Edisio Usiene Edidiɔŋ

Nte nnamde utom ke Presiding Bishopric, menyene ufaŋ ndisobo ye mme Latter-day Saint ke ererimbot ke mme nsionsio ebiet ye idut. Nnyin imokut mbon Latter-day Saints ke kpukpru ebiet nte ekɔride ke mbuɔtidem ye ke nsinifik nnɔ Ɔbɔ ŋJesus Christ. Edi mme nsionsio ye ke ediwak ini mme ɔkpɔsɔŋ idaha emi mbufo edude esituk mi—mme mfina nte mme udɔŋɔ unɔmɔ, unana, unana ndɔ mme uka ŋwed, ukɔbɔ otode mbon efen, ye mme mfiakedem eken. Ke usuk ini, mme mfina emi eyetie nte eleme ndikpan ŋkɔri mbufo onyuŋ afina mme ukeme akpanikɔ mbufo ndidu uwem gospel ɔyɔhɔ, anam enye ɔsɔŋidem ndinam utom, ndikpono, ye ndinam mme edisana utom.

Ndima ufan mi, edieke edidide ke mbufo emesikere ke ikemeke ke ntak mme idaha uwem mbufo, mmoyom nte yak mbufo efiɔk emi: Abasi ama mbufo. Enye ɔfiɔk mme idaha mbufo, ndien usuŋ eke mme edidiɔŋ Esie ana iŋwaŋ ɔnɔ mbufo ikereke mme mfina emi mbufo enyenede.

Ami mekpep akpanikɔ emi nto ifiɔk idem mi nte, okposuk edide ekpri, ama otuk mi ata eti eti. Ke isua 22, ke ini nkodude ke French Air Force ke Paris, ama enem mi ndifiɔk nte ke Elder Neal A. Maxwell, Apostle Abasi, eyetiŋ ikɔ ke conference ke Champs-Élysées. Edi, mbemiso edinam oro ɔtɔŋɔ, mma mbɔ uyo ndiwat akamba owo nka airport ke ukem ini emi akanade nte conference oro ɔtɔŋɔ.

Nkenyeneke uyo. Ke nkebierede ndiduk, mma nsuk akamba owo oro ndien mma mfehe nka conference oro. Ke mma nkokut ebiet ndinim moto, mma mfehe nka Champs-Élysées nka ebiet mbono oro nyuŋ nkesim minute ition mbemiso mbono oro etre. Nte ndukde, mma nkop nte Elder Maxwell ɔdɔhɔde ete, “ami idahaemi nyɔnɔ mbufo edidiɔŋ eke apostle.” Ke idaha ini oro, ami ndinyene inem, ifiɔk-ukpep emi miduak-ke ndifre. Ami mma nyɔhɔ ye Spirit ndien mme ikɔ edidiɔŋ oro eduk kpukpru ebiet ke ukpɔŋ mi, nte ke mmɔ ekenyene mi ikpɔŋ.

Se ami ŋkenyene usen oro ekedi ekpri edi ɔkpɔsɔŋ idiɔŋɔ eke adaha ndɔŋesit kabaŋa uduak emi Abasi enyenede ɔnɔ nditɔ Esie: Ini eke ndaha emi nnyin mikemeke ediyɔ ɔbiɔŋɔde nnyin ke edi-nam ndinen udɔŋ eke esit nnyin, Abasi eyenɔ-utip ke mme usuŋ emi ayakde nnyin ndibɔ mme eŋwɔŋɔ edidiɔŋ Esie.

Akpanikɔ emi esine ke mme akpan ukpɔhɔde ita emi esinede ke gospel Jesus Christ emi ekefiakde emen edi.

1. Abasi ama nnyin kiet kiet nte ɔfɔnde ama. “Enye ama okot [nnyin] kpukpru ete idi itiene enye inyuŋ ibuana ke mfɔn esie.” Uduak edifak Esie okut ete ke kpukpru owo, isioho owo ndomo kiet ifep, eyenyene nnen nnen ufaŋ usen kiet ndibɔ mme edidiɔŋ edinyaŋa ye edimenede.

2. Ke ntak emi Abasi edide nnen nnen ye enyenede mbɔm mbiba ndien uduak Esie ɔfɔn ama, Enye idibupke nnyin mme ŋkpɔ emi ekponde ekan nnyin. Elder Neal A. Maxwell anam aŋwaŋa ete ke “Abasi … ada esin ke edinam idighe mme udɔŋ ye edinam nnyin ikpɔŋ , edi ŋko mme mfina emi mme nsionsio idaha nnyin ɔnɔde nnyin”

3. Oto ke Jesus Christ ye Usio-isop Esie, nnyin imikeme ndinyene odudu ndiyɔ ndien ke akpatre ikan kpukpru mme mfina uwem. Nte Alma ekekpepde, Andinyaŋa ama ada odori ke idem Esie idighe mme idiɔk ŋkpɔ mbon emi ekabadare esit ikpɔŋ edi ŋko “mme ubiak ye mme udɔŋɔ ikɔt Esie.” Ke ntre, ke akande ndifak nnyin ke mme ndudue nnyin, mbɔm ye ima Jehovah ada nnyin ebe mme ukwaŋ ikpe, mme ndo ye mme unana emi inyenede ito uwem emi.

Ndibɔ mme edidiɔ emi asaŋa ye mme ntak. Abasi oyom ete nnyin inam “kpukpru se ikemede” inyuŋ “iyak ofuri ukpɔŋ [nnyin] nte uwa-enɔ kiet inɔ enye.” Emi oyom ɔkpɔsɔŋ udɔŋ, edifɔn ye eti esit, ye ata ntiŋenyin nnyin ke edinim ibet Esie nyuŋ ndian ekikere nnyin ye Enye.

Ini emi ata ukeme nnyin mikemeke ye uduak nnyin otode ke mme ndaha emi okponde akan nnyin, Abasi ekeme edisuk nnyime udɔŋ esit nnyin nte uwa emi odotde. President Dallin H. Oaks ekpep ete, “Eyediɔŋ nnyin ke nti udɔŋ eke esit nnyin okposuk nte ubak ndaha efen akanamde ɔsɔŋ ɔnɔ nnyin ke ndida mme udɔŋ oro nsin ke utom.”

Nte Prophet Joseph Smith ekekerede abaŋa eyeneka eren esie Alvin, emi akakpade ke mibɔhɔ mme edinam ikɔ-Abasi, enye ama ɔbɔ ndɔŋesit eriyarare ke: “Ofuri mbon emi edikpade tɔŋɔde ke minyeneke ifiɔk [ikɔ-Abasi], emi ekpekebɔde oro ye ofuri esit mmɔ, edi-di mme andinyene [obio-ubɔŋ celestial eke Abasi].” Ekem Abasi adian ete, “Koro Ami, Abasi, nyekpe ikpe nnɔ kpukpru owo ntiene utom mmɔ, nte asaŋade ye udɔŋ esit mmɔ.”

Se ibehede Abasi idihe mme nnyin iminyene ukeme edi mme nnyin imiduak ndinam ofuri nnyin ikemede nditiene Enye nte Andinyaŋa nnyin.

inikiet ufan kiet ɔkɔdɔŋ ekpri ɔkwɔrɔ-ikɔ kiet emi ɔkɔfuhɔde edibak nnɔ onyɔŋ ufɔk esit oto ke ntak ndiɔk-idem, ke sioho nti akam esie ye ata udɔŋ nnɔ edinam-utom. Ufan emi edibuana itie ŋwed Abasi kiet emi Abasi etiŋde ke ini emi nditɔ Esie “ekade ye ofuri ukeme mmɔ” enyuŋ “enɔ ntiŋenyin mmɔ” ke ndinam ibet Esie ɔwɔrɔ-osu, “ndien mme asua mmɔ [emi ekemede edisine ndiɔi ndaha ke uwem nnyin] editre mmɔ ke edi-nam utom oro, sese, oro eyefɔn ye ami ke edidɔhɔ ete [mbon] oro ekunam utom aba, edi nye bɔ nwaidem mmɔ.”

Ufan mi eketiŋ ɔnɔ akparawa emi ke Abasi ɔdiɔŋɔ ke enye ama ɔnɔ ofuri ukeme esie ke edika ikoot ndikinam utom. Enye ɔsɔŋɔ ɔnɔ enye ete ke Abasi ama ɔbɔ uwa esie ndien ke eyenɔ enye mme edidiɔŋ emi ekeŋwɔŋɔde enɔ ofuri nti ɔkwɔrɔ-ikɔ-Abasi.

Mme usiene edidiɔŋ emi Abasi esinɔde esiwak edidi oto ke mfɔnido ye utom-uŋwam eke mbon efen emi eŋwamde nnyin ndinam se nnyin mikemeke edi-nam ke idem nnyin ŋkure. Ami nditi inikiet kini, nduŋde nyom usuŋ mkpɔŋ kiet kotu eyenaŋwan nnyin ke France, nnyin ikinyeneke ukeme ediŋwam enye kini uman-eyenesie ɔkɔsɔŋde. Ke ukem udua oro ward nnyin ke Utah ekeyom uŋwam enɔ eka-eyen emi akamande nditɔ-iba inikiet. Ŋwan mi, Valérie, ama enyime ndida udia nsɔk enye, ye akam ke esit esie nnɔ obufa eka nditɔ-iba emi ye eyenaŋwan nnyin emi okodude ke unana. Ikibighike, nnyin idikop ke nditɔeka iban ke ward eke eyenaŋwan nnyin ke France ema enam utom ndinɔ ufɔkemana esie udia. Eke nnyin, Abasi ama ɔbɔrɔ akam nnyin, ndinɔ mme angel Esie ndida ndɔŋesit nka kini nnyin mikemeke.

Ini emi ikutde unana-ukeme ye afnikɔŋ, yak nnyin ifiɔk edidiɔŋ eke nnyin —enɔ, uŋwam, ye ini nnyin—inyuŋ ida mmɔ iŋwam mbon emi edude ke unana. Ke ndinam ntre, nnyin ididiɔŋke mbon efen kpɔt edi iyeda erikɔk ye utip isin ke uwem mmɔ.

Kiet kotu nti usuŋ emi nnyin ikpidiande ke edinɔ mme usiene edidiɔŋ eke Abasi edi ke nda-nnɔ utom emi nnyin inamde inɔ mbon-ntɔŋɔ-ubon nnyin ke temple. Nte nnyin inamde edinam emi inɔ mmɔ, nnyin iminehede ibuana ke akwa utom Abasi eke erinyaŋa-ukpɔŋ, ke idade mme enɔ ye ukeme nnyin inɔ edidiɔŋ esɔk mbon eke mikinyeneke ufaŋ ndibɔ mmɔ kini uwem mmɔ.

Utom ima emi nnyin inɔde ke ndisana temple eti nnyin ke mfɔn Andinyaŋa okpon ebe uwem isɔŋ emi. Ke uwem eke edidide, ekeme edinɔ nnyin mbufa ufaŋ ndikure utom se nnyin mikikureke ke uwem isɔŋ emi. Etiŋde ɔnɔ nditɔ-eka iban emi midɔhɔ-ndɔ kaŋa, President Lorenzo Snow ete: Iduhe owo Ufɔk Abasi emi akpade ke ama okodu eti uwem emi edinanade ŋkpɔ ndomokiet oto ke okokpu ke edi-nam mme ŋkpɔ eken kini ufaŋ mikiduhe inɔ enye. … Mmɔ eyenyene ofuri edidiɔŋ, edimenede ye ubɔŋ emi erenowo mme ŋwan ekededi edinyenede emi ekenyenede ufaŋ ke uwem emi.

Etop idorenyin ye ndɔŋesit emi edi ɔnɔ ofuri nnyin, nditɔ Abasi. Iduhe owo nnyin ndomokiet emi ekemede edifep mme afanikɔŋ ye ukut eke uwem isɔŋ emi. Ke kpukpru okurede, kpukpru nnyin imana ye unana-ukeme ke ndinyaŋa idem nnyin. Edi nnyin iminyene edima Andinyaŋa, ndien “nnyin imidiɔŋɔ ke oto ke mfɔn [Esie] ke edinyaŋa nnyin, ke nnyin inamde ofuri ŋkpɔ emi ikemede.”

Ami ntiŋ ikɔ-ntiense nte kini ediwak ndaha ke uwem ekemede edikpon mbe ukeme nnyin, iduhe owo nnyin ndomokiet emi ebede anana-adaŋa edidiɔŋ eke Abasi. Otode ke uwa ufak Esie, Andinyaŋa eyesio usiene ke ofuri mbiara ye ufik edieke nnyin iyakde ofuri ukpɔŋ nnyin inɔ Enye. Ke enyiŋ Jesus Christ, amen.