Akwa Mboho
Uko ke Iso Abasi
Akwa Mbono eke Ɔfiɔŋ Inaŋ 2025
11:59

Uko ke Iso Abasi

Etop otode President Russell M. Nelson

President Ufɔk Abasi Jesus Christ mme Ndisana Owo ke Ukperedem Usen.

Nte nnyin isinde ifik iyom ndinyene ima ye eti ido ɔyɔhɔ mme uwem nnyin, uko nnyin ke ndika mbine Abasi eyekɔri.

Ndima nditɔ-eka iren ye iban, esit enem mi nditiŋ ikɔ nnɔ mbufo mfin, ke akpan general conference emi. Mme enyin mi ke eka iso esɔŋ. Esɔsɔŋɔ ke ifiɔk mbufo nte ami nnɔde etop mi.

Nnyin idu ke ini akamba mfina ke Ufɔk Abasi Jesus Christ Mme Ndisana-owo ke Ukperedem Usen. Ami mɔyɔhɔ ye idara nte nkutde ŋkɔri ke mme ediwak ebiet.

Ami metim nnemesit ye mkparawa iren ye iban nnyin. Mmɔ ke enam utom ke akamba ibat. Mmɔ keyom mme ete ete mmɔ ke enyuŋ enam mme edinam ke temple. Mme mkparawa iren ye iban nnyin ke enɔ mme ebeŋe ndika mission ke akamba ibat. Emana emi edɔkde edi ke edɔk nte mme nti anditiene Jesus Christ.

President Nelson ye eyeyen.

Ibighike mma nsobo ye obufa eyeyen. Ke ini nkerede mbaŋa mme mfina emi enye edikutde ke uwem esie, ami nkop akwa udɔŋ ndinwam enye enyene mbuɔtidem ke Jesus Christ. Ndidu uwem gospel Esie edi akpan ɔnɔ inemesit ke ini iso esie.

Enye, nte nnyin kiet kiet, eyenyene mme mfina. Kpukpru nnyin iyedɔŋɔ udɔŋɔ, ikut mfiakedem, idomo, ye ntak-urua. Mme mfina emi ekeme ndituk uko idem nnyin. Edi, mme mbet Jesus Christ enyene ufaŋ ke utɔ uko efen.

Ke ini nnyin inamde inyuŋ inimde mme ediomi ye Abasi, nnyin imikeme ndinyene uko emi emanade oto Spirit. Jehovah ama ɔdɔhɔ Prophet Joseph Smith ete ke uko nnyin ekeme “ndikɔri nsɔŋ ke iso Abasi.” Kere baŋa idɔŋesit ndinyene uko ke iso Abasi!

Ke ini ntiŋde mbaŋa ndinyene uko ke iso Abasi, ami ntiŋ mbaŋa ndinyene uko ndika mbine Abasi idahaemi! Ami ntiŋ mbaŋa ndibɔŋ akam ye uko man Ete ke Heaven okop nnyin. Ami ntiŋ mbaŋa ndinyene uko ete ke Enye ama nnyin akan nte nnyin ifiɔkde ete ke Enye ɔdɔŋ mme angel edu ye nnyin ye mbon emi nnyin imade. Ami ntiŋ mbaŋa ndinyene uko ete ke Enye oyom ndinwam nnyin kiet kiet isim ebiet emi enimde enɔ nnyin.

Idahaemi, didie ke nnyin ikeme ndinyene utɔ uko oro? Jehovah ɔbɔrɔ mbume emi ye mme ikɔ emi: “Yak mme nsia fo … eyɔhɔ ye ima enɔ kpukpru owo, … ŋko yak etido ɔyɔhɔ mme ekikere fo kpukpru ini; ke ini oro ke uko fo edikɔri isɔŋ ke iso Abasi.”

Ukpɔhɔre odu do! Ke mme ikɔ Jehovah, ima ye eti ido eberede usuŋ ɔnɔ ndinyene uko ke iso Abasi! Nditɔ eka iren ye iban, nnyin imikeme ndinam emi! Uko nnyin ke akpanikɔ ekeme ndikɔri nsɔŋ ke iso Abasi, ata idahaemi!

Yak nnyin ise ima ye eti ido mbiba.

Akpa, ima. Isua iba emi ebede, ami mma nkot nnyin, nte mbon ediomi Jesus Christ, nte idi mme anam emem. Ami mfiak ntiŋ se nketiŋde ini oro nte ke: “Iyaresit isikpekke. Utɔk inamke owo ndomo kiet ɔkɔri. Eneni idaha mme edisana ibɔrɔ idi.”

Ima akpanikɔ inɔ kpukpru owo edi se edade efiɔk mme anam emem. Edi akpan ete ke ana nte nnyin inyene ima ke uwem nnyin, ke aŋwa ye ke ufɔk. Ami mɔkɔm mbufo emi ekekop akpa item mi. Edi nnyin imikeme ndinam ɔfɔn akan oro.

Utɔk emi etɔhɔde idahaemi ke nneme ke aŋwa ye ke social media awak akaha. Mme ikɔ usua edi mme ŋkpɔ-ekɔŋ mkpa. Eneni akpan Edisana Spirit ndidi ada nsaŋa nnyin ke ofuri ini.

Nte mme anditiene Jesus Christ, ana nte nnyin ida mbon efen usuŋ nte mme anam emem. Nte ima akabarede edi ubak edu nnyin, nnyin iyinana udɔŋ ndise mbon efen nte mbio. Nnyin iyitre ndibiere ikpe nnɔ mbon efen. Nnyin iyinyene ima inɔ mme owo ke nsionsio idaha ke uwem. Ndinyene ima nnɔ kpukpru owo edi akpan ɔnɔ ŋkɔri nnyin. Ima edi itiat idak isɔŋ ɔnɔ uwem nte Abasi.

Yak nnyin ibeŋe Ete nnyin ke Heaven ete ɔyɔhɔ esit nnyin ye akamba ima—akpan akpan ɔnɔ mbon emi ɔsɔŋde idem ndima—koro ima edi enɔ emi otode Ete nnyin ke Heaven ɔnɔ ata mbon emi etienede Jesus Christ. Andinyaŋa edi Ɔbɔŋ Emem. Ana nte nnyin idi mme ŋkpɔ utom Esie ke ndinɔ emem.

Idahaemi, yak nnyin itiŋ ibaŋa eti ido. Jehovah ɔdɔhɔ nnyin ete iyɔhɔ mme ekikere nnyin kpukpru ini ye eti ido. Kere mbaŋa ŋkɔri emi edibɔde, kabaŋa eti ekikere ekededi, ke ini adiande enye ye eti ido. Eti ido anam kpukpru ŋkpɔ ɔfɔn onyuŋ enemesit akan akpa! Ke ubɔk efen, nso iditibe, ke ini afo adiande eti ido ye ndedehe ekikere, ekikere ibak, mme ekikere mfuhɔ. Eti ido eyebin mme ekikere oro efep. Eti ido eyekpɔk fi ayak ke mme iduɔ-esit, mme mfina ekikere.

Ndima nditɔ eka iren ye iban, nte ererimbot ɔkɔride ke ibak, ana nte ika iso ikɔri ke edisana. Mme ekikere, mme ikɔ, ye mme edinam nnyin ana nte ekunana eti ido, ndien eyɔhɔ ye edisana ima Christ enɔ ofuri owo. Akamba ifet emi anade nnyin ke iso edi ndikabade ndi mme owo emi Abasi oyomde ete nnyin idi.

Ndikpono ke ufɔk Jehovah ke ini ke ini anam ukeme nnyin ke ima ye eti ido ɔkɔri. Ke ntre, ini ke temple anam uko nnyin ke iso Jehovah ɔkɔri. Ndika iso ndu ke temple eyenwam nnyin ndibeŋe idem nnɔ Edidi Ɔyɔhɔ iba eke Andinyaŋa nnyin, Jesus Christ. Nnyin ifiɔkke usen mme hour edidi Esie. Edi ami mɔfiɔk nte ke Jehovah kɔdɔŋ mi ete nnam nnyin ibeŋe-idem inɔ “akwa ye enyene ndik usen oro.”

Nte nnyin isinde ifik iyom ndinyene ima ye eti ido ɔyɔhɔ mme uwem nnyin, uko nnyin ke ndika mbine Abasi eyekɔri. Ami mokot mbufo nte efɔfiɔk enam mme ŋkpɔ ndikɔri ke uko mbufo ke iso Jehovah. Ndien, nte nnyin ikade itiene Ete nnyin ke Heaven ye ŋkɔri ke uko, eyeyɔhɔ nnyin ye akamba idara, ndien mbuɔtidem nnyin ke Jesus Christ eyekɔri. Nnyin iyitɔŋɔ ndikop odudu spirit emi okponde akan mme idorenyin nnyin.

Nnyin imikɔm Jehovah ke ŋkɔri ndibɔp mme temple ke mme isua ifaŋ emi. Ke ndausuŋ esie, mfin, nnyin iminɔ etop ndibɔp mme temple kiet kiet ke mme ebiet emi:

  • Reynosa, Mexico

  • Chorrillos, Peru

  • Rivera, Uruguay

  • Campo Grande, Brazil

  • Porto, Portugal

  • Uyo, Nigeria

  • San Jose del Monte, Philippines

  • Nouméa, New Caledonia

  • Liverpool, Australia

  • Caldwell, Idaho

  • Flagstaff, Arizona

  • Rapid City, South Dakota

  • Greenville, South Carolina

  • Norfolk, Virginia

  • Spanish Fork, Utah

Ami ntie ntiense nte ke Jesus Christ, Andifak Israel, ada-usuŋ ke, Ufɔk Abasi Esie emi. Enye ke ebeŋeidem ndifiak ndi. Yak nnyin ŋko ibeŋeidem ndidara Enye. Ke emi ke mbɔŋ akam ke enyiŋ Jesus Christ, amen.

Mkpri ŋwed

  1. The little stone that the prophet Daniel saw in his dream of the latter days is “rolling forth to fill the world” (see Daniel 2:31–45; Doctrine and Covenants 65:2)

  2. Doctrine and Covenants 121:45.

  3. “For I will go before your face. I will be on your right hand and on your left, and my Spirit shall be in your hearts, and mine angels round about you, to bear you up” (Doctrine and Covenants 84:88).

  4. Doctrine and Covenants 121:45; emphasis added; see also verse 46.

  5. Russell M. Nelson, “Peacemakers Needed,” Liahona, May 2023, 98.

  6. Choosing to contend with others is choosing to live without the guidance of the Holy Ghost.

  7. We are to have charity “towards all men, and to the household of faith” (Doctrine and Covenants 121:45).

  8. This means praying “with all the energy of heart” (Moroni 7:48).

  9. Se Moroni 7:48.

  10. Se Isaiah 9:6.

  11. As Joseph Smith taught, “If [we] wish to go where God is, [we] must be like God, or possess the principles which God possesses” (Teachings of Presidents of the Church: Joseph Smith [2007], 72). Likewise, the Apostle Paul gave the admonition that we should “come boldly unto the throne of grace, that we may obtain mercy, and find grace to help in time of need” (Hebrews 4:16).

  12. Se Matthew 24:36–37.

  13. Malachi 4:5; see also Zephaniah 1:14–18.

  14. The Lord has told us to “remember faith, virtue, knowledge, temperance, patience, brotherly kindness, godliness, charity, humility, [and] diligence” (Doctrine and Covenants 4:6). When we do, our confidence will increase, and then, in His own words, when we ask, we shall receive. And when we knock, it shall be opened unto us. (See Doctrine and Covenants 4:7.)

  15. We may experience what King Benjamin’s people did: “They were filled with joy, having received a remission of their sins, and having peace of conscience, because of the exceeding faith which they had in Jesus Christ” (Mosiah 4:3).