Akwa Mboho
Mbuɔtidem: Ubiɔŋ Akpanikɔ ye Nsukibuot
Akwa Mbono eke Ɔfiɔŋ Inaŋ 2025
11:16

Mbuɔtidem: Ubiɔŋ Akpanikɔ ye Nsukibuot

Otode Elder Sandino Roman

Eke Seventy

Mbuɔtidem ɔtɔŋɔ nte nyin inimde Jesus Christ ke Akpanikɔ onyung ɔtɔt nte nyin inamde akpanikɔ inyuŋ isuk ibuot inɔ Enye.

Ke ini ami nkedide owo isua Efureba, ami mma nnam ediomi ye ufan mi José Luis ndikpep enye nte ewɔkde ewɔk. Ke ntre usenubɔk kiet nnyin ima isio ini inim ndikpep. Kini ukpep nyin okurede ye nte ami nwɔrɔde ke mmɔŋ, ami mma ŋkop nte ufan mi ofioride ŋkpo oyom unwam. Mmɔŋ ekemen enye ke akpatre ntɔtuŋɔ mmɔŋ.

Ami mma ntop idem mi nsin ke mmɔŋ nyuŋ ŋwɔk mbine enye kini nsuk mbɔŋde akam nyom uŋwam. Nte Ami mmumde ubɔk esie man nduri enye ndi obot, ufan mi owo mbrenyin ama ɔdɔk odoro mi ke edem onyuŋ omum mi ke usuŋ emi okpowotde mi. Idahaemi nyin mbiba ke ikpaŋa ke mmɔŋ. Ke ŋwanade ofuri ukeme mi ndisim obot, ami mma mbɔŋ akam ye ofuri odudu nyom utibe-ŋkpɔ nto Abasi. Ekem, suŋ-suŋ edi iyokke, odudu Abasi ama ayarade nte Ami nkopde nte ubɔk kiet onukde mi aka utit mmɔŋ emi mmituŋɔke, ada nnyin aka ubɔhɔ.

Ifiɔk ukpep emi ama ɔsɔŋɔ akwa ukpep emi President Russell M. Nelson eke ekpepde ini kiet ete: “Kini afo oyomde odudu Jehovah ke uwem fo ye ukem nsin ifik emi owo esipde ke mmɔŋ enyenede kini enye anwanade onyuŋ anwanade oyom ofim, odudu emi otode Jesus Christ eyedi okwo.”

Ndima nditɔnwɔŋ ye mme iwaad, mfin ami nyom nditiŋ ikɔ nnɔ mbufo mbaŋa akpan ukpep eke mbuɔtidem ke Jesus Christ.

Mbuɔtidem ke Christ Ɔwɔrɔ Ndinim Enye ke Akpanikɔ

Ndiyene mbuɔtidem ke Christ ɔwɔrɔ nso? Ndi enye ɔwɔrɔ ke nnyin iminim Enye ke akpanikɔ mme ɔwɔrɔ ndinyene ikɔ ntiense nte ke Enye odu? Oro ekeme ndidi ntɔŋɔ, edi enye okpon akan oro. Ndi akananam afo emekere abanga mbuɔtidem nte ndinim ke akpanikɔ? Kere baŋa owo emi afo otimde enim ke akpanikɔ—ekeme ndidi owo ufɔkemana mme ufan. Nso idi ntak emi afo enimde mmɔ ke akpanikɔ? Ntak ekeme ndidi koro afo okutde nsɔŋɔnda ima ye uŋwam mmɔ.

Kini nnnyin inyenede mbuɔtidem ke Christ, nyin ikut mme edidiɔŋ Esie inyuŋ ikɔri ebuana nnyin ye Enye ndinim Enye ke akpanikɔ.

Didie Ke Afo Ekeme Ndinam Ukeme Fo Ndinim Christ Ke Akpanikɔ Okpon?

Ke mbono ntuakibuot mmi-mmi eke mme iwaad, ema ekoot mbufo ete “ekere ebaŋa ini kiet ke uwem fo emi afo ɔkɔbɔde mbukpɔŋ uŋwana emi otode heaven.” Domo utom emi se!

Tɔŋɔ ke ndikere mbaŋa Christ ye inemesit emi Erisio-isop ye ikɔ-Abasi Esie adade edi ke uwem fo. Ŋko, wet mme “nkpɔ editi eke spirit” emi Abasi okodude ye afo, mbon emi afo amade, ye mbon edude ke ŋwed Abasi. Idahaemi, mme ikɔ ntiense emi ididaha odudu idi ke uwem fo tutu Spirit efik mmɔ adian ke “ŋkpɔ-uwet-ŋwed eke” esit fo. Ke ntre kere yuŋ wet kpukpru se Abasi okotimde onim ke itie man utibeŋkpɔ emi ekeme ndidi ke ata eti ini

Udiana, ada utom emi nte eti-ifet kiet ke ndisaŋa Abasi. Bɔŋ akam nɔ Ete eke Heaven fo nte edi ata akpa ini. Tiŋ ima ye esit ekom fo baŋa mme edidiɔŋ Esie. Ndien bup Enye baŋa nte Enye ekerede abaŋa fi ye usuŋ emi uwem fo akade.

Edieke afo enyenede ke esit akpanikɔ onyuŋ osuhɔre idem, afo eyekop ibɔrɔ Esie onyuŋ ɔtɔŋɔ ebuana eke idem ye nsinsi ebuana ye Ete eke Heaven ye Jesus Christ. Ikureke ke oro, edi edu ukpono Abasi fo eye otum ɔfɔn! Nte uwutŋkpɔ, afo eyekut akam fo, ukpep nwedabasi eke idem fo, ye ntuakibuot eke temple nte nti-ifet ndifiɔk Mmɔ nyuŋ ndu ye Mmɔ.

Mbuɔtidem Ɔkɔri ye Nsukibuot

Fiɔk ete ke mbuɔtidem ɔtɔŋɔ nte nyin inimde Jesus Christ ke Akpanikɔ onyung ɔtɔt nte nyin inamde akpanikɔ inyuŋ isuk ibuot inɔ Enye. Edieke afo oyomde eti ebuana ye Christ, wut Enye ke ndinam ediomi nyuŋ mkpono mmɔ ke akpanikɔ ye nsukibuot. Ndinam ediomi ye Jesus Christ ɔbɔp idotenyin. Ndikpono mmɔ ɔbɔp mbuɔtidem.

Yak ami nda uwutŋkpɔ eke idem mi: kini ami nkedide eyen-ɔwɔŋ, ami mma ŋkut nte eka mi atuade eyet ikpɔŋ usen kiet. Kini ami mbupde enye ntak, suŋ-suŋ enye ɔdɔhɔ ete, ami nyom fi edi eti enyen eren. Okposukedi Ami ŋkɔfiɔkde nte ke idihe Ami ndi ntak mfuhɔ esie, Ami mma mma nyuŋ nnim eka mi ke akpanikɔ ŋkan owo efen ndien nyuŋ nyom ndinam uwem esie edi mmem-mmem. Ke ntre, ye mmɔŋ eyet ke enyin mi ye kpukpru nsuhɔresit emi enyen isua usukiet ekemede ndiyene, Ami mma nwɔŋɔ nnɔ enye usen oro nte ke kpukpru ini Ami nyewana ndidi eti enyen eren nyuŋ nnam esit enem enye.

Ndi afo emekeme ndikere mbaŋa odudu enwɔŋɔ oro ekeyenede— osuk enyenede— ke idem mi?

Enwɔŋɔ oro nkenamde nnɔ enye eyeka iso ndida mi usuŋ ke uwem mi. Mbemiso nnam ubiere, Ami nyekere mme edinam mi eyenem enye esit. Ubiɔŋ eŋwɔŋɔ emi ye ebuana ŋkeyenede ye eka mi ekedi ɔsɔŋɔ ɔnɔ ido mi ke ofuri eyo uwem mi.

Ke mme isua ke iso, nte Ami nkeditimde mfiɔk Jesus Christ, Ami mma mfɔfiɔk nte ndoride mbuɔtidem mi ke Enye. Ami mma nnam ediomi ye Jehovah, ndien nte Ami nyomde ndikpono mmɔ, Enye ama efen mme idiɔk nkpɔ mi, ada mi usuŋ ke uwem mi onyuŋ “ɔyɔhɔ mi ye ima esie“ tutu ke ata esit idem mi Christ ama esin mi ke idem ata ntɔtuŋɔ ima, ukpono ye nsukibuot ɔnɔ Enye.

Ndi afo ɔmɔfiɔk ntak emi mbuɔtidem edide akpan-ekikere edinam, ye nte “mbuɔtidem miduhe owo ikemeke ndinem [Abasi] esit”?

Nte afo aŋwanade ndinam se inemde Enye esit, afo eyetiŋ nte Joseph ke isɔŋ Egypt kini ŋwan Potiphar okodomode enye idomo ete, “Ndinam didie nnam akwa idiɔkŋkpɔ emi, nyuŋ ndue Abasi?” Ndien kini afo okutde idomo, afo eyetiŋ nte ekpri Prophet Joseph Smith ete, “Ami mmafiɔk enye, ndien Ami mmafiɔk nte ke Abasi ɔfiɔk, ndien Ami nkemeke ndikaŋ enye… Ami mmafiɔk nte ke ndinam ntre Ami nyedue Abasi .”

Ke ntre mbuɔtidem ke Jesus Christ edi edidiana kiet ke esit akpanikɔ emi akade iso ke nsukibuot ye ima . Ke mme ikɔ efen, ke ndiwut esit ekom mbaŋa mbɔm ima Abasi (hesed), nnyin iwut ima nsukibuot nnyin (emunah) ke ndinim ibet Esie.

Christ ama ɔnwɔŋɔ ete, “Owo eke enyenede mbet mi,onyuŋ onimde mmɔ … ete mi eyema enye, ndien Ami nyeyuŋ mma enye, ndien Ami nyeyarade idem mi nnɔ enye.” Edieke ebierede ndisuk ibuot nnɔ Enye, Enye eyewut fi ima Esie.

Mbuɔtidem ke Ini Ukut

Edi didie ke afo udubɔrɔ ke ini akwa ukut oro oyomde utibenkpɔ Esie? Kini afanikɔŋ miditreke ndidi ndien ndusuk ini onyuŋ edide ŋkpɔ ndik, edi kam sanga ke esit uko tiene Enye, kpa nte ibuot ikɔ mbono FSY eke isua 2025 okootde: “Wuk enyin se mi ke kpukpru ekikere, kuyik, kufehe ndik.”

Didie Ke Afo Ekeme Ndisanŋa Mbine Enye Ke Esit Uko?

Kere ete ke afo edi akaisaŋ-nduŋɔre emi akada ebiet owo mmikaha akpa. Man ɔbɔhɔ mme nkpɔ ubiɔŋɔ emi edude ke iso, ana afo enyene usuŋ ediyenede unwana. Afo ndinam akpanikɔ ye Abasi ye afo ndineme nneme ye Enye kpukpru ini edi aran ɔnɔ utuenikaŋ fo. Ke ntre afo osobode ye ŋkim-ŋkim ye ɔkpɔsɔŋ ndaha ukut, utu ke afo asaŋa ebine mmɔ nnan-nnan, afo eyedomo ikaŋ fo emi ɔyɔhɔde ye aran mbuɔtidem fo ke Christ man esin esisit idotenyin ke usuŋ emi ananade iwuk. Mme ifiɔk ukpep fo eke edem eyenam idorenyin fo okpon ete ke Jehovah eyeŋwam fi ke usuŋ isaŋ fo.

Aka Isaŋ kiet akamade utuenikaŋ

Oyom-usuŋ Didie ke Afo Ekeme Ndika Ye Idotenyin ye Mbuɔtidem Fo Ke Christ?

Ndi emeti mbuk mi ke itie mmɔŋ? Kini unana idotenyin oro, utibeŋkpɔ ama edi ke usuŋ emi Ami nkoyomde, edi Abasi isɔŋɔke ite ke edidi nte nyin iyomde kpukpru ini. Mbuotidem nnyin ana ɔkɔŋɔ ke Jesus Christ ndien idoenyin ke mme edidiɔŋ Esie, nte enye emekde ndinɔ mmɔ. “Eyom utibeŋkpɔ, ” edi “eyak Abasi akan ke uwem nnyin.”

Enwɔŋɔ Abasi ɔnɔde Mbon Mbuɔtidem Ikɔt Esie

Mme mkpri ufan, didie ke nnyin ima inyuŋ inim mbufo ke akpanikɔ! Mbufo esine ke ufɔkemana Abasi enyuŋ edi nditɔ ediomi. “Enim enyuŋ ebuɔtidem ke Jesus Christ. Enye eyewam mbufo ndineghede ndi mbet Esie.

Ami nkoot mbufo nditɔŋɔ mfin emi ndibɔk ebuana mbufo ye Jesus Christ. Nam ubiere ke udukpɔŋke Enye ke nsinsi.

Nsukibuot, ima ye mbuɔtidem fo ke Christ eyenam edu ye uduot fo ofɔn etienede eke Esie. Afo eyenyene uko ye odudu ndikan ekɔŋ Satan. Ndien kini afa anamde ndudue, afo eyeyom mfen-nnɔ Esie. Ke akpatre, idorenyin ini-iso fo eyeyama. Enye eyenɔ fi odudu Esie ndinam ŋkpɔ ekededi emi Enye oyomde oto fi, kpa ye odudu ndifiak nyɔŋ-nka iso Esie.

Ami ntie ntiense mbaŋa idara emi otode ndikwɔ “ikwɔ ima eke erifak” ye “ndisine nsinsi ke ekara ubɔk ima esie.” Ke edisana enyiŋ Jesus Christ, amen.

Mkpri ŋwed

  1. Russell M. Nelson, “Drawing the Power of Jesus Christ into Our Lives,” Liahona, May 2017, 42.

  2. The word faith comes from the Latin fides, which means “to trust” (see Michiel de Vaan, Etymological Dictionary of Latin and the Other Italic Languages [2008], “fido”). The Greek cognate, πίστις, translates as “trusting” (see Robert Beekes, Etymological Dictionary of Greek [2010], 1:1161–62).

  3. “Faith is confidence and trust in Jesus Christ” (Guide to the Scriptures, “Faith,” Gospel Library).

  4. See “Look unto Christ” (worldwide discussion for youth, Jan. 5, 2025), Gospel Library; see also Alexander Dushku, “Pillars and Rays,” Liahona, May 2024, 14–16.

  5. See Neil L. Andersen, “Spiritually Defining Memories,” Liahona, May 2020, 18–22.

  6. See 2 Corinthians 3:2–3; see also Moroni 10:3; Russell M. Nelson, “Hear Him,” Liahona, May 2020, 88–92.

  7. See Ronald A. Rasband, “By Divine Design,” Liahona, Nov. 2017, 55–57.

  8. See Mosiah 2:20–21; Doctrine and Covenants 59:21.

  9. See “Appendix 1: Sixth Theological Lecture on Faith, circa January–May 1835, as Published in Latter Day Saints’ Messenger and Advocate,” 124–25, josephsmithpapers.org.

  10. See Moroni 7:41; see also Stephen M. R. Covey and Rebecca R. Merrill, The Speed of Trust: The One Thing That Changes Everything (2006), 215.

  11. 2 Nephi 4:21.

  12. “God is my friend. In him I shall find comfort. … I desire to be with Christ. I count not my life dear to me [except] to do his will” (Teachings of Presidents of the Church: Joseph Smith [2007], 243–44).

  13. Bible Dictionary, “Faith.”

  14. Hebrews 11:6

  15. See John 8:29.

  16. Genesis 39:9.

  17. Joseph Smith—History 1:25.

  18. President Gordon B. Hinckley taught, “Pray to your Heavenly Father in the name of the Lord Jesus Christ, and always, under all circumstances, by the very nature of your lives show your loyalty and your love” (“Loyalty,” Liahona, May 2003, 60; see also Brent J. Schmidt, Relational Faith: The Transformation and Restoration of Pistis as Knowledge, Trust, Confidence, and Covenantal Faithfulness [2022], 9; Teresa Morgan, Roman Faith and Christian Faith: Pistis and Fides in the Early Roman Empire and Early Churches [2015], 127–28).

  19. See Russell M. Nelson, “The Everlasting Covenant,” Liahona, Oct. 2022, 4–11.

  20. “The Hebrew word for faith is אמונה (emunah) and is an action oriented word meaning ‘support.’ … [It] places the action on the one who ‘supports God.’ It is not a knowing that God will act, but rather I will do what I can to support God. This idea of support for the word emunah can be seen in Exodus 17:12. … It is the support/emunah of Aaron and Hur that held [up] Moses’ arms, not the support/emunah of Moses. When we say, ‘I have faith in God,’ we should be thinking, ‘I will do what I can to support God’” (Jeff A. Benner, “Faith,” Ancient Hebrew Research Center, ancient-hebrew.org).

  21. John 14:21; see also verse 23.

  22. See John 15:9–10.

  23. See Russell M. Nelson, “Drawing the Power of Jesus Christ into Our Lives,” 39–42.

  24. Doctrine and Covenants 6:36.

  25. See Neil L. Andersen, “Faith Is Not by Chance, but by Choice,” Liahona, Nov. 2015, 65–68.

  26. Russell M. Nelson, “The Power of Spiritual Momentum,” Liahona, May 2022, 99.

  27. See Russell M. Nelson, “Let God Prevail,” Liahona, Nov. 2020, 92–95.

  28. See Russell M. Nelson, “Children of the Covenant,” Ensign, May 1995, 32–35.

  29. “Jesus is my friend. None other has given me so much. … I hope that I am deemed worthy of being a friend to Him” (Gordon B. Hinckley, “My Testimony,” Liahona, July 2000, 85).

  30. See John 6:67–68; Doctrine and Covenants 6:20.

  31. See Russell M. Nelson, “Choices for Eternity” (worldwide devotional for young adults, May 15, 2022), Gospel Library; Richard G. Scott, 21 Principles: Divine Truths to Help You Live by the Spirit (2013), 90.

  32. See Alma 48:17.

  33. See Mosiah 4:2; Alma 36:18.

  34. See Thomas S. Monson, “Be of Good Cheer,” Liahona, May 2009, 92.

  35. See Isaiah 58:9; Helaman 10:4–5; Ether 12:30; Moroni 7:33.

  36. See 2 Nephi 25:23.

  37. Alma 5:26; see also Alma 5:9; 26:13.

  38. 2 Nephi 1:15.