Ndibɔ Ukɔk eke Spirit ke Enye

Mbon akpa mfia duop ema emenere uyo mmɔ efiori enɔ Andinyaŋa ete “Tua nnyin mbɔm.” Ndien Jesus Christ ama anam ntre. Enye ama ɔdɔhɔ mmɔ eka ekewut oku idem mmɔ, nte mmɔ esaŋade eka,, udɔŋɔ mmɔ ama okure.

Ndien owo mmɔ kiet, ke ini enye okutde ete ke udɔŋɔ esie okure, osioro ŋkpo otoro Abasi. Enye ama afiak ebine Andinyaŋa, ɔduɔ ke ukot Esie, onyuŋ ɔnɔ ekɔm.

Ndien Andinyaŋa ama ɔdɔhɔ enye emi ɔkɔnɔde ekɔm ete, “Jesus ɔdɔhɔ enye ete, Mbuɔtidem fo ama anam idem ɔsɔŋ fi.”

Jesus Christ ɔkɔkɔk mbon akpa mfia duop. Edi kiet, ke ndifiak edem mbine Andinyaŋa, ama ɔbɔ ŋkpɔ efen adian. Ema enam idem ɔsɔŋ enye.

Mbon akpa mfia UsuKkiet ema ebɔ edikɔk eke ikpɔkidem.

Kiet ama ɔbɔ edikɔk eke ikpɔkidem ye edikɔk eke spirit.

Ke nkerede mbaŋa mbuk emi, ami mmekere mme ndiwɔŋɔre oro edi akpanikɔ. Edieke edibɔ ukɔk ye edinam ɔfɔn mmidighe ukem, ndi ekeme ndinam owo ɔfɔn ke spirit oto ke Enye edi ibɔhɔ kaŋa ukɔk eke ikpɔkidem ye eke ekikere?

Akwa Andikɔk eyekɔk kpukpru ukut nnyin—eke ikpɔkidem ye eke ekikere—ke ini Esie Edi ke ndibet man ɔbɔ ukɔk, ndi owo ekeme ndibɔ edifɔn?

Edifɔn eke spirit ekeme ndiwɔrɔ nso?

Nnyin ibɔ edifɔn ke Jesus Christ kini nnyin idade unen-mbumek nnyin itiene Enye ke mbuɔtidem, iyak esit nnyin inɔ Enye man enye okpuhɔre mmɔ, inim mbet Esie , inyuŋ iduk ebuana ediomi ye Enye, ke nsuhɔreidem iyɔ inyuŋ ikpep ito mfana ererimbot emi tutu nnyin ifiak inyɔŋ iso Esie inyuŋ ibɔ ukɔk ke kpukpru usuŋ. Ami mmekeme ndibɔ edifɔn kini ami ntiede mbet ukɔk, edieke ami nnamde ebuana mi ye Enye ke ofuri esit.

Mbuɔtidem ke Jesus Christ ada idorenyin edi. Ami nkut idorenyin ke ndiwana ndibɔ edifɔn—edifɔn emi amanade oto mbuɔtidem ke Jesus Christ Mbuɔtidem ke Enye anam idorenyin mi ndibɔ ukɔk ɔtɔt, ndien idorenyin oro ɔsɔŋɔ mbuɔtidem mi ke Jesus Christ. Enye edi utibede edinam.

Jehovah ɔkɔdɔhɔ Enos ete ke mbuɔtidem esie anam enye “ɔfɔn.” Edikɔk ekedi nte Enos ekerede ke esit esie abaŋa mme ikɔ prophet-ete esie, Jacob, nte enye okopde biɔŋ ndifiɔk eti ifet eke nsinsi uwem, nte enye atuade ɔnɔ Abasi ke ɔkpɔsɔŋ akam. Ndien ke ndaha udɔŋ ye nsuhɔreidem oro, enye ama okop uyo Abasi nte asiande ete ke efen mme idiɔkŋkpɔ esie. Ndien Enos ama obup Jehovah ete: “Enam didie?” Ndien Obɔng ama ɔbɔrɔ ete, “Koro afo enyenede mbuɔtidem ke Christ, … Mbuɔtidem fo ama anam idem ɔsɔŋ fi.”

Oto ke mbuɔtidem nnyin ke Jesus Christ, nnyin imikeme ndibɔ edifɔn eke spirit kini nnyin ibetde inyuŋ idoride-enyin ndibɔ edikɔk eke ikpɔkidem ye eke ekikere.

Oto ke mfɔn Erisio-isop Esie, ye kini nnyin ikabare esit ke akpanikɔ, Andinyaŋa ɔkɔk nnyin osio ke idiɔkŋkpɔ, nte Enye akanamde ye Enos. Anana-adaŋa Erisio-Isop Esie esim mfuhɔ ye ukut nnyin ŋko.

Edi ekeme ndidi enye idinɔhɔ ukɔk isio ke udɔŋɔ ye mbaba nnyin—ɔkpɔsɔŋ ubiak, idiɔk udɔŋɔ eke esit idem nte udɔŋɔ atade ŋkpɔ ukpan-udɔŋɔ ke esit idem, udɔŋɔ ɔnɔk, ntimede esit, mfuhɔ, ye efen etiede ntem. Oruk erikɔk emi edi ke ekemini Abasi. Ndien idahaemi, nnyin imikeme ndimek ndibɔ edifɔn ke ndinyene mbuɔtidem ke Enye.

Ndibɔ edifɔn ɔwɔrɔ ndidi ofuri ye ndiyɔhɔ. Ukem nte mme asian iban ition emi ekeyɔhɔde utuenikaŋ mmɔ ye aran kini ebendɔ ekedide, nnyin imikeme ndibɔ edifɔn ke Jesus Christ nte nnyin iyɔhɔde utuenikaŋ nnyin ye aran edibɔk eke ŋkabaresit ke Enye. Ke usuŋ oro, nnyin imibeŋe idem inɔ mbiet usɔrɔ ndɔ emi adade ɔnɔ Edifiak Ndi Esie.

Ke ŋke-mbuk oro kpupkru iban duop ekedu ke nnen-nnen ebiet, ebet ebe-ndɔ. Kpukpru mmɔ kiet kiet ekesaŋa ye utuenikaŋ edi.

Edi ke ini emi Enye ekedide, ke ufɔt okoneyo owo mikidotke enyin, mme ndisime ition ikinyeneke aran emi ekemde ke utuenikaŋ mmɔ. Owo ikitiŋke ibaŋa mmɔ ite ke mmɔ edi mme anam-idiɔk edi eketiŋ ete ke mmɔ ekedi mme ndisime. Mme ndisime owo etre ndibeŋe-idem mfɔn-mfɔn ke ndinam utuenikaŋ mmɔ asak ye aran ŋkabare-esit.

Ndien ke ntre, ke ndibɔrɔ ebeŋe mmɔ ete eyak mmimɔ ibe iduk udia usɔrɔ ndɔ, ebe-ndɔ ama ɔbɔrɔ ete, “Mbufɔ ifiɔkke mi.”

Emi ɔwɔrɔde, ndien, ete ke mme asian iban ition ema efiɔk Enye. Mmɔ ema ebɔ edifɔn ke Enye.

Utuenikaŋ mmɔ ama ɔyɔhɔ ye nsɔŋurua aran ŋkabare-esit emi akayakde mme asian iban ndiduk udia usɔrɔ ndɔ nyuŋ ntie ke ubɔk nnasia ebendɔ.

Nte Andinyaŋa eketiŋde, Yene mbuɔtidem, bɔŋ akam kpukpru ini, yak utuenikaŋ fo asak, yuŋ yene aran ikaŋ, man afo ekpebeŋe idem ke edidi Ebe-ndɔ

Mme Asian Iban Ition, otode Ben Hammond

Ke mmi-mmi-emi ema enim ediye usɔ emi owutde mme asian iban ition ke aŋwa-esien enyin-usuŋ akade Ufɔk Relief Society ye ke mbukpɔŋ eke Temple Salt Lake.

Emi edi ebiet otim owutde nte ekpedade ŋke-mbuk emi esin ke edinam. Koro kini inamde inyuŋ inimde ediomi, akpan-akpan mbon edude ke ufɔk Jehovah, nnyin iyɔhɔ utuenikaŋ nnyin ye aran ŋkabare-esit.

Kini iban oro edade enɔ mme asian iban ition mibuanake aran ŋkabare-esit mmɔ, mmɔ kebuana uŋwana mmɔ nte mmɔ emenere utuenikaŋ mmɔ emi ɔyɔhɔde ye aran onyŋ asakde mfɔn-mfɔn. Akpan-akpan ema ewut nte mmɔ eŋwamde kiet eken—afara ke afara, ubɔk awaŋade owo efen, ese kiet eken ke enyin onyuŋ okot mbon efen ete edisim uŋwana oro.

Ke akpanikɔ, “[nnyin] idi uŋwana ererimbot.” Andinyaŋa ama ɔdɔhɔ ete:

“Ami mmɔnɔ mbufo ndidi uŋwana nnɔ mbon emi. Obio emi ebɔpde ke enyɔŋ obot ikemeke ndidibe.

“…[Ndi nnyin] imikeme ndidomo utuenikaŋ ida abaŋ ifuk? Iŋ-iŋ, edi ewuk ke uwuk-utuenikaŋ, ntem ke uŋwana ayama [ɔnɔ] kpukpru owo eke edude ke ufɔk;

“Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo [emi] odude ke Heaven.”

Eteme nnyin ete ibuana uŋwana Esie. Ke ntre yak utuenikaŋ fo ɔyɔhɔ ye aran ŋkabare-esit ntiene Jesus Christ yuŋ beŋidem ndinam uŋwana fo ayama. Ekem yak uŋwana fo ayama. Kini nnyin ibuanade uŋwana nnyin, nnyin ida uŋwam Jesus Christ isɔk mbon efen, ndien ŋkabare-esit ntiene Enye ɔtuŋɔ, ndien nnyin imikeme ndibɔ edifɔn kpa ke ini nnyin ibetde ndibɔ ukɔk. Nte nnyin iyakde uŋwana nnyin ayama mfɔn-mfɔn, nnyin imikeme ndikop inemesit kpa ini emi nnyin ibetde.

Uwutŋkpɔ ke ŋwed Abasi ɔfɔn ndida nsɔŋɔ ukpepŋkpɔ ete ke nnyin imikeme ndibɔ edifɔn nte nnyin ikabare-esit itiene Jesus Christ inyuŋ ibɔ ukeme ito Enye kini nnyin ibetde ndibɔ ukɔk.

Apostle ama enyene utɔ unɔmɔ kiet—se enye okokotde ete “ŋkukim ke obukidem,” emi Enye ekekpede Ɔbɔŋ ubɔk utim ikata ete osio efep. Ndien Jehovah ɔdɔhɔ Paul Ete “Mfɔn mi ke ekekem fi; koro enamde odudu mi ɔfɔn ama ke mmem-idem mi.” Emi paul eketiŋde ete:

“Ntre ke adat mi esit eti-eti ndinam … mbure ke mmem-idem mi, man odudu Christ odoro ofuk mi.”

Mmɔdo mmadara ke mmem-idem, … ye mbaba kabaŋa Christ, koro adaŋemi idem ememde mi, adaŋaoro ke ntim nyene nsɔŋ-idem.”

Uwutŋkpɔ Paul ekpep ete ukem-ukem ke mmem-idem nnyin, ukeme ndinam ukeme nnyin ke Jesus Christ ɔfɔn-ama—emi edide, ɔyɔhɔ-ɔyɔhɔ ye edifɔn. Mbon emi ekutde afanikɔŋ ke uwem isɔŋ enyuŋ ewɔŋɔre ebine Abasi, ekeme ndibɔ ukem nte Paul edidiɔŋ eke ndimehe ye Abasi.

Paul ikibɔhɔ ukɔk ke mbaba esie, edi enye ama ɔbɔ edifɔn eke spirit ke Jesus Christ. Ndien ukem ukem ke ukut esie, uŋwana ŋkabare-esit esit esie ntiene ye odudu otode Jesus Christ ama akaiso ayama ndien enye ama okop idaresit. Ke Ŋwed esie enye ekewetde ɔnɔ mbon Philipi enye ama ɔdɔhɔ ete, “Edat-esit ke Ɔbɔŋ kpukpru [ini]:, ndien mfiak ndɔhɔ nte, Edat-esit.”

Nditɔ-eka iban ye iren, ibɔrɔ edi iŋ, nnyin imikeme ndibɔ edifɔn eke spirit, kpa kini nnyin ibetde edikɔk eke ikpɔkidem ye eke ekikere. Edifɔn iwɔrɔke edifiak nnam-ɔfɔn ke ikpɔkidem ye ekikere ke uwem emi. Edifɔn amana oto mbuɔtidem ye ŋkabare-esit ntiene Jesus Christ ye ke ndiyak uŋwana ŋkabare-esit oro ayama.

“Many are called, but few [choose to be] chosen.”

Kpukpru owo eyebɔ edikɔk ke ikpɔkidem ye ke ekikere ke ini Ediset ke mkpa. Edi ndi afo eyemek idahaemi ndibɔ edifɔn ke Enye?

Ami nsian, ye idaresit nte ke ami mmekabare-esit ntiene Ɔboŋ Jesus Christ. Ami ke ŋwana ukeme ndibɔ edifɔn ke Enye. Ami mmenim nte ke eyefiak enam kpukpru ŋkpɔ ɔfɔn ndien edikɔk eyedi, ke ekem ini Esie, koro Enye odude uwem.

Mary Magdalene ekedi ŋwan emi Jesus Christ ɔkɔkɔkde udɔŋɔ. Enye okoyuŋ edi ŋwan emi ɔkɔbɔde edifɔn ke Jesus Christ. Nte mbet Esie, enye ama etiene Andinyaŋa ke ofuri Galilee onyuŋ anam utom-uŋwam ɔnɔ Enye.

Enye ama odu ke ukot cross, edi ntiense ɔnɔ mkpa Esie.

Enye ama aka udi ndikure ndutim ndibuk Enye ndien okut ete ke ema esio itiat edade efuk efep, ete ke okpo Ɔbɔŋ iduhe. Mary ada ke udi ke atua eyet kini ebupde enye mbume, akpa oto mme angel ndien oto Andiyaŋa ke idem Esie, “Ŋwan, nsinam atuade? oyom anie?”

Mary ama atua, “Ekemen Ɔbɔŋ mi efep, ndien mfiɔkke ebiet eke ekenimde enye.”

Ndien Jesus okot enye enyiŋ suŋ-suŋ, “Mary.” Ndien enye ama ɔfiɔk enye onyuŋ ɔbɔrɔ ke ukpono ete, “Rabboni … Andikpep.”

Ke ndikut nkukut mbaŋa Andinyaŋa, Isaiah ama etiŋ ete, “Enye eyemen mkpa ke nsinsi, ndien Ɔbɔŋ Jehovah onyuŋ ɔkwɔhɔde kpukpru mmɔŋ eyet efep.”

Ediset ke mkpa Esie ama ɔkwɔhɔde mmɔŋeyet Mary efep. Ke akpanikɔ Enye eyekwɔhɔre mmɔŋeyet nnyin nko.

Mary ekedi akpa ntiense eke ediset Andinyaŋa. Enye okoyuŋ edi akpa ntiense ɔnɔ mbon efen abaŋa se enye okokutde.

Ke nsuhɔreidem ami ndian ikɔ-ntiense mi ye eke Mary nte. Enye emeset. Jesus Christ odu uwem! Ke akpatre kpukpru owo eyebɔ edikɔk, ke ikpɔkidem ye ke ekikere, ke Enye. Ndien ke ndibet ukɔk oro, mbuɔtidem ke Akwa Andikɔk eyenam nnyin ifɔn ke spirit. Ke enyiŋ Jesus Christ, amen.