Elder Kevin G. Brown

Sa dihang si Kevin Brown nag-edad og 12 anyos, usa ka sister nga misyonaryo mihagit kaniya sa pagbasa sa Basahon ni Mormon. Mao nga, matag buntag siya mag-ampo, magbasa, ug mag-ampo pag-usab. Sa matag pag-ampo, gipangutana niya ang Langitnong Amahan kon ang Basahon ni Mormon tinuod ba.

Nahinumdom siya nga usa ka buntag samtang nag-ampo, siya “wala na gani mangutana. Ang tubag sa Ginoo miabot sa usa ka talagsaong paagi.” Gibati niya nga ang Ginoo misulti niya: “Nakaila ko nimo, ug gimahal ko ikaw. Ikaw akong anak.”

Diha-diha, ang Espiritu Santo mimatuod ngadto kaniya: “Kini mao ang kamatuoran sa Dios. Ang Basahon ni Mormon tinuod. Si Joseph Smith usa ka propeta.” Kini nga kasinatian miusab sa iyang kinabuhi.

Si Elder Brown mihatag og pasidungog sa impluwensya niana nga sister nga misyonaryo ug sa uban kon asa na siya karon. Gikan sa pagkabatan-on, naimpluwensya siya sa mga miyembro sa Simbahan nga mitabang kaniya—gikan sa iyang presidente sa district ngadto sa mga magtutudlo sa Primary, gikan sa batan-ong mga misyonaryo ngadto sa senior nga mga misyonaryo, ug ilabi na sa iyang asawa, si Nadine, kinsa adunay labing dako nga impluwensya sa tanan gawas sa Ginoo.

Si Kevin G. Brown natawo niadtong Mayo 18, 1976, sa Manchester, Jamaica, ngadto nila ni Desmond Holness ug Patsy Williams Brissett. Nakigminyo siya ni Nadine Lezanne Carter niadtong 1999. Sila adunay lima ka anak.

Si Elder Brown nakadawat og bachelor’s degree gikan sa University of Technology, Jamaica, niadtong 2008. Nakadawat siya og master’s degree sa governance ug public policy gikan sa University of the West Indies niadtong 2012. Sukad sa 2001 nagtrabaho siya sa Seminaries and Institutes of Religion alang sa Simbahan.

Sa panahon sa iyang tawag, si Elder Brown nagserbisyo isip usa ka Area Seventy sa Utah Area.