Adama sy Eva

I Adama sy i Eva ao amin’ny Saha Edena miaraka amina biby

I Adama sy i Eva no zanaky ny Ray any An-danitra niaina teto an-tany voalohany. Nipetraka tao amin’ny Saha Edena izy ireo.

Navelan’ Andriamanitra hihinana ny voankazo rehetra izy ireo afa-tsy iray ihany. Raha nihinana avy amin’ny hazon’ny fahalalana ny tsara sy ny ratsy izy ireo dia tsy maintsy hiala ny saha ary ho faty amin’ny farany. Saingy nandainga tamin’izy ireo i Satana. Nolazainy fa raha nihinana ny voankazo izy ireo dia hahalala ny tsara sy ny ratsy saingy tsy ho faty.

I Eva maka voankazo avy amin’ny hazon’ny fahalalana ny tsara sy ny ratsy

Nisafidy ny hihinana ilay voankazo i Eva.

Ny tanan’i Eva manolotra ilay voankazo amin’ny tanan’i Adama

Avy eo dia nomeny tamin’ilay voankazo i Adama. Nisafidy ny hihinana izany ihany koa izy.

I Adama sy i Eva miafina ao ambadiky ny kirihitra rehefa niseho ny Ray any An-danitra sy i Jesoa Kristy

Nitsidika azy ireo Andriamanitra sy i Jesoa Kristy, saingy natahotra i Adama sy i Eva ka dia niafina. Nanontany Andriamanitra raha toa ka nihinana voankazo avy tamin’ilay hazo izy ireo.

I Adama sy i Eva manao akanjo fitafiana hoditra ary mandao ny Saha Edena

Nilaza i Adama sy i Eva fa nihinana ilay voankazo izy ireo. Tsy maintsy hiala ny Saha Edena izy ireo izao. Saingy nanana drafitra ho azy ireo Andriamanitra. Izao izy ireo dia nahalala ny zavatra mety sy tsy mety ary afaka nanan-janaka.

I Adama sy i Eva miaraka amin’ny fianakaviany

Nampanantena ny hankatò ny didin’ Andriamanitra i Adama sy i Eva. Nianatra kokoa momba ilay Zanakalahin’ Andriamanitra, dia i Jesoa Kristy, izy ireo. Faly izy ireo satria hanampy ny fianakaviany hiverina indray any amin’ Andriamanitra Izy.