Edisana Unen, Edidibede Mkparawa Irenowo

Sɔsɔŋɔ, Elder Andersen, kabaŋde inem utiŋ ikɔ eke odudu itie oku ye odudu eke Erisio-isop Andinyaŋa.

Usen ubɔk Sunday kiet, ke January emi, nte ami nketiede ke esop sacrament, ema emenere ubɔk enɔ mme iwaad iren awakde akan duopeba ke ndiduk Itie-oku Aaron. Mankop ererimbot okpuhɔre ke idak ikpat nnyin.

Akpa mi iden nte ke ofuri ererimbot, ndaha nkanika ye ndaha nkanika, mme esop sacrament etiede ke oro, ke emenere ubɔk enyime mme deacon tosin duop, mme teacher, ye mme priest esin—nte ufan President Holland ke usenubɔk ke utom itie-oku anamde uniɔŋ ye ubom eke editaŋ Israel mbok.

January kiet kiet, edori mme ubɔk ke ibuot ke esimde mkparawa irenowo 100,000, eyiride mmɔ eto edinam eka uyama udim unen adade aka Edifiak-mmen-ndi eke Joseph ye Oliver, eke John the Baptist ye Jesus Christ.

Idahaemi, eke nnyin idihe ata ufɔk Abasi emi ewutde idem. Mi, nnyin itiŋ ekpri ikɔ.

Edi ke akpan, okutde mme enyene odudu mbufa mmenye itie-oku emi eyɔhɔde ofuri ererimbot, akpa mi idem—ke “ufɔk Abasi idara” oruk usuŋ—edieke owo misiorode mkpo to-to ke enyɔŋ ufɔk. “Mfin,” ami ndikere ke, “akpana nte mme obukpoŋ ye mme ɔsɔŋ uyom akpaŋ-kpaŋ ye edomode mme ikaŋ Rome. Ana nte esaŋa isaŋ!”

Ifiɔkde odudu Abasi ke se enye enehede edi, nnyin ikidi ntiense ke ndutinere eke ererimbot enyenede mfina ke nte unen abasi ɔyɔhɔde isɔŋ.

Mme ndoot ubɔk emi esin mkparawa iren ke utom eyo uwem nte mmɔ ekutde idem mmɔ ke mme ini ye ebiet emi edidu mmɔ ye mme akam ye mme odudu eke itie-oku Abasi mmɔ ekamade anehede edi akpan ŋkpɔ.

Udim edinam emi ekpemede ɔkɔtɔŋɔ ye ukwɔrɔ ikɔ eke angel Abasi ɔkɔdɔŋde. John the baptist akani ini emi ekesetde ama osobo ye Joseph ye Oliver, odori mme ubɔk esie ke ibuot mmɔ, onyuŋ ɔdɔhɔ ete, “Ke ibuot mbufo mme nsaŋa isuŋutom mi, ke enyiŋ Messiah ami mmɔnɔ itie-oku Aaron, emi akamade ukpɔhɔre utom mme angel, ye eke gospel edikabare esit, ye eke uduɔk-mmɔŋ ke ndinyeyin man eda efen ndudue” (Doctrine and Covenants 13:1

John okokot unen emi “Itie-oku Aaron,” etienede eyen eka Moses eren ye andisaŋa kiet itie-oku. Ke eset, mme akama Itie-oku Aaron etienede akana nte ekpep enyuŋ enwam ke mme edinam—edinam emi owukde enyin ese owo mbet ke Messiah ini iso, Ͻbɔŋ Jesus Christ (se Deuteronomy 33:10).

Ŋwed Numbers enehede ɔnɔ mme akama itie-oku Aaron ubiɔŋ utom ndikama mme ŋkpɔ-utom eke mme edinam oro. “Nyuŋ nim Aaron ye nditɔ iren esie … ndien utom mmɔ edidi … okpokoro … ye mme ŋkpɔ-utom ebiet ukpono emi mmɔ edinamde utom” (Numbers 3:10, 31).

Edinam-uwa eke unam ema ekem enyuŋ ekpuhɔre eto ke uwem Andinyaŋa ye Erisio-isop. Ema ekpuhɔre edinam eke eset ye ŋkpɔ emi nnyin idahaemi ikotde sacrament eke udia mbubreyo Ͻbɔŋ.

Ͻbɔŋ ɔnɔ mme akama itie-oku Aaron eyo emi ete enam ukem mme ŋkpɔ emi mmɔ ekenamde ke eset: ndikpep nyuŋ nam mme edinam—kpukpru ke nditi nnyin mbaŋa erisio isop Esie.

Ke ini me deacon, mme teacher, ye mme priest enwamde ye sacrament, mmɔ ebo mme edidiɔŋ esie ukem nte kpukpru owo efen: ke ndinim ediomi emi mmɔ enamde nte mmɔ kiet kiet ediade uyo ye mmɔŋ. Edi ke ndinam mme ndisana utom emi, mmɔ nko ekpep awak kabaŋa mme utom ye ubiɔŋ utom itie-oku.

Ekot Itie-oku Aaron mbeŋeidem itie-oku ke ntak emi mme edinam esie ayakde mmɔ ekop udop utom ebeŋede mmɔ idem ebaŋa utom itie oku edide ke iso, emi edikotde mmɔ ete enam ke mme usuŋ emi owo mikwe—esinede nditiŋ enyene ntuk mme edidiɔŋ ke ini emi idorenyin ye ndap, ndien kpa ke uwem ye mkpa, ɔkɔŋɔre ke ŋkpɔ udomo.

Oruk akpan idorenyin oro oyom akpan mbeŋeidem.

Doctrine ye Covenants etiŋ ete mme deacon ye mme teacher “ena nte edut utɔŋ, enam anwaŋa, enɔ udɔŋ, enyuŋ ekpep, enyuŋ ekot kpukpru owo ete edi etiene Christ” (Doctrine and Covenants 20:59 Ke ndidian ke mme utom emi, mme oku ena nte “ekwɔrɔ ikɔ … enyuŋ eduɔk mmɔŋ” (Doctrine and Covenants 20:50).

Nte ededi, kpukpru oro etie nte ediwak, edi ke ata ererimbot, mme ŋkpɔ emi etibe ke idem mmɔ ye ke ofuri ererimbot.

Bishop kiet ekpep mme mbufa deacon esie mme ubiɔŋ utom mbon deacon presidency. Ntre mkpri mbon eboho ema etɔŋɔ nditiŋ mbaŋa se oro ekemede ndibiet ke eboho mmɔ ye ke ward mmɔ. Mmɔ ebiere ete yak mmimɔ itɔŋɔ ika ikise mme ikpɔ owo ke ward man ekut se mmɔ eyomde ndien ekenam oro.

Kiet ke otu mbon emi mmɔ ekenamde ŋkpɔ enɔ ekedi Alan, ɔkpɔsɔŋ, ediwak ini anana ukpono Abasi, ndusuk ini ekɔŋ-ekɔŋ mbɔhɔiduŋ. Ŋwan Alan, Wanda, ama akabare edi owo Ufɔk Abasi, edi Alan ikidihe, nte itiŋde, esisit utom.

Nte ededi, mme deacon ema eka utom, isehe usɔŋenyin esie, nte mmɔ ekenukde snow ye udɔk enyuŋ etaŋ mbio. Esisɔŋ ndisua mme deacon, ndien Alan ke akpatre ɔtɔŋɔ ndima mmɔ. Ke ndaha kiet mmɔ ekoot enye ete edi ufɔk Abasi.

“Ami mmaha ufɔk Abasi,” enye ɔbɔrɔ.

Nte ededi, “afo amama nnyin,” mmɔ etiŋ. “Ntem di ye nnyin. Afo emekeme mbono eboho nnyin edieke oyomde.”

Ndien ye unyime bishop, enye edi—ndien enye akaiso ndidi.

Mme deacon ekabare mme andikpep, ndien nte mmɔ ekade iso ndinwam enye, enye akpep mmɔ ndinam utom ke moto ye ndibɔp mme ŋkpɔ. Ke ini emi mme deacon ekabare edi mme teacher ekabare priest, Alan okokot mmɔ “nditɔ mi.”

Mmɔ ke akpanikɔ ekebeŋe idem ndika mission ndien ebeŋe mme mmɔ ekeme ndikpep mme ukpep mission ye enye. Enye ama ɔnwɔŋɔ ke enye idikpaŋke utɔŋ inɔ mme ndinim ke akpanikɔ, edi, ihn, mmɔ ekeme ndinam ke ufɔk esie.

Ke ini oro Alan ama ɔdɔŋɔ. Enye ama ɔkpuhɔre.

Ndien usen kiet ke mbono eboho, enye suŋ suŋ obup mmɔ ete ebɔŋ akam enɔ enye man enye etre ndiwɔŋ ikɔŋ, mmɔ ema enam ntre. Ntre mmɔ etiene enye eka ufɔk enyuŋ emen kpukpru mme iko ikɔŋ esie.

Nte ndiɔk idem esie esinde Alan ke mme ufɔk ibɔk ye mme ebiet ukpuhɔ uwem, “nditɔ iren esie” enwamde enye, suŋsuŋ ediwɔrɔ mme odudu eke itie-oku ima mikpaha mba.(se Doctrine and Covenants 121:41).

Utibe ŋkpɔ aka iso ke ini Alan ebeŋede ete eduɔk imɔ mmɔŋ—edi enye ama akpa mbemiso oro etibe. Ke ebeŋe esie, mme deacon esie ekabare mme priest ekedi mbon emi emende ekebe esie ye mme etiŋ ikɔ ke itie mkpa esie, emi mmɔ—edotde—edut utɔŋ, enam anwaŋa, etiŋ, ekpep, enyuŋ ekoot kpukpru ete etiene Christ.

Ndien ke iso, ke temple, enye ekedi kiet ke otu eyen eren Alan emi ɔkɔduɔkde akani president eboho deacon mmɔŋ ɔnɔ Alan.

Kpukpru ŋkpɔ emi John the Baptist ɔkɔdɔhɔde ete enam, mmɔ ema enam. Mmɔ ema enam se mme deacon, mme teacher, ye mme priest enamde ke ofuri Ufɔk Abasi ke ofuri ererimbot.

Kiet ke otu mme ŋkpɔ emi akama itie-oku Aaron enamde edi ndibuana ke edinam sacrament.

Ke isua emi ekebede ami mma nsobo ye akamba bishop ye ŋwan esie. Ke ndiwat nka ke uduɔk mmɔŋ eyen eren mmɔ usenubɔk Saturday mmimmi emi, mmɔ ema ekop akamba ye edisɔp enana edima eyen aŋwan isua iba mmɔ, Tess.

Ke usen ubɔk emi etienede mbon ward mmɔ eboho kabaŋa esop sacrament eyɔhɔde ye ima, ekopde ubiak ke idem mmɔ kabaŋa mkpa ediye ekpri eyen anwan emi. Owo ndomokiet ikikereke ndikut mbon ufɔk emana bishop ke ufɔk Abasi ke usenubɔk oro, edi ekpri ini mbemiso etɔŋɔ esop, mmɔ ema eduk suŋsuŋ enyuŋ etie ke itie mmɔ.

Bishop ɔdɔk ke enyɔŋ mbot asaŋa ebe itie esie ke ufɔt mme ɔnɔitem esie osuhɔhɔre etie ke ufɔt mme oku esie ke okpokoro sacrament.

Ke ini ubiak ye ntaba idap ke okoneyo mbemiso eke ediyom ifiɔk ye emem, enye ama ɔbɔ ekikere emi ufɔk emana esie enehede eyom—ye emi ward esie enehede eyom. Ekedi ndikop uyo bishop mmɔ, president eke Itie-oku Aaron ke ward mmɔ ye ɔfuhɔ-mfuhɔ ete mmɔ, okotde mme enwɔŋɔ ediomi sacrament.

Ntre, ke ini ekemde, enye ɔtɔŋɔ edɔŋ ye mme priest onyuŋ etiŋ ikɔ ɔnɔ ete Esie. Ye ke mfuhɔ edinam oro, enye ama etiŋ usuk mkpɔsɔŋ ikɔ owo ekededi emi enɔde ufaŋ nditiŋ ɔsɔŋ uyom akan ke uwem emi.

Mme ikɔ eke nsinsi ufɔn.

Mme ikɔ eke edinam.

Mme ikɔ ediomi.

Item emi adiande nnyin ye ntak uwem emi—ye ata akamba udori eke uduak Ete eke Heaven kabaŋade nnyin.

Nte afo emekeme ndikere se otuowo ekekopde ke ufɔk oro—se mmɔ ekekerede ke ikɔ emi nnyin ikopde kpukpru Sunday ke mme chapel nnyin?

“O Abasi, Nsinsi Ete, nnyin ibup Fi ke enyiŋ Eyen Fo, Jesus Christ, ndidiɔŋ nnyuŋ nam uyo emi asana ɔnɔ mme ukpɔŋ ofuri owo eke edidiade, man mmɔ ekpedia ke nditi ikpɔkidem Eyen Fo, enyuŋ edi ntiense enɔ Fi, O Abasi, Nsinsi Ete, ete ke mmɔ enyime ndida enyiŋ Eyen Fo ndori ke-idem mmɔ, nnyuŋ nti Enye kpukpru ini nnyuŋ nim mbet Esie emi Enye ɔkɔnɔde mmɔ; man mmɔ ekpenyene Spirit esie ndidu ye mmɔ kpukpru ini. Amen” (Doctrine and Covenants 20:77).

Ndien ntre: “O Abasi, Nsinsi Ete, nnyin ibup Fi ke enyiŋ Eyen Fo, Jesus Christ, ndidiɔŋ nyunŋ nam mmɔŋ emi asana ɔnɔ mme ukpɔŋ ofuri owo eke edinwɔŋde, man mmɔ ekpenam ke nditi iyip Eyen Fo, emi ekeduɔkde enɔ mmɔ; enyuŋ edi ntiense enɔ Fi, O Abasi, Nsinsi Ete, man mmɔ eti enye kpukpru ini, mman mmɔ ekpenyene Spirit esie ndidu ye mmɔ kpukpru ini. Amen” (Doctrine and Covenants 20:79).

Eti ete ye eka emi etie ntiense ete ke enwɔŋɔ oro ama osu. Mmɔ enam, ke akpanikɔ, enɔ nsinsi ndɔŋesit mmɔ, “enyene Spirit esie ndidu ye mmɔ.”

Ami ke nsinsi menemesit nte ke mme akama Itie-oku Aaron, ye mme odudu esie, mme edinam, ye mme utom, ediɔŋ kpukpru nnyin otode ke ukpɔhɔde ukwɔrɔ ikɔ eke mme angel, ye eke ikɔ Abasi ŋkabare esit, ye eke uduɔkmmɔŋ ke edinyeyin kabaŋa erifen ke idiɔkŋkpɔ” (Doctrine and Covenants 13:1 Ke enyiŋ Jesus Christ, amen.