Ini Ediyak Kpukpru Ŋkpɔ-nnɔ

Ata edisiak eke Ufɔk Abasi Jesus Christ Mme Ndisana Owo Ukperedem Usen ekedi ŋkɔri eke etienede utibede ifiɔk-ukpep. Akpa kotu ifiɔk-ukpep emi eketibe ke akpa isua Duop ke edere-edere New York.

Ke ini-edim isua 1820, ekpri eyeneren ekotde Joseph Smith ama aka ikɔt-eto emi ekperede ufɔkiduŋ esie ndibɔŋ akam. Enye ama enyene mbume kabaŋa erinyaŋa eke ukpɔŋ esie, ndien okoyom “ndidiɔŋɔ ewe ke ofuri [mme ufɔk Abasi] ekedi nnen-nnen, man [enye] ekpediɔŋɔ ewe okpodukde.” Joseph ama onim ke Abasi eyebɔrɔ akam esie onyuŋ ada enye usuŋ.

Mbɔk ti ke Joseph ikibɔŋke akam ndidiɔŋɔ se ikidide nnen-nnen. Edi, enye ɔkɔbɔŋ akam ndidiɔŋɔ se ikidide nnen-nnen man enye ekeme ndinam se idide nnen-nnen. Joseph okobup ke mbuɔtidem ndien onyuŋ ebiere ndinam ŋkpɔ nte asaŋade ye ibɔrɔ emi enye ɔbɔde.

“Ke [ndibɔrɔ] akam [isɔŋesit] esie, Abasi Ete ye Eyen Esie, Jesus Christ, ema ebiɔŋɔre enɔ Joseph enyuŋ etɔŋɔ ‘ndinam kpukpru ŋkpɔ etɔŋɔ ntak efɔn ema’ (Acts 3:21) nte ekebemde iso etiŋ ke Bible. Ke ŋkukut oro, enye ama ekpep ete ke mme ebe-iso Apostle ema ekekpa, Ufɔk Abasi Christ eke Obufa Testament ama osop ke isɔŋ.” Joseph Smith edi-di ŋkpɔ-utom ke edifiak-mmen ukpepŋkpɔ, odudu-unen, ye ediomi ye edinam Ufɔk Abasi Andinyaŋa eke eset ndi inikiet efen.

Joseph ɔsɔŋɔ ete: Ami mma ŋkut Mbiet-owo mbiba, eke uyama ye ubɔŋ mmɔ akande ofuri se ekpetiŋ, adade ke enyɔŋ-ibuot mi ke ofim. Kiet kotu mmɔ etiŋ ikɔ ye ami, okot mi ke enyiŋ onyuŋ ɔdɔhɔ ete, anyan-ubɔk owut kiet eken ete—Emi edi Edima Eyen Mi. Kop Uyo Esie!”

Otode ke ŋkukut ye ikpɔ ifiɔk-ukpep emi eketienede, Joseph Smith edifiɔk ke Abasi ye Jesus Christ ediɔŋɔ enye nte owo, ese-ebaŋa nsinsi erinyaŋa esie, enyuŋ enyene utom enɔ enye ndinam. Enye ekpep ŋko mme akpan ukpepŋkpɔ abaŋa edu, ido, ye mfɔn-ma eke Mbuot-Abasi ndien ke Ete ye Eyen edi ndiaŋade ye isio-isio Owo. Jesus Christ edi ata Eyen Abasi ke spirit ye ke obukidem.

Joseph Smith etiŋ ke Ete Heaven ye Jesus Christ edi mbon emi enyenede ikpɔkidem. Enye ete, “Ete enyene ikpɔkidem eke obuk ye ɔkpɔ ukem nte owo enyenede; Eyen edi ntre; edi Edisana Spirit inyeneke ikpɔkidem obuk ye ɔkpɔ, edi edi mbiet eke Spirit.”

Ami ntiŋ ikɔ-ntiense ke edikidi eke Ete ye Eyen nnɔ Joseph Smith ekedi ntɔŋɔ edinam eke ofuri “edifiak-mmen kpukpru ŋkpɔ ndi emi kpukpru inua mme prophet eketiŋde tɔŋɔ ke eritɔŋɔ ererimbot.”

Udiana ke ibat utibede ifiɔk-ukpep emi akadade ekesim edisiak mfiak-mmen-ndi Ufɔk Abasi Andinyaŋa ekedi erikabare ye ediwɔrɔ ndi eke Ŋwed Mormon.

“Nnyin ika-iso idi ntiense ke ema eno Joseph Smith eno ye odudu Abasi ndikabare nwed eset kiet: Nwed Mormon—Udiana Testament Jesus Christ efen. … Mme ikɔ eke edisana ŋwed emi esin[e] mbuk utom ukwɔrɔ-ikɔ Jesus Christ kotu mbonowo eke Edem Usoputin ke Enye ama Ekeset. [Ŋwed Mormon] ekpeb abaŋa ntak uwem onyuŋ anam ikpɔ ukpepŋkpɔ Christ aŋwaŋa, emi edide akpan-ŋkpɔ ɔnɔ ntak oro. Nte nsaŋa ŋwed Abasi ono Bible, Ŋwed Mormon ɔsɔŋɔ ete ofuri ubonowo edi nditɔ iren ye iban eke edima Ete ke Heaven, ke Enye enyene edisana uduak ɔnɔ uwem nnyin, ndien ke Eyen Esie, Jesus Christ, esitiŋ ikɔ mfin emi ukem nte ekesinamde ke eyo eset.”

Nte mbon Ufɔk Abasi Andinyaŋa emi ekefiakde-emen-edi, Nnyin iminim Bible ndidi ikɔ Abasi ke nte ekabarede enen eketre; nnyin ŋko iminim Ŋwed Mormon ndidi ikɔ Abasi. Ŋwed Mormon edi testament Jesus Christ efen, ɔsɔŋɔde akpanikɔ eke Bible, onyuŋ afiak-emen aŋwaŋa ye nsɔŋurua akpanikɔ emi okosopde ke Bible edi.

Ufɔk Abasi Jesus Christ Mme Ndisana Owo ke Ukperedem Usen ekpep ke akpa Ufɔk Abasi emi Andinyaŋa akasiakde, ye nsasana odudu, ukpepŋkpɔ, ye ediomi ye edinam, ama osop ke isɔŋ. Nte ubak edifiak-mmen ofuri ŋkpɔ ke ukperedem usen emi eketiŋde prophecy ebaŋa, ŋkani prophet ye apostle ke idem mmɔ edinɔ Joseph Smith odudu-unen itie-oku enyuŋ eyak ukpɔhɔde itie-oku enɔ enye. Emi ekedi ibat utibede ifiɔk-ukpep ita emi akadade ekesim ata edisiak mfiak-mmen-ndi Ufɔk Abasi Andinyaŋa.

Odudu itie-oku ayak mme isuŋutom Abasi “ndida-nnɔ [Enye] nyuŋ nam-ŋkpɔ ke enyiŋ Esie.” “Mme ukpɔhɔde itie-oku edi odudu ndida itie-oku nam-ŋkpɔ ke ibuot nditɔ Abasi.”

Ke idak ndausuŋ eke Ete ye Eyen, John the Baptist emi ekesetde ama afiak-emen odudu-unen edinim baptism ke edinyinyin man efen idiɔkŋkpɔ edi ke 1829. Ke ukem isua oro, owo ita eke Akpa mme Apostle Duopeba—Peter, James, ye John—ema efiak-emen ndaha-apostle ye ndadiana odudu itie-oku ye mme ukpɔhɔde edinɔ.

Isua itiokiet ke ema ekesiak Ufɔk Abasi, ke Kirtland Temple, Moses, Elias, ye Elijah ema eyak enɔ Joseph ndadiana odudu emi edidade inam utom Abasi ikure ke ukperedem usen emi.

Moses ediyak mme ukpɔhɔde editaŋ Israel mbook ɔnɔ.

Elias ediyak emana eke gospel Abraham, esinede edifiak-mmen ediomi eke Abraham ndi ɔnɔ.

Elijah ediyak mme ukpɔhɔde odudu edidian, ɔnɔde odudu emi ayakde mme edinam emi enmde ke isɔŋ ndbɔbɔ ke nsinsi, oruk nte ndidian mme ufɔkemana ɔtɔkiet ke nsinsi ebuana emi ebede mkpa ɔnɔ.

Nte Joseph Smith akakabare Ŋwed Mormon, enye edibɔ mme eriyarare owutde ke eyefiak esiak Ufɔk Abasi Jesus Christ. Edi Jehovah eketeme Joseph ete okusiak Ufɔk Abasi ke ndo-ndo oro. Edi, “otode ke spirit prophecy ye eriyarare” Jehovah eriyara ɔnɔ Joseph “ata usen … emi [enye] enyenede nditɔŋɔ edisiak Ufɔk Abasi Esie inikiet [efen] ke isɔŋ.”

Ekesiak Ufɔk Abasi kpɔt ke eti ndaha ke ema ekafiak-emen itie-oku edi enyuŋ emiŋ Ŋwed Mormon esio edi. Mme akpa ibat Ŋwed Mormon ama odu ke March 26, 1830 ndien ekenehede esiak Ufɔk Abasi ke April 6.

“Ufɔk Abasi Jesus Christ Mme Ndisana Owo ke Ukperedem Usen … edi Ufɔk Abasi eke Obufa Testament Christ emi ekefiakde-emen-edi. Ufɔk Abasi ɔkɔŋɔ ke nsana-mma uwem akan itiat-inuk esie, Jesus Christ, ye ke anana-adaŋa Erisio-isop ye ata Eriset Esie. Inikiet efen Jesus Christ ama afiak okot mme Apostle onyuŋ ɔnɔ mmɔ unen itie-oku. Enye okot kpukpru nnyin edi itiene Enye ye Ufɔk Abasi Esie, man ibɔ Edisana Spirit, edinam erinyaŋa, man inyene nsinsi idara.”

Edibiɔŋɔre eke Ete ye Eyen nnɔ Joseph Smith, erikabare ye ediwɔrɔ ndi eke wed Mormon, ye edifiak-mmen unen itie-oku ye ukpɔhɔde ndi ekedi se idotde edibak nam nnɔ edisaikmfiak-mmen-ndi Ufɔk Abasi Ɔbɔŋ ke isua 195 ekebede mfin emi.

Ke Akani Testament, prophet Daniel akakabare ndap kiet abaŋade itiat emi edisibede isio ke akwa-obot emi ubɔk miduhe onyuŋ ɔyɔhɔ ofuri isɔŋ. Isua kiet ke am ekesiak Ufɔk Abasi, Jehovah eteme Joseph Smith ke eyefiak eyak mme ukpɔhɔde eke obio-ubɔŋ “enɔ owo ke isɔŋ ndien gospel [Jesus Christ eye] tara ekesim mme utit isɔŋ, nte itiat emi esibede esio ke akwa-obot emi ubɔk miduhe.”

Ami ntiŋ ikɔ-ntiense ke: Jehovah ke ananam eŋwɔŋɔ Esie ɔwɔrɔ osu. Ke esasiak mfiak-mmen-ndi Ufɔk Abasi Andinyaŋa ke ofuri ererimbot ndien enye edi ŋkpɔ-utom emi Abasi edi “taŋde kpukpru ŋkpɔ ibook ɔtɔkiet ke Christ, mbiba emi edude ke heaven, ye ekedude ke isɔŋ, kpa ke enye.”

Ukperedem utom Jehovah “edi ŋkpɔ-ntibe emi enemde ikɔt Abasi ke ofuri emana; edi ibuot-ikɔ emi mme prophet, oku ye ndidem ekekered ebaŋa ye inemesit, mmo ekese ye idara idorenyin eyom usen oro emi nnyin idude; enyuŋ edara ye ŋkpɔ-enyɔŋ ye ɔyɔhɔ ekikere idara emi mmɔ ekwɔde enyuŋ ewetde enyuŋ etiŋde prophesy ebanga usen nnyin emi.”

Ke akwa ye akpatre eke ofuri eman ikɔ Abasi emi, ofuri ye uyɔhɔ ye mfɔn-mma ebuana, enyuŋ ediade ɔtɔkiet mme emana, ye ukpɔhɔde, ye odudu, ye mme ubɔŋ eneyene ndida itie, ndien ediyarare tɔŋɔ ke mme usen Adam kpa edisim ini idahaemi. Ndien idige emi kpɔt, edi mme ɔkpɔ oro emi akananam owo ikiyarakede tɔŋɔ ke ntɔŋɔ ererimbot … eyeyarade … ke emi, emana eke uyɔhɔ ini.

Prophet Joseph Smith aka-iso anam-aŋwaŋa ete, “Kpukpru mme edinam ye utom emi okoyomde Itie-oku, ke idak ndausuŋ ye ibet eke Abasi Ibom ke emana ekededi, eyenyene kpukpru oro ke akpatre emana, … ndida nam mfiak-mmen-ndi emi eketiŋde eto inua kpukpru Ndisana Prophet.”

Ami mmedomo ndinam mme akpan ukpep eke ata akpan ye enyene-ubɔŋ “eti mbuk“ edi ibiio-ibio ɔnɔ owo ekededi ke ebiet ekededi ke ererimbot ekemede edibɔ—etop oro ke Ɔbɔŋ Jesus Christ akafiakde-emen gospel Esie ye Ufɔk Abasi Esie edi ke mme ukperedem usen.

Ami mmekot kpukpru owo nte edikpep ebaŋa enyuŋ edomo etop emi ese. Ami ŋwɔŋɔ ke mbon edade akam ekot etop Edifiak-mmen-ndi enyuŋ enam-ŋkpɔ ke mbuɔtidem eyebɔ edidiɔŋ [eto odudu Edisana Spirit] man enyene ntiense eke idem mmɔ kabaŋa ifiɔk-ŋkpɔ Abasi esie ye ntak esie ke ndibeŋe ererimbot nnɔ eŋwɔŋɔ Edidi Ɔbɔŋ ye Andinyaŋa nnyin, Jesus Christ Ɔyɔhɔ Ikaba.” Nte afo enehede ɔbɔŋ-akam ye idorenyin ndibɔ nyuŋ nam ŋkpɔ ke ibɔr emi otode Abasi, nte ekpri Joseph Smith akanamde, ukeme fo ndifiɔk nyuŋ nnɔ edisana ntiense oro ibɔrɔ eyekpon.

Ami mmetie ntiense nte ke Abasi, Nsinsi Ete, edi Ete nnyin. Ami ntiŋ ikɔ ntiense ke Jesus Christ edi Edima Eyen eke Ete ye Ikpɔŋ-ikpɔŋ Eyen Esie Ebonde ke obukidem. Enye edi Andinyaŋa ye Andifak nnyin.

Ndien ami mmedara ndi ntiense ke Ete ye Eyen ema ebiɔŋɔre enɔ ekpri-eren Joseph Smith, ntre editɔŋɔ Mfiak-men ikɔ Abasi Andinyaŋa ndi ke ukpere-edem usen emi. Ŋwed Mormon edi testament Jesus Christ efen onyuŋ esine ikɔ Abasi. Unen Itie-oku ndida-nnɔ Andinyaŋa nyuŋ mfiak nam ŋkpɔ ke enyiŋ Esie odu mi ke isɔŋ. Ndien Ufɔk Abasi Jesus Christ Mme Ndisana Owo Ukperedem Usen edi Ufɔk Abasi Christ eke Obufa Testament emi efiakde-emen-edi. Ami nnɔ ata ntiense mi ke kpukpru ɔkpɔ emi edi akpanikɔ ke nsasana enyiŋ Ɔbɔŋ Jesus Christ, amen.