Brother Sean R. Dixon

Nakahibalo sa daghang tingog nga naningkamot sa pagkuha sa pagtagad sa mga batan-on, si Brother Sean R. Dixon naglaom nga ang kabatan-onan motan-aw sa mga propeta ug apostoles ug mosalig ug mosunod sa ilang giya.

“Sila mogiya nila ngadto ni Jesukristo,” miingon siya. “Dili ang propeta [Presidente Russell M. Nelson] ang kataposang tumong; kondili ang Manluluwas. Apan ang propeta nag-atubang kanunay ngadto sa Manluluwas, ug kon sila mosunod Kaniya, makaandam sila sa unsay ilang atubangon sa ilang mga kinabuhi.”

Si Sean Romney Dixon natawo niadtong Mayo 5, 1970, didto sa Provo, Utah, ang anak ni Donald Romney Dixon ug Diane Scott Dixon. Miserbisyo siya og full-time nga misyon sa Canada Toronto Mission. Unya nakigminyo siya ni M’Shelle Lundquist niadtong Mayo 14, 1992, sa Salt Lake Temple. Mga ginikanan sila sa lima ka anak.

Si Brother Dixon nakadawat og bachelor’s degree sa family science gikan sa Brigham Young University ug usa ka master’s degree sa edukasyon gikan sa University of Phoenix. Nagtrabaho siya sa lain-laing mga buluhaton sa Seminaries and Institutes of Religion sulod sa 30 ka tuig, sa kasamtangan isip direktor sa Utah South Institute Region, nagdumala sa mga institute gikan sa Orem hangtod sa St. George. Kaniadto, usa siya ka magtutudlo sa seminary sa Utah County ug direktor sa Utah Valley Institute of Religion.

Sa panahon sa iyang pagkatawag si Brother Dixon nagserbisyo isip presidente sa Spanish Fork Utah East Stake. Siya usa ka kanhi presidente sa California Redlands Mission, magtatambag sa kapangulohan sa stake, bishop, magtatambag sa bishopric, ug presidente sa Young Men sa ward.