Ang “Pagpahunong [Freeze]” didto sa Ghana

“Usa ka ‘Pagpahunong’ didto sa Ghana,” Mga Istorya sa Doktrina ug mga Pakigsaad (2024)

“Usa ka ‘Pagpahunong’ didto sa Ghana” Mga Istorya sa Doktrina ug mga Pakigsaad

Hunyo 1989 – Nobiyembre 1990

2:59

Ang “Pagpahunong [Freeze]” didto sa Ghana

Pagpabiling matinud-anon samtang ang mga Santos dili mahimong magpundok

Si Alice Johnson ug Hetty Brimah nagpakigbahin sa ebanghelyo sa Koforidua, Ghana.

Si Alice Johnson usa ka misyonaryo nga nag-alagad sa iyang nasod nga natawhan, ang Ghana. Gusto siyang mopakigbahin sa iyang pagpamatuod kang Jesukristo ug pagtabang sa Simbahan nga molambo.

Mga Santos, 4:526–527

Si Alice ug Hetty nakakat-on nga dili na sila mahimong mopakigbahin sa ebanghelyo.

Usa ka adlaw, si Alice nakadawat ug makapaguol nga balita. Ang gobyerno sa Ghana miingon nga wala nay mga miting sa Simbahan. Ang mga misyonaryo dili na makatudlo.

Mga Santos, 4:527

Mga pulis sa gawas sa usa ka sirado nga bilding sa Simbahan.

Ang opisyal sa mga polis mipalayas sa mga misyonaryo sa ilang mga apartment ug miimbargo sa ilang mga bisikleta. Pipila ka mga miyembro sa Simbahan gibalhog sa bilanggoan. Mga sundalo mikandado sa mga bilding sa Simbahan ug walay bisan kinsa nga gitugotan nga mosulod. Gitawag kini sa mga tawo nga “ang pagpahunong [freeze].”

Mga Santos, 4:527

Si Alice mibiya aron mopuyo uban sa usa ka higala.

Ang mga misyonaryo kinahanglang mamauli. Si Alice mipuyo uban sa usa ka higala sa laing lungsod. Nabalaka siya nga dili na niya mahuman ang iyang misyon.

Mga Santos, 4:528

Ang mga Santos sa Ghana naglibog, magul-anon, ug nangahadlok. Naghunahuna sila kon unsa ang ilang nabuhat nga sayop. Makasimba ba sila pag-usab?

Mga Santos, 4:528

Mga Santos nga naghimo og miting sa sakramento sa panimalay.

Bisan og dili sila makapundok uban sa ilang mga ward, ang mga Santos nahigugma gihapon sa Ginoo ug gustong mosimba Kaniya. Sila nagpahigayon og mga panagtigom alang sa sakramento diha sa ilang panimalay. Ang mga sakop sa pamilya kinsa adunay awtoridad sa pagkapari mipanalangin sa pan ug tubig ug mipasa niini ngadto sa tibuok pamilya.

Doktrina ug mga Pakigsaad 6:32; Mga Santos; 4:528

Mga Santos nga nag-uban sa pagpakigbahin sa ebanghelyo sa panimalay.

Kada bulan, nagpadayon ang pagpahunong. Ang mga Santos nanganta og mga himno ug mitudlo sa usag usa sa ebanghelyo diha sa ilang mga panimalay. Nagbisita sila sa usag usa aron sa pagtabang nga mapadayong lig-on ang ilang pagtuo. Gitipigan nila ang ilang ikapulo aron ibayad kon makabalik na sila sa simbahan. Nag-ampo sila ug nagpuasa nga ang pagpahunong [freeze] matapos na.

Mga Santos, 4:550–51

Si Alice nga gidapit na usab sa pagserbisyo og misyon.

Sa kataposan, human sa 18 ka bulan, ang gobyerno mihukom nga ang Simbahan makahimo na usab ug mga miting. Usa ka bag-ong presidente sa misyon mihangyo nga makig-istorya kang Alice, kinsa usa na ka estudyante sa kolehiyo. “Gusto ka ba nga mobalik ug moserbisyo og misyon human sa pag-eskwela?” siya nangutana. “Dili,” siya miingon. “Gusto ko nga moserbisyo karon dayon!”

Mga Santos, 4:551–54

Mga Santos sa Ghana nga mitambong og miting sa Simbahan.

Si Alice ug ang ubang mga Santos malipayon kaayo nga sila makasimba pag-usab! Sa unang Domingo human sa pagpahunong [freeze], ang panagtigom alang sa sakramento milungtad og duha ka oras tungod kay daghan kaayong mga tawo ang gustong mohatag sa ilang mga pagpamatuod. Gisugilon nila sa usag usa kon sa unsang paagi sila gipanalanginan sa Ginoo ug gitabangan nga sila magpadayong lig-on sa ilang pagtuo.

Doktrina ug mga Pakigsaad 20:75; Mga Santos, 4:551