Ang Pamilya Martins

Si Helvécio Martins nagdrayb pauli gikan sa trabaho didto sa Rio de Janeiro, Brazil. Ang dalan puno kaayo sa mga sakyanan nga walay usa kanila nga makapadagan. Gihunahuna ni Helvécio ang iyang kinabuhi. Duna siyay maayo nga trabaho. Gihigugma niya ang iyang asawa, si Rudá, ug ang iyang duha ka anak, si Marcus ug si Marisa. Apan gibati niya nga ingon og dunay kulang.

Mga Santos, 4:304-305

Nanaog si Helvécio sa sakyanan ug nagsugod sa pag-ampo. “Akong Dios,” miingon siya, “nahibalo ako nga ikaw anaa sa usa ka dapit, apan ako wala masayod kon hain.” Iyang gisultihan ang Langitnong Amahan nga ang iyang pamilya nangita og usa ka butang, ug nagkinahanglan sila sa Iyang tabang. Unya si Helvécio misakay og balik sa iyang sakyanan ug mipauli.

Mga Santos, 4:318

Sa wala madugay, ang Ginoo mipadala og mga misyonaryo gikan sa Estados Unidos. Mibisita sila sa Pamilya Martins. Namatikdan ni Helvécio nga nagdala sila ug malinawong espiritu sa iyang balay. Nahibal-an niya nga, niadtong panahona, ang mga tawo nga itom og panit kasagaran dili maayo ang pagtratar kanila sa Estados Unidos. Nangutana siya, “Sa unsang paagi ang inyong relihiyon nagtagad sa mga Itom?”

Mga Santos, 4:293

Ang mga misyonaryo mipasabot nga ang tanang mga anak sa Dios mahimong mabunyagan. Apan nianang higayona, ang mga tawo nga itom nga adunay mga katigulangan gikan sa Africa dili makahupot sa pagkapari o makadawat sa kadaghanan nga mga panalangin sa templo. Si Helvécio ug si Rudá daghan pa og pangutana. Ang mga misyonaryo mihimo sa ilang labing maayo sa pagtubag niini.

Mga Santos, 4:292

Sulod sa daghang katuigan, ang mga propeta nag-ampo aron masayod kanus-a ang pagkapari ug mga panalangin sa templo mahatag ngadto sa tanang katawhan.

Mga Santos, 4:318

Si Helvécio ug si Rudá mihukom mosulay sa pag-adto sa simbahan. Ang mga Santos didto mahigugmaon ug mabination kaayo. Ang pamilyang Martins ganahan sa unsay ilang nakat-onan sa simbahan.

Mga Santos, 4:292–93

Usa ka adlaw, sa pagpauli gikan sa simbahan, gisultihan ni Marcus ang iyang pamilya nga iyang namatikdan nga daw mas malipayon sila. “Nahibalo ako unsay hinungdan niini,” miingon si Marcus. “Ang ebanghelyo ni Jesukristo.” Ang tanan sa pamilya nasayod nga husto si Marcus. Mihukom sila nga magpabunyag ug magpakumpirma.

Mga Santos, 4:251

Paglabay sa mga tuig, ang mga Santos sa Brazil nagkapuliki sa pagtukod og templo. Ang pamilyaang Martins naghinam-hinam, apan sila usab naguol. Dili siya makahimo sa pagsulod sa templo human kini mapahinungod. “Ayaw kabalaka,” si Helvécio misulti kang Rudá. “Ang Ginoo nasayod sa tanan.”

Mga Santos, 4:293­­­–294

Dili sayon ang pagpabiling matinud-anon. Ang ubang tawo nagbugal-bugal sa pamilyang Martins. Bisan ang ilang ubang higala wala nakasabot nganong nagpabilin sila diha sa Simbahan. Apan si Helvécio ug ang iyang pamilya nakahibalo nga kini mao ang Simbahan ni Jesukristo.

Mga Santos, 4:318

Usa ka adlaw niana, sa dihang mipauli si Helvécio gikan sa trabaho, si Rudá miingon, “Aduna koy balita, talagsaong balita!” Human sa daghang pagpuasa ug pag-ampo, ang propeta, si Presidente Spencer W. Kimball, nakadawat og pagpadayag. Ang Dios misulti kaniya nga bisan kinsa, bisan unsa pa ang ilang kolor sa panit, makabaton sa matag panalangin sa pagkapari ug sa templo.

Opisyal nga Pahayag 2; Mga Santos, 4:404–405

Ang pamilyang Martins ug daghan pang uban dugay na nga nagpaabot. Karon ang panahon sa paghulat nahuman na! Si Helvécio ug si Marcus midawat sa pagkapari. Si Helvécio, Rudá, ug ang ilang mga anak naselyo isip pamilya sa templo. Madawat na nila karon ang tanang mga panalangin sa ebanghelyo.

Mga Santos, 4:405–408