Elder Ronald M. Barcellos

Sa edad nga 12 anyos, si Elder Ronald M. Barcellos nagbasa sa Basahon ni Mormon sa unang higayon. Sa dihang nahuman sa pagbasa, giduol niya ang magtutudlo sa seminary sa iyang ward ug nangutana kon makasugod ba siya sa pagtambong sa mga klase sa seminary.

“Mitambong ko sa seminary gikan sa edad nga 12 hangtod 18 tungod kay ganahan lang ko nga motambong dito ug maminaw sa mga istorya sa Biblia ug sa Basahon ni Mormon,” miingon siya. “Kanunay nakong gibati kini nga gugma alang sa ebanghelyo, ug ako kanunay nga mibati nga kini tinuod.”

Unya ang pagserbisyo og misyon nakapalig-on sa iyang pagtuo, ug misaad siya nga unahon kanunay ang ebanghelyo diha sa iyang kinabuhi.

“Paduol ngadto sa [Langitnong Amahan], tumana ang imong mga pakigsaad, ug ang Iyang mga Plano alang nimo matuman,” miingon siya.

Si Ronald Maldonado Barcellos natawo sa São Paulo, Brazil, niadtong Nobiyembre 4, 1975, ngadto nila ni Sérgio Barcellos Silveira ug Marcia Maldonado Barcellos Silveira. Nakigminyo siya ni Karin Spat Albino Barcellos Silveira sa São Paulo Brazil Temple niadtong Disyembre 4, 1999. Mga ginikanan sila sa tulo ka anak.

Nag-eskwela si Elder Barcellos og business administration sa São Marcos University sa São Paulo. Ang iyang propesyonal nga panarbaho naglakip sa pagtrabaho alang sa pipila ka kompaniya sa mga tahas sa sales ug marketing ug isip usa ka negosyante. Kauban siya sa pagtukod sa pipila ka negosyo, lakip sa GreenMile, LLC, diin siya ang chief executive officer sulod sa pipila ka tuig.

Si Elder Barcellos bag-o lang nakahuman sa iyang pagserbisyo isip presidente sa misyon sa Portugal Lisbon Mission. Nagserbisyo usab siya isip usa ka magtatambag sa kapangulohan sa stake, presidente sa Young Men sa stake, bishop, magtatambag sa bishopric, lider sa grupo sa mga high priest, presidente sa korum sa mga elder, ug magtutudlo sa seminary.