ngano nga ang Ginoo mopili ninyo, apan kita saksi nga Siya mohimo. Ug tungod kay kita andam ug anaa kanunay, Siya mohimo nato nga takos.”

Si Aaron Tracy Hall natawo niadtong Marso 4, 1971, sa Provo, Utah, ang anak ni Alan Eugene Hall ug Paula Jeanne Nowak Hall. Nagserbisyo siya og full-time nga misyon sa Chile Osorno Mission ug pagkahuman nakigminyo ni Kimberly Wade Hall niadtong Disyembre 28, 1993, sa Logan Utah Temple. Mga ginikanan sila sa upat ka anak.

Sa panahon sa iyang pagkatawag, si Elder Hall nagserbisyo isip Area Seventy sa Utah Area. Nagserbisyo usab siya isip magtatambag sa kapangulohan sa stake, executive secretary sa stake, bishop, presidente sa korum sa mga elder, ug presidente sa Young Men sa ward.

Si Elder Hall nakaangkon og bachelor’s degree sa professional sales gikan sa Weber State University ug usa ka master of business administration gikan sa University of Utah. Kaniadto usa ka ehekutibo alang sa teknolohiya ug sa private equity firms, siya karon bag-o nagtrabaho isip usa ka direktor sa Church’s Missionary Department.