1 Nephi

Buch vum Mormon

Aféierung an Zeien
1 Nephi
2 Nephi
Jakob
Enos
Jarom
Omni
Wierder vum Mormon
Mosiah
Alma
Helaman
3 Nephi
4 Nephi
Mormon
Ether
Moroni

1 Nephi

1. Kapitel
Den Nephi fänkt d’Opzeechnung vu sengem Vollek un—De Lehi gesäit an enger Visioun eng Feier-Sail a liest aus engem Buch vun der Prophezeiung—Hie lueft Gott, erzielt d’Komme vum Messias a prophezeit d’Zerstéierung vu Jerusalem—Hie gëtt vun de Judde verfollegt. Ongeféier 600 v. Chr.
2. Kapitel
De Lehi féiert seng Famill an d’Wüüst beim Roude Mier—Si verloossen hire Besëtz—De Lehi bréngt dem Här en Affer duer an enseignéiert senge Jongen, d’Geboter ze halen—De Laman an de Lemuel grommele géint hire Papp—Den Nephi ass gehorsam a biet am Glawen; den Här schwätzt zu him, an hie gëtt gewielt, fir iwwer seng Bridder ze regéieren. Ongeféier 600 v. Chr.
3. Kapitel
Dem Lehi seng Jonge ginn zeréck op Jerusalem fir d’Placken aus Messeng ze kréien—De Laban refuséiert, d’Placken ofzeginn—Den Nephi ermaant a motivéiert seng Bridder—De Laban klaut hire Besëtz a probéiert si ëmzebréngen—De Laman an de Lemuel schloen den Nephi an de Sam a gi vun engem Engel op d’Plaz gesat. Ongeféier 600–592 v. Chr.
4. Kapitel
Den Nephi bréngt de Laban op Uerder vum Här ëm a kritt dann d’Placken aus Messeng duerch eng Strategie—Den Zoram decidéiert, sech der Famill vum Lehi an der Wüüst unzeschléissen. Ongeféier 600–592 v. Chr.
5. Kapitel
D’Sariah beschwéiert sech iwwert de Lehi—Béid freeën sech iwwer d’Erëmkomme vun hire Jongen—Si bréngen Affer duer—D’Placken aus Messeng enthale Schrëfte vum Moses an de Propheten—D’Placken identifizéieren de Lehi als Nokomme vum Joseph—De Lehi prophezeit iwwert seng Nokommen an d’Erhale vun de Placken. Ongeféier 600–592 v. Chr.
6. Kapitel
Den Nephi schreift iwwer d’Saache vu Gott—Dem Nephi säin Zweck ass et, d’Mënschen ze iwwerzeegen, zum Gott vum Abraham ze kommen a gerett ze ginn. Ongeféier 600–592 v. Chr.
7. Kapitel
D’Jonge vum Lehi kommen zeréck op Jerusalem a invitéieren den Ismael a säin Haushalt, sech hinnen op hirer Rees unzeschléissen—De Laman an anerer rebelléieren—Den Nephi ermaant seng Bridder, un den Här ze gleewen—Si bannen hie mat Seeler a plangen seng Zerstéierung—Hie gëtt duerch d’Muecht vum Glawe befreit—Seng Bridder froen ëm Verzeiung—De Lehi a seng Gesellschaft bréngen Affer, fir ze verbrennen, duer. Ongeféier 600–592 v. Chr.
8. Kapitel
De Lehi gesäit eng Visioun vum Bam vum Liewen—Hie ësst vu senger Fruucht a wënscht, datt seng Famill dat selwecht mécht—Hie gesäit eng Staang aus Eisen, e schmuelen an enke Wee an den Niwwel vun der Däischtert, deen d’Mënschen ëmschléisst—D’Sariah, den Nephi an de Sam iesse vun der Fruucht, awer de Laman an de Lemuel refuséieren. Ongeféier 600–592 v. Chr.
9. Kapitel
Den Nephi mécht zwee Set vu Placken—Allen zwee ginn d’Placke vum Nephi genannt—Déi grouss Placken enthalen eng weltlech Geschicht; déi kleng konzentréieren sech haaptsächlech op helleg Saachen. Ongeféier 600–592 v. Chr.
10. Kapitel
De Lehi seet viraus, datt d’Judde vun de Babylonier gefaange geholl ginn—Hie erzielt vum Komme vun engem Messias, engem Retter, engem Erléiser ënnert de Judden—De Lehi erzielt och vum Komme vun deem, deen d’Lämmche Gottes deefe soll—De Lehi erzielt vum Doud an der Opersteeung vum Messias—Hie vergläicht d’Verstreeën an d’Versammlung vun Israel mat engem Olivebam—Den Nephi schwätzt vum Jong vu Gott, vun der Gab vum Hellege Geescht a vun der Noutwennegkeet vu Gerechtegkeet. Ongeféier 600–592 v. Chr.
11. Kapitel
Den Nephi gesäit de Geescht vum Här a kritt an enger Visioun de Bam vum Liewe gewisen—Hie gesäit d’Mamm vum Jong vu Gott a léiert vun der Erofloossung vu Gott—Hie gesäit d’Daf, den Déngscht an d’Kräizegung vum Lämmche vu Gott—Hie gesäit och d’Beruffung an de geeschtlechen Déngscht vun den Zwielef Apostele vum Lämmchen. Ongeféier 600–592 v. Chr.
12. Kapitel
Den Nephi gesäit an enger Visioun dat versprachent Land; d’Gerechtegkeet, d’Ongerechtegkeet an den Ënnergang vu senge Bewunner; d’Komme vum Lämmche Gottes ënnert hinnen; wéi déi Zwielef Jünger an déi Zwielef Apostelen Israel riichte wäerten; an den eekelhaften an dreckegen Zoustand vun deenen, déi am Onglawe verkommen. Ongeféier 600–592 v. Chr.
13. Kapitel
Den Nephi gesäit an enger Visioun d’Kierch vum Däiwel, déi ënnert den Heide gegrënnt gouf, d’Entdeckung an d’Koloniséierung vun Amerika, de Verloscht vu ville kloren a wäertvollen Deeler vun der Bibel, den doduerch resultéierenden Zoustand vun der Heiden-Apostasie, d’Restauratioun vum Evangelium, d’Entstoe vun der Schrëft vun de leschten Deeg an den Opbau vun Zion. Ongeféier 600–592 v. Chr.
14. Kapitel
En Engel erzielt dem Nephi vun de Seegen an d’Flich, déi op d’Heide falen—Et gëtt nëmmen zwou Kierchen: d’Kierch vum Lämmche Gottes an d’Kierch vum Däiwel—D’Helleger vu Gott an allen Natioune gi vun der grousser an abscheilecher Kierch verfollegt—Den Apostel Johannes wäert iwwert d’Enn vun der Welt schreiwen. Ongeféier 600–592 v. Chr.
15. Kapitel
D’Nokomme vum Lehi sollen d’Evangelium vun den Heiden an de leschten Deeg kréien—D’Versammlung vun Israel gëtt mat engem Olivebam verglach, deem seng natierlech Äscht erëm ageprouft ginn—Den Nephi interpretéiert d’Visioun vum Bam vum Liewen a schwätzt vun der Gerechtegkeet vu Gott, andeems hien déi Béis vun de Gerechten trennt. Ongeféier 600–592 v. Chr.
16. Kapitel
Déi Béis halen d’Wourecht fir haart—D’Jonge vum Lehi bestueden d’Duechtere vum Ismael—De Liahona leet hire Wee an der Wüüst—Botschafte vum Här gi vun Zäit zu Zäit op de Liahona geschriwwen—Den Ismael stierft; seng Famill meckert wéinst hirem Leed. Ongeféier 600–592 v. Chr.
17. Kapitel
Dem Nephi gëtt gebueden, e Schëff ze bauen—Seng Bridder setzen sech him entgéint—Hien ermontert si, andeems hien d’Geschicht vu Gottes Ëmgang mat Israel erzielt—Den Nephi gëtt mat der Muecht vu Gott erfëllt—Seng Bridder dierfen en net beréieren, soss géifen si verwiele wéi en dréchene Grashallem. Ongeféier 592–591 v. Chr.
18. Kapitel
D’Schëff ass fäerdeg—D’Gebuerte vum Jakob a vum Joseph ginn ernimmt—D’Kompanie geet u Bord fir an dat versprachent Land ze fueren—D’Jonge vum Ismael an hir Fraen huelen un der Feierlechkeet an der Rebellioun deel—Den Nephi gëtt gebonnen, an d’Schëff gëtt vun engem schreckleche Stuerm zeréckgedriwwen—Den Nephi gëtt befreit, an duerch säi Gebiet hält de Stuerm op—D’Leit kommen am versprachene Land un. Ongeféier 591–589 v. Chr.
19. Kapitel
Den Nephi mécht Placken aus Äerz a schreift d’Geschicht vu sengem Vollek op—De Gott vun Israel wäert sechshonnert Joren no der Zäit kommen, wou de Lehi Jerusalem verlooss huet—Den Nephi erzielt vu Sengem Leed a Senger Kräizegung—D’Judde wäerte veruecht a verstreet gi, bis an déi lescht Deeg, wou si zum Här zeréckkommen. Ongeféier 588–570 v. Chr.
20. Kapitel
Den Här weist Israel Seng Absichten—Israel gouf am Uewe vum Leed erausgewielt a soll aus Babylon erausgoen—Vergläicht Jesaja 48. Ongeféier 588–570 v. Chr.
21. Kapitel
De Messias wäert e Liicht fir d’Heide sinn a wäert d’Gefaangener befreien—Israel wäert mat Muecht an de leschten Deeg gesammelt ginn—Kinneke wäerten hir Fleege-Pappe sinn—Vergläicht Jesaja 49. Ongeféier 588–570 v. Chr.
22. Kapitel
Israel gëtt iwwer d’ganz Uewerfläch vun der Äerd verstreet—D’Heide wäerten Israel an de leschten Deeg mam Evangelium fleegen an ernären—Israel gëtt gesammelt a gerett, an déi Béis wäerte wéi Stoppele verbrennen—D’Kinnekräich vum Däiwel gëtt zerstéiert, an de Satan gëtt gebonnen. Ongeféier 588–570 v. Chr.