Esɔŋɔ-eda ke Mbuɔtidem Mme Ete Nnyin Ekedarade

Ke in nkakade Temple Nashville Tennessee ndinam nduŋɔde, mma nnyene ukeme ndisaŋa ke okure oro nte ubak utom nkanamde, ndiduŋɔre ediye ufɔk Abasi emi. Ama enehede enem mi ndikut ndise Mary Wanlass ekekotde Carry On nte ɔkɔŋɔde ke ibibene ke ubet-unam-utom matron.

Emi edi mbuk abaŋade ndise oro:

“Ke Missouri ke 1862 Mary Wanlass ekedide isua 14 ama akaŋa ɔnɔ eka esie ekekperede mkpa ke imɔ iyekut ite ke ete esie edide mbuŋɔ ye atta mkpri nditɔ-eka esie inaŋ eyesaŋa ekesim itihede Great Salt Lake. … Mary akawat osio-enaŋ ye enaŋ mmɔŋ-eba emi ekeduride ukpat-ŋkpɔ emi ete esie akanade, onyuŋ ekpeme nditɔ eka … esie. Ke akpatre isaŋ ke usen, enye amanɔ ufɔk mmɔ udia edade mme ikɔŋ-efere, mfri, ye uyo etem. Nkukure ŋkpɔ nwut-usuŋ esie ekedi item enye ɔkɔbɔde ndisaŋa nka usop-utin tutu ntɔŋ akabade obot.

“Mmɔ ema [ekesim] Utah Valley ke September, ke ema ekesaŋa kpukpru spring ye summer Ete esie ama akpa anyan ini mmɔ ema ekeduŋ ke Utah County, ebiet emi Mary ɔkɔdɔde ndɔ onyuŋ enyene ekpuk esie-mmɔŋ.”

Emi edi enyen-nyɔ mbuk emi otode mbuɔt-idem ye nsɔŋɔ-nda ekpri anwan isua 14 emi ekemede ndinwam nnyin mfin “esuk eka iso.”

“Esuk eka iso,”—mme ndikabare ke usem Dutch. Gewoon doorgaan—edi ufiot-ikɔ ete ye eka mi ke ini uwem mmɔ.

Ete ye eka mi, ye mme ukot mi edi mme ebe-iso ke ekpuk nnyin. Mmɔ ema esaŋa ebe eke-mmɔ “anyan-usuŋ,” kpasuk nte kpukpru mbon emi edukde edi Ufɔk-Abasi, okure Jehovah, kpukpru usen Mbuk mmɔ isaŋake ŋkpɔ ye osio-enaŋ mme ukpat-ŋkpɔ edi enyene ukem odudu oro ke emana ini-iso.

Mmɔ ema ekop gospel enyuŋ eduɔk-mmɔŋ ke ini mkparawa mmɔ. Ete ye eka mi ema enyene ɔkpɔsɔŋ ini uyen. Ekebɔk ete mi ke isuɔ Java ke Indonesia Ke ini World War II, ema ediaŋade enye ekpɔŋ ekpuk esie ekesin ke ebiet ekedɔŋde mbon emumde ke ikɔt-ekɔŋ, emi enye ɔkɔbɔde ɔkpɔsɔŋ ufen, ke ini uyen.

Eka mi okokpon ke ufɔk ndɔ amakasuana, okonyuŋ ɔbɔ ufen ɔbiɔŋ ye unana otode world war 11 Ndusuk ini esikisibe nkeŋe udip atta. Etiene mme edinam ete esie ye ndikisio eka esie ndɔ, ɔkɔsɔsɔŋ enye ndikut Ete ke Heaven nte edima Ete.

Ete ye eka mi ekesobo ke usɔrɔ Ufɔk-Abasi, ndien ke esisit ini ema enam ndɔ enyuŋ edian-mmɔ-kiet ke Temple Bern Switzerland. Ke ini mmɔ ekebetde ke ebiet uka-isaŋ train, ema ekebiat akpatre ekpri okuk mmɔ ekenimde ke ndika temple, mmɔ ema ekere nte ididude uwem, edi ema ekop uko ke eyefɔn. Ndien ama edi ntre!

Mmɔ ema etɔŋɔ ubon mmɔ ke atta usuhɔde ekpri ubet ubon ŋkpɔ ke ufɔt Amsterdam. Ema ekeyet ɔfɔŋ mmɔ ke ubɔ ke ediwak isua, mmɔ ema enim okuk ekekem se edade edep machine uyet ɔfɔŋ Mbemiso mmɔ eka ndikidep, bishop ama aka ndise mmɔ, ama ebup oyom etibe eda ebɔp ufɔ-Abasi ke Amsterdam. Mmɔ ema ebiere ndinɔ kpukpru se mmɔ ekenimde enɔ machine uyet ɔfɔŋ enyuŋ ekaiso ndiyet ɔfɔŋ ke ubɔk.

Nte ekpuk nnyin imosobo ye ukut, kpasuk nte mme ekpuk efen. Mmɔ enam nnyin inehede inyene nsɔŋɔ onyuŋ anam mbuotidem nnyin ke Jesus Christ ɔtuŋɔ, kpa nte ini Alma akabuanade mbuk esie ye eyen esie Helaman, ebiet enye ɔkɔdɔhɔde ette eda ye imɔ ke idomo ye afanikɔŋ ekededi koro enye ekesinde mbuɔtidem esie ke Jesus Christ.

Didie ke owo iba emi ekekutde ediwak idomo ke ini uyen mmɔ edikabade edi atta nti ete ami mkpamade ndinyene? Ibɔrɔ edi mmem-mmem: mmɔ ema ewaŋa gospel ɔyɔhɔ-ɔyɔhɔ enyuŋ edu uwem etiene ediomi mmɔ tutu mfin emi!

Akande isua 65 ekedɔ-ndɔ, eka mi, emi ɔkɔdɔŋɔde Alzheimer, ama ebe efep ke February. Ete mi, ke isua emana 92, ke ododuŋ ke ufɔk, ama esikise enye nte ekemede tutu enye ekebe efep. Ini emi ebede enye ama ɔdɔhɔ mkpri nditɔ-eka mi ette ke idiɔk ŋkpɔ ikokutde ite ufen oro ke Indonesia ke World War II ekebeŋe enye idem ebet nditie ke ime mkpeme nwan esie ke ediwak isua ke ini enye ɔkɔdɔŋɔde onyuŋ ememde oto ke idiɔk udɔŋɔ emi ye nko ke eti usen oro enye akayakde ukama esie ɔnɔ mbon efen onyuŋ etre ndidu ke nkaŋ esie aba. Ufiot mmɔ ekedi onyuŋ osuk edi “suk Ka Iso,” ke enyenede atta idorenyin ke Christ ndimenede ke akpatre usen nnyuŋ nduŋ ye Enye ke ubɔŋ ke nsinsi.

Mbuotidem mmɔ ye ikɔ-akpanikɔ edi odudu uwat ɔnɔ emana emi eketienede mmɔ.

Ke obio emi nwan mi ɔkɔkɔride ɔwɔrɔ, ete ye eka esie, emi ekedide nti mme aka ufɔk-Abasi, ema ewaŋa gospel nte ekpri ebe ye nwan ye nwan mi nte eyen-anwan mmɔ edide isua iba ye nte nkukure eyen ke ini oro. Unyime mmɔ ndidi ikɔt Ufok-Abasi Jesus Christ eke Mme Ndisana-Owo Ukperedem Usen enyene akwa odudu ke uwem mmɔ koro mbon obio ye ekpuk ema esin mmɔ. Ama ada ediwak isua, nwed uwut ima enɔde esɔk mbon ekpuk, unam utom nnɔ obio mbemiso edinyime mmɔ ke akpatre.

Ini kiet ete anwan mi ekedide bishop, ema edori enye uyo enyuŋ esɔsɔp edorode enye efep. Ama abiak eka anwan mi eti-eti tutu enye ama ebup ebe esie mme edi se mmɔ ekade iso ke ufɔk-Abasi. Enye ama ɔbɔrɔ ette ke mmɔ eyeka iso eduk ufɔk-Abasi sia midihe ufɔk-Abasi owo, edi edi Ufɔk-Abasi Jesus Christ.

Ama ada ini mbemiso edidiɔŋɔ akpanikɔ ndien ema ekpe ubɔk. Mkpɔ akpakanamde mmɔ ebuŋɔ ama akabade adadian ke odudu ye uko mmɔ.

Nso idi ntak ndusuk nnyin idade ke mbre mbuɔtidem ye ikɔ-akpanikɔ mme ete nnyin emi edide ke kpukpru afanikɔŋ, mmɔ esuk esɔŋ eda? Ndi nnyin ikere ke mmɔ inyeneke nnen-nnen ifiɔk ibaŋa mme ŋkpɔ? Mmɔ ikedihe, owo inyuŋ ibiaŋake mmɔ. Mmɔ ema enyene atta ediwak ifiɔk otode spirit enyuŋ ekeme nditiŋ ye Prophet Joseph, “Ami mma ndiɔŋɔ, … ndien nkemeke ndikaŋ.”

Ndi mbufo imaha ikwɔ oro abaŋade mbon ekɔŋ Helaman, esinede Nwed-ikwɔ Nditɔ-ŋwɔŋ?

Okposuk midihe ntre, nte eka mi okokutde nte ekpri eyen, mbufo emekeme ndidi kiet ke otu “nti ete ye eka emi emade Jehovah” enyuŋ enɔde mbon efen ndinen uwut-ŋkpɔ.

Ndi nnyin imekere ke emi edi atta akpanikɔ ke ini ikwɔŋde? Ndi mbufo emekere ke imɔ itie “nte udim-ekɔŋ Helaman” ndien ke mbufo“eyedi missionaries Abasi eda enɔ ererimbot akpanikɔ Esie”? ami mesikere enye ke ediwak ndaha ke ini nkwɔde ikwɔ emi ke ediwak ndaha eke FSY ye mme eboho iwaad efen.

Midihe nso ke nnyin ikop ke ini ikwɔde “Esɔŋɔ eda ke Akpanikɔ”?

Mbufo mbon emana unwana ke ɔtɔ ekpedodu ye nsutɔ itie ekutde idem mbufo, mbɔk ekpep enyuŋ ebɔ odudu eto mbuɔŋtidem ye ikɔ-akpanikɔ mmɔ emi ekebemde mbufo iso edi. Eyenwam ndinam anwaŋa mbufo ette man ebɔ mme ekɔri ikɔ-akpanikɔ, eyewa idem ndien “nwaidem oro ada mme edidiɔŋ heaven edi.”

Ekerede ebaŋa nwa-idem emi edidiɔŋde uwem mbufo, mbɔk kere nyuŋ bɔŋ akam baŋa ikot edima Prophet nnyin President Russell M. Nelson, ke ini enye ɔkɔdɔhɔde “kpukpru mkpri mkparawa iren emi edotde enyuŋ ekemede, ebeŋe-idem enɔ enyuŋ eka mission. Utom ukwɔrɔ-ikɔ edi ibiɔŋ utom itie oku ɔnɔ mkparawa Ufɔk Abasi. …

Mme … mkpri ŋkaiferi enyenede ukeme, mission ɔfɔn, edi edi nte amadeifet.”

Ekeme ndikot mbufo nte anam-utom mme andikpep Utɔ missionaries iba emi enam utom eyom ukem ibɔrɔ edide ndikɔ ukpɔŋ nnɔ Christ, kpukpru ke nwɔrɔ-nda ye okop-odudu usuŋ mmɔ.

Ke utɔ utom iba emi, mbufo ana ewut Christ ke emema Enye enyuŋ eyom ndidiɔŋɔ Enye ɔfɔn akan. Eti, “koro didie ke owo edidiɔŋɔ etubom emi enye mmikponoke, emi edide esen ɔnɔ enye, emi oyomde usuŋ ɔkpɔŋ ekikere ye uduak esit esie?”

Kpukpru nnyin, ekpedi idi mbon akpa emana ke gospel mme anam ition, ana ibup idem nnyin, Nsutɔ mbuk mbuɔtidem, odudu, nsin-ifik nsinsi uwem ke ami ndiyak nnɔ emana efen?

Yak kpukpru nnyin ika-iso ke ukeme nnyin ndidiɔŋɔ Andinyaŋa nnyin, Jesus Christ, ɔfɔn akan inyuŋ inam Enye edi ufɔt idem nnyin. Enye edi itiat emi anade ibɔp idori man ini ŋkpɔ edisɔŋde, nnyin ikpekeme ndisɔŋɔ nda.

Yak nnyin “isɔŋɔ-ida ke mbuɔŋtidem mme ete nnyin ekekponode, isɔŋɔ-ida ke akpanikɔ emi ekewotde ndinen owo, enɔ item Abasi, ukpɔŋ, esit ye ubɔk, ke nkop-item ye akpanikɔ nnyin iyesɔŋ ida.” Ke enyiŋ Jesus Christ, amen.