Elder B. Corey Cuvelier

Sa dihang si Elder B. Corey Cuvelier mipahibalo nga mobiya sa iyang trabaho aron mahimong presidente sa misyon alang sa Ang Simbahan ni Jesukristo sa mga Santos sa Ulahing mga Adlaw, ang iyang mga kauban nangutana, “Nabuang ka na ba?”

Si Elder Cuvelier miingon nga ang iyang mga kauban naglisod sa pagsabot ngano nga siya mopalayo gikan sa iyang naglambo nga panarbaho sulod sa tulo ka tuig. Apan ang ilang mga pangutana mga oportunidad, miingon siya, “sa pagpakigbahin nganong gihimo nato unsay atong gihimo ug ngano nga kita nagtuo sa unsay atong gituohan ug kang kinsa kita nagtuo. Kana si Jesukristo.”

Si Brian Corey Cuvelier natawo niadtong Enero 12, 1969, sa Los Angeles, California, diin siya gisagop ug gipadako. Ang iyang amahan, nga si Heinz Joachim Cuvelier, usa ka opisyal sa pulis. Ang iyang inahan, si JoAnn Leslie Jarnecke Cuvelier, nag-atiman sa panimalay. Siya ang kinamagulangan sa upat ka anak.

Isip usa ka batan-ong misyonaryo, si Elder Cuvelier nagserbisyo sa Brazil São Paulo South Mission. Migradwar siya gikan sa Brigham Young University niadtong 1994 sa degree sa public relations. Miapil siya sa Kompaniya sa Shell Oil niadtong 1996, diin nagtrabaho siya sa nagkalain-laing mga yunit sa negosyo sa Amihanang Amerika.

Si Elder Cuvelier nakigminyo ni Wendi Sue Manwaring niadtong Hulyo 18, 1992, sa Los Angeles California Temple. Mga ginikanan sila sa upat ka anak nga lalaki. Ang mga Cuvelier nagserbisyo isip mga lider sa misyon sa Brazil Curitiba South Mission gikan sa 2016 hangtod 2019 ug nagpuyo sa Katy, Texas, sa panahon sa iyang pagkatawag.

Kaniadto, si Elder Cuvelier nagserbisyo isip usa ka Area Seventy sa North America Southwest Area, presidente sa stake, magtatambag sa kapangulohan sa stake, high councilor, bishop, magtatambag sa bishopric, presidente sa Young Men sa ward.