Ima Mi kabaŋa Andinyaŋa Edi “Ntak” Mi

Akananam afo omokut ete ke edima prophet nnyin, President Russel M, Nelson, akade iso ɔnɔ ikot ɔsɔk nnyin? Idihe ke mkpa idem, enye ama okot nnyin ete ikpep inyuŋ ikere ibaŋa mme etop eke ebuanade ke mme akwa mbono iba emi ekebede. Ke April 2024, enye eketiŋ ete, “Ami mekere ke mbufo eyekpep mme etop mbono emi ke ofuri mme ɔfiɔŋ emi edide mi.” Ndien, ke October 2024, enye ete: “Ami mbeŋe mbufo nte ekpep mme etop mme etiŋ ikɔ. Eda mmɔ nte ŋkpɔ ndomo nse se idide akpanikɔ ye se midighe ke mme ɔfiɔŋ itiokiet emi edidide.”

Mme ikot emi keme ndidian ye mme ikot prophet emi nnyin ibɔde ke ufuri eyo uwem nnyin, esinede ye ke akpan mbon emi nnyin ibɔde ke mimi mimi isua. Nnyin imikeme ndikop mme ndikere ke mme ikot emi edi mme ŋkpɔ emi iyomde ndidian ke mme ŋwed, ke ntak emi ekekotde nnyin mme ekedɔhɔde ete inam. Edi ekeme ndidu ediwak kabaŋa enye?

Ndikere mbaŋa emi ye kpukpru mme ikot emi ikibɔde, ami meti ŋkpɔ emi nkekpepde ye nkebierede ke anyan ini. Ami medomo ndinam mme ŋkpɔ emi edide akpan ɔnɔ mi ke ntak emi mmade Enye; ami mmema Andinyaŋa nnyin. Emi edi eti ye ata enyene odudu ntak emi ami nnamde se ami nnam, ndien nko eyiride ye emi edi ntak ima mi kabaŋa fi, mme nditɔ eka mi iban ye iren.

Nte eyen eka mbufo, ami mekere ke eyeda mme ikɔ mi nte eti ikot ke ndiyom ndifiɔk unen ke ndida kpukpru ŋkpɔ emi inamde ye ima nnyin kabaŋa Andinyaŋa.

Ndinam emi eyenwam nnyin ifiɔk ata “ntak” asaŋade ye kpukpru ŋkpɔ emi inamde nte mme mbet Andinyaŋa. Emi eyenwam nnyin isɔŋɔ ediyire ediomi nnyin ye Abasi, ndifiɔk edisana ye nsinsi akpanikɔ—nsinsi ye ata akpanikɔ Esie emi midikpuhɔke ke nsinsi. Nsinsi akpanikɔ nte “Koro Abasi akamama ererimbot ntem, tutu Enye osio ikpɔŋ-ikpɔŋ Eyen emi Enye Obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.”

Edi inem nte ndusuk ini ke ntak emi isikade iso inam mme ŋkpɔ emi mmɔ enamde edi mme edu nnyin, nnyin isiyak ndaha edu emi mme mme edinam anam ukeme nnyin ke ndinam mbuɔtidem ke Jesus Christ. Etie nte nnyin isinam mme ŋkpɔ emi ke ntak emi inamde mmɔ ke ediwak isua, ke misehe se mmɔ enamde ke ediyire ediomi nnyin ye Andinyaŋa.

Ke ererimbot nnyin, nnyin isitiŋ enyen ise se nnyin inamde ye ke ndika iso mma utom ye se iduakde. Ke ebiet spirit, nnyin iminyene unen ndika ɔniɔŋ akan ndinam ŋkpɔ mme ndibɔ se ikiduakde otode ke ndifiɔk ntak emi nnyin inamde mmɔ. Edieke nnyin ikemede ndifiɔk nyuŋ nyiri ntak oro ke mme edinam nnyin enyenede ŋkpɔ ndinam ye ima emi inyenede inɔ Andinyaŋa ye Ete eke Heaven nnyin, ke ndida unen emi nnyin iyefiɔk ite ɔkpɔsuk edi nte inamde mme nti ŋkpɔ nte ndinyene mme edinam eke Ufɔk Abasi mme edu-uwem ndien nditum nnam mmɔ edi eti ŋkpɔ, ke ini idiande mmɔ ye “ntak,” eyediɔŋ nnyin ifiɔk ntak. Ididihe ndinam mme nti ɔkpɔ kpɔt mme ndinam mmɔ ɔfɔn; nnyin nko iyenyene mmɔ nnen nnen.

Nte uwut ŋkpɔ, ke ini emi afo ediomode ndikot mme ŋwed abasi, ndibɔŋ akam, mme ebeŋede idem ndinam edinam ke ufɔk emana mme ward fo, ata ekikere edi ndikure mme ŋkpɔ emi? Mme mme edinam emi edi enye, ŋkpɔ utom odu ye afo, ndikure ata se aduakde? Ndi ntak edi ndinam edinam kpɔt ke ntak edide ke nnyin iminam enye ke ediwak isua ndien iwet ke nnyin imikure enye? Mme, ini kiet efen, emi edi ndaha emi nnyin isibɔde ukpep, ndikop, ye ndiyire ye Andinyaŋa?

Mbɔk kubat se ntiŋde kabaŋa mme edinan ye mme edu uwem mme ndiduak ndinam ŋkpɔ ye ndisin ifik ke ndinyene mmɔ; inyeneke se idiɔkde ye emi. Nte ededi, ami mokot mbufo nte ekubɔre esit mbufo ye ekikere enɔ unen ye edidiɔŋ ke ndifiɔk ntak emi inamde kpukpru ŋkpɔ emi ye ntak emi inamde edu ukpono.

Ata eti uwut-ŋkpɔ eke edu-uwen ɔkɔŋɔde ke Christ edi ikot emi President Dallin H. Oaks ɔkɔnɔde kpukpru nnyin ke enyiŋ eke Akpa Presidency. President Oaks etiŋ ete: “Nte nnyin idukde obufa isua emi, yak nnyin ibeŋe idem ibaŋa edinam Easter eke uwa-usio-isop Jesus Christ. … Ke misehe se mbon efen enimde ke akpanikɔ mme enamde, ana nnyin idara Eriset ke mkpa eke odu-uwem Andinyaŋa otode ke ndikpep mme ukpep ŋkpɔ Esie ye ndinwam nnam edu-uwem Eeaster ke ebiet iduŋ nnyin, akpan akpan ke ufɔk emana nnyin.” Nte afo ekemede ndikut, enye idihe ikot ke ndinam edu-uwem kpɔt. Utu ke oro, nnyin ida mme ubono ŋkpɔ emi nte ndaha ke ndikpep ediwak kabaŋa Andinyaŋa ye nditi Eriset ke mkpa Esie.

Nte awakde nnyin ndiyire ntak nnyin ye ima nnyin kabaŋa Andinyaŋa, ntre ke nnyin ikeme ndibɔ se inanade mme se iyomde. President Nelson etiŋ ete, “Sutɔ mbume mme mfina enyenede, ibɔrɔ kpukpru ini esine ke uwem ye ukpep ŋkpɔ Jesus Christ.” Ndien enye afiak ɔnɔ ikot emi, “Kpep ediwak baŋa Uwa usio isop Esie, ima Esie, mbɔm Esie, ndutum Esie, ye mfiak men ndi ikɔ Abasi Esie eke edikɔk ye nkɔri. Enwɔŋɔre etiene Jesus! Etiene Enye!”

Ekere emi ke esit mbufo ye ekikere: Nte mbufo emenim ikot President Nelson ke akpanikɔ ke enyene udɔŋ ke ndinwam nnyin iwet ebiet emi ikemede ndinyene ediwak ifiɔk ye ndikure mme edinam man nnyin ikeme ndinam ikoot otode ke ndiadiana ŋwed nnyin? Mme ndi enye okot nnyin ete ikere ibaŋa mme ndaha nsinsi akpanikɔ ye mme ukpep ŋkpɔ nte unen ke ndifiɔk “ntak” ye ke ndiyire ye ima ediomi Andinyaŋa kabaŋade isaŋ owombet ke uwem nnyin.

Yak ami mmen nwut ukpep emi ndomode nditiŋ. ŋkpɔ kiet, emi edide akpan, ekeme ndidi nte ndikot kpukpru mme etop otode akwa mbono inikiet; ndien, ke ini nkurede, ami nyese ikot emi ke mme udim ikɔ mi ke minamke ŋkpɔ efen nkan se nkekotde. Ami mɔfiɔk ke emi edi ata ɔkpɔsɔŋ, edi idihe abiaŋa. Ntre nko, ediwak nnyin edu ke ufuɔt emi ye akpanikɔ.

Ikot edi ndikpep nnyuŋ ntum nkere mme etop etode akwa mbono inyuŋ ida mmɔ mbiore nnyuŋ mfiɔk se nnyin kiet kiet ikemede ndinam mman ikpuhɔhɔre.

Ke ini nnyin inyimede ikot, ndifiɔk ”ntak” emi etienede enye, nnyin iyinyene ediwak unen ke ndisik mkpere Andinyaŋa. Nnyin iyetiɔŋɔ ndinyene ediwak ndifiɔk oro ke ntak ami mmade Andinyaŋa, ami nyom ndikpep awak mbaŋa Enye ke ndikpep mme ikɔ mme oduwem mme prophet. Ndien ke ntak ami mmade owo efen, ami nyebuana mme ukpep eke mme prophet, asiak uduak, ye mme andiyarare ye mbon efen, ɔtɔŋɔde ye mbon ima mi.

Ke mme uwut ŋkpɔ mbiba, mbufo enam edinen ŋkpɔ. Ke kiet, se iduakde etie nte ke ŋkpɔ emi Ete eke Heaven ye Andinyaŋa ɔnɔde nnyin, emi edide mme etop ebuanade ke akwa mbono. Ͻyɔhɔ ndaha iba owut eti edidiɔŋ eke ndinyene ifiɔk mbaŋa mme ntak emi odude, ɔnɔ usuŋ kee ndifiɔk nsinsi akpanikɔ ye mme edidiɔŋ ekenwɔŋɔde enɔ kpukpru mbon emi enamde mme ukpep-ŋkpɔ ye uwem eke Andinyaŋa nnyin, Jesus Christ, ebiet esede ke uwem mmɔ.

Ndima nditɔ eka irenowo ye iban, ami mme kere ke emekeme ndikop nyuŋ nkut ufɔn eke ediyire mme edinam nnyin ye ima nnyin nnɔ Andinyaŋa. Ke ererimbot emi edide kiet, ediwak uyo eyedomo ndifina mbufo ndien, edieke ememde, enam mbufo enim ete ke ndusuk ata akpanikɔ eke mfiak mendi ikɔ Abasi Jesus Christ inyeneke ufɔn. Mme uyo emi ɔtɔŋɔde ye ata akpanikɔ eke ufɔn kabaŋa mfiak mendi ke mme akpatre usen emi, esinede ntak eke ndinyene obio ubɔŋ Abasi ke isɔŋ, emi Ufɔk Abasi Jesus Christ mme Ndisana Owo ke Ukperedem Usen adade ɔnɔ.

Afo amekeme ndikop mme uyom emi edide ebuana idem ye mbufiɔŋk ye Andinyaŋa ekemde ndien edu ukpono oro mme mfiak mendi Ufɔk Abasi idihe akpan mme idihe eti. Ami mekot mbufo ekusɔp ndida nse mme ndinyene ɔsɔŋɔ otode ke mme ntinusuŋ emi ye ndisɔp nditi se Andinyaŋa ɔdɔhɔde ye ekpepde nnyin totode ke eset—tɔŋɔde ye ima eke Ete eke Heaven ye Jesus Christ kabaŋa nnyin ndien ndiyire ima nnyin nnɔ mmɔ nte ntak ke nditiene mmɔ.

Abasi Ete ye Eyen Esie emaedi enyuŋ etiŋ ikɔ ye Joseph Smith ete afiak ada Ufɔk Abasi Jesus Christ ye nditɔŋɔ ɔyɔhɔ ini, obio ubɔŋ Esie ke isɔŋ. Ke emi, Ufɔk Abasi Jesus Christ mme Ndisana Owo ke Ukperedem Usen edi usuŋ emi enimde otode Ete eke Heaven ke ndinam mme ediomi emi ayakde nnyin ifiak inyɔŋ ufɔk. Ke ntre, nnyin imoyom ikan ebuana idem kpɔt ye Ete eke Heaven ye Eyen Esie; nnyin imiyom eti mme edinam itie-oku otode emi nnyin inamde mme ediomi. Emi ɔnɔ ediyire ediomi ye mmɔ ndien ɔnɔ nnyin unen ke ima ediomi Mmɔ, anamde enye emem ke ndidu ke nkoŋ nkan obio ubɔŋ ke ubɔŋ ekenamde enim enɔ kpukpru mbon emi enamde akpanikɔ ye mbuɔtidem ke ediomi mmɔ.

Ye kpukpru ukeme ke ukpɔŋ mi, ami ntie ntiense kabaŋa edidu ye nduot Abasi eke Andinyaŋa nnyin, Jesus Christ. Enye ama mbufo. Enye ɔfiɔk se itibede ke uwem mbufo. Mme ubɔk Esie atara, enɔde ye ikot “Edi etiene mi, … ndien Ami nyenɔ mbufo nduɔk odudu.”

Ami mmema Andinyaŋa, ndien ima mi kabaŋa Enye edi “Ntak” mi. Ke enyiŋ Jesus Christ, amen.